رواد الفن الاصيل فى السودان

[مها]

سرجن ليلن

سَرَجنْ لَيلِن ياحِلَيلِن علَى الفَايْقَات أكَالِيلِن
تَرَنَّمْ وأبْقَى حالِيلِن
خِدُودِن خِلِّى وجَّنا فِى جُنْحِ اللَّيلْ حِينْ جَنَّ
إذَا بالتَّالِى دَرَجَنَّ كَأنَّهِن حَوَارِى فِى جَنَّة
قَوَافِيك مَعَنى مَلِّيلِن بالفُوز والمَفْخَر اللِّيلِن
رَضْوَان الله والِى لِنْ يَا نِعْمَه اللِّوالِيلِنْ

[مها]

السلام مامر ياليلى

السَّلام مَامَرَّ يَالَيلَى النَّسِيم فِى الصُّبْح أو لَيلِه
زَادْ جَفَاك زَى ضَلَّ يَالَيلَى بَاكِى سَاهِر دَمعِى كالسَّيل
صَار غُطَاى السَّقْم والوَيلَ وإنَتِى مَا أقْسَاكِ يا لَيلَى
عَقْلِى فَارَق مِنِّى مِنْ بَدْرِى يالجَّفَاك خَلاَّنِى مَا بَدْرِى
فَاقْ جَبِينِك طَلْعَة البَدْرِ وإنْتَ عِزِّى وذُلِّى يَالَيلَى
إنْتِ مَعنَى الشِّعر يَارُوحُو إنتِ عجْزُو إنْتِ مَشْرُوحُو
أمَّا قَلْبِى الزَّايْدَة فِى جِرُوحُو بَرْضُو مابِسْلاك يَالَيلَى
لَحْظِل الطَلْق البِمَرْ مَاهُ والرَّشَارِش قَلْبِى فَارْمَاه
طَرْفِى لَى رُؤيَاك حَارْمَاهْ جُودِى بَالطَّيف لَيْلَه يَالَيْلَى
كُلَّمَا أطْرَاكِى أتْلاَهَى فرْعِى بَات فِى هَوَاك وأتْلاَهَى
بِعْتِى فِكْرَه فِى جُوفِى شَاتْلاَهَا وإمْتَى وَصْلِك لَىَّ يَالَيْلَى

[مها]

فى وداعة الحى

فِى ودَاعْة الحَىْ الوَدُودَة ريَّا فُوقَه أبْوَاتَه وجِدُودَه
إسْتَنَارَتْ سَاحَة رِدُودَه بَى نَعِيمَة النَّايْرَاتْ خِدُودَه
قَايْمَه تَنْهَضْ تَرْجِعْ رِدُودَه تَرْنُو مَايْحَه أنْفَاسَه الصَّدُودَه
سَمْحَه سِيرْتِك كُلْمَا أعُودَه تَعْلَى فُوقْ الفَرْقَد صِعُودَه
تُهْتَ فُوقْ الرُّوَبه وجِنُودَه والمَنَازِل سَعْدَ السِّعُودَه
زُعْفُرَانْ أمْ عَنْبَر وِعُودَه أمْ عَبِيرِكْ فَاحْ مِن يَعُودَه
فَاحْ مَزَجْ نَسَّامَه ورِعُودَه يَحْيى مَيْتَ البَلَدْ البِعُودَه
تَكْسِى رُوبْتِكْ هَيْبَه وتَقُودَه وكَاعِبَاتْ بِتْدَاعِبْ نِهُودَه
غَانْيَه عَنْ سُمْرةْ وَقُودَه دِيمَه ظَنِّكَ سُوء يَاحَقُودَه
مَنْ لِهَيجَه الفَاقْ بِتْ تَمُودَه وَاجَّه نَارِى ومَا دُرْ خِمُودَه
مِنْ قَدِيمْ مِنْ عَادْ مِنْ َثُمودَه لاَلِجَرْحِ العَاشِقْ كَمُودَه
تَذْهِبْ الأحْزَانْ بَى وِجُودَه عَلَّ بَيهَا الأيَّامْ تَجُودَا
أسْخَى بَي أشْعَارِى وأجُودَه لَمَسَاتِكْ مَوْضعْ سِجُودَه
طَرْفِى سَاهِرْ شَاهِى لُو نُودَه دِيمَه شَايْل اللِّيلْ فُوقْ بِنُودَه
جبر لاعب دايما عنوده والسِّيُوفْ الصَّافَّاتْ جِنُودَه
عَينِى قِنْعَتْ وَفَّتْ وعُودَه عَنْ خِلاَفِك غَاضَّة وزَهُودَه
سَاهْرَة شَاخْصَه وشَخْصِك شهُودَه هَاهِى دِى الأدْمُعْ شَهُودَه

[مها]

فى وداعة الكريم

فِى وِدَاعْة الكَرِيمْ مِوْلاَنَا يَاحِلَيلُو الرَّحَلْ خَلاَّنَا
نَاسْ القَرْيَة قَالُوا لَيكَ تِتْسَاقَطْ دمُوعْنَا عَلِيك
إنْ شَاء الله الدُّنْيَا تَبْسُمْ لَيكَ وتَهُونْ القَوَاسِى عَلَيك
رُوحَكْ عَالْيَه مِمَّا نَشَيتْ لاَ وشُّوكْ ولاَ وَشَّيتْ
يَالمَحَبُوبْ مَحَلْ مَا مَشَيتْ فِى جُوَّه القِلُوبْ خَشَّيتْ
دَوَامْ عَينْ اللَّطِيفْ تَرْعَاكَ تَبَارِكْ لَيكَ فِى مَسْعَاكَ
الأيَّامْ تَكُونْ طَايْعَاكَ دَايْمَا تَبْقَى حِلْوَه مَعَاكَ
تَبْكِى عَلَيكْ فُلاَنَه الزِّينَه دِمُوعَه تَعَوِّمْ الوِزِّينَه
قَالَتْ كَان أخُوىَ خَزِينَه نَقَلُوهُ وتَرَكْنِى حَزِينَه
أنَا كُلْ يُومْ أقُولْ أحَّىَّ مِنْ نَار الفُرَاقْ الحَيَّه
قَابْضَه العَقْرَبْ واطْيَه الحَيَّه مَا بَنْسَاهُ مَادُمْ حَيَّه
يَا البَىْ رِيبَه قَطْ مَاحُمْتَ مَسْتُور كُنْت لاَمِنْ قُمْتَ
يَالفِى قِلُوبْنَا إتْقَسَّمْتَ إذَا نَابَكْ أسَى إتْبَسَّمْتَ
يَالمَامُونْ تَصُونْ لَى عِرُوضْنَا مَاكَانْ الفُرَاقْ مَقْصُودْنَا
يَالهَمَّامْ تَقَضِّى غِرُوضْنَا حُبَّنَا لَيكَ زَىْ مَفْرُوضْنَا

[مها]

هيفاء

هَيْفاءَ تَصْطُل إنْسِطَالْ مُرْبُوعَة لَكِن دِيسَه طَالْ
مُرْتَاعه لَيهَا أقْدَام عِطَالْ حَنَّينَا لِيهَا وشُوقْنَا طَالْ
يَابِنَيَّه مِنْ يُوم رَحَّلُوكْ ضُقنَا الحَناضِلْ وينْ حلُوكْ
يَاحُوشَه وُوبْ وُوبْ قَفَّلُوك شَكْوانَا لَى مَلِكْ المِلُوكْ
إتْلَمُّوا الأقَارِبْ والبُعَادْ بالعَبْرَه رَاجْيِينْ الوَعَدْ
السَّاقَه عَجْلاَن مَاقَعَدْ الجَّاوَرُوهَا هِنَاكْ سُعَادْ
يَاحِلَيلْ جِلُوسِكْ وحَفْلَتُه يُوماً نَحسْ يُومْ قَفْلَتُه
السُّوحْ مِألِّمْ حِلَّتُو فاليَهْنَا بَلداً طَلَّتُه
يَاحِلَيلْ جِلُوساً بَيهَا رَاقْ تَبْكِى الحِنَيْنَه حِسَيسَه رَاقْ
فَرَّاقَه يَادَارْ الفُرَاقْ مَوْدُوعَه لَى سِيدْ البُرَاقْ
مَسْتُورَه مِنْ زَمَنْ الجَّهَلْ يابِنَيَّه زَىْ لَبَنْ الكَهَلْ
هَلْ تَجْتَمِعْ يَارَبِّى هَلْ نَبَلِّلْ الشُّوقْ فِى الأهَلْ

[مها]

خـــليــــل فــــــــــــــــــرح

ولد خليل فرح بقرية دبروسة مركز حلفا وكان عام 1894م نشأ وترعرع فيها وكانت حلفا معبرا لدخول العلماء والمهندسين وجميع المهن المختلفه وكان يقف على مدخلها آنذاك خليل فرح يشاهد بعينى رأسه تلك الحشود الوافدة من المثقفين فنال من كل نبع قطرة وأخذ من الثقافات المختلفة التى كانت بمثابة الخميرة .

هاجر خليل فرح إلى أمدرمان حيث أسرة أبيه فدخل كلية غردون التذكارية قسم البرادة الميكانيكية فوجد صفوة من الطليعة القادمين من الأقاليم الذين التحقوا بالكليات المختلفة فاختلط بهم وتعرف على ثقافاتهم فكانت له إضافات جديدة ثم واصل خليل إطلاعه فى الأدب الجاهلى ووعى إبداعات أدباء مصر أمثال طه حسين – العقاد – حسن أحمد الزيات وقرأ مجلاتهم وصحفهم وحفظ من عيون الشعر العربى الكثير ومما لفت نظره قصيدة عمر بن أبى ربيعه ( أعبدة ما ينسى ) التى لحنها وسجلها مع قصيدة (عزة فى هواك ) فى مصر فى أواخر أيامه بصوته فكان حدثا هام فى ذلك الوقت الذى كانت الأغانى فيه ممجوجة فأدخل اللحن المميز والموسيقى والمقدمة التى نسمعها الآن فى (عزة ) ولا أبالغ لو قلت أنها كانت قليلة فى تلك الفترة فترة الثلاثينيات حتى فى الدول العربية المجاورة.

أشتهر خليل فرح داخل الكلية بعمل الشعر فعلم به شعراء أمدرمان مما حدا بحضور الشاعر محمد على عثمان بدرى إبن عمه وسلطان العاشقين يوسف حسب الله ومعهم المبتدىء (مركز ) ليختبرا خليل فرح فى هذا المجال.

بدأ المبتدىء مركز والحكمان يراقبان الموقف بدأ ببيت شعر فرد عليه خليل فرح ثم كانت الثانية والثالثة والرابعة حتى أقتنع الحكمان فأوقفا المعركة واعترفا له بالشاعرية ومنحاه الشهادة بذلك . ومنذ ذلك الوقت سمى بشاعر الحديقة نسبة للميدان المنجل نمرة واحد الذى يقع فى الجزء الشرقى من الجامعة الى الآن . وصار خليل فرح يواصلهم ويجتمع بهم حتى استفاد منهم الكثير.

توسع خليل فرح فى علاقاته مع الأدباء والشعراء وتمكن من ارتياد المنتديات ، كمنتدى أبر روف ومنتدى الهاشماب ومنتدى الموردة ثم منتدى (دارفور) لتخرج جل أناشيدة وأغانيه الوطنية منها تباعا ، وجاءت من ثم جمعية إتحاد الأدباء التى تكونت لجنتها من دار خليل فرح بالخرطوم . وفى بداية العشرينات اشتد ساعد المناضلين والتحم الشعب بهم وظهرت الأناشيد تغنى فى كل موقع. ثم كانت المظاهرات العنيفة ومن ثم جاءت جمعية اللواء الأبيض بكوادرها المدنية والعسكرية ومؤسسها وصانع إسمها الباشمهندس محى الدين جمال أبو سيف وصحبه.

قامت ثورة 1924 م وخرجت الكلية الحربية بمظاهرة قوية ثم تبعها الثوار بقيادة المناضل الباشمهندس محمد سر الختم الملقب ( بالصائغ ) وهو من اولاد حلفا وهو أول ثائر يدخل السجن . طالبت الجماهير بوحدة وادى النيل وعلى رأسهم خليل فرح الذى تغنى وقال

من تبينا قمـنــا ربينــا ** ما اتفاسلنا قط فى قليل
دا ود عمى ودا ضريب دمى ** إنت شنو طفيلى دخيل

[مها]

وقد واجه خليل المستعمر والقصيدة طويلة : ((نحن ونحن الشرف البازخ)) وأردفها ماك غلطان دا هوى الأوطان ثم انفرط زمام الأمن وانزعج له المسؤولون فبثوا عيونهم بالجواسيس خلف خليل فرح

عاش خليل فرح فترة وجيزة لا تزيد عن التسع عشرة سنة منذ تخرجه عام 1913 م من الكلية إلى وفاته فى 30/يونيو 1932 م عاش عيشة الكفاف لا يملك فى هذه الدنيا الا شبرا واحدا فقط فى مقابر أحمد شرفى ولكنه وجد الكثير من هذا الشعب الوفى وهو من الأوائل الذين كرموا حينما أقاموا له حفل تأبين بنادى الخريجين والمستعمر قابع بكل قوته وجبروته وعلى رأسهم إسماعيل الأزهرى ، وقد طبع ابن عمه الأستاذ / حسن عثمان بدرى كتيبا جمع فيه كل الكلمات والمقالات والأشعار التى قيلت فى تلك الليلة ، وما زال التكريم مستمرا . وقد جاء تكريم جامعة الخرطوم وطلبة جامعة القاهرة فى عهد الرئيس نميرى كرم بنيشان العلم الذهبى وأيضا مع ثوار 1924 م وقد كرم نفسه بنفسه حين قال

من فتيح للخور للمغالق ** ومن علايل ابروف للمزالق
قدلة يا مولاى حافى حالق ** فى الطريق الشاقى الترام

[مها]

تنبئ شهادة أخرى أن خليل فرح لم يكن مسجلاً بدفاتر مواليد حلفا 1891 إلى 1895 . وههنا اضطراب في تاريخ الميلاد ولا ندري ما كان الغرض من تحرير شهادة مثل التي وقع عليها كاشف حسن بدري ، خاص وأنها جاءت بعد نحو خمس عشرة سنة مبدأ عمله بالحكومة ! وقد رزق فرح بدري من الولد ستة هم خليل ، بدري ، حسن ، فاطمة ، عثمان ، وعلي فرح . وكان والد خليل يعمل بالتجارة وتلك جعلته كثير الأسفار في المنطقة بين حلفا ودنقلا . وكثيراً ما كان خليل يصحبه في تجواله وتوفى أبوه عام 1915 . وأمه سنة 1927 .
ونال خليل جزءاً من تعليمه في خلوة الشيخ أحمد هاشم بجزيرة صاي ، واختلف إلى الكتّاب في دنقلا كما درس في أمدرمان حيث كان يقيم وأهله أبيه . وتعلم حتى نال اجازة فيما كان يعرف بالهندسة الميكانيكية في كلية غردون حيث عمل بمصلحة البوستة والتلغراف وتزوج خليل من السيدة سلامة أغا ابراهيم أرملة شقيقه بدري وذلك بجزيرة ( صاي ) عام 1923 . ولخليل من الولد إثنان فرح وعائشة

[مها]

وكان خليل وصحبه يرتادون شواطئ النيل في بري وغابة الخرطوم والمقرن . وجاء ذكر هذا في شعره كثيرا . وتحمل القصائد عموماً وصف الجلسة وما دار فيها من صفة الخمر والساقي والندمان :
دنَك دمه سايل أظنُه مات مفلــوقْ
عبّق طيبُه فاح عسَّف ملانا خَلُوق
أو :
يا مقْرنْ النيلين ســلام **** باشـــرنْا قُـبـَّال الملامْ
ما بشيقنا من غيرك كلام **** قولْ لينا وين بحركْ ده لامْ
جمدانَهْ وابريقين وكــاس **** ونديمْ وساقِِي خدودُهْ مـاسْ
وجنينَه سايقَهْ نخيل وآس **** أنا والحبيبْ ما معانَا نــاسْ
وشعر الخمر السوداني ـ إن صح التعبير ـ إزدان بصور خليل فرح الشعرية فهو شاعرها المقدم وتملح حيناً بعد حين تأثره بالأعشى وأبي نواس والخيام ... ولعلك تذكر قوله :
يا حسنْ اتذكر طــــيب ليلتنا ديك والصــــــباح السكَرْ
المُدام ما اتعكر لا مِنْ ديكنا صاحْ فوق رؤوسنَا اتْحكّرْ
ونظره لقول الأعشى :
نازعته طيب الراحِ الشَمُولِ وقد ****** صاحَ الدَجاجُ وحانتْ وقعةُ السارٍي
ولا شك أن القارئ سيفطن إلى تفرد خليل في هذا المجال بامعان النظر في قصيدتيه " يا مقرن النيلين " و " خمرية " . غير ما قد يجده متناثراً هنا وهناك في قصائد الديوان

[مها]

عازه في هواك
عازة في هواك عازة نحن الجبال ولليخوض صفاك عازة نحن النبال
عازة ماسليت وطن الجمال ولاابتغيت بديل غير الكمال
وقلبي لي سواك ماشفته مال خذيني باليمين انا راقد شمال
عازة ماسليت جنة بلال وملعب الشباب تحت الظلال
ونحن كالزهور فوق التلال تشابي للنجوم وانا ضافر الهلال
عازة في الفؤاد سحرك حلال ونار هواك شفا وتهيك دلال
عذابي في هواك حلو كالزلال تزيدي كل يوم عظمة وازداد جلال
عازة جسمي صار زي الخلال وحظي في هواك صابو الكلال
وقلبي لسعه ماعرف الملال لانه ود قبيل وكريم الخلال
عازة ماشكت مر الحجال ولا السوار بكي وفي يمنها جال
عازة في الفريق للطيق مجال قبيلة بت قبيل ملاء الكون رجال
عازة في ربوع ام در شمال عازة في حذا الخرطوم قبال
عازة من جنان شمبات حبال وعازة في الفؤاد دوي يشفي الوبال

[مها]

في الضواحي
في الضواحي وطرف المداين يلا ننظر شفق الصباح
قومو خلو الضيق في الجناين شوفو عز الصيد في العساين
النهار ان حر الكماين يلا نطرد ونقنص نعاين
كلبي ياجمجوم اصلو خاين وشوفو يبراالملاين
هب شالها وكشح المراح
للقنيص الخيل خف راسن نحن مابنخاف من مراسن
المجاهل من غيرنا ساسن والمكارم غرقنا ساسن
وان عطشنابمز مر واسن وان عشقنا بنعشق محاسن
وفي المحاسن كفي يومناراح
يالطبيعة الواديك ساكن مافي مثلك في الاماكن
ياجمال نال في ثراكن ياحلاوة ابرعن واراكن
وفي قضاهن تور قرنه ماكن لاغشن لاشافن مساكن
وفي الحزام والشيح والبراح
يام لسانا لسع معجن كلمة كلمة وحروفه لجن
ديل شلوخك غير داعي وجن ودموعك من نظره ثجن
وحواجبك ياسيده زجن ده دلال ايه ده دلال معجن

[مها]

فلق الصباح
فلق الصباح قول لى أهو نورك لاح خلى
يا خفيف اــــلروح هو هذا نــــداك
ام ندى الازهار
من جنان رضوان أصلك لذا كل ربيع فصلك
إتنفس فــــــوح تتنفــــس ناس
و رياض و بحار
ما ألذ نسيم وصلك ما رأيت يا جميل مثلك
يا بليل الســـوح هو هذا هــــــواك
ام هوى الاسحار
إنت روضه و ليك زهره وله كوكب و ليك بهره
ضمخوك للجــــبير زعفران و عــــــبير
إنت نار فى بهار
صبغ الخدين حمره بعد ساعه بشوف صفره
الاصفرار ده كتير أخجلوك يا أمــــير
وله نمت نهار
صبح البستان شايل شجر الرمان مايل
السلاف فى الدنان والكنار فى حنان
و الََهَزَار فى هِِزار
إنت كالطاووس خائل كبرياءك و فيك خايل(
انزل إنت كمان غنِّ قول يا زمان
وين حبيبى آذار

ما عرفنا عدوك ذاهل وله لسه غلام جاهل
متهلك صــــــــيف شنا عندك كــــيف
فى اللعب بالنار
فى لهيبك أشوف ساحل كالفراشه أجيك راحل
أنا خايف كــــــيف يا لطيف الطـــــيف
أهوى و أبقى فى نار
فلق الصباح نور لى نحور الغيد صـــور
جمعن فى الدور من خدود و بــــــدور
َصَََدََفه و ُمحََّّـــار
عزه شوفى الحوش نور بى نجوم الليل غوَّر
با صباح النـــــور على العيون الحــور
و الخديد الحــار
عزه قومى كفاك نومك و كفانا دلال يومك
إنت يا الكبرتوك البنــــات فاتوك
فى القطار الطــار
عزه شوفى شباب قومك سبقوك على كومك
بت رجال ولــــدوك للقبيله هــدوك
إنت عز و بطــار
الجمال فى كمال وصفك أدبك و جمال خِلفِك
الضمير كالعــــــود و العيون الســـود
فى البطانه كتار
منزلك عُنوان ُظرِفــك نوريه يصون إلفك
زعلك يا أم خـــدود سوِّى ليه حـــدود
و منه يا ستار

[مها]

نحن ونحن الشرف الباذخ
دابي الكر شباب النيل
قوم وم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل

[مها]

ما له اعياه النضال بدني

روحي ليه مشتهيه ود مدني

ليت حظي سمح واسعدني

طوفه فد يوم بي ربوع مدني

كنت أزوره ابويا ود مدني

واشكي ليه الحضري والمدني

آه علي حشاشتي ودجني

وحنيني ولوعتي وشجنى

دار ابويا ومتعتي وعجني

يا سعادتي وثروتي ومجني

حين سألنا حاوي الوصب

من خمايل قرية القصب

قالوا جات سيرتك علي النصب

ونحن بين الروضة والقصب

صنفه بعرها قالن إن تصب

تربط الأحلام مع الخصب

كان حبيبنا وحاشا ما نصبي

ومن زمان فارقنا وهو صبي

تاني ما سمعنا انقطع خبره

يا حليلم طشوا ما اتخبروا

واحدة فيهن قالت انجبروا

فقر ابونا

وخدمة النبرو

الكنانة أكرمت نزلي

واغدقت من خيره كل زلي

إن حييت أو مت في الازل

ده مقدر طبعه في الازل

غايته بختم نفثتي الخطرت

بي تحية من حشاي شطرت

للتدور والطايره والما طارت

وسلاما ما الغصون خطرت

[مها]

بين جناين الشاطىء وبين قصور الروم

حي زهرة روما وأبكي يا مغروم

دره سالبه عقولنا لبسوها طقوم

ملكة باسطة قلوبنا تبين عليها تقوم

في الطريق ان مرت بالخلوق مزحوم

كالهلال الهل الناس عليها تحوم

شوف عناقد ديسها تقول عنب في كروم

شوف وريدا الماثل زي زجاجة روم

القوام اللادن والحشا المبروم

والصدير الطامح زي خليج الروم

خلي جات متبوعة الصافية كالدينار

في القوام مربوعة شوفا عالية منار

موضة آخر موضة هيفا غير زنار

روضة داخل روضة غني فيها كنار

شوف جبينا الهل ضو فوقه فنار

منه هل الشارع منه بق ونار

طالعة ما بتقابل زي لهيب النار

تحرق البتهابل والبعيد في نار

[مها]

ماهو عارف قدمه المفارق

يا محط آمالي السلام

في سموم الصيف لاح له بارق

لم يزل يرتاد المشارق

كان مع الأحباب نجمه شارق

ماله والأفلاك في الظلام

يا دهر أهوالك تسارق

منها كم كم شابت مفارق

ما علينا الفات كله فارق

رقنا وله نعيد الملام

من حطامك أنا غصني وارق

في شن أبقيت للطوارق

غير قليبا في همومه غارق

ولسانا برده الكلام

ويح قلبي الما انفك خافق

فارق ام درمان باكي شافق

يا أم قبايل ما فيك منافق

سقي أرضك صوب الغمام

يا بلادي كم فيك حاذق

غير الهك ما أم رازق

من شعاره دخول المأزق

يتفاني وشرفك تمام

مسرح الغزلان في الحدايق

والشوارع الغر والمضايق

قول لي كيف أمسيت دمت رايق

دام بهاك مشمول بالنظان

مجلس اللذات في النمارق

والترف لا زال وصفه خارق

ضاري حسك فاح جانا مارق

وله قاطعو الريح ما هو لام

في يمين النيل حيث سابق

كنا فوق أعراف السوابق

الضريح الفاح طيبه عابق

السلام يا المهدي الامام

أين مني الودعته شاهق

باكي ناهد لسه مراهق

عيني ما بتشوف الا شاهق

أين وجه البدر التمام

أين مني الفي زهوه باسق

في شبابه نقي من مفاسق

بين ثيابه البيض المناسق

حولك اشبه رتل الحمام

يا بريد الجو فوقي حالق

ميل علي الروح ليها خالق

عدت سالم قول وأنت عالق

مقرن النيلين كيلو كام

الحبايب لفتوا الخلايق

بيني وبينهم قطعوا العلايق

ان دلال ان تيه كله لا يق

نحن ما مجينا الخصام

يا جميل يا نور الشقايق

أملأ كأسك واصبر دقايق

مجلسك مفهوم شوفه رايق

عقده ناقص زول ولا تام

من فتيح للخور للمغالق

من علايل ابروف للمزالق

قدله يا مولاي خافي حالق

بالطريق الشاقه الترام

ما يئسنا الخير عوده سايق

الحي يعود ان أتي دونه عايق

الي يوم اللقا**وانت رايق

السلام يا وطني السلام

[مها]

[اذكر بقعة ام درمان

وأنشر في ربوعها أمان

ذكر يا شبابي زمان

دارنا ودار أبونا زمان

فيها رفات جدودنا كمان

ما بنساك خلقه ضمان

جنة وحور حماك أمان

ذكر يا شبابي زمان

بطرا الأسسوك زمان

كانوا يحلحلوا الغرمان

يساهروا يتفقدوا الصرمان

ذكر يا شبابي زمان

في السودان فتيح معروف

ولسه أب عنجه خوره سروف

ود نوباوي زول معروف

باقى وديك مشارع أبروف

ذكر يا شبابي زمان

كانوا جبال تقال ومكان

نزلوا اتربعوا الأركان

خلوا البقعة كل مكان

آهلة وزارة بالسكان

ذكر يا شبابي زمان

ليه يا كعبة العربان

غاضبة وفين عريسك بان

قبال نسأل الركبان

حبك من حسودك بان

ذكر يا شبابي زمان]

[مها]

[

URL=http://www.up-00.com/][/url]

الشاعر اسحق الحلنقى

اسحق الحلنقي قطعة من كسلا ... هو سمرة من جبالها وخضرة من مروجها وبسمة في عيون أهلها ... عبر الحلنقي عن كوامن دواخله وأبرز كيف التواشح مع الجمال والتسامح والتناسخ مع المواقف فجاء شعره الغنائي متسم ببساطة الصدق وحرارة العاطفة ويسر الكلمات والمقاطع فأصبح علي الألسنة ترديداً وهتافاً فكسلا الوطن الصغير الملاذ الذي احتمي به الحلنقي عصماً من دواخله الضياع فجادت قريحته بالكثير الممتع ...
أخذ من قوس قزح المتدني فوق جب التاكا الأشم الذي يسترضع القمر ويتدلي علي دائرة الظل علي هامش نبع توتيل السلسبيل وركائم السحائب تشق طريقها لتنسم حبات الندي المتساقط صبحاً

[مها]

أقابلك
في زمن ماشي
وزمن جاي
وزمن لسة
بشوف الماضي فيك باكر
أريت باكر يكون هسة

وقصر طول مشاويرنا
ورقش بالفرح جلسة على النيل
والقمر مرات يبين في الموج ويدسة
ونحن نقابلو زي طفلين
كلامم كلو بالهمسة
وزي عصفورة قلبها دابو حنة
وبالولف حسَّ

أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات

بلاك النجمة
لا بتتعلا لا بتتدلا
فوقا هلال
عليكي الريدة طلي علينا
يالختينا فيكي آمال
تجينا فرح ترفرفي فوقنا
نستناكي بالموال
والشوق بيني بينك انتي
زي ماتقول نظرة طال

[مها]

الروح تروح ما مشكلة

الروح تروح ما مشكلة وتزيد جروحي علي جروح مامشكلة
المشكلة ريدتك بقت هي المشكلة وأديني حل للمشكلة

ينسي الفراش عطر الربيع ما مشكلة
وينسي الوديع زولو الوديع ما مشكلة

الشاري لو فكر يبيع لو ضاعت الأعمار تضيع ما مشكلة
المشكلة ريدتك بقت هي المشكلة وأديني حل للمشكلة
************

لا تبين شمس لا يهل قمر ما مشكلة
يبقي السحاب من غير مطر ما مشكلة

يرموني في نص البحر لا يجيبو لي الناس خبر مامشكلة
المشكلة ريدتك بقت هي المشكلة وأديني حل للمشكلة
************
لو هز صمت الليل برق ما مشكلة
والقاش رحل خلاّ الشرق ما مشكلة

لو عمري بالشوق يحترق ولو رحت ماجبت الفرق ما مشكلة
المشكلة ريدتك بقت هي المشكلة وأديني حل للمشكلة
************
الدنيا تبقي بدون جليس ما مشكلة
وتبقي الليالي بدون ونيس ما مشكلة

لو تنسي ليلي حبيبها قيس تنسي العروس اسم العريس ما مشكلة
المشكلة ريدتك بقت هي المشكلة وأديني حل للمشكلة