حلم هندي (فلم)....

[الريح ادريس]

في الحلم شاهدت لي فلم هندي عديييييل من حيث الاحداث طبعا...
بداية الحلم كانت لمة ناس كتاار كده المهم عرفت انه ديل ناس المنبر ده
ملمومين في مناسبة وكل زول بعاين في التاني ومدحش و يكون عايز
يسأل و يغير رأيو وبعد شويه تسمع واحد بضحك لمن قعد في الواطة
وواحد لسه متضهب و البنات ما لاقيات طريقة يخشن ناهيك عن السؤال
المهم استمرت احداث الفلم ده حبه كده قام واحد عاقل خطب في الناس
و قال ليهم في البدايه نتعارف يا جماعه..
وهنا بدأت الأحداث اكثر اضحاكا.. كل واحد يقو اسمه الناس تخت يديها
في راسا (اسمه الحركي) و تسمع بالله ده مرسال الشوق ؟
ياخي انا قايلو قصير و راسو ماكن شديد وهكذا الخ...
بصراحة انا من سجلت في المنبر ده ولحدي اسي دي ما بفرز بين
لاسامي و اسامي المواضيع. و المشكلة انكم كلكم بتكتبو مواضيع عاديه
وما خارجه عن النص ولا سياسية ولا معارضه...
وقع الكلام يا فــــــــــــرد ؟؟؟؟

[brain]

اضغاثُ احلام وما نحن بتأويل الاحلام بعالميين ..
لكن التمست من خلال عرض هذا الفلم الهندي . أن أسرة المنتدى في حاجة لتواصل بل تعارف ما أمكن ذلك . حتى لو كان ذلك بتحقيق ذالك الحلم أو الفلم الهندي الذي شاهده أخونا الريح ادريس وجعله واقعاً معاشاً حتى لو جزئياً . فمثلاً الأعضاء بالخرطوم وأم درمان وبحري يمكنهم أن يجتنمو بكل سهولة ما رأوا ذلك للتعارف الحقيقي .كذلك الأعضاء الموجودين بدبي ، ناس جدة ،ناس الأبيض ، ناس الفاشر ............ الخ .رغم أن احساسي يحدثني بأن أكثر من نصف أعضاء المنتدى من سكان العاصمة .
أما فيما يتعلق بالموضوعات المطروحة ففي الحقيقة معلوم بالضرورة أن اهتمامات الناس مختلفة لذلك تجد التجاوب مع الطرح يختلف من موضوع لآخربحسب الإهتمامات الشخصية . لكني اتفق معاك بعدم وجود الموضوعات الفكرية الجادة التي قد يمكن تسهم في رفع كفائة العضو الفكرية وزيادة زخيرته المعرفية والثقافية وتساعده في توسيع رؤاه ومخيلته وتطور مقدرته في التعامل مع القضايا .

[الريح ادريس]

الأخ brain
شكـــــر مرورك يا اخي و صراحة و بدون لف و دوران انا قاصد الاسامي
تشبه اسامي الشات الموجوده في اسفل القنوات الفضائية الخاصة...
اما بالنسبة للمواضيع فهي تأتي بمرور الايام وكل يوم يأتي عضو جديد
بفكر جديد...
عموما مرورك نقر علي جزء من الحقيقة و اسعدني كثيرا...

[الدهمشي]

والله كلامكم سمح لكن يااخوانا كمان مانلوم الناس سااااااى ماممكن كل المواضيع تكون واحدة ولا حتى فى جانب واحد كل حسب ميوله ومايراه .

[الشمالي]

هووو يااا لريح اخوووي ياااا بوي انت جيت متاخر
شوية الناس دي قبل رمضان كانت ذي النحل وعصارة
النحل مواضيع شهد وحلوة ومتنوعة ودي استراحة محاربين
بس , بعد العيد سوف تعرف الحاصل مع الشكر لكل
المدوامين بالمنتدي خلال رمضااان وما قصروا تب .
بس انا بتفق معاك انو فقط في بعض القصور في
الجانب السياسي وبصراحة الناس زهجت من السياسة
فقط وكل الشكر علي الحلم ياااااااا

خارج النص

لسه بتلعب باللزيرقاوي كااااااااك