[align=center]دى سلسلة من الحركات المرض البتجيب للزول انفجار فى شرايين الروح وتمزق فى المخيخ وانبثاق عشوائى فى القلب
[/b][/color]نمرة واحد الأولى بجدارة وبدون منازع
فى المرضنة والبيضنة الواحد تلقاهو فى حفلة وشايل ليهو طفل صغيرويمش يبشر فى الفنان القاعد يغنى وهو شايل الطفل معاهو وتكون فى ابسامة بلهاء وساذجة مرسومة على محياه البليد
نمرة اتنين برضها بدون منازع
يكون فى حفلة شغالة وفنان بغنى تلقى ليك كورجه بتاعة بنات ونسوان واحتمال شوية رجال برضو محاوطين ليهن واحدة بترقص وهن واقفات دورانية حواليها ويصفقن مع الغنية ومرات يتم تنفيذ الحركة دى برضو مع العريس والعروس
نمرة تلاتة دى كمان بتعمل انفجار نووى فى كل الأعضاء الداخلية المهمة
حكاية الأكل الفى المناسبات يتلمو زى سبعة ولا تمانية انفار وانت تكون ما بتعرف فيهن ولا زول لأنه بجو ناس المناسبة يقوموك بى حليفتا كمان زى التقول عايزين يعملو ليهم حاجة سمحة وانت تقوم وتقعد مع جماعتك ديلك ويلا هاك يا لهط الحركة الأساسية طبعا البتجيب للزول الذبحة والجلطة هى يكون فى صحن عصيدة وتلقا فى حوالى كم وتلاتين اصبع مغروسة فى تلك العصيدة المشئومة واحدين يدخلو اصابعيهم السبعة فى الخشم وتانى يعيدو الكرة ويواصلو الهجوم على العصيدة لا وشنو كمان بعد كم جولة كده يقوم واحد يقعد يلحس ليك فى تلكم الأنامل وتااااااااااااااااااااانى يرجع يغزها فى العصيدة معقول لكين ياخ ؟ولو فتشت على ملعقة يعاينو ليك شذرا و يوصفوك بالفلهمة و العجرفة
مرة كنا في مناسبة والعزومة غدا سفرة واااااحدة بتشيل زي عشرة نسوان عشرة يقومو وعشرة يقعدو لمن قعدناورصو لينا السفرة خالتو القاعدة في راس المائدة مسكت الضلعة ورفعتها زي العاوزة تبشر بيها وبقت تكورك يافلانة هوووي ضلعتنا دي مافيها لحمة!!!!!!
[/font][/color][/size][/align]
هوى ديل ماناس هناي
