واصل الفزاري ,, تسلم يا سيدي على الاطراء
ودمت بخير
تشكراتي
[grade="00008b ff6347 008000 4b0082"]هو :
مهما اجيد اوصاف اشوفا ما واصفاك
يانقي اللون
ايه تقول في صفاك
الحرير يخشن للصفاء الصافاك
و التبر يبقي زي صفر لصفاك [/grade]
هي :
تعرف.. انت حتى ريشة دافنشي ماترسم حلاك
ولا أجمل سمفونيات العالم ماتوصل مستواك
ولو جمعت احلى وصوف الشعر، ماتعداك
سبحان ربن احسنك وسواك..
ومن حسن يوسف أعطاك
[grade="00008b ff6347 008000 4b0082"]هو :
فـــــيها إيــــــــه ,,
لو جات رسالة حاوية حنية الكلام
شايلة في خطاويها العديلة جملة الشوق والسلام
ماحية حس خوفي البهاجس من جفاك أو من خصام !؟[/grade]
هي :
فيها إنو الشوق يزيد والأماني الغالية تكتر
وينشغل بالك علينا والمسافات بينا تقصر
فيها نعرف حد غلاتنا ويجينا شوق موزون مسطر
وفيها إنك غالي جد وعلى خصامك مابنقدر ,,
هي:
ليلي يطول وقلبي سؤول
الفكر مشغول بحبيب زعول
والشوق هو المسؤول عن مدى العذاب المجهول
الوقت اصبح ملول وانا في عزلتي معزول
لا ادري ماذا اقول فأرجو ان تعطوني الحلول؟!...
هي :
ظروف الدنيا غلابة ,, تشيل وتودي فينا بعيد ..
وما قاصدين نجافي نداك , وما كان الأمر بالإيد
وأنت عزيز على قلبا , عرف معناك , وغالي شديد
بسوق أعذاري في كلمات ,, عساك بخير وزي ما تريد
[grade="00008b ff6347 008000 4b0082"]هو :
الكلام مشوارو طول بين عيونك وأناملي
والوداد أسرج ملامو " عني ليه ما بتسألي "
ما عارفة إنو الوصل يمنع هم قليبي وتفرحي ؟
يا .... خليها بس والعذر ما تشرحي ![/grade]
هي :
يا ...... الشرح يطول لي ظروف تفرقنا ديمه
والقلب سائل عليك إلا بس أيام لئيمه
والحروف الجاية منك زي رزاز واعداهو غيمه
يفرح الجواي طول كايس النور والعزيمه
ياخي تسلم لي إنت وكل فرحة بلاك يتيمه
waya كتب:[grade="00008b ff6347 008000 4b0082"]هو :
عفواً ,, تلاقينا توآئم في رنين الاسم والذات الغريبة
في طرق التعفف والميول ,,
وحسبت نفسي , قدر نفسك
كنت مغروراً ..
أفقت ,,
عرفت أنك فوق ما يلد الزمان
وفوق ما تهب العقول ,,,, [/grade]
هي :
عفواً ,, تلاقينا توآئم في بحور الوجد والروح الأنيقة
في مدارات التوحد والجمال ..
وحسبت نفسي , قدر نفسك
كنت مغرورا ..
أفقت ,,
عرفت أنك فوق كل تصوري
وعند آفاق المحال ,,,
[align=center][align=center][align=center]عفوا تلاقينا توائم فى حمى الرحمن
فى جوف الخيال
... وطفقت أبحث عنك
فى أقصى مسافات المحال ...
فلعل قلبى يلتقيك حبيبى ,,
رغما عن الأسى والنبال ...[/align][/align][/align][/size]
waya كتب:[grade="00008b ff6347 008000 4b0082"]هو :
رسمت ميعادك الأول على توب الغروب وردة
طفر دمع الشفق دفق وناح قلب الأفق مدة
وبي صوت الأمل ناديت وكت عصف الظروف شدة
ميعادك وين ؟
تجيني متين ؟
وعاد صوت الوله مجروح وكت رجع الفراغ رد [/grade]
هي :
يا مدائن الروعة جيتك ,, أفتحي الباب دخليني
ويا صدف ما كان في إيدك ,, من لقاهم تحرميني
في الأزل مكتوب تصدق ,, يا أجيك يا كان تجيني
[align=center]وبصوت الغروب ناديت ..... ومالقيتك ....
أتاريك سارح فى دنيا الغرام والريد ...
وما دريان بالحاصل .... وناديتك ... أرح نمشى ....
الحزن طول ..... وفجر الحب بدأ يتاتى .....
ينادى علينا أمشو معايا من أول ..... ولاقيتك .......[/align][/size]
[grade="00008b ff6347 008000 4b0082"]هو :
غلبني الشوق وقلت أجابد الكلمات
لقيت الكلمة حارقة الجوف , لهب من خوف
بيمرق زي لهيب ساخن مع الآهات
أسك الكلمة تطفش وتاني ترجع لي
أحسها دمعة في عيني , تسيل وتخطط الوجنات
عساك يا كلمة ترتاحي , وتسلمي زولنا أفراحي
وتعودي بخيرة الكلمات [/grade]
هي :
تعبت أغافل الكلمات عشان أرسل كلام مفهوم
الاقي خطوطي معوجه وحروفي تحوم
أقول يمكن عشان طبعك فريد وليك الأصالة تقوم
تخذلني قدامك حروفي وترجع تخاف اللوم
أداري هزيمتي بالكلمات وأرسل ليك قلب مختوم
[align=center][align=center]
قلب مختوم بحب الناس ,,,, وصلنى أكيد ومتعشم يكون الريد ,,,,
سحابة بتروى للعطشان ,,,, ولترابا خضارو يزيد ,,,,
يزيل كل آهة للولهان ,,,, ويمسح لدموعو بايد ,,,,
حنان أماتنا يااااااا حليلو ,,,, وحليل الريد ,,,,,, [/align][/align][/size]
[align=center]وحسبت نفسى قدر نفسك ,,,,كنت
مذهولا ,,,, أفقت ,,,,عرفت أنك
التحنان والحب الخجول ,,,,
وعرفت أنك كوكب ,,,يمشى مضيئا
فى الحياة ,,,, ولا يخون ,,,,[/align][/size]
جسور الود كتب:[align=center]كلماتى بعض عبيرك حين يفوح ,,,,
يأخذنى أسرا حيث تكون الروح ,,,,
لا أكتب الا بعض عطائك . . حبى ..
بعض ظلال الدوح ,,,,,[/align][/size]
[grade="00008b ff6347 008000 4b0082"]لما تضيق دروب الدنيا تفتح للألم روحي
وتتوافد دموع الكون ترش ملحاً على جروحي
يكون الزاد حروف ناساً حنينه شديد ,,
وليهم أسرج الكلمات ونار بوحي ... [/grade]