هندسسسسسه كتب:الحكيم احب ان اهنئك لأختيارك الجميل وانا معجب
بالبوست وننتظر المزيد ان شاء الله واسمح لى بهذه المشاركه البسيطه فى موضوعك الجميل
ارسل ليك كلمه حب واحده لاتكفى
كل مملكه الحب لك تحملها النسمات
وتحياتى
تتشرفت بإطلالتك البهية يا هندسسة
وأدام الله عزك ..
ومملكة حبك ..
شكرا لك ..
ولك مني التحية والإجلال .
طلال الحكيم كتب:إشراقات وتجلي يا أركمانية ..
طيب هاك :
مسكني المارد من إيدي
وطار بي في الحال ..
وبقيت أنا زي ريشة ..
وشفت الدنيا من أعلى ..
وما أحلاها ما أحلى ..
وأنا قاعد أوصف ليه ..
أمشي هناك وتعال بجاي ..
وهو يقول لي ياخي أسكت ساي ..
عبرنا بحور ..
زهور وقصور ..
صحاري ودور ..
ووصلنا لبيتك إنت يا القمر..
وجمالك طغي على من حضر ..
وصحت أنا الولهان ..
لما شفت طرفك النعسان ..
هنا يا مارد وصلنا خلاص ..
وشكرت المارد
بحب وإخلاص ..
ولما نزلنا ..
وشاف المارد جمالك ..
تعب شديد وإحتار ..
وخطفك وطار..
وصحت يا غدار
يا غدار يا غدار..
وشالك وطار ..
وخلاني وسط النار..
آه آه أنا آه من النار ..
خراب و ودار ..
شالك وطار..
كلو من جمالك البهّار ..
جنن جميع الناس ..
وحتى الجن جن وطار..
ولقيت بجواري سيف بتار..
شلتو ومشيت كسرت
كل مصابيح الكون ..
وبقيت مجنون ..
ولعنت المارد المأفون ..
ومشيت برضو
لبيت علاء الدين
وكتلتو بسهم مسنون ..
عشان هو سبب الفراق والبين ..
وكل يوم بقيت أعاين للسماء..
يمكن علي المارد قلبه يحن ..
ويجيبك تاني يا السمحة..
قبلي أجن ..
وعشانك إنت يا الحلوة ..
يا أم أحلى عيون ..
ما ضراني
لو بقيت مجنون ..
آتآني مارد المصباح
بكل نقاوة الافصاح
تخيري أمنتين
تجاب ليك سريع في الحين
والثالثه منتظرين
قلت الأوله:
ريش يغطى كل جنحين
بين طياته حبي دفين
أطير زي برق لعين
وأوصل حبيبي الزين
أحاضن عينه في تحنان
عمر فرقه وسنين وسنين
وشوقي الشايلو بين نبضين
يظهر في العيون ويبين
نتهوه في نشوة الحبان
ولا نعرف مكان ده مكان
ولامرات كم .... أزمان
تشع الدنيا تملئ حنان
وسأل البحر ا يه الكان
قال فيض لقاء حبان
غار المارد من الكان
وقال خلاص الثانيه:
قلت تشيل كل أحزان
مسطره في أزل أزمان
وتعطيه غيرها حنان
وفرحه تدوم كل أزمان
يعيش في هناء أفراح
وتعم البهجة كل مكان
قال تتحقق كل أماني
مادام توفي بالتاني
قلت تمام
قال الثالثه:
بشل عين البصيره لديك
وتعيشى كفيفه في أبصار
بقيت أتوه بين الناس
بصيرتي معلقه عند الذات
لا بقدر أعيش مرتاح
ولا بعرف أعيد الفات
ودي حكايتي مع المارد
الغار من لحظة انفجر
بركان.
وعرف حبي ليك غير برهان
ولا يمكن يسعه مكان.
.................................
اركمانيه كتب:آتآني مارد المصباح
بكل نقاوة الافصاح
تخيري أمنتين
تجاب ليك سريع في الحين
والثالثه منتظرين
قلت الأوله:
ريش يغطى كل جنحين
بين طياته حبي دفين
أطير زي برق لعين
وأوصل حبيبي الزين
أحاضن عينه في تحنان
عمر فرقه وسنين وسنين
وشوقي الشايلو بين نبضين
يظهر في العيون ويبين
نتهوه في نشوة الحبان
ولا نعرف مكان ده مكان
ولامرات كم .... أزمان
تشع الدنيا تملئ حنان
وسأل البحر ا يه الكان
قال فيض لقاء حبان
غار المارد من الكان
وقال خلاص الثانيه:
قلت تشيل كل أحزان
مسطره في أزل أزمان
وتعطيه غيرها حنان
وفرحه تدوم كل أزمان
يعيش في هناء أفراح
وتعم البهجة كل مكان
قال تتحقق كل أماني
مادام توفي بالتاني
قلت تمام
قال الثالثه:
بشل عين البصيره لديك
وتعيشى كفيفه في أبصار
بقيت أتوه بين الناس
بصيرتي معلقه عند الذات
لا بقدر أعيش مرتاح
ولا بعرف أعيد الفات
ودي حكايتي مع المارد
الغار من لحظة انفجر
بركان.
وعرف حبي ليك غير برهان
ولا يمكن يسعه مكان.
.................................
يا جماعة ده كلام شنو يا ناس ؟
جمييل جمييل .
طيب إنت الكلام ده بتجيبيه من وين ؟
ماشاء الله عليك وعيني بارده وربنا يزيدك ..
إحترت معاك وعاندتني بنات أفكاري ...
طيب وبعدين في الحكاية دي يعني ؟؟؟
لكن المارد وقع وقعة تمام ..(يا بخته بشوفتك)
طيب إتفضلي هاك :
وجاني المارد نص الليل ..
بدون مصباح ..
وحدثني حديث جميل بالحيل ..
وقال لي وقف الدمعات
وأمسك الآهات
وما تخاف من شي
حبيبتك الحلوة
نور عينيك
وسر الضي
أم وجنات
سمحة الزي
معاي في أمان
وما بتخاف من شي
وديتها هناك
في جزيرة الحب
براها هناك
ومنتظراك
كل العمر تعيشه معاك..
يلا أرح
أشيلك فوق
ونطير بشوق
وشالني وطار
وشقينا غبار
برق وأمطار
ووصلنا ليك فجرية
وشفتك نايمة زي حورية
وجمبك بلبلة وقمرية
ولابسة هدوم وردية ..
وفرحت بيك
وداعبت بأصبعي خديك
عشان تصحي وأعاين ليك
وأشوف عينيك
لكن الطامة كانت كبرى
أنا الصحيت من نومي
أنا الحلمان !!
وبلل دمعي كل هدومي
وإزدادت عليّ همومي
لا جزيرة حب !!
لا حورية !!
لا قمرية !!
لا هدوم وردية !!
ليه بس كده يا مارد ؟؟
ليه كده يا بارد ؟؟
حتى في نومي لي تتطارد ؟؟
وشلت السيف
وتاني مشيت بيت ناس علاء الدين......!
.................................
طلال الحكيم كتب:يا جماعة ده كلام شنو يا ناس ؟
جمييل جمييل .
طيب إنت الكلام ده بتجيبيه من وين ؟
ماشاء الله عليك وعيني بارده وربنا يزيدك ..
إحترت معاك وعاندتني بنات أفكاري ...
طيب وبعدين في الحكاية دي يعني ؟؟؟
لكن المارد وقع وقعة تمام ..(يا بخته بشوفتك)
طيب إتفضلي هاك :
وجاني المارد نص الليل ..
بدون مصباح ..
وحدثني حديث جميل بالحيل ..
وقال لي وقف الدمعات
وأمسك الآهات
وما تخاف من شي
حبيبتك الحلوة
نور عينيك
وسر الضي
أم وجنات
سمحة الزي
معاي في أمان
وبتخاف من شي
وديتها هناك
في جزيرة الحب
براها هناك
ومنتظراك
كل العمر تعيشه معاك..
يلا أرح
أشيلك فوق
ونطير بشوق
وشالني وطار
وشقينا غبار
برق وأمطار
ووصلنا ليك فجرية
وشفتك نايمة زي حورية
وجمبك بلبلة وقمرية
ولابسة هدوم وردية ..
وفرحت بيك
وداعبت بأصبعي خديك
عشان تصحي وأعاين ليك
وأشوف عينيك
لكن الطامة كانت كبرى
أنا الصحيت من نومي
أنا الحلمان !!
وبلل دمعي كل هدومي
وإزدادت عليّ همومي
لا جزيرة حب !!
لا حورية !!
لا قمرية !!
لا هدوم وردية !!
ليه بس كده يا مارد ؟؟
ليه كده يا بارد ؟؟
حتى في نومي لي تتطارد ؟؟
وشلت السيف
وتاني مشيت بيت ناس علاء الدين......!
.................................
مساءك نديان
طلال.
جاني المارد يتبسم
وفي عينه سر
كبير دثر.
قال:
أفرحي يا هائمه
ليك بحقق المنيه
أنسج لشراع غنيه
نمشي لشاطئ النيل
وعلى ضفافه نقيف
ونقيل.
وأرسمي لوحة الإشراق
من أحرف بخطى الخفاق.
وركبنا بساط الريح
وعلى الشطأن جلوسنا
فسيح.
أنا ومليكي الزين
وجانا القمر والليل
والريح دعاشه خميل
وأتفتح زهر نور
والكون بفرهد فل
ومعاه عبير.
وجلسه جميل على
أهداب.
وكل الكون صبح
أحباب.
نسيم النغمه من أحداق
أكف العاشق والمشتاق
تهدهد مليكي سحاب
مهد ممتد على أرحاب
عيون الكون ليه وساد
ورموش العين غطاء
ورحاب.
ماء الكوثر ليه شراب.
وكل ما ازيد بزيد إشراق
وفاضة غيرة المارد
وقال خلاص الزمن
فايت...
وشالو وغاب
وغابة دنيتي مني
بقيت مرسوم في عرف
الكون بقايا وجود.
وبرسل ليك من جوه الجوه
كلمات غنى ..
ممزوجه بآهه ومني
وبكتب ليك ..
أضنتني الوحشه
والترحال ..
وأنا في أنتظار خطواً
بعيد بالحيل ..
ياشوق السنين الطال
وبكتب ليك كفايه
تعال ..
وبعد البعاد
أجيك من غير كلام
ومن غير ميعاد
وألقى في عيونك الشوق الكتير
والحب الوفير
والظل في الهجير
وعندك أرمي كل حقائب السفر
وأقول كفاية كده
يا شوق السنين الطال
تاني مافي سفر
أو ترحال
جاني المارد يتبسم
وفي عينه سر
كبير دثر.
قال:
أفرحي يا هائمه
ليك بحقق المنيه
أنسج لشراع غنيه
نمشي لشاطئ النيل
وعلى ضفافه نقيف
ونقيل.
وأرسمي لوحة الإشراق
من أحرف بخطى الخفاق.
وركبنا بساط الريح
وعلى الشطأن جلوسنا
فسيح.
أنا ومليكي الزين
وجانا القمر والليل
والريح دعاشه خميل
وأتفتح زهر نور
والكون بفرهد فل
ومعاه عبير.
وجلسه جميل على
أهداب.
وكل الكون صبح
أحباب.
نسيم النغمه من أحداق
أكف العاشق والمشتاق
تهدهد مليكي سحاب
مهد ممتد على أرحاب
عيون الكون ليه وساد
ورموش العين غطاء
ورحاب.
ماء الكوثر ليه شراب.
وكل ما ازيد بزيد إشراق
وفاضة غيرة المارد
وقال خلاص الزمن
فايت...
وشالو وغاب
وغابة دنيتي مني
بقيت مرسوم في عرف
الكون بقايا وجود.
ورجعت حزين ..
من بيت ناس علاء الدين ..
أمسح في دموع العين
ما لقيت زول هناك في البيت
كل الناس هجروا البيت
من ما أنا جنيت ...
رميت السيف وقلت آآه وإتوضيت ..
وإستغفرت ربنا وصليت ..
وبعدها إتذكرتك
وتاني بكيت ...وبكيت ..
وألفت غنوات الفراق
ودندنتها ولحنتها وغنيت ..
وكمان أنشدت كم ابيات من الدوبيت ..
وتاني بكيت ..
ولما فاض بي الألم ..
شلت قلم
وعلى ورق الفراق خطيت ..
وكتبت للمارد رسالة وحكمة ..
كتبتها وبصوتي الحزين ردتتها وقريت ..
يا مارد :
فيها أيه لو معشوقتي لي خليت ؟
ليه فرقت بينا ولوصالنا أبيت ؟
ليه أحزنتنا وعلينا قسيت ؟
أيه من فراقنا لقيت ؟
أيه من عذابنا جنيت ؟
وشنو الناقصك إنت يا مارد ؟
ما دا السماء مليان
والبحر غرقان
جنـِّيات حلوات و حِسان ..
لو كنت تعرف لهيب الشوق ...
ما كان حبيبتي ليها تسوق ..
ولو كنت تعرف عذاب الحب
كان حنيت حنين النوق ..
لو كنت لحنضل فراقنا تضوق ..
كان شعرك وقف ل فوق ..
وكان جنيت وإتهدّيت ..
ورقصت في الشارع ونص السوق ..
المهم يا مارد
خليك عليها شفوق
وأغريها السلام مطبوق ..
دي كلها حب وكلها ريد وكلها ذوق ..
بسمة منها كان عقلي بيها يروق ..
وأبعد منها يا الشين
وأبعد شعرك المحروق
ولكن ...
ولكن ليك يوم إنت يا الغدار ..
يوم عصيب وعجيب باخد فيه منك تار ..
وتكون غلطان لو فاكرني بنساها ..
حبيبتي نور الدار
زينة الدنيا ال قلبي ليها اختار ..
ومهما تتعاقب الأيام
ويتمدد المشوار
وتتعاظم الأمواج والأنواء و التيار ...
ما بنساها أم أنوار ..
وفي الآخر يا مارد الأشرار ..
دي كانت رسالتي ليك ..
يا مخلوق من شرارة ونار ..
أما الحكمة ..
هاك الحكمة زي ما قالوها في الأخبار ..
زمان قالوها في الأشعار ...
يا ناس ( الجمال ودّار) ...
طلال الحكيم كتب: ورجعت حزين ..
من بيت ناس علاء الدين ..
أمسح في دموع العين
ما لقيت زول هناك في البيت
كل الناس هجروا البيت
من ما أنا جنيت ...
رميت السيف وقلت آآه وإتوضيت ..
وإستغفرت ربنا وصليت ..
وبعدها إتذكرتك
وتاني بكيت ...وبكيت ..
وألفت غنوات الفراق
ودندنتها ولحنتها وغنيت ..
وكمان أنشدت كم ابيات من الدوبيت ..
وتاني بكيت ..
ولما فاض بي الألم ..
شلت قلم
وعلى ورق الفراق خطيت ..
وكتبت للمارد رسالة وحكمة ..
كتبتها وبصوتي الحزين ردتتها وقريت ..
يا مارد :
فيها أيه لو معشوقتي لي خليت ؟
ليه فرقت بينا ولوصالنا أبيت ؟
ليه أحزنتنا وعلينا قسيت ؟
أيه من فراقنا لقيت ؟
أيه من عذابنا جنيت ؟
وشنو الناقصك إنت يا مارد ؟
ما دا السماء مليان
والبحر غرقان
جنـِّيات حلوات و حِسان ..
لو كنت تعرف لهيب الشوق ...
ما كان حبيبتي ليها تسوق ..
ولو كنت تعرف عذاب الحب
كان حنيت حنين النوق ..
لو كنت لحنضل فراقنا تضوق ..
كان شعرك وقف ل فوق ..
وكان جنيت وإتهدّيت ..
ورقصت في الشارع ونص السوق ..
المهم يا مارد
خليك عليها شفوق
وأغريها السلا مطبوق ..
دي كلها حب وكلها ريد وكلها ذوق ..
بسمة منها كان عقلي يروق ..
وأبعد منها يا الشين
وأبعد شعرك المحروق
ولكن ...
ولكن ليك يوم إنت يا الغدار
وتكون غلطان لو فاكرني بنساها
حبيبتي نور الدار
زينة الدنيا ال قلبي ليها اختار ..
ومهما تتعاقب الأيام
ويتمدد المشوار
ويتعاظم التيار
ما بنساها أم أنوار
دي رسالتي ليك يا مارد الأشرار ..
دي رساتي ليك يا مخلوق من شرارة ونار ..
وفي الآخر هاك الحكمة
زي ما قالوها في الأخبار ..
زمان قالوها في الأشعار ...
يا ناس ( الجمال ودّار) ...
تعال يا مارد
نتبادل.
تشيل مني فرح دنياي
تشيل مني كل هناي.
وتديني نظرة من عينيه.
أو لفته من خديه.
أو همسه من شفتيه.
أو أمر خاطر على
دهشة الاشراق
او نغم في ترانيم
ترقص الخفاق.
أو نسمه عز الليل
تغازل نبضة
في احداق.
أو أكون شيئ مجرد
من مسمى كيان.
وعندها بغزل ليك
خيوط الشمس
دفء يكفيك
سؤال الناس
وكيف الحيرة
ليها أساس.
وكيف العبرة
في الاحساس.
وكيف أمير القلب
ملك كون الوجود
حبه.
وكيف من دونه
بموت غرقان.
وانا في صحراء
ليها زمان.
تشيل مني فرح دنياي
تشيل مني كل هناي.
وتديني نظرة من عينيه.
أو لفته من خديه.
أو همسه من شفتيه.
أو أمر خاطر على
دهشة الاشراق
او نغم في ترانيم
ترقص الخفاق.
أو نسمه عز الليل
تغازل نبضة
في احداق.
أو أكون شيئ مجرد
من مسمى كيان.
وعندها بغزل ليك
خيوط الشمس
دفء يكفيك
سؤال الناس
وكيف الحيرة
ليها أساس.
وكيف العبرة
في الاحساس.
وكيف أمير القلب
ملك كون الوجود
حبه.
وكيف من دونه
بموت غرقان.
وانا في صحراء
ليها زمان.
قال المارد:
أحترتا من كلماتك
كتير غيرتا.
وطار المارد
بعيد فات.
وبين طياته
أُماني
محال....
(تحياتي)
وبقيت من الفراق عيان
حمى شديدة وكِلى و مصران
ولفة راس
وضربات قلبي زايدة في الخفقان
وساعات أكون حران
وساعات أكون بردان
وحار الناس في أمري
وخافوا أموت ويضيع عمري
لما شافوا ضيق صدري
وقلقي ونفاذ صبري
وشلت سريري من بدري
ورقدت بره في همبريب الحوش
أقلب في السماء بصري
ورقدت علي نار همي
ومتوسد لهيب جمري
وهبهب همبريب الحوش
همبريب بالدعاش مرشوش
وهبهب معاه جمري
وأشوف المارد الفايق الرايق
هناك جاي عليّ بشعره المنكوش
يا ربي ليه تحوش ...ياربي ليه تحوش
جاني يضحك ويتبسم بوجه بشوش
وجهو الكنت فيه مغشوش
وقعد أمام رجلي
وضحك شديد وقال لي
مالك حزين يا زول
أحكي وقول وفضفض لي
شلت نفس عميق وشهيق
وطلعتو زفرات زي النار
كلها شرار و بخار
يعني يا مارد أنت يا رايق
ما عارفني ليه حزنان و مضايق ؟
شلت مني حبيب الروح
وفارقني قلبا ً طاهر
ووجه صبوح
وخلاني زي قمرية أنوح
وقلب مجروح
وغرام مذبوح
سكت المارد أب شعرات
وعاين لي بغريب نظرات
وقال لي جيتك ببشارة خير
قلت خير يا طير
قال السمحة بتحبك شدييد بالحيل ..
ضحكت وقلت
ما أنا عارف حبها لي زي النيل وزي السيل .!!.
أنت يا رايق جاي تهظر ولا شنو ؟؟
قال المارد بجدية وحاول يكون في وقار
حبيبتك قالت لي إختار
تشيل مني فرح دنياي
تشيل مني كل هناي
تشيل الضي
ونور عيني
تشيل الأمس تشيل اليوم
تشيل الجاي
عشان أوهبها نظرة من عينيك
ولمسة من خديك
وتحضن في الهوى أيديك ..
المارد كلامو كتل حيلي
قمت وقعدت وصحت يا ويلي
يا ويلي و يا ويلي ويا سواد ليلي ..
لالا يا مارد ماتشيل منها الأفراح
وما تشيل بصرها اللماح
دي هي الدنيا
و المنية
و الغنية
وهي طراوة الأرواح
خليها زي ماهي
أوعك تشيل عينيها
أو الجمال البيها
أو تمس خديها
أو حتى تعاين ليها
وأرجاني عشان أديك
هدية ريد وحب ليها
وعايزك تسابق الريح توديها
ودخلت الأوضة
وراسي جايط جوطة
وخطواتي في الواطة ما مظبوطه
ال تقول أقدامي مربوطة
وشلت خنجري المسنون
وكوز الموية وكمان صابون
وغفـّلت المارد الملعون
وكبيت الموية و الصابون
فوق راسو وجناحاتو
وحلقت شعراتو
وحتى جلحاتو
بخنجري المسنون
ومن الصدمة كورك وطار
يا غدار يا مجنون ..
يا مجنون ..
وماذا عساي أن أرسل ...
بعد أن أرسلت الروح وقـبلها الفؤاد ..
بعد أن أرسلت الحب وقـبله الوداد ..
ماذا أقـول سوى :
في غيابك
والبعاد ..
يا حبيبي
أتعبني
السهاد ..
امرأه نخلة كتب:برسل ليك و ِلف
مكتوم
وشوق مسجون
عشق مجنون
يقول ليك
في بعدك
ياغالي
ألمني
الشجن
برسل ليك
جيوش من الأشواق
وحناني الكان من زمان دفاق ...
برسل ليك ..
وبكتب ليك ...
حروف على جبين الليل ...
لأن الشوق الفي حناياها
بعد ما حرق قلبي
عارفو بيحرق الأوراق ...
