رأيك شنو ؟؟؟

[الريح ادريس]

مجرد رأي.. في بعض القبائل السودانيه متعنصره و منغلقة علي نفسها..
و البعض متباهي بنفسه اكثر من اللآزم وفاكيها في نفسه..
و البعض و لا يتجاوب الا مع من يتحدث ( يرطن) بنفس لغته
يتـــــــــــــــــــــبع....
اعمل جس نبض و برجع ليكم تاني حا يكون في فتح نار بكل الأتجاهات

[غريب ديار]

أنا الكاوي الخصـيم ساقيـهو كاس المُــرْ
أنا الكاهـلـي الصمـــيــم الحُــــرْ
كبَّاس لُجـَّــــة الـوكـَـرَة الـدِّمِـيـهــا تخـُـــــرْ
وقـــشَّـاش دَمْعـَــــةَ البـِبـــْكـَنْ بقـــولـن كـــُرْ

يتـــــبع

[الريح ادريس]

أنا الكاوي الخصـيم ساقيـهو كاس المُــرْ
أنا الكاهـلـي الصمـــيــم الحُــــرْ
كبَّاس لُجـَّــــة الـوكـَـرَة الـدِّمِـيـهــا تخـُـــــرْ
وقـــشَّـاش دَمْعـَــــةَ البـِبـــْكـَنْ بقـــولـن كـــُرْ

يتـــــبع

قـــــــــــول واحد
يا الكاهلي نحن نريد رأيك ولا نريد مدحا لقبيلتك
دخل رجل و اخذ حجرا...
نعم... لم يضع حجرا...

[الدهمشي]

نــــــــــــــحن اهـــــــل بـــــــدير

ياود الريح الباب البجيب الهوا اقفلو

[الريح ادريس]

نــــــــــــــحن اهـــــــل بـــــــدير

ياود الريح الباب البجيب الهوا اقفلو

ما تآخد الأمور بحساسية يا ابو الصهيب
انظر للموضوع من الناحية التانية

[امرأه نخلة]

في انتظار فتح النيران ..
لأني عاوزه برضو أفتح نار

[محمد نعيم]

في انتظار فتح النيران ..
لأني عاوزه برضو أفتح نار

النار مع النخل ما كويسة

والموضوع جميل وعايز نقاش ولكن هل كل الناس حتجي بمفهوم كويس؟

ما اظن

راااااااجع

[امرأه نخلة]

النار مع النخل ما كويسة

والموضوع جميل وعايز نقاش ولكن هل كل الناس حتجي بمفهوم كويس؟

ما اظن

راااااااجع

كلامك سليم ماكل الناس ح تاخد الموضوع من
ناحيه إيجابيه ورؤيه نظريه مختلفه ..
بدلا عن العراك والتحيز
غايتو منتظرين ..

[الشمالي]

والله ياا الريح اخوي بقفل الباب تجي ناطي بالشباك نقفل الشباك تجي ناطي بالطاقة كااااك ياا راجل كرهتنا العنب والمنقة , علا بدور النصيحة موضوعك حلو وما دائر اقول ليك نحن اولاد عسيل وباقي السالفة انت عارفو , بدخل ليك من الجانب التاني القلت عليهو , طبعاً الكثير قد يظن ان هذا تحامل ويمكن يزعل جداً من هذا الوصف مع انه صحيح بنسبة كبيرة جداً ولن نخص قبيلة بعينها مع الاسف معظمها بنت لنفسها بروج مشيدة من ارثها التاريخي فكان نتاجه ما ذكرت من عنصرية قبلية ومباهاة ,وكان لها المردود الاجتماعي والاقتصادي السياسي السئ علي البلد والسودان الان في مفترق طرق بسبب ما ذكرت , مع كل الود اخي الريح والزعل مرفوع

[الريح ادريس]

التصبح ليكم الوطــــــــــــــــة يا فرد....
انا جاي متأخــــر بجيكم بكره برواقة لو حييين
وتصبحو عل خير وشكر لكل المتداخلين

[الريح ادريس]

اذا ساقتك رجليلك لولاية نهـــر النيل ستجد لآفتة كبيرة كتب عليها مرحبا بك في دار جعل...
ضحكت كثيرا عندما قرأتها و تسألت هل دار جعل هذه دولة صغيره ام مقاطعة ام ولاية؟؟
و هناك علي مشارف نهاية النيل تجد اناس يعتزون بلهجتهم وهؤلا يصعب التعامل معهم فهم
لا يحبون الإختلاط كثيرا بمن يتحدث لغة غير لغتهم.. عدا مع جيرانهم الحلفاويين ..
واذا اتجهت شرقا تجد ايضا القبائل الغير ناطقة بالعربية لها حساباتها الخاصة في التعامل
مع من يتحدثون العربية ونادرا ما تجد علاقة نسب تربطهم بباقي القابائل الأخري..
وكذا الحال في مناطق النيل الأزرق عامل اللغة ايضا يتدخل و يعمل علي عزل قبائل عده
في هذه المناطق وجعلها منطوية علي نفسها
واذا اتجهنا غربا قد نج الأمر اخف وطأة ( الغرابة) فيهم شئ من الألفة ولكنهم متعقدون ولا ادري
ما هو السبب وهذا الامر اشد خطورة من العنصره و الأعتزاز بالنفس كباقي المناطق
اما الجنوب صراحة لا ادري عنهم شئ و الذين عايشناهم في الشمال ليس هم مثال للحكم وذلك لأسباب
عدة اهمها لتشبههم بمن خالطوهم وتغيرت بعض العادات لديهم و تأثرهم بالمناخ الشمالي
اما ناس الوسط و هذا الحشو اضرب به مثل بسيط يتمثل في عاصمة الولاية مدني فهذه المدينة المسكينة الكل يدعي انه منها و ينتمي اليها كأنها الجنة و الكل يسهب المدح فيها بالكضب
وهذا النفاق اكرهه كثيرا عندما تجد احد جاي من ابعد منطقة في السودان و سكن ام درمان لظروف الحياة و يطل عليك من اي نافذة و هو يتحدث عن ام درمان وكأنها هي السودان بل يذهب لأبعد من ذلك ويعمل علي تكريهك في المنطقة التي تسكنها و كأنما من لم يسكن امدرمان فهو كافـــــر
يتبع........

[الشمالي]

كدي خلي خستكاتك دي وقول الامورة الشرط
دي منو ؟ كااااااااااك

تخريمة
يااا بوي الالفة البتتكلم عنها دي لو حصلت كان
اتحلت مشاكل السودان كلها .