السبب شنو ؟

[لبيب]

شباب كل سنة وانتوا طيبين
ويارب الأماني تتحقق للجميع , , , , , , , , ,

الموضوع ببساطة شديدة :-
دايرين نعرف ليه اخترت اسمك المستعارالدخلت بيهو المنتدى ؟
هل في سبب محدد ؟
أم الحكاية صدفة وبس ؟
السبب شنو ؟



أنا عن نفسي اخترت الإسم دا (لبيب) لأني بصراحة أحب أن أختبر قدراتي الذهنية ، والحمد لله 95% من نتائج الإختبارات دي نتائجها نجاح بنسبة 97 %
(طبعا النتائج دي في الحياة العامة والألغاز )
عشان مافي واحد يقول لي جبت كم في الشهادة السودانية ههههههههههههههههههههههههههها


يلاّ ورونا سبب اختياركم لأساميكم ممكن؟

[محمد نعيم]

مشكور يا ذكي انت ( لبيب )

اكيد لكل اسم دلالة معينة في نفس الشخص ربما اسم عائلة او لغب طفولة او ..........

المهم انا اخترت اسمي لانو حقيقي ..

شكرا لبيب

[رغودة]

ماشاء الله.. بسحروك ...

رغودة.. هي رغد بت اختي وانا بحبها وبحب اسمها

[ام مودة]

سلام

مودة هى بتى وبحب الناس تنادينى بى ام مودة

[لبيب]

مشكور يا ذكي انت ( لبيب )

اكيد لكل اسم دلالة معينة في نفس الشخص ربما اسم عائلة او لغب طفولة او ..........

المهم انا اخترت اسمي لانو حقيقي ..

شكرا لبيب

أكيد خير الأسماء ما حمد وعبد
شكرا ليك يا ابو حميد على المرور

[لبيب]

ماشاء الله.. بسحروك ...

رغودة.. هي رغد بت اختي وانا بحبها وبحب اسمها

الله ماضراك يارغودة

ربنا يخلي ليك بنت اختك
ويخليك ليها يارب

[لبيب]

سلام

مودة هى بتى وبحب الناس تنادينى بى ام مودة

وعليكم السلام أم مودة

ماشاءالله إسم مودة حلو كتير ومعناه يفيض روعة وجمال ,,,,,,
ربنا يخليكم لبعض يارب وتدوم المودة بينكم

[سهيلي سعيد]

بحب اسمي كتير
علشان كدا فضلت ادخل بي اسمي
كل كمشاركاتي بتكون بي اسمي
يعني ممكن تقول اتعوت علي كدا

وبموت في شكلي دا

[ودالعاصمة]

اخونا لبيب سلامات ياغالى

اولا انا من سكان العاصمه وفى الحقيقه هى جات كده لانو جدنا جه من الشماليه للخرطوم بدرى جدا ولمن لقيت المنتدى ودخلته لقيت اغلب الناس مسجلين بى مناطقم ولقيت اسم المنتدى هو انا سودانى ففكرته اكتب المنطقه ولقيت اننى ماعلى علم كتير بيها فكتبته ودالعاصمه وماكنته مفتكر انى حاواصل فى المنتدى لحدى مالان والغريبه انو الاسم سار على حتى برا المنتدى واغلب ناس المنتدى عارفين اسمى الحقيقى رغم انو عاجبنى لكن جات كده ...

تحياتنا

[بعد الزمن]

[align=center]الاسماء لا تعلل حكمة سمعنها كثيرا
وغالبا الاسماء المستعارة تمثل
للشخص الشيء الكثير
فهي تعبر عن شيء ف الخاطر
او زكرى ل حدث ما

وشكرا[/align][/size]

[الشمالي]

كل عام وانت بخير الاخ لبيب

انا اخترت اسمي لانو اسم العائلة
ويُكتب كالتالي ( الشَمّالِي )
وليس من الشمال

[عمار ود الشرفه]

تسلم الاخ لبيب ويمكن انت تكون عرفت اسمي الحقيقي لمن اتكلمت معاك في التلفون يوم اللمه مع ابو صديق .. اما ود الشرفه دي جايه من المنطقه الانا منها واسمها الشَرَفَة بركات ...
وتحيــــــــــــــــــــاتي

[أبو صديق]

هلا الغالي لبيب وتحياتي من علي البعد وبالجد سعدت بلقياكم وليس من سمع كمن رآي
إسم العائلة والوالد عليه رحمة الله وكذلك إسم إبني الكبير

[لبيب]

بحب اسمي كتير
علشان كدا فضلت ادخل بي اسمي
كل كمشاركاتي بتكون بي اسمي
يعني ممكن تقول اتعوت علي كدا

وبموت في شكلي دا

ياسهيلي حبابك والله
وربنا يسهلها عليك دنيا وآخرة يارب
وشكلك عسل يجنن

[لبيب]

اخونا لبيب سلامات ياغالى

اولا انا من سكان العاصمه وفى الحقيقه هى جات كده لانو جدنا جه من الشماليه للخرطوم بدرى جدا ولمن لقيت المنتدى ودخلته لقيت اغلب الناس مسجلين بى مناطقم ولقيت اسم المنتدى هو انا سودانى ففكرته اكتب المنطقه ولقيت اننى ماعلى علم كتير بيها فكتبته ودالعاصمه وماكنته مفتكر انى حاواصل فى المنتدى لحدى مالان والغريبه انو الاسم سار على حتى برا المنتدى واغلب ناس المنتدى عارفين اسمى الحقيقى رغم انو عاجبنى لكن جات كده ...

تحياتنا

الله يسلمك ياودالعاصمة
يعني بقيت زي ماتقول كدا (ود البلد ديك)
ألف تحية ليك ياراقي
وأكيد اسمك مميز

[لبيب]

[align=center]الاسماء لا تعلل حكمة سمعنها كثيرا
وغالبا الاسماء المستعارة تمثل
للشخص الشيء الكثير
فهي تعبر عن شيء ف الخاطر
او زكرى ل حدث ما

وشكرا[/align][/size]

بالتأكيد نعني الأسماء المستعارة
ولهذا كان السؤال منسابا في مجراه الطبيعي
ولهذا فإننا نعتبر أن إجابتكم قد وصلت
وشكرا

[لبيب]

كل عام وانت بخير الاخ لبيب

انا اخترت اسمي لانو اسم العائلة
ويُكتب كالتالي ( الشَمّالِي )
وليس من الشمال

وانت بألف خير شمّالي
وحقيقة (العز أهل)

يارب يخليك لأهلك ويخليهم ليك

[لبيب]

تسلم الاخ لبيب ويمكن انت تكون عرفت اسمي الحقيقي لمن اتكلمت معاك في التلفون يوم اللمه مع ابو صديق .. اما ود الشرفه دي جايه من المنطقه الانا منها واسمها الشَرَفَة بركات ...
وتحيــــــــــــــــــــاتي

مرحب بيك و مرحب بكل الأهل في الشرفة
وحقيقة تشرفت جدا بمعرفتك وبكل التأكيد اللقاء كان ظريف جدا والحضور أنيق ورائع
تسلم على المرور

[سمارا]

تسلم اخى العزيز لبيب على البوست الجميل




سمارا جاى من السمر لون البشره واصلا سمتنى بيه صحبتى مصريه عمرها سنتين

ما بتقدر تنطق اسمى فجأه لقيت الناس كلها بتقول لى سمارا فى مصر وناس البيت جابو معاهم السودان

[محسية]

الاخ لبيب

تسلم على البوست الجميل
انا اخترت اسمى محسية
لانى من قبيلة المحس بالسودان