الفيفا تتدخل فى قضيه الموسم

[hanody]

دعــــــــــــــــــواتكم للازرق بالحصول على هذه الكاس ان شاء الله
[align=left]اخوكم الهلالابى موت[/align] [align=left]hanody[/align]

[ابو ايووودي]

البطولة هلالية انشاء الله
وسوف نحتفل في نهاية العام جميعا
تسلم ايدك يا ملك

[ابو ايووودي]

مبروك ياموووووووووووووووووووووووووووووووووووواسسسسسسسسسسسسسسسيررررررررررررر

[ابو ايووودي]

هلالنا صعب كاساتو دهب
واصل يا هنودي والله يديك العافية

[hanody]

هلالنا صعب كاساتو دهب
واصل يا هنودي والله يديك العافية

الهلال فى قلوبنـــــا
اديك العافيــه

[hanody]

[align=center]{ ناس الهلال ديل اقرب ناس ...غلبو (كابس) في بلدو 3-1.

{ ناس المريخ في بلدهم هنا ...مع الاضاءة حقتهم الما خمج ...والطابق التاني ما قدرا يغلبوا كابس بهذه النتيجة التي خرج بها الهلال وهو يلعب خارج ارضه.

{ فريق المريخ في (الرد كاسل) غلب 3-2.

{ نحن في غربة وهجرة ...طلعنا بنتيجة افضل من هذه النتيجة التي خرج بها المريخ وهو يلعب علي ارضه.

{ 3-1 ...وبدون اجانب.

{ جنسية سودانية بالتجنس ساكت ما في.

{ ولا في الكنبة.

{ هيع.

{ اجانبكم ديل يا ناس المريخ إلا تعملوا بيهم (ندوة).

{ قاعدين ساكت.

{ الغريبة ...كمان فيهم (مناضل).

{ مناضل عديل ...وتتطلعوا من الكونفدرالية كمان.

{ المضحك ...اعلام المريخ (السالب) رافض (الفيفا) تتدخل.

{ في نفس الوقت (الاعلام السالب) كان مرحبا بتدخل (الجامعة العربية).

{ لاعب سجلتوا بقاعدة من قواعد الجامعة العربية ...ح تلقوا منو شنو؟.

{ بعدين الجامعة العربية شن طعمها.

{ اكتر حاجة ممكن يعملها ليكم (رمزي صالح) ح يستنكر ليكم.

{ لو بالغ كدا ح يشجب.

{ ولو فات الحد ح يدين.

{ اكتر من كدا ما تنتظروا منو حاجة.

{ ولا تحلموا.

{ الهلال في زيمبابوي قصد يعطي درس للمريخ.

{ الهلال امام كابس لعب بي ناس صدام (الدراشاب).

{ ما مهدي (تونس).

{ بي نادر (شندي).

{ ما رمزي (فلسطين).

{ بي سيف (الجريف)...ما وارغو (نيجيريا).

{ بي بشة (الموردة)...ما كاسروكا (بورندا).

{ بي خليفة (الكلاكلة) ما لاسانا (مالي).

{ لا هيثم المرابط لا عبدالكريم النفطي ....نحن اولادنا ناس منير (امبدة) وجمعة (العلمين) ومحمد عبدالرحمن (بيت المال).

{ سودانية ...ياكلوا الزلط.

{ بدون سادومبا وبدون ديمبا وبدون يوسف محمد غلبنا.

{ تاني نعمل ليكم اكتر من كدا.

{ غلبنا 3-1 ...حالتها دي بدون (رئيس).

{ نحن صعبين ...شغالين كدا.

{ لا رئيس ..لا اجانب.

{ ما في حاجة بتوقفنا.

{ الله راضي علينا.

{ ما زي ناس المريخ ...جنسوا ليهم البلد كلها.

{ الواحد بقي يلاقي (الصيني) في شارع عبيد ختم ...يسألو يقول ليه : الاخ صيني وإلا سوداني؟.

{ بقي ما عندنا ثقة.

{ يمكن ناس المريخ يكون جنسوه.

{ التجنيس عندكم اسهل من تنزيل الرصيد.

{ نجمة جنسية مربع.

{ في اسهل من كدا.

{ غير البلد الملوها كلها (مجنسين)...جابوا ليهم (اتحاد محلي مريخي) بقيادة حسن عبدالسلام.

{ لكن برضو قالوا الاتحاد المحلي بتاع الخرطوم دا ما كفاية.

{ الحكومة قالت ليهم ما في مشكلة.

{ الاتحاد العام ذاتو بنبقي ليكم (مريخي).

{ جابوا ليهم (معتصم جعفر).

{ دا تجنيس علي مستوي عالي.

{ بعد كدا يعملوا ليكم شنو يا مريخاب.

{ الغريبة ...بعد دا ...جمال الوالي (اتنحي).

{ يعني عامل فيها زعلان.

{ تتنحي ليه ؟...قايل نفسك جمال عبدالناصر.

{ كمان جابت ليها تنحي.

{ انت أي حاجة يعملوها في الهلال عاوز تعملها.

{ صلاح ادريس (استقال)...جمال الوالي (اتنحي).

{ لحنتها يعني.

{ الطابق التاني دا ح تخلي لينا.

{ علي الاقل تم (السور).

{ اعمل لينا (سينما).

{ شنو جايب لينا سبعة اجانب وعاوز (تتنحي).

{ ديل يصرفوا ليهم من وين؟.

{ ديل ناس همد وعبدالله حسن عيسي ما بقدروا عليهم.

{ الضرايب كلها ما بتكفيهم...بنك السودان ما بقدر عليهم.

{ نحن (سادومبا) براه ...بعد صلاح ادريس ما فات مجهجهنا.

{ انتوا عندكم (سبعة).

{ سبعة ديل (موية صحة) ساكت ما بتقدروا تشربوهم وقت جمال الوالي يفوت.

{ لو جوك سبعة ضيوف ساعة الغدا ..لو ما عندك (خروف) مربوط قريب بتجهجه.

{ ناس همد ديل تاني بكتروا تاني (البوش) في معسكر المريخ.

{ سفاري 5 شهور ما عندو (مرتب).

{ يا سفاري سنة ما بكون عندك حاجة تاني.

{ هسع عليكم الله وقعة (طارق مختار) دي ما بتستحق تخصمو بسببها من مرتب 10 شهور.

{ دي وقعة تقعها يا طارق مختار.

{ وقعتك دي زول سايق ليه (ركشة) ما بقعها.

{ وقعة سودا.

{ تقول ليك سنة ما صرفت.

{ في الهلال يا طارق مختار ما كنت زي الطلقة...حصل شنو يعني تقع متل (الوقعة) دي.

{ وقعتك دي لو عملتها هنا بسحبوا منك (الجنسية).

{ الجنسية هسع ذنبها شنو؟.

{ لكن نمشي ونرجع لي جمال الوالي.

{ جمال الوالي قنع.

{ نفسو مرقت من الكورة ...اخير صلاح ادريس ..رئيس (شفت) استقال بي فهم.

{ استقال وقال عاوز يترشح لاتحاد الكرة.

{ والي الان صلاح ادريس عندو (طعن) في المفوضية.

{ وفي احتمال يرجع الهلال.

{ لكن المشكلة جمال الوالي ...استقال في ظروف صعبة.

{ كمان جابت ليها (تنحي).

{ انت يا جمال الوالي عليك الله القصر معاك منو؟.

{ حسن عبدالسلام ...طفشوه منك وبقوا رئيس لاتحاد الخرطوم المحلي.

{ عشان ما يعمل ليك (لخمة).

{ معتصم جعفر (صاحبك) جابوه رئيس لاتحاد كرة القدم السوداني.

{ تصور لي مع (كمال شداد) وتدعم لي في (معتصم جعفر).

{ قديمة.

{ نحن الحركات دي بنعرفها.

{ ان شاءالله (التنحي) تبقي قدرو.

{ بكرة بنشوفك في تمرين المريخ.

{ ناس موسي الزومة ديل ما بتفاتوا.

{ وين تلقي ليك زول زي (طارق مختار)؟.

{ وقعتوا ذكرتنا (السيول والامطار).

{ الزول لو وقع من (طيارة) ما بقع متل وقعتك دي.

{ شنو انت عاوز تمسك لينا في (وقعة) طارق مختار.

{ شوفوا انا في حاجات ما بخليها.

{ حصوة اكرم.

{ ووقعة طارق مختار.

{ وبصمة علاءالدين يوسف.




:[/align].

[hanody]

[align=center]{ وهوبة مهند الطاهر.

{ وتمريرة سيدا.

{ والطابق التاني.

{ وتنحية جمال الوالي.

{ دي حاجات من (الابجديات).

{ نرجع لي جمال الوالي.

{ (التنحية) دي يا ربي سببها طارق مختار وإلا سببها مهند الطاهر.

{ التنحية دي شامي فيها ريحة (هوبة).

{ تتنحي ليه؟.

{ دعموك بالجنسيات والمليارات ...قروش ما ليها حد لو لقاها فريق في الليق ما بخلي ليه بطولة.

{ يا اخي الجماعة ديل في (السيخ) ما قصروا معاك.

{ تاني يعملوا ليك شنو؟.

{ شيء سيخ.

{ وشيء طوب.

{ وشيء رملة.

{ بعد الحاجات دي كلها تجي (تتنحي).

{ لكن بيني وبينكم الكلام دا ما يطلع من العمود دا ...المريخ بعد (تنحية) جمال الوالي ببقي منو خوفة.

{ جمال الوالي دا غير (الوصافة) ما بلقي حاجة.

{ لكن هسع جمال فات ...(البطولات) يمكن ترجع.

{ بطولات شنو ..هم في الاساس عندهم بطولات.

{ الغريب في الامر.

{ ناس المريخ ديل بعملوا الحاجة (الصعبة) وبخلوا الحاجة الساهلة.

{ يعني بدل ما يشطبوا (كاسروكا) ويرتاحوا من وجع الرأس دا ...خلوا جمال الوالي (يتنحي).

{ انتوا صعب عندكم (الشطب) وإلا صعب (التنحية).

{ جمال الوالي يعمل ليكم شنو؟.

{ جنيس ...جنس ليكم.

{ طابق تاني عملوا ليكم.

{ طمبل من الهلال جابوا ليكم.

{ الحكام ذاتهم ما كانوا بقصروا معاكم.

{ شيء ضربات جزاء (وهمية)...وشيء حالات طرد للفريق الذي يلعب ضد المريخ.

{ وشيء حاجات تانية.

{ تاني شنو؟.

{ الناقصكم شنو؟.

{ انتوا عارفين جمال الوالي دا لو مسك فريق (العلمين) بعد اربع سنوات بشيل بيه كأس الكونفدرالية.

{ انتوا 7 سنوات غير بطولة الممتاز ما حققتوا حاجة.

{ والله يا جمال الوالي انت احسن (وصيف).

{ ما في وصيف زيك.

{ وصيف مريح.

{ وصيف مريخ.

{ شفتوا الفرق (نقطة).

{ انت هسع بدافع عن جمال الوالي وإلا بتهاجم فيه.

{ الحدق بفهم.

{ انا مالي.

{ يتنحي.

{ يرجع تاني.

{ يعملها حركة ساكت.

{ دي حاجة ما بتخصني.

{ ما بتخصني كيف...الحاجات البعمل فيها جمال الوالي دي بعمل فيها وين؟.

{ بعمل فيها في (الوصيف).

{ الوصيف دا وصيف منو؟.

{ وصيف الهلال.

{ طيب!!.

{ انتوا (الضل) دا قاعدين فيها ساكت.

{ فوضي هي.

{ نحن وصيفنا دا ما بنقبل فيه (تنحية).

{ حركات الجامعة العربية دي ما تعملوها لينا في الكورة.

{ انا عرفتها ...من سجلوا لينا (رمزي صالح) بقاعدة من قواعد الجامعة العربية ...عرفت ليك الموضوع بجر.

{ ظاهر كان انو.. بجيب ليه (تنحية).

{ كلو من طارق مختار وكاسروكا.

{ هسع دي (تنحية).

{ لكن (الشفوت) بالجد ناس الهلال.

{ شفوت وعيونهم (مفتحة).

{ الحكاية دي انتوا عارفين ناس الهلال قاصدنها.

{ ناس الهلال ديل ما بعملوا حاجة ساكت.

{ قاصدنها من بدري.

{ في نهاية الدوري الاولي للممتاز ...الهلال غلب المريخ 2-صفر.

{ انتوا يا ناس المريخ ظاهر عليكم ما فهمتوا (الحكاية) دي.

{ اهداف الهلال سجلها مهند الطاهر ومدثر كاريكا.

{ برضو ما فمهتوا حاجة.

{ هدف مهند الطاهر صنعه (مدثر كاريكا).

{ فهمتوا حاجة.

{ مدثر كاريكا دا نحن جبناه من (روسيا).

{ افهمونا يا جماعة.

{ هدف مدثر كاريكا ذاتو الصنعو منو؟.

{ صنعو (الدعيع).

{ لا...لا ..دي كتيرة.

{ والله لا كتيرة ولا حاجة....دا الحصل.

{ اعمل ليكم شنو انا.

{ فهمتوا حاجة.

{ ديل ناس (سودانيين).

{ محليين عديل.

{ لا جنسية ولا ضربة جزاء.

{ خلوا دا كلو.

{ تعالوا شوفوا مباراة الهلال امس.

{ امس الهلال لعب امام (كابس).

{ قديمة.

{ لكن لعب بي منو؟.

{ لعب بي ناس بشة الموردة وصدام الدروشاب ونادر شندي.

{ هيع.

{ فهمتوا حاجة.

{ اجنبي واحد ما فيهم.

{ الاقوان سجلها محمد احمد بشة ومدثر كاريكا وهيثم مصطفي.

{ بشة دا ما شاءالله عليه ...ماشي مشي صاح.

{ ميشو ذاتو ماشي.

{ ميشو ماشي وين كمان؟.

{ ميشو ماشي صاح.

{ يعني ح يمشي المريخ.

{ ارجع ليكم تاني.

{ انتوا يا ناس المريخ بدل ما تبدلوا (رئيس النادي) موش احسن تبدلوا (المدرب).

{ كاربوني دا عاوزين بيهو شنو؟.

{ كاربوني عيشتو تطير.

{ يتقطع.

{ زول عندو موسي وبلة وسعيد السعودي يعمل ليكم شنو؟.

{ كاربوني دا غير (الطيران) ما بتلقوا منو حاجة.

{ أي بطولة يشارك فيها (بطير).

{ طيران وتنحي.

{ والله ناس الهلال ديل عندهم جنس حظ...جابوا ليهم مدرب (صربي).

{ تفك ليه (دو) بفتح.

{ أي حاجة تفكها ليه خمسين.

{ مدرب قافل علي (البايظ).

{ أي بايظ..خمسين.

{ زول يغلب جوة وبرة.

{ غلبنا هنا (خمسة).

{ قالوا سادومبا.

{ خلينا (سادومبا) قبلو ...عشان ما تقعدوا تنظروا لينا ..مشينا برة غلبنا (تلاتة).

{ في مدرب بعمل كدا.

{ مدرب بغلب بي صدام الدروشاب ونادر الطيب...وهما مازالا تحت (السن).

{ ميشو دا (حاوي) عديل.

{ هسع يقوم يسمع كلامي دا يقول عاوز (قروشي).

{ عارف يا ميشو عيبك الوحيد ...حكاية مطالبتك بي قروشك.

{ بعد الغلب والانتصار الذي حققه الهلال في زيمبابوي انا متأكد تكون طالبت بي قروشك من (المطار).

{ والله خايفك من قون (بشة) الاول تقول عاوز قروشي.

{ عارفك انا ما بتصبر.

{ زول ضايق...وطبعك كعب.

{ الحاجة الجميلة في الهلال..(الانضباط) الذي يعمل به في الهلال.

{ سادومبا دا (كلامو) كتر..قالوا ليه من هنا ما تسافر معانا.

{ سادومبا خربها علي نسفو.

{ هسع لو سافر مع الهلال كان علي الاقل سجل ليه هدفين وبقي الهداف بارتياح.

{ بي مزاج.

{ تاني سادومبا دا لو الهلال سافر (المعاقيل) بسافر معاه.

{ المعاقيل هسع ذنبها شنو؟.

{ والله يا ناس الهلال حيرتونا.

{ كأس الكونفدرالية السنة دي لو ما ححقتوه ..يبقي ما في فايدة.

{ مجلس ادارة نادي الهلال مطلوب منه لم الشمل ...والاجتماع والتوحد لتكون كلمة المجلس واحدة.

{ هذا التوقيت هو توقيت البطولة.

{ دا وقتها.

{ لكن اقول ليكم حاجة.

{ اعملوا نايمين.

{ ما تجيبوا سيرتها.

{ صهينو منها.

{ لو مسكتوها لينا موضوع بضيعوها علينا.

{ لكن في نفس الوقت مطلوب التخطيط والعمل من اجل هذه البطولة.

{ الهلال الان يحتاج الي كل رجاله ...عبدالمجيد منصور وطه علي البشير وصلاح ادريس وميرغني ادريس والكاردينال والامين البرير.

{ الهلال محتاج الي كل اولاده.

{ عاوزين الهلال السنة دي ان شاءالله يعمل حاجة.

{ قولوا ان شاءالله.

{ ملحوظة: نحن عاوزين نجيب (بطولة)..خلوا ناس المريخ يعملوا ليهم (طابق ثالث)...بدل ما يقعدوا ساكت ..ويفقرونا بالنقة الكتيرة.

هوامش

{ هيثم مصطفي حفظه الله ورعاه سجل افريقيا ورفع رصيده الافريقي في الاهداف.

{ محمد احمد بشة ...بدأ اهدافه الافريقية ...تاني ما بقيف.

{ البوقفو شنو؟.

{ في ام درمان سجل (خليفة).

{ وفي زيمبابوي سجل (بشة).

{ نحن أي حاجة عندنا بي نظام.

{ نحن ما عندنا حاجة ساكت.

{ وارغو الي الان لم يسجل افريقيا.

{ وارغو لعب في بطولة الاندية الافريقية ما سجل.

{ جابوا ليه (سيكافا) في ام درمان برضو ما سجل.

{ نزلوا بيه للكونفدرالية.

{ برضو ما سجل.

{ يا وارغو تاني يعملوا ليك اكتر من كدا شنو؟.

{ بتسجل متين؟.

{ وارغو خلوه.

{ عبدالكريم النفطي دا اعطوه (ضربة جزاء) عديل.. برضو ما سجل منها.

{ ديل عاوزين يسجلوا متين.

{ وارغو دا لو عاوزين تحلوا ليه (عقدته)...سوقوه (الاذاعة) سجلوا ليه.

{ دا الحل الوحيد.

{ خلوه يسجل (اغنية).

{ الاغنية هسع ذنبها شنو؟.

{ قالوا ليك واحد وقع من طيارة ...قام بعد سبع سنوات ...قال ليهم الكهرباء قطعت متين؟.

{ انت من زمن الكهرباء بتقطع.

{ لاسانا في الصور التي نشرت امس ...ظهر (متجرس) شديد.

{ بي جرستك دي لو كنت مجنس مفروض يسحبوا منك (الجنسية).

{ انت وطارق مختار.

{ طارق مختار هسع ذنبو شنو؟.

{ نحن ما عندنا سوداني بتجرس كدا.

{ بتجرس كدا ...وإلا بتجنس كدا.

{ تلخبطوا الزول.

{ انتصار الهلال امس بروفة رسمية للمجموعات.

{ مفروض الهلال يتعلم ثقافة الانتصار خارج ملعبه.

{ اذا اراد الهلال التأهل من مرحلة المجموعات لا بد له من الانتصار خارج الارض.

{ لا سيما ان مجموعة الكونفدرالية بصعد منها فريق واحد وبيلعب النهائي طوالة.

{ فريق الجيش النيجري دي ..الهلال قادر علي الفوز عليه داخل وخارج السودان.

{ نحن سمعنا بي الجيش الالماني.

{ الجيش الروسي.

{ الجيش الاسرائيلي.

{ الجيش العربي.

{ لكن جيش النيجر دا اول مرة نسمع بيه.

{ في واحد هلالابي قال لي (يطرشنا).

{ الحمام دا (بنوضبوا) ليكم نحن.

{ اول مرة القي لي جيش (حمام).

{ الحمام هسع ذنبو شنو؟.

{ في واحد قال لي بعد جمال الوالي يتنحي بعمل شنو؟.

{ قلت ليه المشكلة ما في جمال الوالي بعمل شنو؟.

{ المشكلة في (المريخ) ذاتو بعمل شنو؟.

{ اقول ليكم حاجة ...رجعوا (اكرم).

{ رجعوا اكرم واخصموا منو مرتب 5 شهور زي (سفاري).

{ سفاري هسع ذنبو شنو؟.

{ كل ما اشوف (وقعة) طارق مختار ..اقول انتوا الخمسة شهور خصموها من سفاري وإلا من طارق مختار.

{ الظاهر ناس (همد) ديل لخبطوا في (الخصم).

{ بتحصل.

{ ديل لخبطوا في (البصمة)...ما يلخبطوا في (الخصم).

{ بالمناسبة دي.

{ بصم ..ما بصم ..بصم ..ما بصم ...بصم.

{ خصم ..ما خصم ..خصم ..ما خصم.

{ ما قلتوا ليكم حاجة بتلخبط.

{ الفرق حرف واحد.

{ الهلال لن يتأثر برحيل صلاح ادريس ..عارفين ليه؟.

{ عشان صلاح ادريس بدعم الهلال في أي موقع يكون فيه.

{ صلاح بدعم لو كان هو جوة ..وبدعم لو كان هو برة.

{ ما زي جمال الوالي.

{ الوالي دا لو طلع من مجلس المريخ ما بدعم المريخ.

{ واحتمال كمان يرجع الهلال.

{ عندي سؤال...بعد (تنحية) جمال الوالي ...موقف (طمبل) بكون كيف.[/align].

[hanody]

{[align=center]يا طمبل يا دوب ح تجهجه.

{ يا زول الله لا جاب (الجهجهة).

{ الاعلام السالب دا اصلو ما بتطور.

{ بدل ما يهاجموا (محمد كمال)...هاجموا الحكم.

{ قالوا ليك القون الاول جاء في المريخ قبل (اجتماع المباراة التقليدي).

{ ست نقاط مضمونة علي الهلال راحت.

{ لو المريخ كان في مجموعة الهلال ...كنا شلنا من (وصيفنا) 6 نقاط.

{ السنة دي (الطيش) ما معروف يكون منو.

{ اقول ليكم حاجة.

{ ناس المريخ مفروض ما يزعلوا شديد.

{ نحن (الكونفدرالية) دي ما مقتنعين بيها.

{ لكن انتوا برضو (طيرتو) منها.

{ جنكم (طيران).

{ من حبكم للطيران (مظلتكم) قالوا بطير.

{ لكن.

{ لكن شنو تاني.

{ لكن جمال الوالي (بتنحي).

{ حكاية (التنحية) دي انا ما مقتنع بيها.

{ يعني شنو (يتنحي)...انت يا جمال الوالي ما تستقيل عديل ...(الجرجرة) البتعمل فيها دا شنو؟.

{ قبل سفر المريخ قابلت مشجع المريخ (كارلوس)..ووجدته اكثر اصرارا وعزيمة علي السفر مع المريخ ..وقد ظل كارلوس يسافر مع المريخ الي دول مجهولة وفي مهمات صعبة.

{ كارلوس رغم حماسه للسفر مع المريخ ...كان يبدو عليه انه قنعان من النتيجة...لكن الواجب يحتم عليه السفر مع المريخ.

{ كارلوس دا ناس محمد كمال ما بعملوا فيه خير.

{ كارلوس بعد وقعت (طارق مختار) ديك بقول شنو؟.

{ بالمناسبة عرفت ان اكرم عاد للقاهرة للعلاج ...نتمني الشفاء العاجل لاكرم الهادي سليم.

{ وندعوا الوقوف مع حارس المريخ السابق...وربنا يشفيه من (الحصوة) وتبعاتها.

{ نحن ما عندنا قصد مع اكرم.

{ قصدنا مع (الحصوة).

{ مجلس المريخ مطالب بعدم التخلي من حارسه السابق وهو في هذه الظروف ونتمني الوقوف مع اكرم.

{ مجلس الهلال ايضا مطلوب منه ان يقف مع اكرم باعتبار اكرم الهادي سليم حارس سابق للهلال قبل المريخ.

{ الهلال عليه الانتباه اكثر لمباراته القادمة امام جزيرة الفيل.

{ مباراة الخميس القادم في مدني يمكن ان يتعرض فيها الهلال الي (مطب) حقيقي...لذا يجب الحذر.

{ خسر الهلال من هلال كادوقلي عندما عاد من الخارج ..والمخاوف تكبر الان.

{ فريق جزيرة الفيل فريق جيد ومدربه فاروق جبرة مدرب ممتاز.

{ لا سيما وان المريخ حاول ان يعد فريق جزيرة الفيل ولعب معه مباراة اعدادية.

{ بل ان المريخ راعي ان جزيرة الفيل سوف تلعب اول مباراة في الدورة الثانية امام الهلال ..لذا لم يتعاقد مجلس المريخ مع المدرب فاروق جبرة وكان الاتجاه نحو جمال ابوعجنة.

{ فاروق جبرة قد يتعاقد معه المريخ بعد مباراة الهلال وجزيرة الفيل.

{ فاروق جبرة سوف يحاول ان يقدم خدمة للمريخ.

{ خبر عاجل : يا ناس الهلال انتبهوا ...الاتحاد العام لكرة القدم علي قيادته معتصم جعفر[/align]

[hanody]

[hanody]

.::.حشود زرقاء احتلت المطار وحملت ميشو علي الاعناق واحتفلت مع الابطال بالعبور للمجموعات ... الهلال الكونفدرالى يعود ظافرا من هرارى

• وصلت بعثة الهلال الظافرة العائدة ببطاقة التاهل لمرحلة المجموعات من البطولة الكونفدرالية من العاصمة الزيمبابوية هراري علي حساب


نادي كابس يونايتد بالتفوق عليه ذهابا وايابا بنتيجة 8/1 وكان في استقبال البعثة عدد كبير من اعضاء مجلس ادارة نادي الهلال علي راسهم الفريق محمد احمد بحر والمهندس التجاني ابو سن والاستاذ معلا ابراهيم وكانت رابطة اهل الهلال وروابطها الفرعية ولجنة تاهيل استاد الهلال شكلا حضورا زاهيا وانيقا مساء امس وقد احسنوا استقبال اللاعبين وردوا لهم الدين وفاء مقابل عطائهم السخي والجيد علي ارض المستطيل الاخضر.

[hanody]

الفيفا يساند شداد ويعيد انتخابات الاتحاد ويهدد بالعقوبات



عقدت لجنة الطواريء التابعة للاتحاد الدولي لكرة القدم الفيفا اجتماعا بحثت فيه موقف انتخابات اتحاد كرة القدم السوداني الاخيرة في


ضوء المعطيات والظروف التي احاطت بها قبل وخلال اقامة الانتخابات والمكاتبات والمساجلات التي تمت بين الفيفا والاتحاد السوداني واصدرت اللجنة في ختام اجتماعها حزمة من القرارات بشان انتخابات اتحاد كرة القدم السوداني كما يلي:

الغاء الانتخابات واقامة انتخابات جديدة في فترة اقصاها 15 اغسطس الجاري وقد تضطر اللجنة لتوقيع عقوبات في حالة عدم انعقاد الجمعية في الموعد المذكور بتجميد النشاط الكروي للمنتخبات والاندية السودانية.

اتحاد الكرة السوداني هو الجهة المسئولة عن الاشراف الكامل علي انتخاباته وفقا لنظامه الاساسي علي ان تناقش الجمعية المادة 16 مثار الازمة وتتخذ قرارا بشانها.

يكون حق الترشيح للانتخابات الجديدة لاتحاد الكرة مكفولا لاي شخص دون قيود.

ومن ناحية اخري علمت قوون من مصادرها ان مسئولا بارزا بالفيفا اتصل هاتفيا بالدكتور كمال شداد وابلغه بقرارات لجنة الطواريء في حق السودان واكد له خلال المحادثة انه في حالة عدم تنفيذ اتحاد كرة القدم السوداني ووزارة الشباب والرياضة لتوجيهات الفيفا فان هناك عقوبات اقسي واشد علي الاتحاد السوداني في حالة المماطلة والتلكؤ في تنفيذ اي توجيه واشار مسئول الفيفا الي ان السبب الرئيسي والدافع الذي تم بموجبه اتخاذ القرارات الاخيرة ضد السودان هو عدم الالتزام بالتوجيهات السابقة الصادرة من الفيفا قبل قيام انتخابات اتحاد الكرة وعدم الجدية في اتخاذ الاجراءات السليمة في الانتخابات خاصة ابعاد عدد من الاعضاء من الترشح للانتخابات.

وعلي صعيد اخر تسببت قرارات لجنة الطواريء بالفيفا في ارباك الامور بداخل اتحاد الكرة وتم اعلان حالة الطواريء ودعوة اعضاء مجلس الادارة لاجتماع طاريء اليوم وتم الاتصال بوزير الشباب والرياضة لاتخاذ رأيه بشان هذا الموضوع.

الاتحاد الجديد في ازمة

حالة من الاستياء والغضب عمت اتحاد الكرة ومجلسه الجديد بعد قرارات الفيفا التي اصابته في مقتل وجعلته يعيش حاليا مرحلة حرجة جدا.

شداد نجح في استعادة حقه المشروع من الفيفا

نجح الدكتور كمال شداد في استعادة حقه من الفيفا في قضيته ضد المفوضية ووزارة الشباب والرياضة بعدما حكمت الفيفا ببطلان الانتخابات الاخيرة لاتحاد الكرة ووجهت بقيام انتخابات جديدة في غضون 15 يوما وتحت اشراف اتحاد الكرة وليس المفوضية.

د شداد علم بالقرار قبل وصوله

علمت قوون ان الدكتور كمال شداد علم بقرار الفيفا قبل وصوله رسميا لاتحاد الكرة وذلك من خلال اتصال صريح من مسئول كبير بالاتحاد الدولي لكرة القدم الفيفا.

تحذير من الفيفا للسودان

تلقي اتحاد الكرة تحذيرا شديد اللهجة من الاتحاد الدولي لكرة القدم الفيفا وانذارا بالغ الخطورة في حالة عدم تنفيذ الاتحاد لقراراته.

[hanody]

اجتماع طاريء لاتحاد الكرة اليوم لمناقشة تداعيات التطورات المفاجئة



• قرر مجلس ادارة الاتحاد العام للكرة الجديد عقد اجتماع طارئ في الثانية عشرة منتصف نهار اليوم فيما يتعلق بالخطاب الذي ارسله الفيفا رافضا الاعتراف بشرعية الاتحاد الجديد.

[hanody]

الهلال الثاني عربياً والرابع افريقياً ويقفز سبعة مراكز عالمياً

•[align=center]قفز الهلال سبعة مراكز في التصنيف الشهري الذى يصدره الاتحاد الدولي لتاريخ و احصاء كرة القدم و الذى يضم أفضل 350 فريقا في


العالم حيث جاء في المركز رقم 88 عالميا بعد أن كان في المركز 95 في الشهر الماضي فيما تراجع المريخ ثمانية مراكز عن الشهر المنصرم ليحل في المركز 138 عالميا. و حل الهلال في المركز الثاني عربيا خلف فريق وفاق سطيف الجزائري صاحب المركز 84 . كما جاء الهلال في المركز الرابع أفريقيا خلف مازيمبي الكنغولي و وفاق سطيف الجزائري و هارتلاند النيجيري. وتقاسم برشلونة الإسباني وإنتر ميلان الإيطالي المركز الأول على المستوى العالمي واحتل بايرن ميونيخ الألماني المركز الثالث.

ترتيب الأنديه العربيه

1. وفاق سطيف الجزائري .. 84

2. الهلال السوداني .. 88

3. الكرامه السوري .. 107

4. الأهلي المصري .. 113

5. الكويت الكويتي .. 125

ترتيب الأنديه الأفريقيه

1. مازيمبي الكنغولي .. 81

2. وفاق سطيف الجزائري .. 84

3. هارتلاند النيجيري .. 86

4. الهلال السوداني .. 88

5. الأهلي المصري .. 113[/align]

[hanody]

مجلس المريخ ويوافق علي استقالة الوالي ويستغني عن الجهازين الفني والاداري ويستثني ابو عنجة



عقد مجلس ادارة نادي المريخ اجتماعه الدوري عصر امس الاثنين الموافق الثاني من اغسطس بالمكتب التنفيذي برئاسة السيد جمال الوالي وخرج بالقرارات الاتية:-




1 - ناقش المجلس باسهاب خروج فريق الكرة من البطولة الكونفدرالية وتدهور نتائجه الاخيرة وفي اطار تصحيح مسار القطاع الرياضي قرر الاتي:

أ- اعفاء الجهاز الفني البرازيلي من مهامه فورا مع التامين علي استمرارية جمال ابوعنجة كمدير فني وسيتم تكليف بقية الجهاز الفني بالتشاور معه.

ب - اعفاء لجنة الكرة الحالية وتكوين لجنة جديدة برئاسة الفريق عبدالله حسن عيسي وعضوية كل من عادل محمد عثمان - عادل ابوجريشة وحسن يوسف وجمال احمد عمر الكيماوي.

ج - اعفاء السيد حاتم عبدالغفار من منصبه مديرا للكرة وتقديم صوت شكر لمجهوداته المقدرة في الفترة السابقة وتعيين السيد مصطفي توفيق مديرا للكرة بمساعدة مجاهد احمد محمد.

2 - ناقش المجلس قيام الجمعية العمومية المقبلة وحتى نتيح الفرصة للعضوية الجديدة للمشاركة في اكمالها بعد مرور 3 أشهر اختار تاريخ انعقادها يوم الجمعة 3/12/2010 وكلف الامانة العامة بمخاطبة المفوضية بذلك كما وجه لجنة العضوية بفتح سداد الاشتراكات واكتساب العضوية الجديدة فورا وسيتم ذلك للاعلان بالصحف ودارالنادي

3 - وافق المجلس علي المشاركة في بطولة دبي الدولية في الفترة من 16 الى 19 اغسطس 2010 كما وافق علي دعوة نادي الوحدة الاماراتي باداء مباراة ودية يوم 14/8 /2010 قبل انطلاقة الدورة وذلك بعد موافقة اتحاد الكرة السوداني.

4 - اجاز المجلس التقرير المالي لبطولة سيكافا لعام 2009 على التوضيحات التي قدمتها اللجنة المكلفة بذلك برئاسة الامين العام وعضوية امين المال وعبدالحي احمد العاقب المدير المالي والمحاسب ياسر بابكر.

5 - ناقش المجلس باسهاب الاستقالة المقدمة من السيد جمال الوالي رئيس مجلس الادارة ووقف تمسك واصرار الرئيس حائط صد امام كل محاولات المجلس لاثنائه عنها ورغم تفهم المجلس للحساسية والمبررات التي تقدم بها الرئيس الا انه وافق على مضض قبول تنحي السيد جمال الوالي عن رئاسة النادي والذي بدوره وعد بدعم ومتابعة ومساندة والوقوف خلف المجلس حتى انتهاء فترته وبالتالي كلف المجلس الفريق عبدالله حسن عيسي بتولي مهام الرئاسة في الفترة المقبلة وفي هذا الاطار يؤكد مجلس الادارة بانه سوف يبذل كل الجهد للمحافظة علي استقرار النادي ومكتسباته برفع راية المريخ عالية حتى تسليم الامانة للجمعية العمومية المقبلة صاحبة الاختيار لمجلس الادارة الجديد.

[hanody]

الهلال مهدد بالابعاد من البطولة الافريقية

الجهات المسئولة من النشاط الرياضي بالسودان اكد مسئولوها بانهم لاينفذوا قرار الفيفا الاخير الخاص باعادة


انتخابات اتحاد كرة القدم السوداني واكدوا بانهم في سبيل الحفاظ علي هيبة وسيادة القانون سيضعون بكل ماهو قادم بما فيه مشاركة الهلال في البطولة الافريقية ويتضح من ذلك بان مسألة اعادة الانتخابات اصبح امرا مستحيلا مما يعني تهديد مشاركات الهلال الافريقية رغم بلوغه لدوري المجموعات.

[hanody]

الدورى السودانى الممتاز


[align=center]الخميس 5 أغسطس 2010[/align]


المريخ -- : -- هلال كادوقلي الأسبوع: 14 (ملعب المريخ)

جزيرة الفيل -- : -- الهلال الأسبوع: 14 (ملعب ود مدني)

[ابو ايووودي]

بالتوفيق لهلال الملاييييييييييييين
في الداخل والخارج وحصد جميع البطولات

[ود الخير]

هنودى احييك يا بطل
لى قدام

[hanody]

الله يخليك وان شاء الله وراء الهلال على طول بدون توقف

[brain]

اسع عليك الله الهضربة دي كلها عشان المريخ خرج من المجموعات . انتو بتخافو من مجرد اسم المريخ . يا جماعة اتيقنو المريخ اليومين ديل بعافية شوية . اهو مرق من مجوعات الكنفدرالية خلي الهواء يضربكم .{
ناس الهلال ديل اقرب ناس ...غلبو (كابس) في بلدو 3-1.
ابقو عشرة وكملو المشوار نحنا عشمانين فيكم تجيبو لينا كاس الكنفدرالية دي .
{ ناس المريخ في بلدهم هنا ...مع الاضاءة حقتهم الما خمج ...والطابق التاني ما قدرا يغلبوا كابس بهذه النتيجة التي خرج بها الهلال وهو يلعب خارج ارضه.
والله انتو اكتر حاجة غايظاكم الاستاد ده . عين الحسود فيها عود
{ فريق المريخ في (الرد كاسل) غلب 3-2.

{ نحن في غربة وهجرة ...طلعنا بنتيجة افضل من هذه النتيجة التي خرج بها المريخ وهو يلعب علي ارضه.

{ 3-1 ...وبدون اجانب.
ما جديدة عليكم وقالو الجديد شديد . النغمة دي حنسمعا كتير . غلبنا خارج أرضنا . أصلو غلبتو الترجي والا الاسماعيل ما غلبتو غير حمام سااااااااااااااااكت{
جنسية سودانية بالتجنس ساكت ما في.

{ ولا في الكنبة.

{ هيع.

{ اجانبكم ديل يا ناس المريخ إلا تعملوا بيهم (ندوة).

{ قاعدين ساكت.

{ الغريبة ...كمان فيهم (مناضل).

{ مناضل عديل ...وتتطلعوا من الكونفدرالية كمان.

{ لاعب سجلتوا بقاعدة من قواعد الجامعة العربية ...ح تلقوا منو شنو؟.
شوف نحنا والحمد لله لو عاوزين نسجل زول بنسجلو لأنو عندنا الفهم والمقدرة
{ { الهلال امام كابس لعب بي ناس صدام (الدراشاب).

{ ما مهدي (تونس).

{ بي نادر (شندي).

{ ما رمزي (فلسطين).

{ بي سيف (الجريف)...ما وارغو (نيجيريا).

{ بي بشة (الموردة)...ما كاسروكا (بورندا).

{ بي خليفة (الكلاكلة) ما لاسانا (مالي).

{ لا هيثم المرابط لا عبدالكريم النفطي ....نحن اولادنا ناس منير (امبدة) وجمعة (العلمين) ومحمد عبدالرحمن (بيت المال).

{ سودانية ...ياكلوا الزلط.

{ بدون سادومبا وبدون ديمبا وبدون يوسف محمد غلبنا.

{ تاني نعمل ليكم اكتر من كدا.

{ غلبنا 3-1 ...حالتها دي بدون (رئيس).
شفت الكورة دي غريبة كيف . بالله اتصور تيم فيه ( النفطي ، العجب ، وارقو ، لاسانا ، وبلة ، الزومة ، والقية ÷ يخرج من الكنفدرالية وتيم فيه خليفة وسيف وصدام وسامي عبد الله ويشه واهيه مش عارف يغلب رايح جاي ! حكم والله !!!! لله في خلقه شؤون . سبحان الله
{ نحن صعبين ...شغالين كدا.

{ لا رئيس ..لا اجانب.

{ ما في حاجة بتوقفنا.
كلامك صاح ما دام في حاجة اسمها نيالا عوجه بتجيكم مافي {
الله راضي علينا.
[]أشك . لأنو الزول البمشي نيالاوبعمل جنس العمايل دي ما أطنو يجد الرضا hgulhdg ]d zzzzz[/size]
{ ما زي ناس المريخ ...جنسوا ليهم البلد كلها.


{ غير البلد الملوها كلها (مجنسين)...جابوا ليهم (اتحاد محلي مريخي) بقيادة حسن عبدالسلام.

{ لكن برضو قالوا الاتحاد المحلي بتاع الخرطوم دا ما كفاية.

{ الحكومة قالت ليهم ما في مشكلة.

{ الاتحاد العام ذاتو بنبقي ليكم (مريخي).

{ جابوا ليهم (معتصم جعفر).

انت لسع شفت حاجة ؟؟{
بعد كدا يعملوا ليكم شنو يا مريخاب.

{ الغريبة ...بعد دا ...جمال الوالي (اتنحي).

{ يعني عامل فيها زعلان.

{ تتنحي ليه ؟...قايل نفسك جمال عبدالناصر.

نحنا جمال عبد الناصر ذاتو ما سائلين فيهو
{ انت أي حاجة يعملوها في الهلال عاوز تعملها.
طبعاً وببكل بساطة . لكن كدي انتو اعملو حاجة عمها المريخ أكان تقدرو ( كان طابق ثاني ، كان حوض سباحة . كان صالة جمانيزيوم ، كان كان ... الخ ){ صلاح ادريس (استقال)...جمال الوالي (اتنحي).

{ لحنتها يعني.

{ الطابق التاني دا ح تخلي لينا.
ده عشم ابليس في الجنة ( تشمو قدحة ){

{ ديل يصرفوا ليهم من وين؟.
نحنا ما عندنا مشكلة قروش أقل لاعب فينا راكب برادو ( مش اسعاف بقوم بالدفرة ){
ديل ناس همد وعبدالله حسن عيسي ما بقدروا عليهم.

{{ نحن (سادومبا) براه ...بعد صلاح ادريس ما فات مجهجهنا.
صدفت والله
{ انتوا عندكم (سبعة).

{ سبعة ديل (موية صحة) ساكت ما بتقدروا تشربوهم وقت جمال الوالي يفوت.

{ لو جوك سبعة ضيوف ساعة الغدا ..لو ما عندك (خروف) مربوط قريب بتجهجه.
دي المقدرة {
ناس همد ديل تاني بكتروا تاني (البوش) في معسكر المريخ.
بوش ! انت قاليا دي زريبة العيش ؟!ديل بيأكو في السلام روتانا وبرج الفاتح
{ سفاري 5 شهور ما عندو (مرتب).

{ يا سفاري سنة ما بكون عندك حاجة تاني.
لا .. عندو برادو دي كان فكاها بحل مشكلة الموية عند حبايبنا

{ هسع عليكم الله وقعة (طارق مختار) دي ما بتستحق تخصمو بسببها من مرتب 10 شهور.

{ دي وقعة تقعها يا طارق مختار.

{ وقعتك دي زول سايق ليه (ركشة) ما بقعها.

{ وقعة سودا.

{ تقول ليك سنة ما صرفت.

{ في الهلال يا طارق مختار ما كنت زي الطلقة...حصل شنو يعني تقع متل (الوقعة) دي.

{بكون جاتو لفة راس علاء الدين اصلو قالو صحبو ومن عاشر قوما اربعين يوما............

{{ استقال وقال عاوز يترشح لاتحاد الكرة.

{ والي الان صلاح ادريس عندو (طعن) في المفوضية.
تقصد عندو عشم { وفي احتمال يرجع الهلال.

{ لكن المشكلة جمال الوالي ...استقال في ظروف صعبة.

{ كمان جابت ليها (تنحي).

{ انت يا جمال الوالي عليك الله القصر معاك منو؟.

{ حسن عبدالسلام ...طفشوه منك وبقوا رئيس لاتحاد الخرطوم المحلي.

{ عشان ما يعمل ليك (لخمة).

{ معتصم جعفر (صاحبك) جابوه رئيس لاتحاد كرة القدم السوداني.

{ تصور لي مع (كمال شداد) وتدعم لي في (معتصم جعفر).

{ قديمة.

{ نحن الحركات دي بنعرفها.
كان بتعرفوها كان ده حالكم ؟ { ان شاءالله (التنحي) تبقي قدرو.

{ بكرة بنشوفك في تمرين المريخ.

{ ناس موسي الزومة ديل ما بتفاتوا.

{ وين تلقي ليك زول زي (طارق مختار)؟.
صدقتالمريخ ده ما بنفات .