مالك الزمام كتب:بلدياتنا شغال كمساري في حافلة الوالد ومتعود ينوم بره جنب الحافلة (نظام حارسها وكدا) ودائما بخت سرسرو ما بين الحافلة وحيطة سور البيت واخوكم سريرو بيكون داخل الحوش بعد السور مباشرة، المهم انا دائماً كنت متعود انوم بعد أحضر السهرة وفي يوم خميس كنت قاعد براي بتفرج في السهرة وكانت منوعات وناس البيت كلهم نائمين اها جابوا مشهد للكمرة الخفية مضمونة في واحد راكب مع بتاع تاكسي وبتاع التاكسي شكلو مبهدل والرادي الفي التاكسي شغال وكل لحظة بقطعوا البرنامج في الرادي ويزيعوا : هرب ثلاثة مجانين من المصحة النفسية وهم في حالة نفسية خطرة واوصافهم كالاتي: .... ويسردوا الاوصاف .. ووصف واحد منهم منطبق تمام على صاحب التاكسي وعايزين طبعاً يعرفوا رد فعل الراكب مع بتاع التاكسي،وكرروا التحزير تلاتة مرات، المهم انا كملت السهرة و قفلت التلفزيون ودخلتو جوا ومشيت على سريري لمن صحيت الصباح لقيت بلدياتنا نايم جنبي وما اشتغلت بالموضوع كتير ، اها ونحن راجعين من صلاة الجمعة قال لي: انت المجانين بتاعين امبارح قبضوهم؟؟ قلت ليهو ياتو مجانين؟؟ قال لي: ياخي امبارح بالليل وانا نايم بره جنب الحافلة سامع قطعوا السهرة تلاتة مرات وذاعوا في تلاتة مجانين هربوا من المصحة وعلى المواطنين الحيط والحزر .. انا لمن لاوزت قلت المجانين ديل يجوا يضبحوني كمان وقمت دخلت سريري جوا من الخوف... يا عمك لمن قال لي كدا انا وقعت من الضحكة في نص الميدان والجلابية كلها بقت تراب،،،
وقنبوا عافية وكونوا بخير .. بنجي صادين
هاهاهاهاي طيب ياهوانا انا ماطلعت براااي الخواف من الحرامية اتاري في ناس كتيرين ذيي انا هع الكلس اخير انا دا شال لحافو ودخل جوه والله حلووووه ... مشكووور اخونا الغالي مالك الزمان قصة حقيقة وروووووعة تحياتي ..
مرة وانا في السوق الشعبي زمان في ال1997 وتقريبا في شهر 8 وانا ماشي موقف السلمه في شان انزل في جامعة افريقا العالمية لأني ساكن في اركويت مربع 49 ..
وان الوقت داك كان عندي اقامة (تأشيرة)بعمل في اجراءاتها للسفر الي السعودية .. اها وان ماشي علي موقف السلمه مريت بسوق الاخوان الكان موجود في مكان العشش بعد تكسيرها ... وكان في ذلك الزمن الطالع موضة بنطلون الكُونس وكان سعرو تقريباً ما بين (55000 الي 70000) جنيه ...
اها انا شفت واحد شايل ليهو بنطلون كونس اسود جديد بي اوراقو (يعني دا ملحوس من مكانو ) .. اها اخوك مشى ليهو ..
يا كبتن البنطلون دا بي كم ؟
بي أربئين الف بس
ليه يا اخوي اصلو شنو !
طيب جيب همسة وتلاتين الف
يا زول تبيعو بي عشرين !
طيب جيب همسه وعشرين ...
واخوكم طلع المبلغ وبديت اعد في الامات 250دينار لحد ما كملت المبلغ المطلوب ...!!!
وانا وصاحب البنطلون واقفين جاء واحد تاني مع صاحبنا .. وقال ليهو
بئتو بي بكم ؟
بي همسه وعشرين بس
ليييييي نحن سارقنو !
لالالا
دايرو بي اربئين الف ولا رجئو لينا !
وانا بي زعل اختف قروشي من يد صاحب البنطلون وبي زعل شيلو بنطلونكم واتخارجو يا حارمية !
شالو بنطلونم وانا شلت قروشي وهدييييك العربية الماشه السلمه مشيت وركبتا العربية وحسيت انو القروش دي زي الخفيفة لأنو انا اديتم كمية من ابو 250 جنيه وحسبت الخمسه والعشرين لقيتها ناقصة حداشر الف (شالوها كيف لموها مني كيف الله اعلم ) لأنو الكل المنظر كان قدامي لم يدخل القروش الي جيبه ... وانا راكب العربية واضحك براي الي وصولي الي اركويت ..
موقف طريف موش ...
شكراً على قوة تحملك للبري
مودتي
قلت لي دقسوك يافردة قروشك لقيتها ناقصها عامل فيها مفتح هاهاهاهاااااي تعيش وتاخد غيرها ... موقف طريف جدا نرجو المزيد نحن بتاعين البري الاصلي وعندنا صبر مش يبل اللابري يبل الخرصانة
والله ليلة سمحة هلوسة وتجريس وملاسة وخلعة
بس ام ايمن بتفكه جنس فك
وانت كمان بحجارتك جهجتا الجيران ,
قلتى لي حتى انت ماسلمتى من شمارتها
قالت بتشاغل فى البنوت
هووووووووووووووووووى ما فى دخااااااااااان بدون نار
هههههههههههه
ليلة , حلوة , بذكرنا بايام الحلة , وحكاوى الحلة وناس الحلة
بينى وبينك حلاوة الحلاة انها فيها متناقضات كتار
برمة ::
لو منك , كنت , كضبتى , علىناس الحلة وطلعت نفسي عنتر زمانواا
بقليهم جونى ستين حرامى وسكيتهم وكتلتى منهم اربعين وجدعتهم فى البحر
وجاااااااااانى بعاتى هرشتوا
بااااااااااااااااااااااااي
هع الكلس انا عااااارفك لو طار كيس بجنبك سااااكت كنت فكيت البيرق ياعنتر شكلك كدا ماضيك جميل وقصصك فيها روح الدعابة ارجو ان تفت لينا العندك كلو حبة حبة .... منتظرنك يااااافردة ماتتاخر
الجماعه ديل عندهم حاسة شم
كدايس ديل والله اخطر من الكدايس
علي العموم الوصيه بالمهله ما تخليهم
في الغرفه الفيها الدولاب بلحسووك
وبشتتوووووووووووو ؟
وصيتك وصلت تب اكان كدا النقوووم من دربي دا اجيب لي
صندوق بتاع حديد واخت فيه ممتلكاتي
الدنيا مامعروفة يجيك واحد غائر عليك وياخدك علي خوانة
الله يكضب الشينة
اها في امان الله انا جاري السوق
أخي العزيز مرسال الشوق
لك التحية والتقدير ...
أحييك على هذه الروح المرحة التي تحملها
وعلى هذه القصة والتي وللأسف لم أقرأها إلا اليوم ...
أحييك مجددا ً وأنت تزرع فينا البسمات ..
وفي إنتظار الجديد
تقبل مروي المتواضع
ودمت بخير وألف عافية
أخي العزيز مرسال الشوق
لك التحية والتقدير ...
أحييك على هذه الروح المرحة التي تحملها
وعلى هذه القصة والتي وللأسف لم أقرأها إلا اليوم ...
أحييك مجددا ً وأنت تزرع فينا البسمات ..
وفي إنتظار الجديد
تقبل مروي المتواضع
ودمت بخير وألف عافية
