الشمّالي كتب:هاا ود النعيم الزول ما حتيتو معاهو قرض كاااااااك
هاك دي , صاحبنا وصل الساعة واحدة صباحاً
وموصلنو 3 دوريات و5 نجدات والاحتياطي المركزي
بالله لما جو جنب الشقة انا قلت اكيد في رئيس ولا ملك
جاي بالشارع لقيت ده المرسال والجماعة سلموه لي في
يدي وادوني معاها مذكرة منع من السفر بموجبها بالطيران
الي مع مرافق عاقل ,وقلت ليهم الزوول انسرق مني ساااكت
وامسحوها لي في وشي ,
دا قال ليك وقف رجال الامن على فرد كراع واغلقت المطارات كلها
بس المجنني الزوول ده جاب معاهو براشوووت
المسنووووح طلعو من الطيّارة والمطار كيف
ما عارف وبدور بيهو شنو ؟ الله اعلم , يكون
عائزو تزكار للوكسة والنكسة بتاعتو دي
كااااااااااااااااك
اها الزول جاب معاها قزازة ماااكنة وقعد يقرطع فيها ,
ده شنو ابرويس , والزول ملكيف ويغني منتشي واقصد
انحن اولاد بلد تقعد نقوووم علي كيفنا ......... وهع هع
, هع شنو يااابرويس دي قزازة شنو , قال لي ده عصير
سرقتو من الميز بتاع سواقين الطيارة والكماسرة ,قال
غافل الجماعة ولطشها , وده عصير شنو ؟
زولك رد علي منتشي , قال كان عصير جازولين عليمو
الله كان ثالث اكسيد المنجنيز برضو عليمو الله , اها
انا هنا الفار لعب في عبي خاصةً الزووول قال جاتو
لفة راس شديدة , المهم مسكت منو القزازة ولقيتو عصير
عنب بائت ومخمركااااااااك
الشمّالي كتب:الزوووول قالوا قبضوه شائل ممنوعات وبهدلوه اخر
بهدلة وهو ذاتو بهدل ناس شرطة الجمارك باقي مسكو
عندو ماادة بين الاخضرار والابيضاض ناعمة مسحونة
اشتبه فيها , والزول حلف ما ينزل من الطيارة والباقية
التبقي الجماعة اخرو الطيارة والركاب زعلانين وعمل
ازمة بالمطار وفي نهاية ظهرت نتيجة المعمل الجنائي
بان المادة التي يحملها هي عبارة حامض اللاكتوز المهدرج
مضاف الي مادة خشبية يطلق عليها ويـــــــــــــكة
شائلة زوادة مع الجدادة
كااااااااااااااااااااااااااااااااك
لاول مرة في التاريخ مرسال الشوق يركب طيارة.
الليلة من الصباح جاتني رساله ومن جات الرسالة قلت اللهم اجعلو خير اصلاً انا رسائل الدغشية ما بحبها وبتعمل لي احباط اتوكلت على الله وقريت الرسالة لقيت الزول بين فرحان وخايف فرحان لانو عايز يشوف المطار ويشوف الطيارة زاتا بتطير كيف ودي كانت امنيتو من زمان وخايف من النزول بعدين قال الناس ديل بكبوهم كيف ......
حنتابع الحدث اول باول تابعونا
اول بالتبادي سلااااام عليك يااااالاخو
كتر خيرك خليتني زووول الطيارة دي اول مرة اشوفها واول مرة اركبها ونسيت انني عائش في الخرطوم محل الريس ينوم ومكان الطيارة بتقوم
اولا... ياود النعيم الطيارة انا ركيتها كان عمري مايتعدي الرابعة الي اول رحلة خارجية الي القاهرة علي الخطوط المصرية
وثانيا... الي الرياض لاول مرة لحضوري الممللكة العربية السعودية علي الخطوط السودانية وافتخر بهذا الاسطول الرااائع من طراز الايرباص
وثالثا ... رحلة العودة علي الخطوط السعودية
ورابعا... رحلة ترفهيهية الي القاهرة علي الخطوط المصرية
ورحلة العودة علي اخلطوط السعودية
وخامسا... رحلة الذهاب الي السودان علي الخطوط اليمنية
والعودة بنفس الاسطول
وسادسا ...الذهاب الي الامارات علي الخطوط العربية ( الشارقة )
والعودة بنفس الاسطول
سابعا... الذهاب الي السودان بالخطوط اليمنية ثم الذهاب الي اسمرا ثم الذهاب الي السودان
والعودة الي اليمن ثم الي السعودية بنفس الاسطول
ثامنا... الذهاب الي السودان علي الخطوط العربية الي الشارقة ثم الي السودان والعودة علي الخطوط السعودية
بالاضافة الي الرحلات الداخلية
كما ان هنالك دعوة مقدمة لي من اخي الاصغر علي الخطوط البرطانية
لقضاء الاجازة بمدينة لندن ... اوعي تقول لي دي جنب مدني
وعندي النية العيد في سوريا علي الخطوط السورية
وفي مدينة اللاذقية بالتحديد ( والدعوة مقدمة مني لكل انسان حابي يعيد معاي علي نفقتي الخااااااااصة ذهابا وايابا ..... كع )
يعني ياابورويس الطيارة ركبتها اكتر من عربيتي في السفر بس زووولك ( الشمالي من الباخرة الي الباخرة لاني قبال كدا قلت ليه السفر بالطيارة قال لي والله اكان قتلتني مابركب الداهية دي باقي الشئ دي بتقوووم فت وبتعمل لي خمة نفس ودوخة وشلل اطفال وانا نفسي تب ابتها وفي لساني مابدخلة عشان كدا ماتجبرني ولو كترت معاي انا بخليه زاااتو السفر دا وانا امي وصتني قالت لي ياولدي انا عافية منك ورضيانة عليك اوعي تركب البتاعة البطير دي خليك في واطة الله دي ماله ... ماماهلة وسمحة عشان كدا اناركبت معاهو مرة واحدة بس الباخرة وافتكر اني ذكرتها في موضوع مرسال الشوووق في رعاية الله ثم ركبتها مرة ثانية وهي اجازتي الاخيرة وكنت مسافر بعربيتي الي السودان
لكن ياود النعيم انا سمعت بتحت تحت كدا قالو لي ود النعيم دا جاء بالباخرة ولحدي هسع مارجع السودان تاني باقي لحدي هسع خايف من الرجوع وقال مابرجع حرم لحدي الداهي دا ( البحر ) مايعملو فوقو كبري.... قالو ليهو خلاااص بالطيارة قاليهم انا الباخرة لحدي هسع عاملة لي لفة راس وهلاويس اقوم الركب لي حاجة تطير في السما وماترك تاني ... دي تلقوها عند غافل ..
رد: عاجل:- مرسال الشوق ركب الطيّارة
فضحونا الله يجازيهم 
