قالوا ما الحب الا للحبيب الاول فهل صدقوا

[ام مودة]

دائما ما نسمع مثل هذا القول الكثيرون يرددونة ويؤمنون بة

قالو ماالحب الا للحبيب الاول فهل صدقو

اريد ان اوقف لحظة ونفترضان الحب الاول انتهى لامر ما ثم احببت مرة اخرى

اذان هل نقول ان الحب الثانى لا مكان لة من الاعراب ؟؟؟؟؟؟؟؟؟؟؟؟

وان الحب الاول هو القاعدة الاساسية والحب الصادق!!!!!!!!!!!!!!!!!!!

فما رايكم بهذا القول ؟؟؟؟؟؟؟؟؟؟؟؟؟؟

ومارايكم فى مقولة (من الحب ماقتل !!!!!!!!!!!!!)

تحياتى

[عماد الحسين]

الحبيب الاول تعطيه من غير حساب ومن غير خبره سابقه لذا قيل ان الحب للحب الاول. يظل راسخا في الذهن وفي القلب لان هذا الحب نما تربه خصبه . اما الحب الثاني . قد يحصل لكن انت تحمل معك محازير الحب الاول وتتعامل بحسابات تؤثر عليها التجربه الاولى

[الشمالي]

الحب الاول يظل متميزاً كتجربة جديدة علي الشخص المعني
فان كتب لهذا الحب ان يثمر باقتران هنا تكون روعة الحب
ويكون فعلا للحبيب الاول ,
اما ان لم يقدر له النجاح لاي سبب فعلي الطرفين الرضاء
بحكم الله وانا من وجه نظري الحب ليس حكراً للاول او
الثاني او الاخير لابد ان يكون الحب لشريك الحياة سواء
كان زوجاً او زوجة طالما ارتضيا ذلك وعن قناااعة واعظم
الحب قد ياتي بعد الزواج ,
كل الشكر ام مودة وتقبلي مروري

[سرو كسلا]

تسلمي أم موده على
الموضوع الرائع
اما بالنسبه للحب
الأول فهو ما بيتنسي
بالساهل و دايما
بكون في البال لانو
على الأغلب بيكون في فتره مبكره
من العمر ( في
بداية المراهقه يعني
في الطاشرات )
عشان كدا بيكون
تجربه جديده على الإنسان و حاجه
حلوه أول مره
يحس بيها و ربما
يندم و يتحسر دائما على فقدانه
لكن هذا لا ينفي
وجود الحب مره
ثانيه و ثالثه و
رابعه ( بالنسبه للرجال المعرسين اربعه هههههه ) و
عندما يحب
الإنسان مره أخرى
يحصل على الحنان
الكافي لينسى
التجارب المريره
السابقه
‏( شواكيش و كدا )

و لم اعرف احدا
توقف عند الحب
الأول ( في الحب
الأول فشلت في
الحب التاني خنت
في الحب التالت
ثبت و لو فكرت
أسيبك أكون غدار
و خنت هخخخخ )
إلا شعراء زمااااااان
مجانين الحب ديلك
ناس مجنون ليلى
( هام في الصحراء
و مات مع الوحوش عشان
خاطر عيون ليلى )
و عنتره و
ابن زيدون

بس المفروض الحياة تستمر عادي
و ما يبقى الموضوع خطيييير

برضو حب الناس
مذاهب

بالنسبه ل ( من
الحب ما قتل )
اسمعي القصه دي

شاب فلبيني يوم
الفلنتاين
عايز يعبر لحبيبته
عن حبه قام
آخدها بحضنه لحدي ما كتم
نفسها خخخخخخ
بعداك جرى بيها
المستشفى و هي
كانت كويسه بس
غمرانه

و هو فاكرا ماتت راح إنتحر
خخخخخخخخ
البت بعدما
إستعادت وعيها و عرفت الحصل

إنتحرت هي كمان
خخخخ
من
الحب
ما
قتل
‏( عشاق قوم عند قوم مجانين )

[omar babikir]

دائما ما نسمع مثل هذا القول الكثيرون يرددونة ويؤمنون بة

قالو ماالحب الا للحبيب الاول فهل صدقو..

سلام اخت ام موده
الشعراء ديل مرات بودونا شمال ومرات يمين ...وحكاية ما الحب
الا للحبيب الاول فيها وجهات نظر...واحد قال :
نقل فؤادك حيث شئت من الهوا ما الحب الا للحبيب الاول...
كم منزل في الكون يالفه الفتى وحنينه يبقى لاول منزل..
وجهة نظر مقبولة
في ناس قالو ما الحب الا للحبيب الاخر...
أعلق بآخر من كلفت بحبه لاخير في حب الحبيب الاول
أتشك في ان النبي محمدا خير البرية وهو اخر مرسل
منطق سليم برضو

اما عن نفسي فاقول ليس للاول ولا للخير ....وان كنت
اميل للخير...وزي ما بقولي بالعامية الجديد شديد...

مع خالص تحياتي

[محسية]

تسلمى اختى ام مودة على الموضوع
لا اؤامن بهذه المقولة

قالو ماالحب الا للحبيب الاول

بس على حكاية الحب الاول مااؤمن فيها لانو الواحد لو كان فيه ذرة امل في الحياه حيحب الحياه دايما ويحب اللي فيها

فااتوقع انو فيه حب تاني بعد الحب الاول بغض النظر عن الاسباب



تقبلى مرورى

[انفلونزا الحب]

الاخت ام مودة

انا برايي ان هذا الكلاام صحيح لان مهما احببت لن يكووون مثل الحب الاول وفعلا الحب الاول هي رالقاعدة الاساسية وانك مهما احببت لن يكوون مثل الحبيب الاول

تحياااتي

[سوداني2010]

اختنا والله موضوعك شيق اسمحي ليك اشارك براي الخصوصي الحب الاول غالبا ما يكون في مرحله المراهقه وكتيرين منا عارفين الكلام دا طيب نفترض انو الفي فتره المراهقه دا حب طيب لما الواحد يجي يسأل البنت او الولد الحب يعني شنو يقولو ليك والله ماعارفين كيف الكلام دا انت هسع ماقلت بتحب يقوليك والله انا بحبها وبس لكن المسكين لا يدري انو دا كان اعجاب فقط بشئ معين بالنسبه للطرفين وانا بنصح اي مراهق|ه انو مايوهم نفسو انو دا حب لانه لسع البنيان الفكري بتاعك مااكتمل وأتاكد انو حيزول مع الايام
والحب التاني بعد ماتكبر حيكون حب حقيقي افضل وصادق

[ذكرى الجراح]

يعني إذا حبيت مره وربنا ماجمعنا او حصل ليهو اي ظرف تاني مابحب ما ممكن طبعآ بالرغم من إنو بيقولوا في ناس كيده يمكن ماعارفه

تقبلي مروري

[ام مودة]

السلام عليكم واشكر كل من ساهم وكتب فى البوست

فى اعتقادى ان الحب الحقيقى هو الذى لا ينتهى ابدا وان ما نوهم بة انفسنا وبانة حب وينتهى باى سبب من الاسباب ليس بحب وانما هو عبارة عن تجربة من تجارب الحياة ليس الا

ولذا قد نوهم انفسنا باول تجربة حب والتانية ايضا فى التالتة قد نصادف الحب الحقيقى وهو الحب الاول والوحيد والحقيقى لانة بقى ونما وكبر وترعرع

دة راى انا عن مقولة (ماالحب الا للحبيب الاول

لكم منى التحية والاحترام ام مودة