ثقافة مزارعية ( عنقالة)

[الشمالي]

يا ود النعيم براحه علي الناس ديل اعمل ترانسليتنج ... وقرب ليهم المسافه باقي الناس ديل ماشين ليهم تلاته جدعات وما فاهمين حاجه

اي بالله خليهو يترجم باقي
الزول ده علي الطشاش العندنا
طشش بينا زيادة كااااااااااك

[عمار ود الشرفه]

يا مطيره
صبى لينا
يا مطيره صبى صبى
خلى العيش القايم يكبر
خلى اللوز الشايل اخضر
يبقى قطينه
يا مطيره
صبى لينا
يلا يا اولاد المدارس
نمشى نحصد يوم لقطينا

ابداع يا الشمّالي الظاهر عليك زمان كنت غلباوي جنك لعب في المطره

[ملاك الورد]

يا ود النعيم براحه علي الناس ديل اعمل ترانسليتنج ... وقرب ليهم المسافه باقي الناس ديل ماشين ليهم تلاته جدعات وما فاهمين حاجه

انا خلاص جاتني تشنجات عصبية

قلتوا لي الغنمايات بتاكل بالليل
عشان كده الصباح بكون الحليب جاهز

[الشمالي]

ابداع يا الشمّالي الظاهر عليك زمان كنت غلباوي جنك لعب في المطره

لعب في المطرة وسرقة تبش وبطيخ

كااااااااااااك

[الشمالي]

انا خلاص جاتني تشنجات عصبية

قلتوا لي الغنمايات بتاكل بالليل
عشان كده الصباح بكون الحليب جاهز

انا جاتني ارتكاريا

[الشمالي]

و مساحة النمرة الواحدة تساوي 90 فداناً. ينتهي التنظيم في تقسيم النمرة الواحدة الي حواشات، و تتفاوت مساحة الحواشة بين 10 و 40 فدان في الجزيرة رغم ان معظم الحواشات مساحتها 20 فدان. اما في المناقل فتتراوح مساحة الحواشة الواحدة بين 7,5 الي 30 فدان رغم ان معظم الحواشات مساحتها 15 فدان

[عمار ود الشرفه]

انا خلاص جاتني تشنجات عصبية

قلتوا لي الغنمايات بتاكل بالليل
عشان كده الصباح بكون الحليب جاهز

وما تنسي انو الغنم بأكلوهم البرسيم بالسكيرانه وخاصه لمن تكون السكيرانه حميض ,,, طبعاً السكيرانه دي في ناس بياكلوها ,,, ممكن تجريبي لو عاوزه

[عمار ود الشرفه]

لعب في المطرة وسرقة تبش وبطيخ

كااااااااااااك

خبـــــــــــــره ,,, هههههههه والظاهر عليك بتسرق اب سبعين وقايلو قصب سكر

[ملاك الورد]

وما تنسي انو الغنم بأكلوهم البرسيم بالسكيرانه وخاصه لمن تكون السكيرانه حميض ,,, طبعاً السكيرانه دي في ناس بياكلوها ,,, ممكن تجريبي لو عاوزه

ههههههههههههههههه
طيب مش اول اعرف شنو دي السكيرانة

# خربرررررشة .... انت قالوا ليك انا غنماية

[عمار ود الشرفه]

و مساحة النمرة الواحدة تساوي 90 فداناً. ينتهي التنظيم في تقسيم النمرة الواحدة الي حواشات، و تتفاوت مساحة الحواشة بين 10 و 40 فدان في الجزيرة رغم ان معظم الحواشات مساحتها 20 فدان. اما في المناقل فتتراوح مساحة الحواشة الواحدة بين 7,5 الي 30 فدان رغم ان معظم الحواشات مساحتها 15 فدان

الله عليك يا مساح ... ازرع ليك بتيخ في كم فدان كدا لكن ما تكلم ابو صديق

[عمار ود الشرفه]

ههههههههههههههههه
طيب مش اول اعرف شنو دي السكيرانة

# خربرررررشة .... انت قالوا ليك انا غنماية

حاااااااااشاك والله ... انت ملاك .. انا شخصياً. ما بوريك السكيارنه ممكن تستعيني بي صديق او وابوهو ... اما حكايه اكل السكيرانه دي عادي والله في ناس كتييرين اكلوها

[الشمالي]

وما تنسي انو الغنم بأكلوهم البرسيم بالسكيرانه وخاصه لمن تكون السكيرانه حميض ,,, طبعاً السكيرانه دي في ناس بياكلوها ,,, ممكن تجريبي لو عاوزه

ودي نوع من انواع المسكرات ولا شنو ؟

يااا عمار اشرح باقي
قادين انجليزي

[الشمالي]

خبـــــــــــــره ,,, هههههههه والظاهر عليك بتسرق اب سبعين وقايلو قصب سكر

لا عارفو قصب ابوسبعين بس
بنديهو الغنم والقصبة الكبيرة
(قصبة مدالق السيل) بناكلها
ذي فصب السكر انت ما جربت
اكل قصب ابوسبعين كاااااااك

[الشمالي]

ههههههههههههههههه
طيب مش اول اعرف شنو دي السكيرانة

# خربرررررشة .... انت قالوا ليك انا غنماية

ورينا كلنا عائزين نعرف

[عمار ود الشرفه]

ودي نوع من انواع المسكرات ولا شنو ؟

يااا عمار اشرح باقي
قادين انجليزي

لا يا الشمّالي انا اكان شرحت الورد بنقلب شوك وشوك وخربشه ما بقدر عليهم ... بخلو وشي غربال خلي زول تاني يشرحها ... لكن انت قربتا مافوت بعيد

[الشمالي]

الله عليك يا مساح ... ازرع ليك بتيخ في كم فدان كدا لكن ما تكلم ابو صديق

سمعت انو مزارعية الجزيرة فاتخين فيهو.
كمية من البلاغات في الاخر الزوول شتت
برة البلد كااااك

[ود الخير]

يا ود النعيم براحه علي الناس ديل اعمل ترانسليتنج ... وقرب ليهم المسافه باقي الناس ديل ماشين ليهم تلاته جدعات وما فاهمين حاجه

يا اخوى هوى انت لسى فى جدعاتك التلاته
انا بى جرايتى دى فى الجدعه الخامسه
وما شى اعزق الحته البور
والله زكرتونا الله يخليكم

[الشمالي]

حاااااااااشاك والله ... انت ملاك .. انا شخصياً. ما بوريك السكيارنه ممكن تستعيني بي صديق او وابوهو ... اما حكايه اكل السكيرانه دي عادي والله في ناس كتييرين اكلوها

اكيد ابو صديق اكلها باقي الزول ده بتاع
مسكراااات سااااكت وبوقنية غااااغ

[عمار ود الشرفه]

لا عارفو قصب ابوسبعين بس
بنديهو الغنم والقصبة الكبيرة
(قصبة مدالق السيل) بناكلها
ذي فصب السكر انت ما جربت
اكل قصب ابوسبعين كاااااااك

شبعنا مسكيت وابو سبعين وتمر هندي ... معانا اولاد اصحابنا بغشو الشفع ببيعو ليهم اب سبعين وبفولو ليهم ده قصب مستورد .. كـــــــع .. انا ما معاهم انا بمسك القروش بس

[الشمالي]

يا اخوى هوى انت لسى فى جدعاتك التلاته
انا بى جرايتى دى فى الجدعه الخامسه
وما شى اعزق الحته البور
والله زكرتونا الله يخليكم

هع اهلها جو

اكيد هندستك في الزراعة اها
ياهندسة دحين (البور ) دي الارض
التي لا يتم زراعتها حتي لا يتم
اسهلاك خصوبة التربة وتزرع
فيما بعد , رائك شنو في الانجليزي
ده كاااااك