مســـــــــــــــــــدار + مســــــــــــــدار

[امينوف]

مهزلة الكورة السودانية

ياهلال ويامريخ أقعدو فى الواطه خلو الجوطه

أمل عطبره شرفنا والله خلى الخلوق مبسوطه

الشى المحيرنى كاربونى تسميتو مامظبوطه

وكامبوس المسمى إطناشر ماعندو حت ورق مربوطه

[لبيب]

مهزلة الكورة السودانية

ياهلال ويامريخ أقعدو فى الواطه خلو الجوطه

أمل عطبره شرفنا والله خلى الخلوق مبسوطه

الشى المحيرنى كاربونى تسميتو مامظبوطه

وكامبوس المسمى إطناشر ماعندو حت ورق مربوطه

[align=center]شوف كورتنا ديمه كرور عوارة وجوطة
لعيبتنا مابسووه حق الفوطة
ماشافوا البرازيل في الكفر مبسوطة
ونحن تملي نخمج في الديار ونسوطا[/align][/size]

[لبيب]

[align=center]الليلة البريق جاب نسايمو الباردة
ذكرني الجدية الديمة نافرة وصادة
السبب البخلي رويحتي دايما شاردة
لصفات عينو زي حد السيوف الحادة[/align][/size]

[لبيب]

[align=center][align=center]الجدية الكحيلة عيونا شوقا كتلني
لحظات عينا أسرن قلبي ماخلني
في ريدا الايام والله مامهلني
في سراع شالتا وزي اليتيم خلني[/align][/align][/size]

[لبيب]

[align=center]يا اخوانا المسادير باكية تبكي تنين
كلها شوق اليكم فايضة شوق وحنين
ماتسيبوها تمشوا تسببولها انين
ديمة تنادي ليكم شوقا عمروا سنين [/align][/size]

[الطاهر التاي]

لبيب المسادير ........ الزول الفهيم عاجبني
والجـدي الكحـيل......... .قبلك عديل أتعبني
ومن بلدي الحبيبة ........ سافر وما ودعني
وزي مجنون ليلى ............ الغرام جننـي

[الطاهر التاي]

ود الميرغني

ود الميرغني.......... الزول البعيد الحاضر
شايل علومومعاهو ..... في كل حته يحاضر
وكم مسدار قريتو حفظتو ولربي دايما شاكر
وان شا الله نشوفك دايما نجما بديعا باهـر

[لبيب]

لبيب المسادير ........ الزول الفهيم عاجبني
والجـدي الكحـيل......... .قبلك عديل أتعبني
ومن بلدي الحبيبة ........ سافر وما ودعني
وزي مجنون ليلى ............ الغرام جننـي

[align=center]يازول الجدي بى طبعو دايما جافي
دايما حالو نافر ولى عشوقو مجافي
السبب البخلي الزول يجيبا قوافي
في حسن الجمال طوالي حايرة اوصافي[/align][/size]

[لبيب]

[align=center]اليلة البريق جاب لي نسايمو عليلة
ذكرني الجدية الفي الجمال اكليلا
السبب البخلي اعضاي زاتا نحيلة
في حسن الجمال والله مافي مثيلا[/align][/size]

[لبيب]

النسام نسم جاب لي هبوبو ندية
ذكرني الجدية الفي الخدور محمية
الخلَا القليب نيرانو توقد حية
لصفت عينا تلدغ زي لدغة الحية

[عاشق أمونة]

المنتدى السوداني لما جيتو
نفضطتة عقلي بت فضيتو
من كل المعاني هنا سميتو
منتداكم عامر وانتو ضيتو

[عاشق أمونة]

كلمة ومعناها في المسدار دا:
لما جيتك راجع نسيت كل الفات
الفات قعادنا ومرقاتنا لجميع المحلات
نتسكح ونجري ونمشي على مهلنا
مهلنا مشي الريل والترنيم على وتر الحبيب

[overline]عاشق أمونة[/overline]

[عاشق أمونة]

الإبل عندنا قوامها دايما عالي
وصفها السمو والسعر الغالي
فراقهن بالحيل ببشتن حالي
نسرح بيهن ونساهر أجمل الليالي

أم حنين ليها سمينا وليها نغني
تمشي واوصافها ديمة تتمنى
لو تشوف جناها جاري وتتهنى
ملاقات وحنين زي مواضيع عني

ألبل جمعهن بالحيل شديد
إنقيب راعي وآخر فريد
دا الخلاني في الحساب بليد
أكتب في عقلهن وتاني أعيد

ألبل والنساء عندنا اوصافهن تجنن
دي وقت الحلب وقت التاية ليها تفنن
وديك زكراهن وقت الحلة تب تقنن
تجيب زكراهن ناس امونة وليها نجنن

الضان ديمة عندنا منبوشة
مشيها بتطيء زي المعكوشة
تشوفها تقول لوري لساتكها مفشوشة
واللا داتسون بايعنها ليك مغشوشة

الماعز عندنا تب مشكورة
تخش الكر ومعاك اتنين كورة
تملاها وتحرم السخلان أمهن مصرورة
تسقي تعشي الضيفان حالك تب مستورة

الحمير عندنا بس قضية للحاجة
تشوف الدحيش وامو قاجة
عايرة وشعرانة وتاني فجاجة
تردى في الديراوي مسافة ما بقضي حاجة

كلب المراح دايما عندنا شبعان
يهوهو من غير سبب يزعج للعيان
فضلة الكرتة ما بوفرها يرمرم بي شخران
تقول مضايقو واحد تاني كمان

عاشق أمونة

[عاشق أمونة]

مســــــــــــــــــــــــــــــــــدار[overline]
من شوقي للبنات بقيت دايما فريد
مشغول بالي ودفتر حياتي جديد
أني الفي حياتي دايماً صنديد
خلن أكرر في الحساب وتاني أعيد
زي الفيزياء والرياضيات بليد

أوصافكن ديمة بنغني بيها ونتهنى
ولي ملاقاتكن كل يوم ليها بنتمنى
يا ستاتنا وطربنا وغنانا لو مرة اتذكرنى
في حصة التعبير يا ريت لو كتبتن مواضعيكن عنى[/overline]

عاشق أمونة

[عاشق أمونة]

الإنقيب : راعي الإبل
الكبسور : راعي الغنم

الإنقيب الليلة لي ابلو تب صراهن
اتعشن واتحلبن ورضع جناهن
والكبسور لي الغنام نام ما عشاهن
السربة فاتت والكبسور نساهن

في القرآن أوصافكن كلها موجودة
فوائد لبنكن للخلائق ما هي معدودة
اتن فائدة في زمان العولمة ما هي محدودة
تاكلن في العشب والسروج عليكن مشدودة
عاشق أمونة

[عاشق أمونة]

[overline]بكتب ليكي كل الشعر والمسدار
بوصف في حالك ديمة محتار
جمالك طبيعي ما مزيف دوار
بسمتك تجنن وتشغل كل الأفكار[/overline]
[motr1]عاشق أمونة[/motr1]

[عاشق أمونة]

[overline]حالك يا الخوي بالحيل أصبحت قليلة
من ديفة الحلة الديمة زايدة عليلة
شبه الخلت اعضاءك كلها نحيلة
يا ترمي المحبة يا تبقى راجل وتشيلة

حالك يا الخوي تب تعبانة
من ديفة الحي الديمة نعسانة
قول ليها جمالك ايامو كملانة
بكرة تبوري وترجعي لي لقانة

تلقى يا الخوي حالك تاني غلبانة
في غزال الحي الديمة شردانة
تسوي قلوبنا طرب وعننا حردانة
انحنا رجال صبرنا على المر لما رجانا

تلقى يا الخوي حالك مبهدل ديمة
غلبو الدكاترة قالوا مرضك عزيمة
بس أكيد يا الحبيب دي نار ناس حليمة
روايتك عارفها انا تب قديمة [/overline]

[overline]عاشق أمونة[/overline]

[عاشق أمونة]

لو خطينا الوطنية في الكورة بت بنكوسة
ننسى الحوافز والماهية تب ندوسة
بنجيب الكاس لو مع البرازيل بنعوسة
وبنجيب الميداليات لو بقت في البراشا مغموسة

[motr1][overline]عاشق أمونة[/overline][/motr1]

[لبيب]

لو خطينا الوطنية في الكورة بت بنكوسة
ننسى الحوافز والماهية تب ندوسة
بنجيب الكاس لو مع البرازيل بنعوسة
وبنجيب الميداليات لو بقت في البراشا مغموسة

[motr1][overline]عاشق أمونة[/overline][/motr1]

[align=center]عاشق امونة اخوي كورتنا شينة عبوسة
مابنعرف يمين مهما عملنا نكوسا
السبب القبيل خلانا طيش في دروسا
مخنا كلو ويكة الكسرة ديمة نعوسا

(يعني المعنى لعيبتنا والإداريين مافاهمين شي بيجوطوا سااااااااااااكت)[/align][/size]

[لبيب]

رمضان الكريم الخيرو عم وجانا
نور لى قلوبنا وضوى لينا دجانا
يارب العباد تدينا كل رجانا
كلنا والأهل من ام لهيب تحجانا