هل كل مغترب معارض للنظام اويكرة السودان؟

[الفرح المهاجر]

الاخوة الكرام هنالك اسئلة كثيرة تدور فى اذهان كتير من اخواننا فى السودان وهو مفهوم خاطى ان كل مغترب عن السودان معرض للنظام فى البلد او يكرة السودان لعدة اشياء ولذالك لعدم توفرها فى السودان وهنالك اكتر مماتخيل نظرات غريبة لذالك الانسان المتغرب عن وطنو وينظرون الية نظرات غريبة زول تغيان ورحو عجباهو وفاكر نفسو ملك الدنيا وعاين ليهو يتبختر فى الشارع التقول ماكان عايش فى السودان يعنى نظرات غريبة وعجيبة لتلك الانسان الذى تغرب فى البحث عن لقمة عيش كريمة وتحسين الوضع اللهو علية ويعيش عيشة كريمة هو واهلو .
ليس كل مغترب تغيان كمايصفونهم بعض الناس ليس كل مغترب يكره بلدو ليس كل مغترب معارض للنظام .
بلادى ان جارت على عزيزة
واهلى ان ضنو على كرام السوال الجاى عشانو هو:-
لية نظرت الناس للمغتربين غير ويوصفهوهم
1- فاكية فى روحو
2- هو خلاص فاكر نفسو شنو
3- عامل لينا فيها ولا ..........
4-..............
5-.................
والقائمة تطول هل هى نظرت كل من فى السودان للمتغتربين بهذه الطريقة ؟

[إبنة النيل]

[overline]

المغتربين اكتر السودانين والله العظيم مساكين
كفاية انهم بفارقون اوطانهم واحبابهم ويعيشوا في غربة لا ترحم ولا يحسها الا من عاشها
ليس كل مغترب معارض للنظام او يكره السودان بالعكس الغربة بتحسسك بقيمة بلدك وغلاوته عندك وبتحس بانة احلا مكان في الدنيا حتى لو ما كنت عايش فية مرتاح بس كفاية منظر النيل سيب باقي الحاجات التانية.
بلادي وان جارت علي عزيزة واهلي وان ضنوا علي كرام

[/overline] تخريمة وين انت يا الفرح المهاجر مطول من المنتدى كدة مالك والله فقدناك

[عطر الورد]

الوطن اغلى حاجه للانسان وكمان مافى زول بحس بقيمة وطنوالا بعد اطلع واهاجر منو وعيش بعيد عنو
مهما كان وماسيكون فى الاخير دى وطنا مسقط راسنا ومهما اتغربنا عنها فى النهايه وطنا بحلوه بمره برضو وطنا و
كل شخص وجهت نظرو بتختلف عن التانى
بس مافى شى احلى من انك تعيش فى وطنك عزيز مكرم
والشى التانى لوفى اشخاص بوصفو الناس المغتربين بالنقاط الذكرتها بشوف انهم هم نفسهم عندهم الخلل ده مش المغتربين

[ذكرى الجراح]

اخي الفرح المهاجر طرح جميل اول حاجه

مافي انسان مابيحب وطنو لانها ديه حاجه فطريه

لكن فقط الشئ البيتغير هو درجة حب الانسان لوطنه

وابسط مثال إنو في مغتربين بينزلوا كل شهر وناس كل 3 شهور وناس كل سنه ومغتربين بينزلوا كل سنتين

لكن في النهايه بيمشوا وين؟؟

اكيد الوطن الحبيب

وبعدين الناس ديه ياجماعه إغتربت عشان لقمت العيش

والله في مغتربين لو ماإغتربوا ماكانو اهلهم عايشين في وضع كويس في السودان

وعشان نكون واضحين فئه قليله جدآ من الشباب لاقين شغل [/align

]بالرغم انهم بيحملوا احسن الشهادات

انا مره ركبت مع بتاع ركشه والله عندو ماجستير ومالاقي شغل

طيب يعيش ويعيش اهلو كيف

في الدوحه ناس الثانوي الرواتب مايعادل 3 مليون وشويه في الشهر (8 الف ريال)

وبعد ده كلوا المغتربين بيحبوا السودان وبيعشقوها ومابينزلوا اجازات ماليزيا ولا سوريا ولا مصر

بيمشوا السودان أغلى من كيده حب كيف يعني؟؟؟؟

[الفرح المهاجر]

[overline]

المغتربين اكتر السودانين والله العظيم مساكين
كفاية انهم بفارقون اوطانهم واحبابهم ويعيشوا في غربة لا ترحم ولا يحسها الا من عاشها
ليس كل مغترب معارض للنظام او يكره السودان بالعكس الغربة بتحسسك بقيمة بلدك وغلاوته عندك وبتحس بانة احلا مكان في الدنيا حتى لو ما كنت عايش فية مرتاح بس كفاية منظر النيل سيب باقي الحاجات التانية.
بلادي وان جارت علي عزيزة واهلي وان ضنوا علي كرام

[/overline] تخريمة وين انت يا الفرح المهاجر مطول من المنتدى كدة مالك والله فقدناك

ابنة النيل مشكورة وكلماتك حلوة وروعة تسلمى
يكفى هجير الغربة ولهيب الشوق
والحنين للوطن والاهل ما بالك مايقال فى المغتربيت
ارحمونا يرحكم الله

[الفرح المهاجر]

الوطن اغلى حاجه للانسان وكمان مافى زول بحس بقيمة وطنوالا بعد اطلع واهاجر منو وعيش بعيد عنو
مهما كان وماسيكون فى الاخير دى وطنا مسقط راسنا ومهما اتغربنا عنها فى النهايه وطنا بحلوه بمره برضو وطنا و
كل شخص وجهت نظرو بتختلف عن التانى
بس مافى شى احلى من انك تعيش فى وطنك عزيز مكرم
والشى التانى لوفى اشخاص بوصفو الناس المغتربين بالنقاط الذكرتها بشوف انهم هم نفسهم عندهم الخلل ده مش المغتربين

اعــز مكان وطنى السودان
بس المغتربين مساااااااااااااااااااااكين
الله يكون فى عونهم

[dream-lady]

ياما في الغربة مظاليم

هاجروا بآمال وطموحات لم يحققوا-في الغالب-ولا الحد الأدنى منها....نسبة لسلسلة لامتناهية من الصعوبات والاستغلالات والعوائق....

لا لموا في بلح الشام ولا عنب اليمن

اسم مغترب يدفع ابناءه الثمن من عدم القدرة كثيرا على التعايش بين متناقضات الموروث والمتعارف والمكتسب ....وعدم وجود حقوق الانسان في المواطنة وووو....

ربي يرد غربتنا على خير ويغننا في اوطاننا

[ناجي عثمان عبد الرازق]

الأخ الغالي : الفرح المهاجر
صباح الخير
المغترب حينما كان يعمل بالسودان كان يعمل بشئ محدود من الامكانيات (في أي مجال) وحينما إغترب وجد أبسط الأشياء في المهجر أصعبها في وطنه ، كل مايحدث أنه يضع مقارنات في سبيل الوصول بوطنه لمستوي أحسن مما هو عليه ، المدارس والخدمات والتداول والأسعار ،وغيرها أكثر مايشغل حواراته ، ولكنه وحينما ينصهر مع الاخرين في وطنه يبدأ تدريجيا بالإقتناع بما هو عليه ، شكرا الفرح المهاجر