من اي مناطق السودان انت...

[الملكة العاشقة]

اهلين بأحلى جيران والغداء عندنا ان شاء الله
thumbup.gif

دعوتك وصلت يالمرسال والكرم والاصالة من شئم ناس ام درمان نردة ليك في الافراح

[بت الرباط]

تسلمي ياعمتي علي البوست... نحنا ناس امدرمان بلد الامان

[الملكة العاشقة]

تسلمي ياعمتي علي البوست... نحنا ناس امدرمان بلد الامان

تسلمي يا عسل انحنا لو طلعنا من بلد الامان نموت لان جزورنا موجودة في ام درمان ومهما رحنا او جينا بنرجع لاصلنا

[نهر المحبه]

طيب
الموضوع جميل وكل حاجه
ومشكوره صاحبة الموضوع
طيب
احنا اهلنا اصلا واساسا من النيل الابيض (الجزيره أبا)
بس جو بدري عالخرطوم ومستقرين في الصحافه
اما انا اتربيت وترعرت وشبيت في المدينه المنوره

[بعد الزمن]

ولاية نهر النيل
بس كل العمر خارج الديار

[عطر الورد]

من ارض المحنه من قلب الجزيره الخضراء
تسلم ليا الجزيره وناسها الطيبين

[بنت العمدة]

تسلمى على البوست الروعة يا عسل
انا اهل ابوى من الشمالية (كبوشية )وامى اهلها من صعايدة مصر
لكن ما فى احلى من الخرطوم اللى ترعرعت بها
وان شاء الله ما اطلع منها ...

[اريج محمد]

من احلى مكان مدنى

[ودالسكوت]

انا من السكوت يعنى رطانى اصيلى (والسكوت منطقة تقع جنوب وادى حلفا وشمال المحس من بلد فنان افريقيا الاول والشاعر والفنان خليل فرح والبركاوى والقنديلة ) والكلام دا طبعا لاهلنا فى الجزيرة

[سهيلي سعيد]

انا من بلد الحضاره
من ابناء وادي حلفا _ حلفا الجديده
من الحضاره النوبيه

في مثل حلفاوي يقول

( حلفا دغيم ولا باريس )

[ذكرى الجراح]

مولوده ومتربيه في السعوديه وانا من امدرمان

[Tawfik omdur]

من امدرمان من محل الطابية المقابلة النيل

محل الميلاد الشهداء قريب لي بوابة ابو العلا وما بعيد من بيت عبد الله خليل

وطفولتي بين حي البوسته والمحطة الاوسطى والركابية ومكي ود عروسه

والمسالمه وحي المظاهر والمهدية ؟؟؟؟

وحي الاسبتاليه وحي العرب وحي الشيخ دفع الله والهاشماب والموردة

وود البناء والهجرة وودنوباوي والملازمين والشجرة وابوروف البحر

كنت حوام واصحابي كتار والحمد لله ؟؟؟؟؟

والان بالسعودية - الرياض

تحياتي وشكرا على البوست الجميل

[اسامه صلاح]

سلام جاكم من بلد الحديد والنار وإن طالت المسافات إشتقت ليك يانور صباحي ومشتهيك اخوكم من عطبرة والاصل من الشمالية( المحس)

[سوداني2010]

والله حقيقه بوست رائع وجميل
طيب انا حلفـــــــــــــــاوي من حلفا الجديده _اسكان
ومن وادي حلفا

[احاسيس]

حقيقى موضوع رائع بقدر روعتك يا ملكة انا غايتو ماخدة من كل بستان زهرة ابوى من شرق دارفور حتة اسمها الضعين وامى شايقية من الكرو ومولودة ومتربية فى السعودية وحاليا مقيمة فى الخرطوم شوفتى اللخبطة دى كيف

[عمرالنعيم عثمان]

موضوع غاية الروعه اسلمـــــــو على الطرح الجميل انامولود ومتربى فى الحاج يوسف الشقلة لكن مسقط راسى من شرق النيل منطقة تبعد من الخرطوم 75كيلو مترا شرقا اسمها سلمة ودنايل وحاليا ساكن فى سلمة ودنايل ومقيم فى المملكة العربية السعودية الرياض

[المنقوشي]

السلام عليكي يالملكة العاشقة..
انا من امدر حي ودنباوي العريق وزكرياتو ويام طفولتو

[المـاني]

شكرا ليك علي الموضوع الجميل دا انا من قلب الجزيرة مدني الجميلة
بس مسقط رأسي في الرياض السعودية

[ود السودان نورالدين]

من ارض الوطن من قلب الدرادر ولاية النيل الابيض

[الأميرالحب]

[all1=00ffff]

الملكه العاشقـــــــــــــة:

لك التحيه اولآ علي البوست الرائع
وهمنا كلنا نتعرف الي اعضاء انا سوداني
خارج وداخل السودان وربنا يديم المعروف

لك تحيه من الجيلي لي دامر المجذوب
اهل الكرم والناس العزاز بلاقوك
وجودآ جود اروش وغنايين بشقو الليل علي المردوم
كبوشيه الاصاله والتاريخ
البجراويه اقدم حضارات السودان

امين كمال الدين
من اهالي ولاية نهر النيل
محافظة كبوشيه ( البجراويه / الدرقاب )
جــــــــــــــعلي والحمد لله لاينقصني شئ نحمدو

[/all1]