تشبه الرجال بالنساء

[الدغري]

لك التحية أخ محمد

كثير من التعاليم الاسلامية

أصبح الناس لا يلقون لها بالا

وانجرفوا وراء التقليد الأعمى

ويا ريت الناس ترجع الى اصل دينهم

[محمد نعيم]

[quote="ام مودة"]ابو النعيم موضوعك جميل
ومهم جدا وصار منتشر كتير جدا فى الفتره الاخيره دة

ميوعه الشباب وتقليدهم للنساء فى اللبس وقصه الشعر والحركات والمشى والعبارات وايضا المكياج شباب باع الرجوله والشيم والاخلاق واشترى غضب الله ومذلة الناس هل علموا عقوبة فعلهم

قال رسولنا عليه الصلاه والسلام (لعن الله المتشبهين من الرجال بالنساء والمتشبهات من النساء بالرجال )

اللعن هو الطرد والابعاد عن رحمة الله وجنته

تحياتى واحترامى ام مودة[/quote]



الاخت الغالية ام مودة لكي التحية والاحترام

في استطلاع لواحدة من الصحف عن هذا الموضوع ذكرت الصحيفة ان المتشبهين ضعاف الشخصية وبهذا التشبه حيلفتوا الانظار إليهم لانهم مهمشين في المجتمع والمنطقة او الحتة الهم فيها

[أم عسجد]

والله موضوع يستاهل النقاش يعنى الرجال بقو بعملو حاجات البنا مابعلنها وبلبسو لبس عجيب وفى الحفله تجد صعوبه عشان تفرز البت من الولد كلو كوم والشعر كوم يعنى الاولاد بقو يهتمو بى شعرهم اكتر من اللازم وجنس مسيح وجل وكمانى فى حاجه جديد عندنا بت جيرانا قال والله الاولاد ديل ازونا والصالون مخداتو باظن من الدهن
عاد دا كلام دا زمان مخده الصالون كان تموت وتنومى واقفه مابتختى راسك فى مخده راجل عشان راسك ممسح
ياجماعه الجيهه مطلوبه والمظهر اللانيق مطلوب بس الشى البسو فيهو دا ولفليف الشعر دا مافى لى لزوم
وياااانتا مادايرا ليك الميته ام رماداً شح
دايراك يوم لقاك بدماك تتوشح
الميت مسولب والعجاج يكتح
احييييييييييا علي سيفو البسو التح

[الفرح المهاجر]

من هي المسترجله؟؟
من الوهله الاولى تقول انها فتى في السادسه عشره من عمره بصوتها الذي تحاول ان يكون خشن..مظهرها ملابس رجاليه في كل ماتلبسه ويكون فضفاضا حتى يخبيء معالم الانوثه التي تنكرت منها ..عطور رجاليه مبالغ فيها..احذيه رجاليه ..الشعر عندما تشاهدها تقول راس شخص خارج من العسكريه..اقمصه قد رفعت اكمامها الى المرافق
لن تتغطى من الدكتور لانها رجل مثله ولكن تنصح حبيبتها بالتغطي بدعوى الغيره عليها
لايوجد حدود للعلاقه لدرجه انني اعرف واحده منهن متحكمه في حبيبتها لدرجه غريبه فهي تحمل نسخه لمفتاح غرفه حبيبتها وهي التي تقوم بالصرف عليها كانها زوجا لها
تمضي معاها طول الوقت بالجامعه وخارجها الا التي يكون اهلها غير غافلين تجدها تتاخر بالجامعه متذرعه بالمحاضرات
عندما تسالهن
اذا كانت قريبه لك او صديقه وسالتها عن الاسباب فتجدها تقول لك ان والدها منذ ان كانت صغيره لكثره البنات عنده يسميها باسم ولد ..والاخرى تقول ان شكلها او صوتها ليس بشكل فتاه..والبعض منهن يقلن لان اشكالنا جميله منذ ان كنا صغار فكان اهلنا يحرمونا من الطلعات والخروج لكثره التحرش فتجدهن يقمن بعدم الاهتمام ولبس ملابس اخوانهن
والتعطر بعطورهم

واصبحن البنات كالاولاد كل بنت تكون عندها حبيبة من الاولاد وهذا موجود فى المدارس الثانوية والجامعات ومتفشى بينى البنات .
يعنى بنت تحب بنت يالله استر
ولسع جاى على الاولاد كمان

[واحد زول]

هذا مرض نفسي والله المستعان

[مصطفى سليمان]

اخى الحبيب نحن فى اخر الزمان
والله انها من مصائب الدهر علينا اذا اطلعت قبل فترة فى النت
على صور من معرض ازياء للرجال فى الخرطوم ومن يقومون
بالعرض اخوه سودانيين ولاكن اخى اشك فى سودانيتهم اذا انهم تشبوه
بالنساء عارضات الازياء فى كل شى من مكياج الى لبس الى قصات الشعر
فماذا بعد هذا اخى الحبيب والله مانقول الا ربك يستر على اولادنا