همس القوافى

[لبيب]

سأظل أعشقه الغرام لأجلكم
وأظل أمنحه جميع شعوري

فأنا الوفي لعشكم أبدا أنا
عند الغياب وفي زمان حضوري

[ريانه إمام]

يا الكحلت عيون الدنيا بلون الغنوه
يا الضفرت ضفائر احساس الكلمه الحلوه
يا الشتت نجوم الليل فى وش النيل
عقدا فوق القمره بيقدح فينا الضو
يا الطقطقت اصابع السحب الشالن جو
...دفق عسل المطره ونقط..كبت شو
نضمت..غنت..سكتت..صنت
مرقت..دخلت..قامت..قعدت
شن بتسو..؟؟

[مها]

انا بنظملك احلي قوافي
وليك وهبت حناني الدافي
ومن جواي انا بتمنالك
انو تعيشا حياتك هاني
حب وسعادة وشوق واغاني
انا بلقاك في الزمن الحاني
فارد جنح الريدة خيالك
والله يكتر من امثالك

[لبيب]

شوقك يفيض بالفرحة يانور العيون
والبهجة في عينيك زي نغما حنون

[ريانه إمام]

ما رِدتَك براي ,,
رادوك معاي كُل القُلوب الكانو مُتلمين هنآك
وشافوك معاي ,,
وإتبشتنوا,,
يكون مِن شنو ..؟؟

[النورس المهاجر]

[frame="1 80"]

كنت انتظار

وكان حلمي محال

فهل للواقع مجال ؟؟

قربك البعيد

يحنو ويدنو

[/frame]

[لبيب]

شوقك عبير فاح وانتشر
عطر مدار الأمكنة
وسحرك شعاع من الخيال
يخجل مدار الأزمنة

[مها]

واحتفينا ... وتساقينا الهوى
لذة العشاق... أنفاس الغريق
لهفة المشتاق من فرط النوى
نظرة تفصح في صمت عميق
وتصوغ الودَّ أقطار الندى
تمنح الحب صفاءا وبريق

[لبيب]

واحتفينا ... وتساقينا الهوى
لذة العشاق... أنفاس الغريق
لهفة المشتاق من فرط النوى
نظرة تفصح في صمت عميق
وتصوغ الودَّ أقطار الندى
تمنح الحب صفاءا وبريق

وارتوينا من صبابات الندى
سحر أنفاس وأنفاس الرحيق
كل نسمات الغرام وسحره
واجتاحت الأكوان فيض من بريق
قبس من العشق الجميل صبابة
تسبي الجنان بحسن أنغام رقيق

[ريانه إمام]

وقدر ماأمشي
في سور الزمن خطوات
ألاقي خطى السنين واقفات ...!!
علي بابك
ألاقي هواك نبت تاني
...وملا الساحات ....!!

[لبيب]

وقدر ماأمشي
في سور الزمن خطوات
ألاقي خطى السنين واقفات ...!!
علي بابك
ألاقي هواك نبت تاني
...وملا الساحات ....!!

[align=center]والاقي الدنيا في عيني
لوحة جميلة مابتنفات
واشوفك ياصباح العيد
بتفتح للفرح شرفات
عشان الكون يغني معانا
وتزغرد وتفرح الضحكات[/align][/size]

[لبيب]

بناديك يامنى الأحلام
عشان تفرح سنين عمري
وتعود الفرحة للأيام
والاقي الدنيا في عينيك
يصدح فيها أحلى كلام

[ريانه إمام]

ذنبك انك..
لسه مجهجه بين ما تسرح فيك الدنيا
وبين ما تفرح شان ما تفرح
صوت الغنيه
يردد فيها الطفل الشافك وكانت طله وشك مُنيه
وعيد وعيدو اولاد الحله
وبين دقات القلب الرادك
هم شايلنك
ذنبك انك.. انى بريدك اكتر منك

[مها]

شنو البيداوي غير رؤياك
منو الببقالي آسي بعد بسيماتك
وكت ترضي وتنادي علي تغازلني
تقول خليك وحدك في فؤادي براك
مافي مروق

[ريانه إمام]

محاصر فيك
بسأل عن سِكه تطلَع مِنك
أو سِكه تودي ليك
بسأل عن مخرج مارق مِنك
أو مخرَج داخِل فيك
ولو تبقي السِكه الماشه ضباب
ما بتبقي السِكه الجايه ضَهَب
..

[مها]

ياليتهم لو يعلمون.....؟
ياليتهم لو يعلمون بأن ما بينى وبينك...
شىء لا يدانيه انتماء....
بينى وبينك مثلما ما بين القفار اليبس...
والسحب الملا....أهواك بدأ..وانتهاء....
أهواك منذ أن عرفت جوارحى الغرام....
أهواك منذ أن سالت على شفتيا بدايات الكلام....
أهواك نبعا للمحبه منذ أن نادى المنادى.....
الحب لله العلى ....وعليك ياأرض السلام

[لبيب]

مازلت أكتب في حروف الشعر عن سحر الهوى
ذاك الذي ينداح في الأرواح حد الإرتواء
وأسطر الزفرات عن قسو النوى
من دون لقياكم مضى عمري هباء

[لبيب]

وانا اصلي من غير سكتك
لابقدر امشي ولا أقول
ياداخل الأعماق فرح
حسنك سحر كل العقول
قول لي كيف اقدر أبوح
واطلع من الدرب النزول
واكتب معاني الأمنيات
لى أحلى قصة أحلى زول

[ريانه إمام]

مامشتاق يازول يانيل؟؟
مامشتاق لى قعدة جبنة وريحة كسرة وحفلة حنة هوايد الليل؟
مامشتاق لى صوت أصحابك و ضل الشجرة الحاضن بابك وشاطيء النيل؟
مامشتاق لى شيلة سفرة في عرس أخوانك ومرقة فاتحة على جيرانك
وصــرة زول زعلان وجميل؟
مامشتاق لى رشة مطرة وصوت حولية ودقة نوبة وصدى تهليل؟
مامشتاق لى زولة حنينة مستفة ريده تريدك جد جد وشوقا يتاورك نص الليل؟؟
لومامشتاق الناس وحياتك ليك مشتاقه

[لبيب]

شاقني الكلام انا يامناي
مابين مداين سكتك
والرجعة لى أول خطاي
وكتين يكون النيل فرح
عشم القليب المنتظر
بى شوق يلاقيك فرحة تضوي الكون سعادة
وتملا بالآمال جواي وكل بلادي وكل سماي