من مكة لى جدة عشان (حلـــة بطـاطـــس )

[رءوف]

انا جاى من السوبر ماركت وشايل لى بصل بى ريال وخبز بى ريال وكيس مكرونة بريالين وحاجات كدة لزوم انا صحيت جيعان وداير لى اى حاجة افرما قلت دى ما بتاخذ ليها وقت تسخن الموية وتضع عليها المكرونة وبعد تغلى تصفى الموية وتضيف عليها البهارات وتاكل ... فجاة التلفون رنة .. يا ساتر هسى ارد كيف ، المهم رديت ... رءوف ..... نعم انت وين مكة ولا جدة ولا ابها ... يهنى انا لو فى جدة مش كان جيت اتعشيت عندكم يا رحاب وخاصة البطاطس بتاعتك ديك .... رحاب قالت لى بالله عجبتك ... قلت ليها عجبتنى وبس انا الى الان بحلم بيها .... خلاص ما عندك مشكلة الجمعة الجاية ح اعمل ليك حلة بطاطس ما تخلص دة كان يوم الاثنين وبقيت احسب فى صوابعى يارب الجمعة تكون بكرة وامشى جدة وعلى طوووووول استلم حلة البطاطس واجى قالب بيها مكة ولم استلمها لازم اختها معاى قدام وكل شوية ابقى اعاين ليها وممكن كمان من جدة اليوم داك ما اتعشى وامر اشترى لى خبز بريال وابدا اكل فيها من جدة لى مكة ...وبقيت اتكلم براى وكل شوية اعاين القى نفسى مديت لسانى لى برة ...لى شنو ما عارف وانا فى خيالى لون ونكهة البطاطس واللحمة باللون الاحمر مطفحة من فوق ...المهم جاء اليوم الموعود وجات الجمعة وطبعا اتصلت على رحاب رد على زوجها مرحب قلت ليهو البطاطس قصدى كيف حالك قالى مرحب بطاطس شنو قلت ليهو عندى عندكم حلة بطاطس وشوية سمعت رحاب بتضحك ..قال ليها رءوف بدل ما يسلم على قال لى بطاطس ... المهم قلت ليها ازيك وهى من الضحك ما قادرة ترد عشان سمعت محادثتى مع زوجها ..يابت اتكلمى وكل ما اقول بطاطس هى تزيد ضحك يا بت ما عندى رصيد رصيدى اتلحس عملى حلة البطاطس ولا لا ...فى الاخر قالت لى يارءوف حلة البطاطس الساعة 10 صباحا قلت ليها عشان ماتنسى بس ...خلاص انا بجى جدة بعد العصر ... للاسف انا نمت ومازلت بحلم بالبطاطس مشيت جدة بعد صلاة العشاء وانا فى مكة اتصلت لا رحاب لازوجها مافى رد قلت امكن الجمعة زيارات وكدة خلينى اوصل جدة واستلم حلة البطاطس المهم ردوا على زى الساعة 11 وقالو لى نحنا معزومين ..طيب وين حلة البطاطس ....قالت الحلة فى التلاجة طيب انتو وين عشان انا اتاخرت لازم انوم فى مكة عشان الشغل ... على كيفك لو عاوز تجى تاخذ المفتاح تعال شيل الحلة وسيب لينا المفتاح تحت الباب ....طيب وصفو لى .....عارفين العزومة بتاعتهم كانت وين ؟؟؟ فى قاعة فى الرحيلى يعنى 20 كيلو برة جدة و20 كيلو راجع و50 كيلو لى مكة يعنى انا اوصل مكة 2 صباحا بس الزعل وتخيلات حلى البطاطس كانت اقوى من التعب ...مشيت اخذت المفتاح وانا زعلان وجيت فتحت البيت وعلى طووووول على التلاجة لقيت 4 حلل كل ما افتح واحدة مش بطاطس اخر حلة وانا فى حالة انهيار تام مديت ايدى بالراحة وفتحتها هههههههه القى ليك البطاطس مطفحة ونفس الشكل فى اللحظة ديك بقيت زى الشافع لم ابوهو اجيب ليهو لعبة وعلى طوووول السيارة ......... وصلت مكة وقعدت بى ملابسى نص الغرفة وعينكم ما تشوف الا النور .... بعد ما اكلت قلت الحمد لله جنس بشتنة يالعزابة ،،،،، وكاااااااك يالشمالى

[محمد نعيم]

هع

خلاص يا رءوف بطاطه ما عندك مشكلة جيتنا للحج بنجيب ليك قدرة كاملة

كع

[أبو صديق]

والله يا رءوف حالتك مستعصية وصعبّت علي ّ يا ود أمّي ومفروض تشوف ليك حلّه من المنتدي ده
قصدي واحده من حلاوات المنتدي ده وتريحك من الشلهته كاااااااااااك والمساسقه وتحمّر ليك البطاطس..

[محمد نعيم]

والله يا رءوف حالتك مستعصية وصعبّت علي ّ يا ود أمّي ومفروض تشوف ليك حلّه من المنتدي ده
قصدي واحده من حلاوات المنتدي ده وتريحك من الشلهته كاااااااااااك والمساسقه وتحمّر ليك البطاطس..

هع

يا حاج الزول دا قدم ليهن قبل كدا كريسيدا رفضن

عايزهن يرضن بحلة بطاطس؟

[أبو صديق]

هع

يا حاج الزول دا قدم ليهن قبل كدا كريسيدا رفضن

عايزهن يرضن بحلة بطاطس؟

هاهاهاهاهااااااااااااي
إفراج مؤقت
أنا أري أن البطاطس أقرب طريق لقلب الحبيب رءوف

[ام مودة]

والله يارؤوف حالتك صعبه تمشى من مكه لى جدة عشان حله بطاطس خلاص انا هاارسل ليك حلة بطاطس مع مرسال الشوق لمن يجى السودان

[الشمالي]

والله ياا روءف اخوي من الضحك عيوني اتملو دمووع وما قادر اشوف الكيبورد , غايتو جنس حالة لا تسر عدو ولا صديق كااااااااااك , قلت لي الكلام ده يوم الاثنين وبقيت تحسب في صوابعك وياربي الجمعة بكرة غااااغ باقي الجمعة عندكم يوم التلاتاء , ما كانت حلة بطاطس دي , لكن بيني بينك العزوبية كعبة وحارة وتقلب الخميس سبت وماك طالبني حليفة انا مشيت 390 كيلو من الرياض الي بريدة عشان قدح ويكااااب وطوووول الطريق المض في خشمي وامني نفسي بالقدح , بالله لما جابو لي القدح وختو قدامي اول حاجة صنقرت نص القرفة وختيت يدي فوووق راسي وحضنت القدح وقعدت اجعر بطول حسي الجماعة فكو من الصحن بالمطافي وبعد داك لقيت لي عود هول ود النعيم مسكت العود وعزفت وعنيت للويكاب اغنية اربعة سنين عاشم الحب وعشرة شهور وغيب وتعال تلقانا نحن يااانا نحن غااااغ لكن بصراحة القدح استحق الاحتفالية دي كاااااااك
وما تحرمنا من بطاطسك دي ياااروءف غاااااااااااغ

[اريج محمد]

انا جاى من السوبر ماركت وشايل لى بصل بى ريال وخبز بى ريال وكيس مكرونة بريالين وحاجات كدة لزوم انا صحيت جيعان وداير لى اى حاجة افرما قلت دى ما بتاخذ ليها وقت تسخن الموية وتضع عليها المكرونة وبعد تغلى تصفى الموية وتضيف عليها البهارات وتاكل ... فجاة التلفون رنة .. يا ساتر هسى ارد كيف ، المهم رديت ... رءوف ..... نعم انت وين مكة ولا جدة ولا ابها ... يهنى انا لو فى جدة مش كان جيت اتعشيت عندكم يا رحاب وخاصة البطاطس بتاعتك ديك .... رحاب قالت لى بالله عجبتك ... قلت ليها عجبتنى وبس انا الى الان بحلم بيها .... خلاص ما عندك مشكلة الجمعة الجاية ح اعمل ليك حلة بطاطس ما تخلص دة كان يوم الاثنين وبقيت احسب فى صوابعى يارب الجمعة تكون بكرة وامشى جدة وعلى طوووووول استلم حلة البطاطس واجى قالب بيها مكة ولم استلمها لازم اختها معاى قدام وكل شوية ابقى اعاين ليها وممكن كمان من جدة اليوم داك ما اتعشى وامر اشترى لى خبز بريال وابدا اكل فيها من جدة لى مكة ...وبقيت اتكلم براى وكل شوية اعاين القى نفسى مديت لسانى لى برة ...لى شنو ما عارف وانا فى خيالى لون ونكهة البطاطس واللحمة باللون الاحمر مطفحة من فوق ...المهم جاء اليوم الموعود وجات الجمعة وطبعا اتصلت على رحاب رد على زوجها مرحب قلت ليهو البطاطس قصدى كيف حالك قالى مرحب بطاطس شنو قلت ليهو عندى عندكم حلة بطاطس وشوية سمعت رحاب بتضحك ..قال ليها رءوف بدل ما يسلم على قال لى بطاطس ... المهم قلت ليها ازيك وهى من الضحك ما قادرة ترد عشان سمعت محادثتى مع زوجها ..يابت اتكلمى وكل ما اقول بطاطس هى تزيد ضحك يا بت ما عندى رصيد رصيدى اتلحس عملى حلة البطاطس ولا لا ...فى الاخر قالت لى يارءوف حلة البطاطس الساعة 10 صباحا قلت ليها عشان ماتنسى بس ...خلاص انا بجى جدة بعد العصر ... للاسف انا نمت ومازلت بحلم بالبطاطس مشيت جدة بعد صلاة العشاء وانا فى مكة اتصلت لا رحاب لازوجها مافى رد قلت امكن الجمعة زيارات وكدة خلينى اوصل جدة واستلم حلة البطاطس المهم ردوا على زى الساعة 11 وقالو لى نحنا معزومين ..طيب وين حلة البطاطس ....قالت الحلة فى التلاجة طيب انتو وين عشان انا اتاخرت لازم انوم فى مكة عشان الشغل ... على كيفك لو عاوز تجى تاخذ المفتاح تعال شيل الحلة وسيب لينا المفتاح تحت الباب ....طيب وصفو لى .....عارفين العزومة بتاعتهم كانت وين ؟؟؟ فى قاعة فى الرحيلى يعنى 20 كيلو برة جدة و20 كيلو راجع و50 كيلو لى مكة يعنى انا اوصل مكة 2 صباحا بس الزعل وتخيلات حلى البطاطس كانت اقوى من التعب ...مشيت اخذت المفتاح وانا زعلان وجيت فتحت البيت وعلى طووووول على التلاجة لقيت 4 حلل كل ما افتح واحدة مش بطاطس اخر حلة وانا فى حالة انهيار تام مديت ايدى بالراحة وفتحتها هههههههه القى ليك البطاطس مطفحة ونفس الشكل فى اللحظة ديك بقيت زى الشافع لم ابوهو اجيب ليهو لعبة وعلى طوووول السيارة ......... وصلت مكة وقعدت بى ملابسى نص الغرفة وعينكم ما تشوف الا النور .... بعد ما اكلت قلت الحمد لله جنس بشتنة يالعزابة ،،،،، وكاااااااك يالشمالى

ههههههههههههههههههههههههههه

[رءوف]

هع

خلاص يا رءوف بطاطه ما عندك مشكلة جيتنا للحج بنجيب ليك قدرة كاملة

كع

يعنى اركب اجى القصيم عشان بطاطا وبعدين تطلع ملاح ويكاب زى بتاعة الشمالى الكان يجوعر

ياخى احمدو الله انتو المتزوجين ديل ..........انشاء الله تانى ماتضوقوهو

[رءوف]

والله يا رءوف حالتك مستعصية وصعبّت علي ّ يا ود أمّي ومفروض تشوف ليك حلّه من المنتدي ده
قصدي واحده من حلاوات المنتدي ده وتريحك من الشلهته كاااااااااااك والمساسقه وتحمّر ليك البطاطس..

منو ديل ...بنات المنتدى دة؟؟
يا بوى ديل غير الوجبات السريعة ما بعرفو شى اقوم اجيب لى واحجة من الحنكوشات ديل اقول ليها اعملى لى ملاح ام تكشو تقول لى لو سمحت اتكلم عربى يا خى فكنا بالله

[رءوف]

هع

يا حاج الزول دا قدم ليهن قبل كدا كريسيدا رفضن

عايزهن يرضن بحلة بطاطس؟

انا لو عرست من الحنكوشات ديل الا ابقى كوارع

[رءوف]

هاهاهاهاهااااااااااااي
إفراج مؤقت
أنا أري أن البطاطس أقرب طريق لقلب الحبيب رءوف

ههههه ما بتتذكر قبل كدة حكيت ليك لم واحد صاحبى عزموهو وقال لى تمشى معاى هههههه
جابو اللحمة شوية وانا بحب اللحمة فقمت قلت لى صاحب البيت (انا اسمو مابعرفو) لو سمحت جيب لينا لحمة وكل الناس سمعوا ههههه تخيل الراجل مشى الجزارة فى الحى جاب 2 كيلو ..ولم اتاخر قلت ليهو يعنى نغسل ايدينا ولا شنو ؟؟ الزول حمر فوقى قرب ادينى كف قال لى اصبر اللحمة فى النار

بصراحة انا الاكل عندى اهم من العرس زاتوووووو

[رءوف]

والله يارؤوف حالتك صعبه تمشى من مكه لى جدة عشان حله بطاطس خلاص انا هاارسل ليك حلة بطاطس مع مرسال الشوق لمن يجى السودان

مافى مشكلة بس اوعى تديها مرسال دة عشان ح يلحسها والله حته فيها ما القاها
انا بجى السودان ما بعيد

ام مودة اخبارك والله مشتاقون 2 كيلو ونص

[رءوف]

والله ياا روءف اخوي من الضحك عيوني اتملو دمووع وما قادر اشوف الكيبورد , غايتو جنس حالة لا تسر عدو ولا صديق كااااااااااك , قلت لي الكلام ده يوم الاثنين وبقيت تحسب في صوابعك وياربي الجمعة بكرة غااااغ باقي الجمعة عندكم يوم التلاتاء , ما كانت حلة بطاطس دي , لكن بيني بينك العزوبية كعبة وحارة وتقلب الخميس سبت وماك طالبني حليفة انا مشيت 390 كيلو من الرياض الي بريدة عشان قدح ويكااااب وطوووول الطريق المض في خشمي وامني نفسي بالقدح , بالله لما جابو لي القدح وختو قدامي اول حاجة صنقرت نص القرفة وختيت يدي فوووق راسي وحضنت القدح وقعدت اجعر بطول حسي الجماعة فكو من الصحن بالمطافي وبعد داك لقيت لي عود هول ود النعيم مسكت العود وعزفت وعنيت للويكاب اغنية اربعة سنين عاشم الحب وعشرة شهور وغيب وتعال تلقانا نحن يااانا نحن غااااغ لكن بصراحة القدح استحق الاحتفالية دي كاااااااك
وما تحرمنا من بطاطسك دي ياااروءف غاااااااااااغ

هههههههههااااااااااااااااااى
بس انتو ما سالتونى الحلة دى قعدت معاى قدر شنو
بالملعقة يا معلم وجيب الخبزاية وامسح والحس
الله لكين للاسف الحلة كملت بس طعمها لى هسى قاعد وكاااااااااااااااااااك عرس مافى يابهية

[رءوف]

ههههههههههههههههههههههههههه

اريج بتعرفى تعملى ملاح نعيمية ؟؟

[ود الخير]

انعل ابو دى حله ......................

[راشد ود نادوس]

هههههههههههههههه العرض الأول كان عربيه والعرض زالثانى حله بطاطس أها العرض الجاى ح
يكون شنو وبرض عرسسسسسسسسسسسسسسسسس مافى وكاااااااااااااااااااك

[ملاك الورد]

هههههههههههههههههه يا ريتها كانت حلة تونة يا رؤف ... بطاطس!
المره الجاية اعملها براك اعتمد على نفثك

[رءوف]

انعل ابو دى حله ......................

هندسة العسل بس عشان الناس تعرف الواحد فى الغربة دى بيقاسى كيف
زمان الواحد فى البيت عندو 5 اخوات كل حاجة نلقاها جاهزة حتى ملابسنا
الى الان مابنعرف نغسلها ...لو كان اماتنا علمونا الطبيخ ما كان اتمرمطنا كدة

شاكرين مرورك الجميل يا عسل

اسمع بصراحة بتعرف تطبخ شنو بصراحة

[رءوف]

هههههههههههههههه العرض الأول كان عربيه والعرض زالثانى حله بطاطس أها العرض الجاى ح
يكون شنو وبرض عرسسسسسسسسسسسسسسسسس مافى وكاااااااااااااااااااك

ههههههههههههههههاي دكتور راشد
العرض التانى واحدة تعمل لى سلطة (موليتة )