الشارع السوداني واللبس الضيق والعاري

[حزن السنين]

[grade="00008B FF6347 008000 4B0082"]ان لبس الضيق والعاري أصبح ظاهرة خطيرة جداً علي مجتمعنا تستدعي الوقوف عندها لمعرفة ما هي الأسباب التي أدت إلي ذلك .
حقيقة شئ مؤسف جداً وأنت تتجول في الشارع السوداني وتري الفتيات يلبسن ملابس ضيقة ومحزقة جداً وعارية ، وتبرج ومكياجات ملفته للنظر لقد أصبحت مثل هذه الملابس موضه ترتديها الأغلبية العظمي من الفتيات ، وهذا ما نشاهده كثيراً في مناسباتنا وفي شارعنا الذي تغير كثيراً عما كان عليه في السابق ، شئ محزن أن تجد فتاة وهي ترتدي ملابس ضيقة جداً(البلوزة شدة ما صغيرة تقول الواحدة شدتها من أختها الفي الروضة، والاسكيرتات فوق ضيقة وتحت واسعة ونوع آخر كلو ضيق ، الواحدة ما تقدر تمشي كويس ، والطرح الصغيرة والمخرمة زي الشبكة ، تكاد لا تغطي الرأس ) دا كلام يا جماعة !!! . ياتري لما كل هذا ؟؟!! .
الأسباب قد تكون كثيرة في هذا التدهور الذي نراه ، ولعل احدي هذه الأسباب هو التقليد الاعمي لما نشاهده في الفضائيات ، والمواكبة لما يحدث فيها .
إلي متي نظل نقلد الفضائيات ؟؟؟؟؟؟؟
فهي مسئولية الاسرة في المقام الاول وكل راع مسئول عن رعيته كما قال المصطفي عليه السلام
أما ما يحدث في المناسبات فحدث ولا حرج كل ما نفعله في الافراح هو عبار عن تقليد× تقليد ابتداْ من الزفه بالموسيقي المصرية والرقص (Solw) ،وكيف ترضي الفتاة لنفسها أن تكون سلعة رخيصة تتداولها الأعين ؟ !!!!
إن التعري والتكشف ما هو الا صفة حيوانية ، لا يميل إليه الإنسان إلا وهو يرتكس إلي ادني من مرتبة الإنسان الذي خلقه الله وأكرمة وخصه بحب التستر ، ومن يري في العري ولبس الضيق جمالاً فما هو إلي قلة حياء وانعدام الغيرة وموت الشعور وتبلد الاحساس
ما ذكرته لا ينفي بأنه لدينا والحمد لله الكثير من الشابات المحجبات والمحتشمات .
نسأل الله الستر والهداية لنا جميعاً ، ونتمني ان ينصلح الحال


فما هي اسباب هذا التدهور والتغيير ؟؟؟[/grade]

[سيراف]

- التقليد الأعمىىىىىىى للغرب.
- الإنفتاح الأجتماعى للشبااااااب.
- ناسسس القروش اللى بيمشو إتفسحو بره و إجيبو معاهم العادات الفاسده .
- غياب الترابط الأسرى .
- أحلام العوللللمه.





شكرا يا فتوتنااااااااااا على الموضوع الرائع
والله إخليك لى منتدانا تزيدنا كمان و كمان

[أمير الشباب]

أخونا الحبيب والرااااااااااااائع (حزن السنين) ... تسلم يا حبيب على الموضوع المميز ... والأسلوب المميز في الطرح ...

بصراااااااحة كده الموضوع كلو بيرجع أولاً للتربية الموجوده في البيت ... فإذا البنت تربيتها كانت سليمة وعاى أخلااااااااق عالية فبتالي ... أكيد إنها حتحترم نفسها ... بس المشكلة إنو ما تعرف هل التربية قلت في بيوتنا في السودااااااااان ... ولا الحااااااااصل شنو بالضبط ؟؟؟ ... يعني بالجد شيء يحير .. وبعدين في بيت شعر بيقول ليك (إذا كان رب البيت طبالاً ... فشيمت أهل البيت الرقص) ... بمعنى أخر وتاااااااني ... إنو الموضوع ده برضو بيرجع لشكيمة الأب في البيت ... وحسن تربية الأم برضو في البيت ... ودي ومحبتي يا رااااااااااااااائع

[ابوبكر]

بصراحة يا حزن الموضوع خطير جداً وحساس جداً وبيمس الشعب السوداني في صميم عمقه وفي اعز ما يملك الا وهي اخلاقه وحسن أدبه واحترامه للمرأة او الفتاة بت البلد الأصيلة ، وتصديقاً لكلامك اول امس كنت في مناسبة زواج واحد زميلنا وكانت المناسبة في نادي والله شفت العجب العجاب حاجات اعجب من البنشوفها في شوارع الخرطوم لبس ضيق غير ساتر لمعظم الجسم وان ستر تجده مجبص علي الجسم ويظهره كانه عاري يمكنك من انك تشوف مفاتن البت كلها ، بدون حياء أو ادب والأعجب من كده أنو الأهل موجودين تلقى الواحده لابسه كده وابوها موجود في المناسبة واخوها الكبير واولاد اعماما واخوالا واقاربها كلهم موجودين والاعجب من كده تلقى الواحد وهي بهذا المنظر يرقص معاها واخر ضحك وفرفشة ، يا اخوانا والله دي دعوة للمجون والشي الحاصل ده ما تقليد للفضائيات ابداً ده نقص في نفوسنا نحن بنحاول نسده بالتفاهات دي وبتقليد الشعوب المشت في الطريق ده وده تنكر لي عاداتنا وتقاليدنا الصيلة والجميلة فالواجب اننا نخرج عاداتنا دي قي صورة جميلة ويكون العالم كله متلقي ليها لأنها بتعكس المعنى الحقيقي للأدب ولي تقييم الأنسان بدل ما نبقى نحن متلقين لعادات العالم الرزيلة ونقعد نلقي اللوم علي الفضائيات وما تعرضه والمتتبع لمسيرة الشارع السوداني في هذا الأنحلال الظاهر بيعرف حقائق كثيرة وخطيرة من اهمها ان هذا الأنحلال الأخلاقي تركز في مدة معينة وهي الفترة الأخيرة وده نتيجة لغياب الوازع الديني والأخلاقي .
فالواجب انو الناس ترجع لسماحة عاداتها وتقاليدها الجميلة وتحاول تطوره مع ما يتناسب مع حاضره وتنسى كل ما تصدره لنا الفضائيات إن جاز لنا التعبير لأنه قد يتصدر لنا عن طرق اخرى غيرها مثل الأغتراب .......... الخ .

[استارو]

للأسف الشديد امكن تكون التربية من الاساسيات في الاسرة قبل الفضائيات يعني تفتكر مهم تكون مركب من غنوات بتخلي ولاياك يطلعوا من البيت بوضع زي دا؟؟ ماأظن كذاب لو قال واحد منا بخلي اخواتو والا بناتو يطلعوا بالمنظر دا اذا تواجدة التربية الصحيحة ،،امكن الوضع في السودان يكون افضل
تعال نشوف في الغربة بس والله وضع حفلات اولاً تشوف العباي تقول دا حافظة المصحف
وصلت مكان الحفلة عينك ماتشوف الا النور ماشاءالله ناس من كوكب تاني لبس شنو اصلاً لبس مافي وضع يستاهلوا تكب فيهم بنزين هن واولي امورنه
وتشخت فيهم كبريت نحن خلاص ياشباب والله تاني الغرب مايحصلنا ؟
بالجد حايجي زمن الله يستر علينا الواحد بقي يكسر راسو بسبب الوضع المزري دا وكمان فوق دا كلوا بقت عندنا مقاطع فيديو العرب الوهم ديل الواحد ماعارف تلت الثلاث كم بقي يتكلم فينا
دا ماالربونا عليو اهلنا بس الواحد يبقي عشر علي بيتو
وجزاك الف خير اخي حزن السنين

[ضـــوء القـــمــر]

للأسف الشديد امكن تكون التربية من الاساسيات في الاسرة قبل الفضائيات يعني تفتكر مهم تكون مركب من غنوات بتخلي ولاياك يطلعوا من البيت بوضع زي دا؟؟ ماأظن كذاب لو قال واحد منا بخلي اخواتو والا بناتو يطلعوا بالمنظر دا اذا تواجدة التربية الصحيحة ،،امكن الوضع في السودان يكون افضل
تعال نشوف في الغربة بس والله وضع حفلات اولاً تشوف العباي تقول دا حافظة المصحف
وصلت مكان الحفلة عينك ماتشوف الا النور ماشاءالله ناس من كوكب تاني لبس شنو اصلاً لبس مافي وضع يستاهلوا تكب فيهم بنزين هن واولي امورنه
وتشخت فيهم كبريت نحن خلاص ياشباب والله تاني الغرب مايحصلنا ؟
بالجد حايجي زمن الله يستر علينا الواحد بقي يكسر راسو بسبب الوضع المزري دا وكمان فوق دا كلوا بقت عندنا مقاطع فيديو العرب الوهم ديل الواحد ماعارف تلت الثلاث كم بقي يتكلم فينا
دا ماالربونا عليو اهلنا بس الواحد يبقي عشر علي بيتو
وجزاك الف خير اخي حزن السنين

المبدع استارو لك الشكر والتقديرها انت تعزف على الوتر الحساس من جديد
يعني باختصار والله اختي تخرج من البيت بالشكل ده اقسم بدين الله يكون اخر يوم في عمرها ولو انو انا متأكد انها ماحاتخرج بالشكل ده وعايز اقول لازم التربيه من الاول تكون صحيحة وسليمه لكين صحيح الاستحوا ماتوا واصبح مافي خجل لكين احب اذكر مقوله بتقول اذا ذهب الحياء حل البلاء وده الحاصل لينا هسع امريكا تفرض علينا عقوبات وناس درافور جعانين والشعب حالتو بالبلا ده كلو من عمايلنا وربنا يرحمنا ويهدي الجميع وكل زول مسؤل امام الله من رعيتو اختك زوجتك خطيبتك امك كلو مسؤليتك.

[حزن السنين]

[grade="00008B FF6347 008000 4B0082"]الاخواء المتداخلين

لك مني كل الحب و التقدير و الاحترام ،،،،
طرحت الموضوع للنقاش لما يمثله من اهمية كبيرة تقع علينا كمجتمع محافظ علي الثير من العادات و التقاليد التي جدها الكثير نوع من التخلف الفكري و لكن برغم من انها في اعتقادي الشخصي بخطاء بعضها و لكن اجدها من ذاوية اخرة عين الصواب ،،،
و ما نشاهده في الطرقات و الاسواق العامة شي مخجل حقيقة قد اجد نفسي في قمة الحياء و انا اشاهد ما يدور في هذه الاماكن و هذا كله كوم و الكوم الثاني ما يدور في الجامعات ،،،، و في قاعات المحاضرات حقيقي شي مؤسف ما وصلنا اليه ،،،،، كل هذا يرجع الي عدة اسباب و اهمة هي الغزو الفكري الغربي و هذا من اهم الاسباب التي يجهلها الكثيرون منا ،،،

اللهم احفظنا من كل شر ،،،،،

و للحديث بقية

و لي عودة ،،،،،،،،،[/grade]

[السقا]

الاخ حزن ..مشكور علي الموضوع الهادف ..
انا اتفق مع الاخوة اللي سبقوني بالحديث ...ولكن حكاية اتهام القنوات انا بشوف انها ما عزر لانو نحنا اللي دخلنا القنوات دي بيوتنا وما في حد قدم لينا دعوة لمشاهدتها ..السبب هو غياب الضمير وضعف الوازع الديني ..وانا دايما بقول انحنا في السودان كانت تحكمنا العادات والتقاليد اكتر من الدين لذلك لمن اتحررنا من العادات بقينا نعمل اي حاجة كنا بنشوفا (عيب) حتي ممارسة الرزيلة اكرمكم الله ما كانت تمارس الا لانها تجلب العار للاسرة ..ولك ان تري كيف ان الفواحش انتشرت في بلدنا وما تقول لي انك ما بتعرف شباب وشابات بعينهم من من يمارسون الرزيلة علنا .. وثانيا يعلم الجميع ان التربية سابقا لم تكن مختصرة علي الاسرة فقط بمعني ان الناس الكبار في الحي كانوا دايما ما يشاركوا في عملية التربية بحيث انه اذا راي خطأ صححه بما يراه مناسبا ولكن تعال وشوف اليوم هل يتجرأ احد علي سؤال شخص لما انت فعلت هذا وان فعل فما هو جزائه ..وثالثا الا تري معي الفجوة التي احدثها الغاء المرحلة المتوسطة التي كانت تعتبر اعظم مربي للاجيال وانا دائما ما اتحسر علي انني لم ادرس تلك المرحلة الدراسية ..واسف جدا علي الاطالة لكن الموضوع يستاهل اكتر من كدا ،واتمني اني اكون وصلت ولو جزء من اللي انا قصدته ..
والله المستعان ..ونسأل الله لنا الهداية وللجميع ..
مع احترامي للجميع ...

[احلى دلع]

مشكورين والله كلامكم كله صح ومزبوط والغلط الكبير في التربية وبعدين بتجي العوامل التانية

[مجاديف الامل]

السلام عليكم ورحمة الله
الزي غير الفضفاض اصبح ظاهرة تبدو جلية في الشارع السوداني مما اثر سلبا على اخلاقيات المجتمع واصبح متناول نظر الجميع
اتق الله يا اختاه وبطلي البتسوي فيهو دا
وكان دايرين العرس نحنة جاهزين

[متين نرجع]

دي من رأي مشكله كبيره بدأت بألانتشار في المجتمع العربي ككل
طبعا تقليد للغرب

الي دايما بننسا انهم كفار واحنا مسلمين وبنحاول دايما تقليدهم بغض النظر احنا بنقلدهم في شنو

فا اصبح اللبس وبالاخص في السودان مشكله كبيره وانا بشوف كل إجازة مناظر بشعه ومخله بي الادب شديد

ياخ حتى في بعض الاولاد بضايقو من الشي دا

والوحده تكون متخيله نفسها حاجه فوق وبتعتقد انو نظرة الاولاد ليها بي اعجاب لكن للاسف بعضهم بعاين ليها


بأستحقار والاخر بنظرة استمتاع يعني وحده ماشه قدامك بي مياعه ولابسه ضيق وقصير حتعاين ليها كيف ولي شنو


للأسف البنات ديل ماعارفين انو الشي دا بضرهم شديد بس انتو لاحظو لي كمية الاعتدائات على البنات

كترة كيف ومابس في السودان في كل الدول العربيه


وتقبل مرورى

[أود]

الاخ حزن تشكر على طرح الموضوع

الاخوة لم يتركو شئ فكل واحد ذكر بعض الاسباب.

المشكلة اتفاقمت بتغير نظرة الناس ونتيجة لمايسمى بالموضة الحكاية بدت بالفتحة الفى الاسكرت والتى تسمى الخطوة
وخطوة خطوة وصلنا الى اللبس الذى نشاهدة الان وياليت يتوقف عند هذا الحد.

وزى مابتقول الحاجة السألوها عن اسباب ضيق لبس بنات الزمن دا قالت واحد من تلاته يالناس سمنو ياورمو وسبحان الله فى واحدات يورمو محل مادايرين

وديل كتااااااااااااااااااااااااااااااار

قايتو ربنا يهديهم ويهدينا

ولك الشكر والاحترام

[asool22]

الاخ الزعيم حزن السنين
شكرا لي طرحك للقضية المؤلمة دي
والله الحال بقا يبكي، مابتصدق إنو ده حال السودان وحال أهلو
السودان بلد الخير