الشمالي الرائع والمبدع احلى ناس اهل العوض واجدع ناس
والعاجبني فيم لوماعندم شي نهائي في البيت بعزموك ويدوك إنشاءالله مويه ساي
وناس الله لا عندم الحقد ولا الحسد ولا لوليو الكلام
لا بشيلو في قلبم لزول ولا بيشتغلو بالمشاكل
ومابيشيلو هم لمشكله نهائي
وفي جمله خطيره عديل كيده عندم( الحاله واحده )
لك كل التحيه والتجله
البرنسيسة ذكري اسعدني جدا تواجدك بجاي ومرورك الذي
اضفي القاً علي البوست ومشكورة علي الكلمات الجميلة
وكمان ناااس ولوفين خاليين من تعقيدات الزمن الصعب
وقلوبم مفتوحة للكل وفعلا الحالة واحدة
كل الشكر وخليك قريبة
اها يااا الحبان بعد المهندسين ركبو البابور وطبعا البابور ده الجماعة اتفننوا في الاسم البقوليك الجنطير ده كهربتو2800 والبقول (الجنتتييتر) و(الوابور) المهم بعد التركيب والتوصيلات وقريب المغيرب بداء التجريب ومع اول دويرة للدينمو وصوتو لع لع دق دقدق دق دق دقق دق تسمع زغريدة مرة مخلوعة ومعاها جرية وعمر الاطرش ده انخلع خلعة لمن وقع رب في الواااطة وباقي الجماعة يمين اي واحد شتت علي اتجاه , يمين الداهي ده صوتوا يفرطق الاضنين ده صوت اللمين ,رده عليهو سليمان البتاااع بالطريقة دي بحمينا النوم وفي الوكت داك ود القسيمة الراعي بتااع الحلة كان جائب غنموا وداخل علي الحلة ومع صوت الدينمو الغنم ديل يااا هسع ما قدروا لموهم تاني ,وبعد شوية المهندسين ولعوا الانوار
واللمبات بقت بق وشوف عيني الزين قرضة ده جاء علي اللمبة وما باقي غير يحضنها وقال كده خت رجل فوق رجل (كراع) وقعد ينم ويقصد ويقطع فيهو شعر اخضر :--
الللييييييييييييييييييل يااا تقابة المدينة النااائرة
يا سيف الضلام متل النجيمة الضـــــــــاوية
يااا النورك بياض العقيد اللولي
سنون الدهيبة (بت حمد) ضوك يلولي
كان تسمع , هع هع ابشر ازين ابكلام زين اي اتحفنا , ومع الكهربا العلبت وولعت وعلي نمة الزين قرضة تشوف ام حمد نط فوق بعصاتو واداها عرضة بتصقيرة الزول عرض بمزااااج وباقي الجماعة ديل تب ما قصروا , طبعا بعد شوية ما فضل زول في الحلة العالم دي كلها جاءت اتلمت في (المسجد) نسوان ورجال كبار وصغار ها زول ها يمين الليل بقي نهااار والله كلام عجيب , وبعد كدة المهندسين جابوا سعد ابكريشة وعملوه المسئول باقي عندوا خبرة وعلموهو كيف يوقف الدينمو والحاجات الفنية دي المهم بعد صلاة المغرب الجماعة اي واحد جاب كفتيرة الشاي والجاب حلبة بحليب واللقيمات رقدت هبطرش والجماعة شربوا الشاي وانبسطوا تب كان تسع صرخة ورووووك يااا ابومروءة جاااااك
وااااااااااااااك وبعد شوية مراءة سكلت الناس جرت بهناك اتاريهو ده هاشم النعجة الزول لقي ليهو سلكين بتاعين كهربا ناس المهندسين نسوا يلفوهم بعاازل والنعجة حسب فهمو ده كان عندو فهم مسك السلكين ودائر يوصلم ببعض بيدوا سااااكت والداهية دي مسكتو وطوطحتو يمين يسار ولو ما عليش ابصنقور جبدوا في اخر لحظة الجني كان راااح فيها , المهم الناس جو جارين ولقو هاشم ده مشحوط عصاية والعيون مشلقات في السماء كان تسمع طاااااخ دي صوت عكاز حريقة فوق ضهر صلاح هاا زول اقيف بتكتل الزول بعكازك الماكن ده اضربو براحة كان تمرقو منو النار دي (الكهربا) الجني صلاح حال الضرب ما حرقو هااا نااس انا بقيت كويس , وزولنا صلاح اليوم داك جسمو اتكسر تكسر من العككز علي شوية كان بموت بسبب الضرب مش الكهربا , وكمان الجني ادريس ابتفة برضو مسكتو الكهربا مسكة صغيرة كدة لكن لما شاف الجماعة ماشين عليهو بالعكاكيز زولك نسي الكهربا الضربتو
ومسك عراقيهو في خشم وسدر جري والقوم جارية وراء وفي النهاية فهموا انو كويس وقفوا خلوا , يازول اليوم داك الناس مبسوطة بسط شديد والجنوج (الشفع ) (الاطفال ) الصغااار ديل للصباح ما ناموا والجني ازيرق ود ست نور معروف بنوم مع غيبة الشمس اليوم داك صبااااحي , وده كلو كوم وناس فاطنة السمحة والرضية وشفيقة (الجكس) كوم عاااد البنات اتلمن وجابن ليهم دلووكة وجركانة وشغالات النور ولع فاطنة تدلع و .........................
الشمّالي كتب:البرنسيسة ذكري اسعدني جدا تواجدك بجاي ومرورك الذي
اضفي القاً علي البوست ومشكورة علي الكلمات الجميلة
وكمان ناااس ولوفين خاليين من تعقيدات الزمن الصعب
وقلوبم مفتوحة للكل وفعلا الحالة واحدة
كل الشكر وخليك قريبة
البرنسيسة ذكري الجراح نعم اعرفك , فانت سودانية ويكفيني
واعرف قلمك المبدع معنا بالمنتدي البيت الكبير وانك عضوا
من اسرة انا سوداني هذه كل المعلومات التي اعرفها صدقاً
لكني امتلك حاسة شم قوية عرفتني بانك برنسيسة
وطلّتك هيبة طلة برنسيسة والامر لا يحتاج الي تحريات فانا
دوماً اثق في احاسيسي وهانت برنسيسة كما يطلق عليك شلتك
بالجامعة ومن الموكد لم يطلقوا عليك ذلك من فراااغ وكذلك
انا كل الشكر البرنسيسة علي الق المرور
وخليك قريبة
الشمّالي كتب:البرنسيسة ذكري الجراح نعم اعرفك , فانت سودانية ويكفيني
واعرف قلمك المبدع معنا بالمنتدي البيت الكبير وانك عضوا
من اسرة انا سوداني هذه كل المعلومات التي اعرفها صدقاً
لكني امتلك حاسة شم قوية عرفتني بانك برنسيسة
وطلّتك هيبة طلة برنسيسة والامر لا يحتاج الي تحريات فانا
دوماً اثق في احاسيسي وهانت برنسيسة كما يطلق عليك شلتك
بالجامعة ومن الموكد لم يطلقوا عليك ذلك من فراااغ وكذلك
انا كل الشكر البرنسيسة علي الق المرور
وخليك قريبة
اها ياا الحلوين ذي ما ذكرت ناس فاطنة والرضية وشفيقة ورقية اليوم داك لما الكهربا دي ضوّت وولعت جابت دلوكتن والجراكانات ونجرن ليهن اغنية قطع اخضر عن الكهرباء وبقن يغنن النور ولع فاطنة تتدلع والنور همد السرة بت حمد وكلام كتير كدة في الاغنية وبنات الحلة اتلمن كلهم , وجنس غني وانبساط , ونادو لي الزول ده والليلة جيبو لي الزول ده , وانا فوقم بقول كلام دخل ابو الصقير حاااام يمين هنا ما في زول ماري بالشارع ما دخل حلقة البنات ديل واداها عرضة وانا نفسي مررت بهم ونزلت الجوااااي تب وعرضت , حتي الاغاني كانت جميلة وتحمل من الق ذاك الزمان الجميل ,مش اغاني الزمن ده جاياك جاية احتو معاك وراجل المراءة حلو حلاء , ما علينا خلونا في الزمن الجميل ده , كانت الدنيا جميلة وخميلة والنفوس انقي من بياض الثلج براءة اقرب الي الخيال تتعدي كل الشبهات وفوق كل الظنون تلك المصطلحات الجديدة (الشبهات والظنون) التي لم يكن لها مكانا انذااااك اها لما جيت صقرت فوق البنيات
ولما جات فاطنة بت عمي الحاج وقامت كده الوزينة مع ود عمها وعامت عوووم قادر الله علي الرقيص والحشمة مع التوب علما زمان البنات بلبسن التوب من عمر الستة عشر , وقالت كدة رقصت بالرقيبة قزازة العصير وختت الشبال ,نخلي حلقة البنيات ونمشي علي الاولاد برضو عملو ليهم لمّة بالربابة واخر غناء وعرضة وقال كده سيد المعلم مسك عكازو واداها عرضتو المشهور الجني التقول ما فيهو عضام بعد شوية قعد يتدارق بالدرق مع خلف الله , والشفع بهناك مدورين لعبة تعول لية (الاستغماية) بدل شليل الودرتها الكهرباء واليوم داك كان كأنو عيد الناس للصباح ما نامت حارسين المسجد والكهربا وفي النوع شغال يولع ويطفي في اللمبات ومع الاحتفالات ديك جاء عمك الضوء وقال عرس ولدو ازهري قرب وبكرة باذن الله تعالي عندهم حنة للجني وطبعا مجرد الكلام بس بمثابة عزيمة للناس كلها ولا يحتاج الي كروت دعوة اها بقينا منتظرين يوم بكرة ده بفارغ الصبر باقي الحنة والعرس ده موضوووع براهو اها اخليكم عافية لحدي بكرة نشوف حنة الجنة ازهري دي كيف
وكونوا قريبين
الشمالي الظاهر فاتني كتير لكن الحمد لله حصلته
بس سؤال انت فاطمة دي مكسراك انت بس والحله كلها
لانك كل كلمة فاطنة عملت فاطنة لبست توب ورقصت
والرقيبة قزاز ياخي القصة قربت تبقي عن فاطنة بت عمك
اها يلا منتظرنك وقراب بس انت اسرع
ميرة كتب:الشمالي الظاهر فاتني كتير لكن الحمد لله حصلته
بس سؤال انت فاطمة دي مكسراك انت بس والحله كلها
لانك كل كلمة فاطنة عملت فاطنة لبست توب ورقصت
والرقيبة قزاز ياخي القصة قربت تبقي عن فاطنة بت عمك
اها يلا منتظرنك وقراب بس انت اسرع
يالشمالي فاطنة جاية الحنة بتاعت ود عمك الضؤ
الاميرة ميرة اسعدني جدا مرورك
وفاطنة عندنا رمز ذيها ذي مهيرة
فاطنة السمحة خلق واخلاق وقيّم
تمثلها فاطنة وزولة بالمواصفات
دي تكسر الحِلة كلها مش انا بس
وفاطنة لازم تكون في الحنة
والحنة بلا فاطنة بتكون عزاء
كااااااااك
جــــــــــداد بس
