وهج الشموس

[عزالدين محمد]

امير الشباب وماذا تركت لنا من القاب كي نناديك بها

اخي اسعد الله اوقاتك بكل خير

سعيد جدا بأن إستضافت مساحتي امير الشباب

لن ترتاح الاضابير ولا أمهات الكتب حتي اجد

ما يمكن ان يرضي ذوقك وبما إنك قد وعدتني

بمرورك عبر سطوري فانا قد زاد سروري

وشكرا اخي العزيز

[عزالدين محمد]

اخي امير الشباب

مساء الخير والانوار

اوعدك بأني سأواصل وهل هناك اجمل من إسعاد الآخرين؟

كان معلم اللغة العربية في الثانوي يقول لنا اذا لم تستطيع إدخال

السعادة بكلامك في قلوب الناس فصمتك هوخير إثبات بان للناس مشاعر واحاسيس

وبما أن هذا البوست قد وجد منكم تجاوبا فما اسعدني واستاذي اطال الله عمره

وشكرا امير الشباب ولنا لقاء عبر ثنايا هذا المنتدي

[عزالدين محمد]

[frame="1 80"]

كنت راجي تقول سلام قبل ما تلملم خطاك

وتسلب اجفاني المنام

كنت راجي تقول سلام

كنت يا روح القصيد الياما غني وبيك هام

كنت قايل إنو لسة برضو للأشعار غـــرام

كنت راجي تقول سلام

*****

عارف إنو ليك احلام 00وعارف إني ما فيها

وعارف إنو ليك احباب حرام الروح نمنيهـا

وعارف قلبك الطيب مني القصة داسيهـــــــــا

وخايف من عذاب قلبي وهمك نفسي ترضيها

عليك وجداني والآهات ماشي اقداري بمشيها

ترُدي عليّ لو كلمة حرام احزاني تنسيهـــــــــا

[/frame]

[عشوقة]

بس بقول شي واحد لا غير..
لا تحرمنا من ابداعاتك ابدا..
بانتظار جديدك بفارغ الصبر..
يسعدني ان اكون اول من خط رده..
بهذه الرائعة..


[glint]سلمت يدااااااااااااااااك..[/glint]

[عزالدين محمد]

يا الصباح الباهي لونك

عشوقة

إن كنت انت سعيدة كأول الموقعين علي ما جادت به القريحة رغم تواضعه

فأنا في حالة نشوة وطرب داخلي لأن ما كتبت وجد له في باحة الاُدباء صدي

تحية الصباح لك اختي عشوقة ودمتِ

[سيراف]

المبدع عز الدين
أشعارك الصادقه تلمس حتات حساسه داخل وجدانى

شكرا لانك شبعتنا بى أحاسيسك


و الله ما يحرمنا من إبداعك

[أمير الشباب]

(عزالدين محمد) الراااااائع والمبدع ... بالجد رااااااائعه جداً حروووووووووفك ... وسلسة جداً كلماتك ... أحييك على أحاسيسك الرااااااااااائعه والجميلة ... وكلي ثقة بأنك ستكون صاحب الكلمة العذبه والراااااااااائعه ... في منتدى الشعر ... ودي ومحبتي يا رااااااااائع

[أيمن]

[frame="1 80"]

عارف إنو ليك احلام 00وعارف إني ما فيها

وعارف إنو ليك احباب حرام الروح نمنيهـا

وعارف قلبك الطيب مني القصة داسيهـــــــــا

وخايف من عذاب قلبي وهمك نفسي ترضيها

عليك وجداني والآهات ماشي اقداري بمشيها

ترُدي عليّ لو كلمة حرام احزاني تنسيهـــــــــا

[/frame]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عزالدين تملى عليك تناجيها=
وتحول كل آهاتك عبير وورود وتهديها=
وعشان ترضى وترد كلمه تلوليها وتتاتيها=
وتعكف فى انتظار رحمه ابت بيها=
بخيله عليك وتقيانه ومابيه كليمه تديها=
مادام عارف الاسباب ليه روحك تمنيها؟=
وصيتى اليك عزالدين دور غيره خليها=
هاك نصحك والفى راسك اتيقن وسويها=[/poem]

[عزالدين محمد]

[frame="1 80"]الافاضل: سيراف/امير الشباب/ايمن

السلام عليكم ورحمة منه وبركات

سادتي تعجز حروفي عن مسايرة إحساسي تجاهكم وتستغيث

ولكني مازلت بها عسي ان اجد ما يمكن قوله لكم واخيرا مدت الاحرف

اليّ عبارة شكرا واودعت فيها كل حبي وتقديري لكم واوعدكم بالجديد

اخي ايمن والله انت ما ساهل وتكتمل قصائدي بتوقيعك الشعري[/frame]

[عزالدين محمد]

[frame="1 80"]

شـــلــتي مــن قــلــبــي الأمــــان لــمّــا كنت معاك بذاكــر

كنت بقــرا انا في السطور وقــــلبي في دنيــــــاك ســــــادر

ولــمّـــأ تنــعــســـي فيك جـــفـــون الله قادر الله قـــــــــــــــادر

كنتِ يا ألــق الــفــصــول والــعــشـــيــات الـــــســــــوامــــــــر

كُـــــنــا نـــحـــلـــم بــالأمــــانـــــي وقـــلـــبــي بي جُنحيهو طائر

******

كنت مــــا قــــادر اصــــارحــــك انو ما قصدي الــــشـــهــــادة

وكــــل مـــــــرة اقــــول اصــــارحـــك قلبي منــــــــزوع الإرادة

وتـــرجـــف الـــيــديــــن وحــــاتك بس سعيد انا كــــــان سعـــادة

كنت قــــايل انـــــت عــــارفـــــة والدلال الفــــــيـــــك زيـــــــــادة

وكـــنـــت بــمـــســــح كـــل حـــاجــة انت مــا كــنـــت الشـــهــادة

******

إنــــتــــهــــت ايــــام قـــرايـــتـــك وقــــــلـــبي مـــا صــدّق خبر

إنـــتـــهــــت ايـــام عــــذابـــــو وفــارق الأجـــفــــــان ســـــهـــــر

والأمــــانـــي الـــبــيـــك تـــمـــت يــــا دعـــاشــــــات الــــــمـــطر

غـــــنــــيــــت مـــعــاك لــحن الخلود لا ملّ مــني ولا فـــــــــتــر

يــا ود خــليفة انا ليك اقول مـــا خـــاب صــــابر بــــل ظـــــفـــر

[/frame]

[عزالدين محمد]

[frame="4 80"]

مـــــا بــتــوب الــريـــد حـــرام؟ مــــا بتوب واصــلو الــغــرام

لـــو ضــاقـــو شــيــخ يرجع شباب ويغني تاني حرام حــــــرام

الــحب قِــــلادة من الــذهــب تــجـــليـــهـــا نــــار الإ لــــتـــــــزام

الـــحـــب تــفــانــي وتــضـــحــيــات الحب مــــودة وإحــــتــــرام

مــابتــوب انـــا مــا بــتــوب خــلــونــي بس سيـــبو الـــكــــــــلام

******

الــحــب وِســـــــادة مـــن الـــحـــريــر الحب تسامُح وإنـــســــجـــام

الحــــب ورد حـــياتــنا يـــرجو الســـــــــقــــايــــة بــــإنــــتــظـــــام

مــــا بتوب انا مـــا بـتــوب لا حِــــكــمة لا نقـــطـــة نـــــظــــــــام

بـــالله كــــيــــف تــحــــيـــا الــقــلــوب مــن غير حُـــبٍ او هــــيــــام

او كـــيـــف تـــوصــــف لـــيــلـــنــا لماّ يسرمــــــده الــــظــــــــــــلام

لا تــظــلـــمـــوا قــلــب المـــحب لانــــــه ذاق الـــــــفِــــــــطــــــــــام

مـــا بــتــوب انا مـــا بتــوب جـننتوّا قيس مــــســـكـــيــن وهـــــــام

******
الحــــب كـــيف نــعـــيــبــه الحب نِـــبـــراس الــــــكـــــِــــــــرام

الـــحــب كـــان ومـــا يــزال دعـــــوة ورمــــــزاً للـــــســــــــــلام

الحب يـــعـــنــــي عــــواطـــفــــاً تـــصـــحو لتهدينا الــــمــــنـــام

كيف اتوب وانا ليش اتوب يا اخوانا هـــل الـــــحـــــب حــــرام؟

مـــا بـــتــوب انا ما بتوب رضيانة او تزعـــــل مــــــــــــــدام

[/frame]

[فرحة العسولا]

الحب لغه لا يدركها الاوفياء

[أيمن]

[frame="4 80"]

كيف اتوب وانا ليش اتوب يا اخوانا هـــل الـــــحـــــب حــــرام؟

مـــا بـــتــوب انا ما بتوب رضيانة او تزعـــــل مــــــــــــــدام

[/frame]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعزنا عندك مدام؟...........=
ياخوانا كيف القصه دى.......=
الود ده وروهو الكلام..........=
مادام طلع عندك مدام=
روق ياخى خلى الخفه دى....=
واسلك طريق الألتزام..........=
معقوله ياخ.......................=
كل ما تشوف طرحه ونظام=
تجيب شعر وتزيد هيام..........=
ياخينا روق.......................=
فى الحاله دى الحب حرام.........=
لكن كمان ياعزنا.................=
داير اقول ليك ياخ كلام..........=
الجيل ده مااااااجيل السلام.........=
شوف الأناقه واللبس والأنسجام=
وشوف الطريقه فى الكلام.........=
شوف النضاره والقوام.........=
بالله تقول بدر التمام..............=
ياعزنا ماداير أقول ليك ماحرام=
خليتى أسأل ليك امام...............=
وبديك خبر وارفع تمام...........=[/poem]

[عشوقة]

جميييييييييييييله جدا..
وانا بقول:
الحب لغة كل عاشق
كلماتها حديث العيووووووووون..

[glint]سلمت يداك..[/glint]

[إسلام المصرى]

[align=center]الــحــب وِســـــــادة مـــن الـــحـــريــر الحب تسامُح وإنـــســــجـــام

الحــــب ورد حـــياتــنا يـــرجو الســـــــــقــــايــــة بــــإنــــتــظـــــام

مــــا بتوب انا مـــا بـتــوب لا حِــــكــمة لا نقـــطـــة نـــــظــــــــام

بـــالله كــــيــــف تــحــــيـــا الــقــلــوب مــن غير حُـــبٍ او هــــيــــام

او كـــيـــف تـــوصــــف لـــيــلـــنــا لماّ يسرمــــــده الــــظــــــــــــلام

لا تــظــلـــمـــوا قــلــب المـــحب لانــــــه ذاق الـــــــفِــــــــطــــــــــ ام

مـــا بــتــوب انا مـــا بتــوب جـننتوّا قيس مــــســـكـــيــن وهـــــــام


الله عليك ياااعز الدين

كم أنتا تألقت فى تلك الكلامات الجميلة

كم تعمقت وتجملت بين أبياتك هذه

أسمحلى لكى أقول انك دونت فى قيمة عشاق الهوا

وعشاق الكلام المدلل

كل ما أقوله لك أشكرك

على أبداعك ورقيك فى أختيار مثل هذه الكلامات

أخوك

قلم الحب الحر

سلاموز مصر[/align]

[عزالدين محمد]

الاعزاء

فرح العسولا

ايـــمــــن

عشوقة
إسلام المصري

تحية الصباح المبارك

انا لاتكتمل سعادتي إلا بتفاعل الجينات السودانية التي ترحب بالضيف

اين ومتي حل وبما إنكم قد شرفتّم المضارب فإني اذن لسعيدُ

شكرا جزيلا علي هذا الإطراء الذي تستحقونه جميعا قبيلة الشعراء

وليتني اصل لمستوي ما تكتبون ولكم حبي وتقديري

همسة للأخ اسلام المصري عازف جيتار اعلم انه من اصعب الألات الموسيقية

وبما إنك تجيده فسوف اسألك عبر رسالة خاصة عن بعض الضوزنات وإن اردت

فأخوك يعزف اكثر من خمسة الات وانا جاهز لأي مساعدة واولها الأورغ

[عزالدين محمد]

[frame="1 80"]

بالأَمْسِ كانَتْ شَاعِرِة



نجلاءُ ما هذا الجَـفَا

أينَ احتفاؤك باللِقَـا أينَ الوَفَـا

أينَ الحنينْ .. وأينَ أشواقُ السِنِينْ

وأينَ ذَيَّـاكَ الشُعُورُ يَجِلُّ عنْ أنْ يُوصَفَ

أينَ القُلُوبُ المُرْهَفَة

أينَ الأحاسِيسُ الدَفِيقَةُ .. والأحاديثُ العمِيقَةُ

أينَ لحظَاتُ الصَفَـا

أينَ اخْتَفَى

ذَاكَ البَرِيقُ على العُيُونِ

يكادُ يخْطِفُ ناظِرِي كيفَ انْطَفَى

كيفَ استحَالتْ فَرْحَةُ اللُقْيَـا إلى

بَسْمٍ يَمُوتُ على الشَفَة

كيفَ انْتَفَى

حَقُ الوِدَادِ وحَقُـنا في أنْ نُسَاءِلَ

أنْ نُلِحَّ على السُؤَالِ وأنْ نَغُوصَ ونَعْرِفَ

* * * * *

نَجْـلاءُ مَالَكِ قَدْ خَـبَا

فِيكِ استعَارُ الوَجْـدِ

مَاتَتْ لَوعَةُ الأَشْواقِ صَارَتْ "مَرْحَـبَا"

أينَ اخْـتَبَى

ذَاكَ التَلَهُّفُ وانْدِفَاعُ الكَفِّ يَحْضنُ في السَلامِ المِنْكَـبَا

والطََرْفُ كانَ تُذِيبُنِي نَظَرَاتُهُ مَالِي أَرَاهُ تَهَرَّبَا

وكَلامُكِ الدَفَّـاقُ والضَحِكُ المُجَلْجِلُ بَيْنَـهُ

كَيفَ استَحَالَ تَحَـيُّراً وتَعَجُّـبَا

كَيفَ استَحَالَ تَلَفُّـتـاً وتَرَقُّـبَا

أَلأَنَنَا تُهْـنَا زَمَـانَاً

مَا قَرَأْنَا الشِعْرَ فِيْهِ ومَا دَخَلْنا المَكْـتَبَة

وتَنَاثَـرَتْ أَقْلامُـنَا وتَفَرَّقَتْ أَيْدِي سَـبَا

أَمْ غَيَّرَ الزَمَنُ المَقِيتُ هُمُومَـنَا

وأَهَاجَ فِينَـا هَمَّ أَكْلِ العَيْشِ هَمَّ المَسْغَـبَة

أَمْ أنَّـهُ ...

نَجْـلاءُ عُذْراً إنَّنِي أَغْبَى الخَلائِقِ

إنَّنِي رَمْـزُ الغَـبَا

مَا كُنْتُ حِينَ سَأَلْتُ أَلْحَـظُ

أنَّ كَفَّكِ لَمْ يَعُدْ كالأَمْسِ

صَـارَ مُخَضَّـبَا


القصيدة لإبن العم المرهف الشاعر عزالدين بشير طابت
_________________

[/frame]

[عزالدين محمد]

[frame="5 80"]

من بورسودان
قطع التذاكر للسفر
الود خلاص قال اغترب
كبّا الهموم فى راسو كبْ
هم للعرس
هم للقرش
هم للملابس والدهبْ
( بتَّ الحلال) قالتلو يا زولي الحبيب
والحاجة قالت ( يا مجيب)
نجّيهو لىْ من كلو (جيب)
والود كمان شال الدُعا
يا ربى يّسر لى سبب
***
قطع البحر
لا فى الهبايب والخطرْ
لمّن وصل ( جّدة) بسلامْ
وقتو الوصل . من تاني قام شال الدُعا
يا كاشف الشر والكُرَبْ
نجيّني من (جِيب ) العرب
(جيب) النصايب والتّعب
و (الكشّه) والحظ الكَعَبْ
والناس تهاتي (الكشّه) جات
(الكشّه) راحت بى هناك
(الجيب) ظهر فوق الدَّرِبْ
الزول خلاص قلبو اضطرب
عقلو انشطب
فكر وحاول فى مفرْ
(لوحات حُمُر) فى السّكه
زى لمبات خطر
داقش يمين داقس شمال
لمّن وقع فوق المطب فى (باخشب)
قام خابى خب
خاف السؤال
(وين الهوّيه) سؤال صعب
يرميكا فى ساعة غضب
من جدّه لمن (ديم عرب)
***
كابوس لعين
زى الكمين
سمّوه كشه فى كل حينْ
منَّ الصباح لما المسا
جيبات كتيره مكدّسه
ناساً تقول صابينا صب
***
صاحبنا قال عامل (مقيم)
زرّوه فى حى (النعيم)
شالوه فى الجيب واعترف
ساقوه لى سجن القرف
والود هناك ضاق الشّقا
وضاق العذاب لمن فتر
قال ما خلاص ما فيش مفر
الجانى فى اللوح إنكتب
أحسن اكابس فى البلد
أزرع أرض
أصبر وأكل فى القرض
أنا أصلى قُبّال انقبض
فى جدّه ما خليت محل
أسأل أفتش فى عمل
والزول هناك مهما اشتغل
لا بدّ فى الجيب ينكمش
والناس هناك مغشوشة غش
(بالكبسه) بس تعمل كرش
**
أهلى الغُبش
أحسن لى من جمع القرش
أنا ما هنالك شفتا العجب
أنا تاني مِنّأ التوبه تب
لا كشه لا جيب لا تعب
لا جّده لا جيب لا عرب

[/frame]

[عزالدين محمد]

شكرا اختي سودانية نار علي مرورك وآسف جدا

علي تأخري في الرد علي إطلالتك عبر مساحتي

ولكن تأخري جاء بفائدة إذ وجدت عباراتك وقد

تعتقّت واشكرك مرة اخري اختي الكريمة

[أمير الشباب]

أخونا المرهف (عزالدين) ... دااااااائماً ما تتحفنا بكل ماهو جميل ورااااااااااااااائع ... قمه في الروعة تلك الحروووووووف ... والأروع من ذلك إحساس المرهف والرااااااااااااائع ... ودي ومحبتي