ماتتزوجو بنات المغتربين نصيحة للشباب

[اروع من الورود]

السلام عليكم الزهرة البيضاء

اول شي عايزة اقول الناس ما كلهم واحد وانك تعممي كل الناس بحاجة وحدة شفتيها او يمكن بتتكلمي وانتي ما شفتي حاجة ده غلط تاني شي انتي مغتربة وعندك بنات صح ولا لأ فكيف تقولي كده؟؟؟

والناس المغتربين ماحناكيش والبتحنكشو ديل اكيد بيكونو زي ماقلتي شقة صغيرة ومكيف فريون
فبحاولو يعملو فيها احسن

لاكن الناس الحالتم المادية عادية فهم بكونو عاديين في تصرفاتهم
والحنكشة دي مرات بتكون طبيعة هو بكون عندو طبع خاص والناس بتشوفا حنكشة

كمان المغتربين زيهم زي ناس السودان لاكن الوضع في السودان غير الوضع برا فهم اكيد لازم حيتأقلمو مع الحتة العايشين فيها

وفي الاخير كده عندي سؤال انتي مغتربة وعندك بنات صح ولا لأ فكيف تقولي كده

واذا ماعندك بالمنطق كده جيبي سبب

ودمتي بود

[اروع من الورود]

واما موضوع الكلام البلدي
انا استغربت لما قلتي الام المفروض تعلم اولادها كلام البلد
اي بلد دا علشان نتعلم كلا
زي يا زول - عيشه - داير شنو - براي - مش قلت ليك - تعال انا دايرك - امشي - قول لي عوك لما تطلع
وكلام ذي دا
انا بشوف دا كلام في قمه الجهل واوع تقولي لي وطن
وانصح اي حد مسافر خارج السودان اول حاجه يعملا قبل الجواز
يدرب روحو انو ما يحكي الكلام السوداني علشان مايقولي دا واحد كمتخلف
شوف بتكلمو كيف واحكي متلهم وبيكالو شنو واكل مثلم وبيركبو شنو واركب مثلهم
دا عشان ما تحس انك غريب
شعينا السوداني دا داير ليهو اقل شي 50 سنه تانيه علشان ينعدل ويوقف علي رجل واحده

اول شي كلامك ده مفروض تخجل منو كيف تقول انك تفتخر انك سوداني وما بتتكلم سوداني

كمان دي لهجة زي اي لهجة تانية وفيها كلمات عادية ماجايبينا من الخيال
وانصيحة دي احسن تخليها لي نفسك

الناس الماعندهم شخصية بضحكو عليهم لما يتكلمو سوداني والظاهر انت منهم

اما انا طول عمري بتكلم سوداني في اي مكان ومع اي زول ولا واحد قدر يفكر يضحك علي او يستهزء لو بحرف واحد


والحمد لله ماعندي التعقيدات بتاعتك دي

[بسمة الحياة]

صباح الخير اختي بسمه الحياه وانشاء الله مبتسمه دائما عن المغتربين زكرتي انو الواحد كيف يرجع السودان وهو ما يستطيع ان يامن السكن والماكل طيب انت مغترب من 15 الى 20 سنه واكيد الاطفال كبرو وصارو شباب واانت بالدارجي كده ما عملت بيت ما عملت اي حاجه يعنى اغتراب من اجل الاكل والشراب فقط ولا عشان شنو مثلا معنى كده انو المغترب ده حا يموت ويدفن هنا ولا كلامى ده ما صحيح طيب الاغتراب من اجل شنو مثلا انا شايفه انو الزول بغترب من اجل تحسين الوضع المادي طيب لو مافي لو مافي كل هزه الاشياء ازا الهدف الاصلي للاغتراب فقد معناه وحاتكون جنيت في حقك وحق اطفالك وهم في النهايه الضحيه هم البواجهو الازله والاهانات بكلام ياسودانى يا عبد وما شابه زلك وانا واحسن الواحد يواجه ظروف الحياه الصعبه في بلده ووسط اهله ولا كلامى ده ما صحيح ؟ والحاجه البتحزن اكثر وبالرغم من الظروف العايشنها بعض السودانين في الغربه بلاحظ انو السودانيات بعد ده كله الواحده تجي سيره السودان تتكلم لا حوله من السودان اف علي السودان انا اعيش في السودان كيف طيب انتي هنا عايشه كيف ؟ عاينى لي نفسك وازكري بلدك بالخير :

اول شي اقول ليك انو ما اي سوداني بغترب عشان يحسن حالو في ناس بتسافر عشان تعيش مجرد انها تاكل وتشرب
بعدين عايزة يرجع بلدو كيف و هو ما عندو مصدر دخل في بلدو و لو عاش ظروف الحياة الصعبة في بلدو يعني هي حتاكلو وتشربو ؟؟!!
وانتي والدك ما اظن كان جابكم من امريكا لو ما اتاكد انو حتعيشو في السودان حياة سعيدة و موفر ليكم كل شي
وما اتوقع ابو حيظلم اولادو ويجني عليهم ويرجعهم السودان عشان بس يعيشو في وطنهم,,
و بعدين النسوان البغيزوك ديل ,, ليهم حق يقولو كده
لانها لمن تقارن الظروف العايشاها في الغربة مع ظروفها اذا مشت السودان بتلقى انو ظروفها هنا احسن وبعدين ده ما فيهو اساءة للسودان

وبرضو ما جاوبتيني بتقصدي بنات السودان مثقفات في شنو والتجارب دي شنو

[الزهرة البيضاء]

اخي سهيلى سعيد اسمح لي اقول ليك انو كلامك ده ان دل فانما يدل علي انك انسان معقد من وطنك من لغتك افتخر بي وطنك بي لغتك في اى مكان في العالم وقول انا سودانى وبقول ليك شنو الانت حاتستفيدو لمن تتكلم مع الناس بي لهجه غير لهجتك ولو انت غيرت لهجتك الى لغه انجليزيه فرنسيه مع انجليز او ماشابه فهزه تانى لغات في العالم ولكن عندما تغير لهجتك الي شكل لهجه عربيه اخري حاتعمل نفسك مضحكه وحايقولو شوفو السوداني كيف بتكلم اعتز بي وطنيتك ولو انت شايف انو السودان متاخراسحب هويتك السودانيه

[ahmedBolbol]

البوست ده مولع نار بس نسئل الله السلامة وكده
الزهرة البيضاء تحياتى وكده
اخبارك ان شاءالله بخير
انا اسه اتنيلت على وشى وعقت على بت مغتربين
والعرس خلاص فى الابواب
اخلع ولا كيف

[ahmedBolbol]

بس بينى وبينك الناس ماكلها واحد ولا شنو يامنقة؟؟
واصابع اليد ما واحده فى الطويل وفى القصير وفى الوسط

[عزالدين محمد]

الدنيا عيد وكل عام والجميع بالف خير ونتمني ان يكون هذا الموضوع للنقاش الجاد ونبتعد ياشباب عن التجريح برضو اعراض الناس ليها حرمة واذا كان هذا البوست سوف يستمر بهذه الشاكلة اقترح علي الادارة حذفه فورا فكل الذين يكتبون هنا اخوة واخوات نحترم مشاعرهم وارائهم والبنات في السودان او مغتربات نعتبرهن اخوات كريمات ولذلك بالله عليكم جميعا حافظوا علي مسافة بين حرية الراي واحترام الخصوصية

[جسور الود]

الدنيا عيد وكل عام والجميع بالف خير ونتمني ان يكون هذا الموضوع للنقاش الجاد ونبتعد ياشباب عن التجريح برضو اعراض الناس ليها حرمة واذا كان هذا البوست سوف يستمر بهذه الشاكلة اقترح علي الادارة حذفه فورا فكل الذين يكتبون هنا اخوة واخوات نحترم مشاعرهم وارائهم والبنات في السودان او مغتربات نعتبرهن اخوات كريمات ولذلك بالله عليكم جميعا حافظوا علي مسافة بين حرية الراي واحترام الخصوصية

[align=center]تسلم اخونا عز الدين ينصر دينك
وبارك الله فيك وفى امثالك
نقول شنو بس ربنا يسامحهم
حسبى الله ونعم الوكيل ,,, وكل سنه وانت بالف خير يارب
جزاك الله عنا كل الخير
مودتى[/align]

[ربوه]

[align=center]الله اكبر عليكم
اسم البوست ( نصيحة ماتتزوجو بنات المغتربين )
جمعتم ...تمشو وين من حقنا صاحب البوست والشاركو ايضا
بالتجريح والكلام الفارغ .. مايلفظ من قول الا لديه رقيب عتيد
غايتو شدو حيلكم حقى مابسامحكم فيه اسالكم منو امام الله يوم القيامه ..
اها يلا نشوف بعدين وعند الله مابيضيع شئ[/align][/size].. عشان تانى ماتجمعوا

[أبو أحمد]

كلامك صاااااااااااااااح والله

[معتز احمد]

طيب اولاد المغتربين كيف مابيمشي الحال

[bent cool]

اللهم صل على محمد وعلى آله وصحبه أجمعين
يااا جماعة صلوووو على البنى
اول حاااجة صرااااحة موضوعك مستفز وكلوووو ما صح
حراام انك تتكلمي كدااا
يعني قصدك شنو عليكى اللة

[bent cool]

البوست ده مولع نار بس نسئل الله السلامة وكده
الزهرة البيضاء تحياتى وكده
اخبارك ان شاءالله بخير
انا اسه اتنيلت على وشى وعقت على بت مغتربين
والعرس خلاص فى الابواب
اخلع ولا كيف

مبروووووووووك بلبل
اقول ليك توكل على اللة

[الدهمشي]

فى ايه ياجماعة ايش الحاصل تانى

[ناري عسل]

ماعارفه والله اقول شنو بس بالجد اسم المووضوع جدا بايخ ومستفز لابعد درجة مع احترامي للكل ..
التعميم غلط لانوو اصابع اليد ماواحده وفي شئ ضحكني لمن ماعرفت امشي وين بنت السودان منفتحة علي ثقافات هههههههههههههههههه ثقافات شنوو دي ممكن نعرفه عشان نتثقف زيهم بس في النهاية احب اقوول اللي مايطووووووووووووووووووووووول العنب ........................................

[قيثارة النيل]

طيب .. الموضوع ما بنات مغتربين ولا غيرو .. قولو لى ليه نسبة الطلاق بقت كبيره وفى زياده .. ولا ديل برضو بنات مغتربين ؟؟..
يا اخوانا الغلط معمم ربنا يصلح الحال .. ان الله لايغير ما بقوم حتى يغيروا ما بأنفسهم الموضوع اكبر من كده ماليهو دخل ببت مغتربين ولا غيرو .. لو حسبناها صح الغلط من التربيه فى الاصل والتنشئه وعدم المسئوليه ..زمان ولدك من يقوم صغير بيكبر مسئول .. وبنتك بتكبر مسئوله عارفه البيها والعليها أما اليوم ؟؟هيهات ...الشباب اللى هم مفروض يقوموا النساء طالما ادوهم حق القوامه .. وييييين شباب زمان..ووين بنات زمان يا اخوانا التربيه التربيه .. الناس بعدت عن الدين ..عاداتنا وتقاليدنا السمحه وين ؟ وربنا يصلح الحال .. ربنا يصلح الحال

[رءوف]

ماعارفه والله اقول شنو بس بالجد اسم المووضوع جدا بايخ ومستفز لابعد درجة مع احترامي للكل ..
التعميم غلط لانوو اصابع اليد ماواحده وفي شئ ضحكني لمن ماعرفت امشي وين بنت السودان منفتحة علي ثقافات هههههههههههههههههه ثقافات شنوو دي ممكن نعرفه عشان نتثقف زيهم بس في النهاية احب اقوول اللي مايطووووووووووووووووووووووول العنب ........................................

انتى يا نكاشة المواضيع
هسى جايبة الموضوع دة لى شنو بس

ثقافات اوروبية ههههههههههههههههه

[dream-lady]

الموضوع ده نكتوهو من وين؟
وانا اقوووووووووووول ايه المبور ناس لموس وعبق؟

يااخوانا صلوا ع النبي البنات ديل تمام ومابتجيكم عوجة تب.....بس ابلعوا حبوب مهدئة وكلو يبقى مية مية

بجدية ونظرة حيادية.....البنت المغتربة تفتقد لكثير من الخبرة في التعامل الاجتماعي وتصريف الاموروالاعتماد على النفس ليس لقصور منها بل للبيئة التي حصرت اجتماعياتها.....يعني فعلا بتقابل ناس كتيرة واجناس متعددة بس اختلاطها بيهم برضو بكون محدود...ولانها في كل صغيرة وكبيرة بتعتمد على اهلها يعني البت لحدت ماتبقى طول امها بتكون مابتعرف تتصرف بدونها....
بس هل ده يعني تخلوها وماتتزوجوها؟ .....مصيرها تتعلم من الايام

[رءوف]

الموضوع ده نكتوهو من وين؟
وانا اقوووووووووووول ايه المبور ناس لموس وعبق؟

يااخوانا صلوا ع النبي البنات ديل تمام ومابتجيكم عوجة تب.....بس ابلعوا حبوب مهدئة وكلو يبقى مية مية

بجدية ونظرة حيادية.....البنت المغتربة تفتقد لكثير من الخبرة في التعامل الاجتماعي وتصريف الاموروالاعتماد على النفس ليس لقصور منها بل للبيئة التي حصرت اجتماعياتها.....يعني فعلا بتقابل ناس كتيرة واجناس متعددة بس اختلاطها بيهم برضو بكون محدود...ولانها في كل صغيرة وكبيرة بتعتمد على اهلها يعني البت لحدت ماتبقى طول امها بتكون مابتعرف تتصرف بدونها....
بس هل ده يعني تخلوها وماتتزوجوها؟ .....مصيرها تتعلم من الايام

ههههه انتى مع منو هسى

[dream-lady]

ههههه انتى مع منو هسى

انا مع بص السيرة

عارف يارءوف انتا بس يشركوا ليك بزفاف تجي داقي الدلجة
ياود ماتستهدى بالله .....حتعرس وتندم كمان