معروف عشقك للمستديرة وادمانكـ للهللال هل انت راضى عن الهلال
والى مدة تطورت الكورة السودانية
دايما السودانيين يتكلمو عن الماضى هل بفيد الكورة وذكريات الماضى الجميل ام انها احلام تغازل الجمهور لظهور بمستوى الماضى من حيث الانجازات
ما ذا ينقص الفرق السودانية
والله ياود ابنعوف بعشق الهلال من ما قمت
يلا نجي لتطوير الكورة
والله بكل صراحة على مستوي الفرق في تطور والدليل على كدا امس القريبة دي صنف الفيفا الهلال الأول أفريقيا والمريخ التالت يعني في تطور وجميل جدا
لكن للأسف على مستوى الفريق القومي مافي الروح القتالية والدوافع الوطنية وحقيقة محتاجين رجعة كبيرة جدا لانه مقصرين قوميا
وبعدين في معضلة كبيرة جدا اسمها شداد مابعرف اي حاجة وبدعي انه بيعرف كل حاجة
شوف المدرب الجابه ماعمل اي حاجة في الفريق القومي
عن الهلال والله يابنعوف
هومي صباحاتو
معليش دخلت المره الفاتت تووووووووووووووش زي ما انت عارف انا بدخل المنتدى بالمزاج
المهم نخش في الغريق
هومي الساحه السياسيه السودانيه تشهد هذه الايام انتخابات سؤالي ليك مشيت صوت ولا لا ؟
السؤال التاني طبعا انت هلالابي رايك شنو في مستوى الفريق في الفتره الاخيره هل بالجد اتدهور مستواهو ؟ ورايك شنو في تدخل هيثم مصطفى في الشؤون التدريبيه ؟
هومي عرف بقصصه الجميله واسلوبه الرائع المشوق من هو قدوة هومي في الكتابه القصصيه ؟
والله انت ما أفحمتني هنا .. لكن لجمتني هناك ..
معليش مشاغل لخمتني ونسيت ارجع هنا ( ماقلت ليكم الراكوبة دي حسب الزمن)
أسلوبك كقاص رائع .. مما يوحي بإنك قارئ جيد .. لمن تقرأ؟
قال لي أستاذي القلم يصدأ في حالة عدم الاستدامة.. هل تكتب يوميا؟
في كتاباتك الشعرية (القليلة) مفاعيلك أحيانا تكون مموسقة وجذلة ومرات نشاز هل تلاحظ هذا .. أم هي أذني فقط :d
هل تشارك في منتديات أخرى؟
الرجعة حسب الأجوبة ..
أنا بقرأ للطيب صالح - نجيب محفوظ - وكتابات صلاح أحمد إبراهيم - وعلي المك
اما الشعرا ء فهم كثر ولكني يعجبني اسلوب شعراء مصطفي سيد أحمد عموما وخاصة أزهري محمد علي ومدمن لشعر التجاني يوسف بشير - إدريس جماع ونخبة من شعراء بلادي
القلم يصدأ دي مافيها شك انت عارفة أمير الشعراء أحمد شوقي عشان ما يقيف من الكتابة كان بيكتب في صندوق السجائر (وصدق استاذك)
بالنسبة للشعر بصراحة انا والله مابقدر عليه والحاجة البتجي منسقة دي مرات بس المزاج بيكون عالي وكدا ومرات بيكون المزاج ماحلو خصوصا أثناء الدوام فبيكون نشاز
لكن في النهاية هي تطاول على الشعر فانا لست بشاعر
بالنسبة للمنتديات بشارك في منتديات منطقتنا ولكن مشاركاتي قليلة .
هومي صباحاتو
معليش دخلت المره الفاتت تووووووووووووووش زي ما انت عارف انا بدخل المنتدى بالمزاج
المهم نخش في الغريق
هومي الساحه السياسيه السودانيه تشهد هذه الايام انتخابات سؤالي ليك مشيت صوت ولا لا ؟
السؤال التاني طبعا انت هلالابي رايك شنو في مستوى الفريق في الفتره الاخيره هل بالجد اتدهور مستواهو ؟ ورايك شنو في تدخل هيثم مصطفى في الشؤون التدريبيه ؟
هومي عرف بقصصه الجميله واسلوبه الرائع المشوق من هو قدوة هومي في الكتابه القصصيه ؟
باخد لي لفه وبجي راجعه قبل ما تخلص فنجانك
بالنسبة للانتخابات والله ياصوفيا ماصوت ولا حاجة يمكن عدم قناعة بما يجري في الساحة السياسية من كذب وتلميع وإخفاء للحقائق من جانب الحكومة والمعارضة وفي النهاية نحن الضايعين عشان كدا فضلت السلبية . أحلى حاجة ست شاي امس قالت صوتت للبشير لكن لي شنو ماعارفة لكن انشا الله مايقصر معانا يديني قطعة واطا اسكن فيها . شفت اها نا اصوت لي شنو.
الهلال والله يا صوفيا اليومين ديل زي الدنيا يتعادل مع أفريكان اسبورت العاجي ويجي يتغلب من طيش الدوري الممتاز(هلال كادوقلي) ويجي يهزم أفريكان اسبورت 4 وتاني تلقاه مستواه زي الزفت مع الخرطوم تلاتة يعني ماعارف الحاصل مابقدر اتنبأ ليك بالحاصل في الهلال لكن بعشقه رغم دا كله
هومي جيتك راجعه
هناك بعض الاعضاء في المنتدى كان لهم اثر في كتابات هومي
وهناك من اصبح قريبا من هومي
ممكن نعرف الجماعه ديل؟
حين حضرت للمنتدي كعصوء جديد تملكتني الرهبة من الأقلام الجميلة التي وجدتها لكني لم أتأثر بقلم محدد تقدري تقولي احتضوني فاعجبت بهم أمثال فجر وود الدسوقي وعاشقة توتيل زالسلقاوي وأستاذي احمد يس وود الدرديري ومحمد الحداد ووايا واحسان وغيرهم كثر ووحدت بعد التسجيل كذلك أقلام جميلة أقرا لهم مثل ندي البيلسان وانت ياصوفيا فعندك كلام جميل وحبوبة وغيرهم.
عرف عن هومي حياده في جميع المواضيع هل تتبع سياسة " برد اضانك" ليس ذلك قصدي ولكني أحاول أن أتبع سياسة شعرة معاوية وهي تعني القوة وليس التنازل
هومي والفن هل هناك علاقه بينها ام ان هومي يفضل الادب؟
[أعشق مصطفي سيد أحمد لدرجة الجنون وتحب وردي وأنتقي كل ماهو جميل من الفن السوداني]
بيل جيتس الملياردير الامريكي قال مقوله شهيره " ليس خطأك ان تولد فقيرا ولكن خطؤك ان تموت فقيرا" هل انت مؤمن بهذه المقوله
[أنا أومن بأن علينا السعي والرزق على الله ولكن علينا الا نستسلم للفقر فهو احد ثالوث أعداء البشرية (الجهل الفقر المرض)
صفصف وانا لاقيك ياريت ماتقيفي من الاسئلة لمن تنتهي الجبنة
طبعا اجاباتك حلوه
يله جاوب المجموعه دي
الام تيريزا قالت "ان بدات بتقييم الناس فلن تجد الوقت لتحبهم "
هل يتبع هومي هذه النظريه
انا والله بترك تقييم الناس للمناسبات لكن عندي نظرية (أحسن الظن في الناس حتي يثبت لك العكس) وبالمناسبة والله الغربة دي مدرسة وعلمتنا انه صعب تقييم الناس لذا لاتربطي الحب بالتقييم إذا أقدر اقول ليك نظريتها صاح
عرف عنك اهتمامك بالناس وحبك للمساعده هل حصل انك ساعدت زول وندمت ؟
حصل والله ياصوفيا في السعودية ومن سوداني لأنه ماقدر مساعدتي بل غدر بي وانا بشر يصراحة كرهتو
هومي الادب والمحاسبه ما بتلمو ؟
الأدب هو واحة أهرب لها من جفاف الحسابات والأرقام ومافي بينهم علاقة
في حكيم قال " اذا احس احد بانه لم يخطئ في حياته , فهذا يعني انه لم يجرب اي جديد في حياته " الحكيم هو البرت اينشتاين هل تحب التغيير ؟
التغيير هو سنة الحياة وأفضل التغيير دوما وحتى حضوري من السعودية للامارات كنت أبحث عن الجديد لذلك أومن بالتغيير فما يحدث بعد ثانية عير الذي يحدث الأن
قيل لاتقارن نفسك مع اي شخص في العالم فان فعلت ذلك فانك تهين نفسك
هل وضعت نفسك في موضع مقارنه مع غيرك ام انك مؤمن بهذه المقوله
أعجبت بأشخاص لكني لم أقارن نفسي باحد حتى لا أحسد أحد والعياذ بالله لذا لي شخصيتي المستقلة الطموحة
هل سمحت يوما للاخرين ان يحكمو عليك ؟
لا طبعا لكن أؤمن بالمقولة (بارك الله في رجل أهداني عيوبي)
سؤال اخير
اذا ادركت ان شخصا تحبه خدعك وكذب عليك ماذا سيكون رد فعلك؟
سيكون دافع لي عشان أشطبه من حياتي وأحسن رد للذي غدرني هو النجاح في حياتي ومن دونه
شكرا لانك طولت بالك اجي ولا ما اجي؟
بالرقم من أسئلتك المخيفة النابعة من إنسانة واعية ومثقفة لكن جعلت للقهوة مذاق خاص يلا أقي قريبة
لكن لجمتني هناك .. 
