مُحكمــــــــــــة..مع الاشيتر

[~Amal~]

مرحبااا استاذ مجدي
والله طولنا طول من المحكمة دي
ارجانا بالاسئلة

[ahmedBolbol]

ناس المحكمة سلام
اسبوع العطاء والتقدير والحب والشكــر لمجـهوداتــ اعضــاء المنتدى
الضيف لهذا الاسبوع النجمة الرائعة والمميزة جدا
الدكتورة فجـــــر
ملتقى الاصدقاء والاحبة
فى انتظار مشاركاتكم

[الدهمشي]

[align=center]المحكمة مقفلة الى حين اشعار اخر[/align]

[ود الخير]

محكمه
هووووووووووووووووووووووووى المحكمه بتفتح خميس جمعه
وبنجرجر الناس جرجره يعنى تتحاكم تتحاكم
اصبرى لى شويه يا مكركبين

[عازفة الحب]

[align=center]ايــوآ موآعيـــد حــلوه ...لكن انــآ بكــون شــآهــده بس .. [/align][/size]

[ود الخير]

[align=center]ايــوآ موآعيـــد حــلوه ...لكن انــآ بكــون شــآهــده بس .. [/align][/size]

هنا لا فى شاهد ولا يحززنون هنا متهمين فقط
المحمه عليكى هى المكتوب يا بت امى

[ود الخير]

فارماس اكرب صدرك وتعال نفتك هنا
وبعدك نجيب البنات المكركبات

[فارماس]

فارماس اكرب صدرك وتعال نفتك هنا
وبعدك نجيب البنات المكركبات

يفتك كلب حاجة السرة

انت سعران ؟

[ود الخير]

يفتك كلب حاجة السرة

انت سعران ؟

يالله خليك شجاع وفالح
فى ناس كتير عايزه تعرفك
وتعرف جوانب كتيره من شخصيتك
(تسمع الشخصيه تقول جاكى شان )
اسمك
وسنك (وضرسك )
مكان السكن والمؤهل الدراسى
واسم الدلع

ما تتجرس نحنا على الهواء والبرنامج دا بيشاهدوهو نا س كتار
وفى ناس كتار دايرين يأخدو حقهم
ما تفضحنا

الزول كان ووقع كتر البتابت عيب ان وقع القدر ما بينفع الجقليب
كع

وممكن تجاوب على السؤال دا ايضا
بتشخر فى النوم

[قمر الليالي]

هي الفار هنا

بسم الله الرحمن الرحيم
والسلام عليكم ورحمة الله وبركاته

1-بتحب تاكل شنو
2-بتحب شنو من العصائر الفريش
3-لون غرفتك شنو
4-رايك شنو في الرياض بكل صراحه
5-لو قالو ليك تمشي منطقه من مناطق السعوديه بتمشي وين تعيد
6-لو لقيت فرصة شغل في السودان بترجع تشتغل هناك
8- لو لقيت وظيفه نفس وظيفتك الهنا في السودان بس بي راتب اقل بترضى
9-ناوي تعرس بتين
10-لامي اسي كم للعرس
11-حبيبتك اسمها منو
12-بتدرس شنو
13-في اي جامعه درسة خطيبتك
14-اوصف لينا شعورك نحو هندسسسسسسسسسسه ومعزتو عندك مثلها لينا في مثال
15-وين اتعرفت انت وهندسسسسسسسسه اول مره
16-كنتو بتتلمو كم مره في الاسبوع انت وهندسسسسسسسسسسه
17-انت درست شنو
18-انت قريت في اي جامعه
19-دخلتها بي رغبتك ولا القيتو وكان رقبتك في اي مجال
20-معدلك في الثانوي كان كم
21-حلمك تعمل شنو في حياتك
22-رايك شنو في المنتدى
23-كلمه توجهها الى صاحب المنتدى
24-اجابيات المنتدى في نظرك
25-سلبيات المنتدى في نظرك
26-بتصلي في المسجد ولا لا
27-اخر مره قريت فيها القران وكم مره بتقراه ((المعدل))
28-بتمشي تصلي التراويح
29-لو بقوك حاكم العالم لمدة يوم حتعمل شنو
30-رايك شنو في انفصال السودان والجنوب


بث
ومتاسفه لو في اسئله اتكررت لاني ما قريتها
ولي عوده

سي يو

[فارماس]

يالله خليك شجاع وفالح

يفلحوك المزارعية

فى ناس كتير عايزه تعرفك


دايرين مني شنو يا ناس

وتعرف جوانب كتيره من شخصيتك

حدد جوانب زي شنو مثلاً ( يجنبوك ناس المرور )


(تسمع الشخصيه تقول جاكى شان )

تجك من هنا لي قوز السلام قول امين

اسمك

موسى ود حماد ود إبراهيم ود إدريس ( الفنجري )

وسنك (وضرسك )

30 سن غير السن المفندرة لي فوق و11 ضرس غير الحشوات

مكان السكن والمؤهل الدراسى

السكن بالجديد ولا القديم

في السودان كوستي مربع 24 جوار طاحونة عمك مرسي

بكلاريوس شمشرة + محاسبة بجامعة النيلين

واسم الدلع

هوانت شفت ليك فار بدلعهو

ما تتجرس نحنا على الهواء والبرنامج دا بيشاهدوهو نا س كتار

كيفن ما نجرس انا الفنجري الجرف الصبور تجرسني اسعلتك دي

نحن علي الهواء الطلق فأرجو من الاخوة والاخوات ان يربطو الاحزمة ويطلقوا المظلات
وفى ناس كتار دايرين يأخدو حقهم

اها الشغلة جابت ليها حق انا ما قاعد اشيل سلف

ما تفضحنا

يفضحوك ناس الجزيرة

الزول كان ووقع كتر البتابت عيب ان وقع القدر ما بينفع الجقليب كع

[align=center]أنا كان عندي والي ولا صاحبي صليح

كان جنزرني ما دام قلبي ماهو نصيـــح

بقيت في صلاتي اتذكر هواها وأصيـح

أنم في الركعتين والباقي أتمو نويـــــح

[/color][/font][/size][/align]

وممكن تجاوب على السؤال دا ايضا

يسعلوك ناس المباحث

بتشخر فى النوم

بشخر شخير جد لمن معاهو كواريك

هندسسسسسه اصبر بس يوم الخميس بتمشي مني وين ؟

[فارماس]

هي الفار هنا
الفار هناااك في الجحر

هلا قمر الليالي
بسم الله الرحمن الرحيم
والسلام عليكم ورحمة الله وبركاته

عليكم السلام ورحمة الله وبركاته والفي جيبك هاتو لو ما عندك الحقي الجماعة الفاتوا
1-بتحب تاكل شنو

بحب آكل أم فتفت فيران مع قليل من الشطة

( مكرونة بالبشميل )

2-بتحب شنو من العصائر الفريش

عصير برتغال

3-لون غرفتك شنو

والله ياختي الدنيا ليل ما شايفو كويس

لكن قبيل بالنهار شفتو لون فوشي
4-رايك شنو في الرياض بكل صراحه

والله الرياض بلد جميلة وحلوة ونضيفة وناسة نضاف بس مليانة بدو
5-لو قالو ليك تمشي منطقه من مناطق السعوديه بتمشي وين تعيد

بمشي الرياض تاني وبعيد في جدة
6-لو لقيت فرصة شغل في السودان بترجع تشتغل هناك

برجع ولا بجري جري عديل

8- لو لقيت وظيفه نفس وظيفتك الهنا في السودان بس بي راتب اقل بترضى

برضي بيها وكفاية انو الواحد يكون في السودان

9-ناوي تعرس بتين

هو انا لو قادر احدد بتلقيني قاعد اطارد مع هندسسسسه من جحر لي جحر

10-لامي اسي كم للعرس

لامي لي حكاية بتاعة 3575 ريال حق الكريمات والباقي بتمو ابو العروس (انا عريس سعن )

11-حبيبتك اسمها منو

حبيبتي ولا مرتي قولي اسمها ام بلينا

12-بتدرس شنو

بتدرس صناعة بيوت وشخيط اراضي (يعني مزارعية )

13-في اي جامعه درسة خطيبتك

لا ادري يمكن جامعة الهرتوم

14-اوصف لينا شعورك نحو هندسسسسسسسسسسه ومعزتو عندك مثلها لينا في مثال

شعور عواليق ساااي معزتو عندي كبيرة خلاص ذي معزتي لي عيوني يا ريت التلجة دي تنفع فيه

15-وين اتعرفت انت وهندسسسسسسسسه اول مره

اتعرفت عليه جمب الكوشة الفي شارع بيتنا كان بلقط في علب صلصة عشان يعمل بيهم عربية يلعب بيها

الراجل قريبي ياخي لكن هو نكرني
16-كنتو بتتلمو كم مره في الاسبوع انت وهندسسسسسسسسسسه

في الاسبوع كنا بنتلم ثلاث مرات لكن هسي في الاسبوع مرة واحدة بس عشان ضغط العمل وكدة

17-انت درست شنو

درست محاسبة

18-انت قريت في اي جامعه

جامعة النيلين

19-دخلتها بي رغبتك ولا القيتو وكان رقبتك في اي مجال

دخلتها بي رغبتي وفي نفس المجال

20-معدلك في الثانوي كان كم

معدلي كان 79%



1-حلمك تعمل شنو في حياتك

اعمل ما يرضي الله ورسوله

22-رايك شنو في المنتدى

المنتدي حلو جداً

23-كلمه توجهها الى صاحب المنتدى

مشكور كتير عمنا صلاح ود يحي ود سليمان

لربطك لنا بهولاء الناس اللذاذ

24-اجابيات المنتدى في نظرك

إيجابيات المنتدي كتيرة ولا يمكن حصرها

25-سلبيات المنتدى في نظرك
لا توجد هناك سلبيات ملموسة

26-بتصلي في المسجد ولا لا

بصراحة ما كل الاوقات في المسجد يعني بعض الاحيان
27-اخر مره قريت فيها القران وكم مره بتقراه ((المعدل))

آخر مرة كانت يوم الجمعة الفاتت بمعدل يوم في الاسبوع
28-بتمشي تصلي التراويح

الله يعود لينا رمضان بصلي التراويح بألتزام
29-لو بقوك حاكم العالم لمدة يوم حتعمل شنو
اول حاجة برمي هندسسسسه في برميل الزبالة
وتاني شي ما بخلي رقبة يهودي لافي الا واجزها ليه جز
30-رايك شنو في انفصال السودان والجنوب
الانفصال ما في مصلحة السودان قد تنتج منه وابل من المشاكل القبلية وحيفتح ثغرة للدول الغربية ويقدم السودان وجبة سهلة الهضم للمستعمر

بث
لا عليك الله زيدي
ومتاسفه لو في اسئله اتكررت لاني ما قريتها
ما دام الاسف يا سكرة
ولي عوده
لو عدتي تاني سكين واحدة بس بجيب خبرك


سي يو
سي يو تو

[قمر الليالي]

يلا جييييييييييييييييييييييييت
بيييييييييييييب بيييييييييييييييب

اممممممممممممممممممم
بسم الله الرحمن الرحيم

نبدا

1-كيف علاقتك مع اهلك ؟؟

2-كم اخ واخت عندك في عائلتك؟؟

3-ما هو ترتيبك بين افراد اسرتك؟؟

4-الى من تميل اكثر من افراد عائلتك ؟؟ (الاب-الام-الاخ-الاخت؟؟)

5-مع اي نوع من الاشخاص تفضل ان تحكي اسرارك؟

6-ما الصفات التي تحب توافرها في .... :
شريكة حياتك؟
اعز الاصدقاء؟
اخ لك في الله؟

7-هواياتك؟؟

8-الرياضات اللي بتحب تمارسها ؟؟

9-اي ساعة بتصحى من النوم وبتين بتنوم غالبا ؟؟

10-شو اكتر شي بتحبه بحياتك ؟؟

11-شخص ترك فيك اثر من صغرك؟؟ مين هوا ؟؟ وشو الاثر اللي تركه فيك ؟؟

12-بتفضل العصائر الطبيعية ولا المشروبات الغازية ؟؟

13-بتفضل اكل المطاعم ولا الاكل الطبيعي ؟؟

14-اسوأ خبر سمعته ؟؟

15-احلى خبر سمعته ؟؟

خلاص
يلا بااااااي
ماشه اتغداء برجع ليك بعدين

سي يو

[محمد نعيم]

الاخ فارماس مساك سكر ياخي

ما شاء الله اسئلة بسيطة وجميلة

تستاهل والجاي اكيد تقيل

كع

[بعد الزمن]

[align=center]فار ماس

هلا وغلا

عندي ليك فرد سعال.............؟؟؟

موقفك من المكيفات (تمباك سجاير )شنوووووووووووو.......؟؟؟
حازم جازم ولا متساهل نايم ........؟؟
والى الملتقى[/align][/color]

[ود الخير]

امانه ما وقع راجل
بالله ما تأخر الواجب

يا ناس الردم الردم


وبحول الله ستستمر المحكمه بكيفنا وبرضوا ما بتطلع براءه
وارجى الراجيك
كع

[بكور]

يا حليلك يا الفار اخوى ... الله يعينك ع هندسسسسسه و الحلبيه

[الدهمشي]

[align=center]ياها دى المحكمة كدىىىى هسع انا قايلها بتطلع الفواتير بتاعت البتاع كنت داير لى فاتورة زواج
التملللللللللللللللللللللللللوووو[/align][/size]

[ود الخير]

كيفك يا رجل يا تلاتينى
(يتلتلوك فى ابو غريب )
وبدون مقدمات

1 متى بتكون فرحان ومتى بتكون زعلان وليه ؟

2 حصل سرحت بى بقر ابليس ؟

3 اماكن فى الزاكره امرق لينا من جو الخيران والحفر ؟

4 تكلم بأسهاب (وتجيب لى كلام يقنعنى ويخش راسى )(مش سطر سطر )


الغربه
العزوبيه
وجع الليل وسهر الليالى
الاحلام
المستقبل و(lbc )
فلسفتك للغربه
الفراغ


5 كتاب حياتى ياعين ما شفت زيوا كتاب الفرح فيه سطرين والباقى كلو عذاب
دا لسان حال بعض الناس ماهو لسان حالك ؟

6قبل فتره توجه فريق فنى (مجموعه فنانات مع فنان ) الى نيجيريا حتى احد الاعضاء اثار الموضوع
اعطينا رايك بكل صراحه ؟

7 انت انفصالى ؟

8 ان كنت مع الوحده ماهو الدور الذى قمت به تجاه جعل الوحده خيار واحد؟

9 لونك السياسى (الله يستر ما يكون عندك عمى الوان)؟

10 ايهما تحب جو المدينه ام هدوء القريه؟

11 بتعرف تعوم (يعنى بالعربى بتسبح )؟

12 انت صياد ماذا ستصطاد؟؟؟

13 حديث نبوى شريف تقف عنده ولماذا؟

14 ايه كريمه فى القران انما يخشى الله من عباده العلماء اشرح

15 بتعرف تسوط عصيده ؟

16 مواصفات شريكه حياتك ؟

17 الفار بيحب ؟؟؟؟؟؟؟؟؟

18 تكلم عن اصدقائك بكل صراحه

شله الرياص
شله جده
شله الخرطوم
شله الخليج
شله المنتدى

19 صليت صلاه عيد الاضحى المبارك ولى كنت نايم؟

20 متى تخلو بنفسك وماهو الحديث الذى يدور ؟

21 ندمان على حاجه عملتها

22 انا شايف اى موضوع فى الراكوبه للونسه والفرفشه والهزل الجميل
ويمكن فى اعضاء كثر لا يعجبهم هذا يعتبرونه هباله وبلاهه
ماهو رايك ؟؟


23 هل ترى ان الكل يمثل على الاخرين ؟

24 خط احمر


25 كلمه اخيره لهذا الجزء


برجع ليك يا ابو رويس بس ما تفز

[عازفة الحب]

[align=center]والله الاخــوان ماقصــروا في الاســئله يافارمـآس..
أنـآ بس بعاين وبقرا وبضحـكـ .. [/align][/size]