ماتتزوجو بنات المغتربين نصيحة للشباب

[بحلم]

السلام عليكم
الاخت الزهراء البيضاء
اتمنا تتقبلى وجهة نظرى بروح رياضية وبصدر رحب
اول احب اعرفك شى فى الاول
انا سودانية اتولد واتربيت فى مصر
واكيد فى كل بلد الكويس والوحش
وعلى فكره اكبر جالية فى مصر هى الجالية السودانية
واكيد لو كانوا ما مرتحين او شايفين المعامله ما كويسة ما هنقبلها
على كرمتنا ولا على عزة نفسنا واحترامنا لوكننا سودانين
وعلى فكره وللاسف مازرت السودان ولا مره ولكنى دائما
بفتخر انى سودانية وبعتبر دا شرف وتاج على راسى وما مجرد كلام
واسمحيلى ادخل فى شىء ما يخصنى ولكنى اسفة على ذلك
كتير من الناس بتوصل لدرجات عالية من التعليم ولكن
ليس عندهم اى ادراك للتعامل مع الناس
واسمحيلى ايضا ما فى وظيفة بتقيم صاحبها سؤ سكرتير او دكتور المهم
الشخصية التى تعمل فى هذا المجال
وعلى فكره نصيحة من اخت ليكى انتى ضيعتى اعتذارك بكلمة انك ما اعتذرتى
لانك اخطائتى ولكن لاستاذ صلاح لانك عممتى فى اشياء كثير سؤ فى عنوان الموضوع
او فى كلامك عن مصر الموجودين فيها دا لو ما فهمت خطاء
واحب اعقب على الموضوع الاساسى
اتفق معاكى فى عيوب ذكرتيها فى بنات المغتربين
واختلف معاكى فى بعضها
ومن وجهة نظرى انى التربية هى العامل الاساسى
فى الموضوع يعنى ممكن جدا تكون عايشة فى السودان ومدلعة وما ليها فى شغل البيت
ولا تحمل مسئولية اسرة يعنى ما بضرورة انى تكون مغتربة المهم فهمها للحياة الاسرية
وتكوين بيت وفى النهاية ارجو تقبل وجهة نظرى

[الزهرة البيضاء]

مساء الخير اخي سقراط وشكر ليك على المداخلة ولكن الموضوع انا بقصد مغتربين الدول العربية وبالزات السعودية وكما زكرت انا كنت عايشة في دولة اوربية وحاملة الهوية بتاعت الدولة دي واكيد في فرق بين الدول الاوربية والعربية من نواحي كثيرة جدا وفي الاجازات كنت بقابل المغتربين من النوعين يعنى كنت بستغرب جدا من الصادر من مغتربين الدول العربية وهزا الكلام حقيقة انا حسيت بية بعد الاستقرارهنا ويعنى حقيقة الناس اوضاعة ااقل من عادية بيوت عادية اكل سودانى مية المية عربات عادية كل شى عادي جدا جدا الاماندر ويعنى انا بقول انو المغتربين ديل في اجازاتهم للسودان ما المفروض يحسو بى فرق نهائى الا ما ندر وثم ثانيا البنت العايشة في السودان اكيد متفتحة اكتر واعية اكتر مثقفة اكتر لان الثقافة ما تلفزيون او نت فقط الثقافة تجارب بنعيشة من واقع الحياة ايضا واكيد مغتربة السعودية ما عندها تجارب ومن اين لها بالتجاربوهي جاسة كما يقال في عزلة كل عالمها سوق ومدرسة وحديقة واكن الزنب مازنبها الزنب زنب اهلها وزي ما زكرت عندما يصل الاطفال الى سن معينة العودة للوطن افضل وما في داعي للانتظار ولو الظروف ما ساعدتك فى خمس سنوات غربة اكيد ما حاتساعدك في عشرين سنة

[ريناد]

الاخت العزيزة اشكرك على وجهة نظرك لكن ماتقولي بنات المغتربين قولي بعضهم ممكن بعدين منو القال انو لو واحد عرس وحده مغتربة حتكاسلو من الاجازات طيب بالعكس هي كمان عندها اهلها هناك اعمامه وخالاته ....الخ بعدين البيقول انو اولاد المغتربين حناكيش هم ماحناكيش لكن ياجماعه مستوى العيشة بين هنا والسودان بيختلف عشان كدا انت اول ماتمشي البلد تبقى ليك غريبه بس بعد كدا حتتأقلم عادي اذا كان ا انا وحده من الناس بمشي السودان كل سنتين اول ايام بيبقى لي الوضع صعب جداااااااا وبنقول عايزين نرجع بس بعد كدا عااادى بنتعود لان انا اتولدته في السعودية وعايشه هنا لمى بمشي هناك المجتمع بيختلف من مجتمعنا هنا هناك في السودان الحااااااااااااااااااااله واااااااااحده تسلم على ولد الجيران بلاحضان عااااادى لكن هنا لالالالالا



تقبلي مروري ولي عودة ان شاء الله

[الزهرة البيضاء]

اخي النورس المهاجر شكرا ليك تقبل كل اعتزااري

[سقراط الكارورى]

مساء الخير اخي سقراط وشكر ليك على المداخلة ولكن الموضوع انا بقصد مغتربين الدول العربية وبالزات السعودية

ياجماعة والله الكلام ده حقيقة
ليه المغتربين بتاعين السعودية ، طبعا ما كلهم ( ما عاوز اقع فى حتة التعميم دى ) تصرفاتهم فى السودان
فى الاجازات مزعجة جدا حتى لاهلهم ونسايبهم واصدقائهم ؟؟؟؟ بصراحة تصرفات فيها نوع من الاستفزاز للسودانى بالداخل، بعكس مغتربين الخليج ..ناس شوية متحضرة.

انا ناوى افتح موضوع للنقاش قريبا عن هذه الظاهرة واتمنى مشاركة جادة مفيدة.

وكما زكرت انا كنت عايشة في دولة اوربية وحاملة الهوية بتاعت الدولة دي واكيد في فرق بين الدول الاوربية والعربية من نواحي كثيرة جدا وفي الاجازات كنت بقابل المغتربين من النوعين يعنى كنت بستغرب جدا من الصادر من مغتربين الدول العربية

دى كمان واحده من المظاهر السالبة فعلا فى تاثير الغربة لدى الدول العربية

[الزهرة البيضاء]

اخي سقراط صباح الخير وشكرا للمداخلة وفعلا الموضوع بحتاج لي نقاش كتير جدا عشان الناس ترجع للصواب وانا بتمنى الحوار بتاعنا يكون متابع من اخوانا واخواتنا الفي السودان عشان اعرفو بعض الحقائق عن المغتربين وانا بشوف في بعض الاسر في السودان بتعبو جدا لمن اكون في واحد جايهم اجازه التعب مثلا يحاولو تصليح شكل البيت تغير مثلا في شكل الاكل في حاجات كتيرة جدا لان دة احساس بعكسو ليهم المغتربين السودان السودان والكلام الغريب دة ولكن اناشدكم اهلى الطيبين ماتتعبو كتير لان المغتربين اوضاعهم اقل من عادية بيوت عادية اكل عادي كل شى عادي جدا جدا الاماندر واحتمال الناس في السودان عايشن في مستوي احسن وهز مالتقليل من قدر المغتربين ابدا لانى انا مغتربة ايضا ولكن هزة حقائق وده كله عشان ابواتنا واماتنا وخالاتنا وعماتنا الفي السودان مايتعبو نفسهم لي اجازات المغتربين واقول ليهم خليكم ريلاكس لان المغتربين اوضاعهم زيكم او اقل كمان

[احمد يس]

الاخت الزهرة البيضاء

مررت على موضوعك قبل فترة ولم استطع المداخلة فى وقتها نسبة لانشغالى ...... وعدت الى المنتدى وجدت ان هناك تداخلات عديدة واختصارات من قبل الادارة مما جعلنى اعيش فى موضوع غير متكامل الجوانب ولكنه على كل حال قد اثار الكثيرون من الاعضاء سواء المتفقين مع وجهة نظرك او المخالفين لها
والحقيقة اكثر ما اثار حفيظتى فيه هو طريقة اختيار العنوان فهو جازم اذا جاز التعبير لانك وضعتيه فى شكل نصيحة والانسان عندما يقدم نصيحة فهو دارس لكل محتويات تلك النصيحة ومتأكد انه لن يتراجع عنها ولذا كان اعتذارك محدد الجهة والسبب وجميعهم فى اعتقادى خارج موضوعك الاساسى .......
ويتمحور تداخلى فى نقطة واحدة قافزا على كل ما احتواه موضوعك من زرع الانقسام بين بناتنا فى الداخل والخارج...... وعن تصنيف فئة المغتربين الى فئة ال vip ( مغتربى اوروبا وامريكا ) والفئة المحلية ( الدول العربية ) وهى ايضا دخلت فى تصنيف التصنيف الى مغتربى الخليج باستثناء مغتربى السعودية واخيرا الفئة التلى رقصت فى منتصف السلم لا اللى فوق شافوها ولا اللى تحت سمعوها وهم
مغتربى مصر اللذين اعتز بهم كثيرا ...........
وسوف اتغاضى عن نصيحتك الاخيرة بعدم التحضير والتجهيز لاستقبال المغتربين فى بيوتنا فى السودان
لانهم اناس عاديون او اقل من عاديون بالرغم من تناسيك انها عادة سودانية بحته لا تتعلق بنوع الضيف ولكنها تتعلق فقط كونه ضيف سواء داخلى ام خارجى......
النقطة التى اريد ان اتداخل فيها او اطرحها كا تساؤل للجميع ...... اذا كنا سوف ننصح شبابنا بعدم الاقتران ببنات المغتربين وخاصة بنات السعودية وانا من ضمن مغتربى السعودية واعلم ان اعدادهم يقدر بالآلاف
فهل هى دعوة لتعنيس بناتنا ام دعوة لاقترانهم بأجانب ................. تحياتى

[الشمالي]

الاخت الزهرة البيضاء الفكرة جميلة ولكن الطرح كان سيكون اجمل لو انزل بصورة حيادية وموضوعية دون تجريح وتحديد اوجه الخلاف والاشكاليات وتحديد الحلول , كما البوست اخذ الطابع الشخصي بين المتداخلين والهجوم علي بعض بطريقة غير مقبولة ومبررة حتي خرج الموضوع عن محتواه وهدفه , ووجه نظري من الظلم ان نعمم ولو كانت هناك فئة قليلة , والنقطة الاخيرة التي اريد توضيحها وهي لا تنطبق علي المغتربات بل علي البنات فان كان الرجل غير قادر علي تغيير سلوك التي سوف يقترن بها بالحكمة في المقام الاول والحب وكل الاليات الاخري المقبولة فان لم يكن قادرا علي ذلك فمن الاحري ان لا يتزوج , والبنت ان لم يكن لديها القدرة لتضحيوتتغير تبعاً للحياة الجديدة التي سوف تعيشها فاحري لها ان تجلس عانس فاالام مدرسة وجامعة كمان ,ولك الشكر لصاحبة الموضوع وكل المتداخلين واتمني الابتعاد عن المهاترات والتجريح فاختلاف الراي لا يفسد للود قضية

[الزهرة البيضاء]

تسلم كتير اخوي الشمالي على المداخله الهادئه الرائعة

[رومانسية ودائما منسية]

اولا ما مفروض انك تجمعي كل البنات المغتربات كدا لانو احنا ما ذنبنا اننا اتربينا في ثقافات غير ثقافتنا لكن ع الاقل هي متقاربة لدينا الحنيف اما ع الفلسفة وطريقة الكلام تقريبا ان اي شخص بيتعلم الكلام واحنا تعلمنا الكلام من المجتمع اللي قاعدين فوقه واللي قاعدين في اوروبا ما بيعرفوا يتكلموا عربي ليه بتاعتبونا احنا احنا بنموت في بلدنا وبنستني تتنتهي السنة الدراسيه عشان نمشي ليها وما كلنا بنفكر نسيب بلدنا بي العكس منتظرين الثانويه تنتهي عشان نمشي بلدنا ونقعد فيها نهائيا وبنحسد اللي قاعدين عليها

[رومانسية ودائما منسية]

اوكي بعد ما عممت عممت المغتربين كاملين كان بي امكانك تقولي بعض المغتربين خاصة اللي عايشين في السعودية احنا مالينا دخل بي اللي عايشين في السعودية لكن كدا انتي عممت اللي عايشين في الامارات دول الخليج اوروبا كل الدول لكن ا للي عايشين في السعودية مقفولين جدا فا اكيد هم لازم يكونوا عاوزين يقعدوا هناك ومايلن انهم يعيشوا مع امهم وابوه لانو في السودان عندنا المجتمع مفتوح والناس بتدخل في بعضها فهم ممكن يكونوا ما تعودوا ع الوضع دا لكن في الدول التانية المجتمع مفتوح انا عن نفسي كلنا بندخل في بعضنا من كل الجنسيات يعني

[GentleMan]

اوكي بعد ما عممت عممت المغتربين كاملين كان بي امكانك تقولي بعض المغتربين خاصة اللي عايشين في السعودية احنا مالينا دخل بي اللي عايشين في السعودية لكن كدا انتي عممت اللي عايشين في الامارات دول الخليج اوروبا كل الدول لكن ا للي عايشين في السعودية مقفولين جدا فا اكيد هم لازم يكونوا عاوزين يقعدوا هناك ومايلن انهم يعيشوا مع امهم وابوه لانو في السودان عندنا المجتمع مفتوح والناس بتدخل في بعضها فهم ممكن يكونوا ما تعودوا ع الوضع دا لكن في الدول التانية المجتمع مفتوح انا عن نفسي كلنا بندخل في بعضنا من كل الجنسيات يعني

الاخت روما نسية ودائما منسية ... انشاء الله ماتتنسي ولا حد يجهلك
سلامات
حقيقة .. البنات اللي عايشين هنا في السعودية دلوعات شديد
واحد صاحبي اتزوج بت مغتربين عايشة في جدة ، البت حلفت ماتمشي السودان
ولمن سالوها ليه قالت : ايش في السودان لافي البيك ولا كنتاكي ولا الهلال الاحمر
بعدين هناك الجو مرررة حر انا بشرتي تري ما تتحمل ،، ومافي مكيفات
اوووف ايش اللي يجبرني علي التعب ؟؟

قلتي لي خايفة من التعب والاكل الكعب
الله يدينا بت الحلال الهدية الرضية
تقبلي مروري

[الدهمشي]

حلفت انها ماتمشى مامعناها سيئة ولاكعبة ودى مامشكله اصلا انا فى رأى لايمكن الحكم على الناس بالسوء من خلال الامكنة هو يعنى كل العايشات فى السودان كاملات 100/100
ملحوظة كل شىء مكتوب ومقسوم كان من بلدك ولا من بلد تانية

[سفيان علي ميرغني]

كلامك صاح ولكن ؟؟؟
القرضمة من بنات المغتربين فوق شنو كلنا جينا هنا فقراء ونبحث عن لقمت العيش وبعدين أبوها ماجاء من أهلو غني ولو كان عندو شي ما كان أغترب ومن نسي قديمو مات ؟؟؟؟؟؟

[أبوالمطارق]

الهوى هو سبب الزواج عند المغتربين وليس الحب ما رأيكم

[ميرندا مول]

الزهره البيضاء ماعندك بنات ولا ايه واذا كان الرجل مغترب لازم يزوج مكان ماهو عايش واذا هو مفكر يوم من الايام حيسافر برغبته لازم يزوج من السودان لان بعض الرجال بعد الزواج يقول للمراه سوف نسافر وتتفاجئه المسكينه كان انضحك عليها لانها طبعا تريد العيش بجانب اهلها وليس غير ذلك وفي النهايه قسمه ونصيب

[GentleMan]

الزهره البيضاء ماعندك بنات ولا ايه واذا كان الرجل مغترب لازم يزوج مكان ماهو عايش واذا هو مفكر يوم من الايام حيسافر برغبته لازم يزوج من السودان لان بعض الرجال بعد الزواج يقول للمراه سوف نسافر وتتفاجئه المسكينه كان انضحك عليها لانها طبعا تريد العيش بجانب اهلها وليس غير ذلك وفي النهايه قسمه ونصيب

سلامات يالميرندا
يعني بعد فكت البورة قالت ما ماشة
اولي بيها راجلها وللا اهلها ؟؟؟
!!!!!!!!!!!!!!!!

[الزهرة البيضاء]

شكراليكم اهلي الحلوين علي المداخلات الرائعه بس لو في واحد متزوج بنت مغتربين ما يزعل مني

[ام المؤمنين]

لكن يا الزهره ما بالغتي جنس بوليغه انتهيتي من ناس الخليج اهه نحن ناس ارميكا بناتنا بنفعو ..
عندي زهرتين يانعات و ظريفات وبحرر في سوقهم اهه رايك فينا شنو

[الزهرة البيضاء]

اختى ام المومنين انشا الله تكونى بخير قلتي لي بالغتي عديل يعنى دي نطيت فيها الحيطه عديل كده انا في موضوعي ده وبلسودانى البحت بقصد مغتربين السعوديه بالتحديد لانى شفيت بعينى المستويات شنو والمبالغات شنو وانا بقول ليك مغتربين الخليج اكثر حضاره واما مغتربين امريكا وانا كنت من ضمنهم فرست كلاس