كلمات قديمة؟؟

[طائر مهاجر]

[frame="7 80"]

مرقت من الارض آفات ....
لقيتك في مخارج الكلمة
والحجوات .....
سألنا عليك
الفات الفات ...
وفي ديلو مكر السنوات ...
وفي البيت عامل ضكران ...
في جبينو راسم الايمان ...
شهيتنا العافية يا سجمان ...
فتشنا عليك
مداخل الحلة
شليل وين فات
شليل وين فات ....
سكج بكج
عم حسن واقف يتحجج ...
حفرتو شوارع
الحلة ياجنيات ....
واتخيرنا ..... واتحيرنا
عاوز امك ولى ابوك
بقت افكارنا شتات .....
كديس نطاط ......
يالواقف تلهب نبض
الشارع بالكلمات .....
شد واركب
جاييك الهم
يتوسد الآهات ....

وجانا ....

جانا كلب
سكى الاولاد ....
سنونو صفر
مافيها بياض ....
سرق احلامنا
والضحكات ....
ولمن شدت
دخلنا الميس
ولقينا فتات
......

[/frame]

[أيمن]

[poem= font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الطاير المهاجر منى ليك سلام=
كلامك يبقى لى..................=
فى بطنو تانى كلام.............=
ماداير أفسر.....................=
وأصدر الأحكام................=
شليلا جا ........................=
وشليلا فات......................=
دخول الميس....................=
والآفات..........................=
عموما القصيده تمام............=
ياطايرنا هاك القول............=
ورى مأمن ...................=
أرم قدام.........................=[/poem]

[poem=font="Simplified Arabic,6,firebrick,bold,normal" bkcolor="transparent" bkimage="" border="none,4,gray" type=0 line=0 align=right use=ex num="0,black"]
أخى الطائر المهاجر=
لك التحيه قصيده جميله جدا=
أعزرنى لاأدرى لماذا شبهتها=
بلافتات أحمد مطر............=
لعل نفسك فى الطرح مثله=
لك خالص التقدير ..........=[/poem]

[حزن السنين]

[grade="00008B FF6347 008000 4B0082"]اخي / طائر مهاجر
مرحب بيك في انا سوداني و منتظرين منك المزيد من الابداعات و من كلامنا الدارجي
ما تحرومنا من طلتك علينا

دمت بود ،،،[/grade]

[طائر مهاجر]

اخي ايمن ازج اليك عاطر التحيات علها تسبق لهفة اللهفة لابناء بلادي وترقد تحية بملء مساحته تركض اليك فالعدو خلفكم انما شرف لا يضاهيه علو
تحياتي مرة اخرى
احمد مطر مررررررة واحدة
ما للدرجة دي براحة علينا

[طائر مهاجر]

ودمت بود اكثر مع تحياتي لك اخي حزن السنين ولك مني الاف التحيات

[طائر مهاجر]

[align=center]
بقيتي براك
جاييك ملفح بالوجع
مليان
اتحكر فينا
جدد للعذاب
ألوان
وبقيت انا
وعيدان خريفك
للمطر
ولهان
بقيتي براك
اوصافك مابتتشابه
شتتي الذكرى
عمقتي مآسي
قلعتي جزور الفكرة
وبقيتي براك
مابفارقك همك
يامغبونة
بنريدك فطرة
ساسقنا دروبك
يا مسجونة
حنحلك بكرة
وبقيتي براك
رشحتِ حرفك
للوجع غنوات
جاييك الزمن
يتنهد الآهات
مطر الخريف
لملم غمامو وفات
لي متين ولي وين
مشاويرك ضياع
عمرك والزمن
مابين
سلام وصراع
وبقيتي براك
وانا جاييك
في كل المخارج
بفتش فيك
في وهج الحروف
بلقاك
في حلو الكلام
مغناك
في ضو القمر
ممشاك
وهديتك
ومن عمق الذات
اديتك
ومليت زاد
كتبتك لوح
وذكر
وقريت اوراد
الله .......الله
درويش بيناجي
شايلو صفيحة
الدينو معتق
دنياه نصيحة
جاييك بالفال
الفالو مديحه
لي وين لي وين
ماشين لي وين
ماشين لي
ضريحه
ختوك هناك
ورجعو بلاك
مالدنيا شحيحة
الدنيا سواك
عريانة فضيحة
وبقيتي براك[/align]