الخااال .... تشكرااات ع الموضوع
بس زي ماا قاال فاروق ما مستعجلين ع النجوم :D
المهم احناا مرتااحين في المنتدى ... ودي اهم حااجة
بس حبيت اعلق على كلااامك ياا بنت سدن دن ::
كاان من المفروض انك تعملي احتراام اكتر لي الخاال لانو فعلااا في مقاام خاالك وماا كاان في دااعي للكلااام القلتيهو (( ماافي دااعي اعيدو )) :(
اتمنى انك تقبلي الكلااام ده من اخت ليكي
اول حاجه اسمحى لى اقول ليكى يا بنتى.....انا ابو 3 بنات .....!!!
اسلوبك شوية حاد .....ما مشكلة.
متسرعة جدا.......مشكلة.
اعتقد انك ما فهمتى مغذى مشاركة خالك الخال....ودخلتى فى المناقشة،،،، واحتمال تكونى فهمتى المشاركة
بس تعليقك برضو خارج الموضوع ،،،، الخال حاول يتسايس معاك،،،،،، اختى الموضوع ازلال ،،، ومن
فن الكلام انطلقت الشتائم.......!!! هل دى الطريقة الصاح للتعامل؟؟؟؟؟؟ ويابتى خلينى النسألك سوال....
انتى فى البيت بتتكلمى مع ابوك وله خالك بالطريقة دى ؟؟؟؟؟؟ اذا دى طريقتك ،،،، تبقى دى مشكلة كبيرة.
بس انا متاكد انو دى ما طريقتك لمخاطبة من هو اكبر منك سنا.
صاح انتى بت صغيرة فى عمرك....وعندك الفرصة تتعلمى الكتير،،، بس صدقينى العمر ابدا ما كان مقياس للتعامل مع الناس،،،، ياما هنالك كبار فى عمرهم صغار فى العقول،،،،، حاولى تستفيدى من
النصائح والتوجيهات البقدموها ليكى اخواتك واخوانك،،،وماتاخدى ايه نقد او توجيه جرح لشخصيتك.
انا شايفك الان اون لاين ،،،، وبالتاكيد حا تدخلى على ردى ده.......!
يله اعتزرى للخال،،،،، وكلنا حا نصفق ليك.
الخال تسلم لينا انته وتسلم يمينك ..
الردود انت ما زكرتها في البوست !!!!
والله انا اول ما قريت العنوان والاسم طوالي دخلت
لانني متعود منك كل شئ جميل في المنتدي ..
في البداية ما فهمت الكلام وقلت معقول يكون دا كلام الخال
اصلو ما ممكن ،، لكن بعد شويتين حتي فهمت الحاصل ..
والتنبيه ..
لك كل الاحترام والتقدير ..
اخوك السقا ..
تخريمة :
بت سودن دن اختك السغيرة حرام تقسي عليها ..
اعزرها يا خال فانت الكبير ..
كسر تلج وفهمناها،، الواسطة دي شنو؟؟ ووين ؟؟ ومع مين ؟؟؟
النجوم تحسب حسب عدد المشاركات،، وكل العملية دي بتعمل تلقائياً من البرنامج،، ولا تدخل لبشر فيها،،،
التدخل الوحيد زهو كما أعلن في المنتدى،، أن هناك نيه لتنظيف المنتدى من المشاركات الغير هادفة، وهو طلب قام به العديد من الاعضاء الجادين. من الطبيعي بعد حذف المشاركات الغير جادة، ح يقل عدد المشاركات للأعضاء المداومين على المشاركات الغير جادة، وبالتالي متوقع أن يهبط عدد مشاركاتهم بشكل واضح،، وهي كلها زي ما قلت عملية تلقائية.
حبيت أختصر للناس الموضوع ككل،، لأن من يسعي لزيادة مشاركاته عن طريق مجرد كتابة التعليقات، وفتح المواضيع الغير هادفة، والمهاترات،، ح يلقى ان مشاركاته نزلت بشكل كبير،، وسعي إدارة المنتدى مش في تقليل عدد المشاركات أو (النجوم)،، وإنما تنظيف المنتدى وكنسه من المشاركات الغير هادفة،، والمهاترات،، وإبقاء كل ما هو مفيد ونافع.
الاخ الاكبر/ المشرف العام :
وجودك فى مثل هذه المواقف دليل متابعه لكل مايحدث وذلك يطمئن قلبى كثيرا على المنتدى الوطن .
وردودك هنا لا اعتبرها من المشرف العام بقدر ما اعتبرها من اخ اكبر احترم رايه جدا لانه نابع من خبرات انا نفسى لاامتلكها .
اختلفت معك فى كثير من المشاركات ولكن ذلك لم يؤثر على الاحترام المتبادل بيننا وبذلك تقدم درس كبير جدا للذين يظنون ان الاختلاف فى وجهات النظر هو بدايه المعركه ، وتثبت من خلال ذلك انه بدايه الحب والاخوه الصادقه .
رفعت فى مشاركتك سيف الحق .
وسيف الحق لايقوى على حمله الكثيرين .
الغاليه والراااااااائعه دوما وابدا : بت الشيخ :
والله اسف اشد الاسف على المضايقه التى تعرضتى لها ، لكن هذه ضريبه كلمه الحق .
وانا بكرر اعتذارى وامسحيها لى فى وشى .
السقا : المواضيع دى انا بكتبها لمن هم فى قامه عقلك وسمو تفكيرك ، ومشاركتك فيها تاج من ذهب يزين رؤؤس مواضيعى ، بس ماتحرمنا من الطله .
ولدى جذاب : مشاركه سريعه لكن كفايه نشوفك توقيعك .
بنت بلادها : مشاركتك كان فيها الاستفسار ده ( يعني لو كنت قلتليها يا بنتي انا ما فهمت سؤالك ممكن توضحي كان حصل شنو؟؟ ) .
راجعى الموضوع يابنت بلادها وحتلقينى سالت نفس السؤال ده والله !!!!!
شكرا على المرور وكلامك فى محل احترام وتقدير وتسلمى ياغاليه .
الاخ / سودانى : مع احترامى الشديد لمشاركتك ، لكن كسير التلج والواسطه عشان شنو ؟ الاشتراك فى المنتدى مجااااااانى ومن اول يوم كل المنتديات الفرعيه بتكون تحت امرك ، تكتب وتعلق وتنزل اغانى وبرامج وتعمل الفى نفسك . وعشان كده ما اظن فى حاجه ممنوعه عشان الواحد يفكر يتحصل عليها بكسير التلج .
وله رايك شنو ياود اختى ؟
السنى الغالى / ابدا فورا فى الكنس ..... والمكنسه منى حتى لو كان ضمن الاوساخ كل مشاركاتى .
( كوننا مخفيين خلف الشاشات لا يعني ذلك أبدا أنه مسموح لنا
أن نتعدى و نتجاوز احترامنا للغير...... ) .
ياريتك ياعاشقه محمود لو اخترتى للعباره دى بالذات حجم الخط (7) . لانها كانت نقطه فى غايه الاهميه ، فعلا هنالك الكثيرين الذين يظنون ان الاختفاء خلف الشاشات يعطيهم الحق فى قول كل ما هو قبيح .
دمتم بود 
.