شــــــوف ..آخر الزمن...العبيد بقوا دكاترة...!!!

[سقراط الكارورى]

حادثة مؤسفة...

واحد زميلنا ...امريكى من اصول افريقية..يتحدث القليل من اللغة العربية ..تخصص معمار ..طرق سريعة
رشحوهو ناس الشركة للعمل فى مشروع ضخم فى السعودية بعائد مغرى جدا ..وافق فورا وسافرالسعودية. بعد حوالى اسبوعين رجع الى كندا مقر الشركة ورفض العرض.

الراجل حكى اسباب رفضه للعمل فى السعودية لسببين

السبب الاول ...كما حكى لينا ....قال فى مطار جده ...بوليس الجوازات شال الجواز بتاعو وقعد يتصفح فيهو ولما شاف مكتوب ( دكتور) ضحك البوليس وقال لزميلو ....شوف اخر الزمن ...العبيد كما بقوا دكاترة....الراجل طبعا انصدم جدا ...وخاطب البوليس بلغة عربية ركيكة وذكر لهم انه مسلم والحمد لله.
راجل البوليس قال ليهو ...من شلاليفك دى ظاهر عليك سودانى....!!!! عامل فيها كمان امريكى...!!

السبب التانى ....قال مرة كان مع زميل مغربى راكبين تكسى مشوار فى مدينة مكة ...سائق التكسى سعودى اتكلم كلام وسخ جدا عن الاجانب ...صاحبنا سأل سائق التكسى ....ليه انتو بتعاملوا اخوانكم فى الدين كده ؟؟ كلنا مسلمين؟؟؟؟...سائق التكسى سكت شوية ....ثم التفت اليهم ...وقال ليهمك بالحرف....احنا ناس مكة الرسول ما قدر علينا ...!!!!

الراجل انصدم جدا ..وقرر مغادرة السعودية ..رافضا للعرض المغرى.

حقيقة انا ما كتبت الموضوع ده كتهجم على اخوانا السعوديين ...وبالتاكيد ما كل السعوديين كده...بس صراحة عاوز اسمع رائكم فى الكلام ده ....خاصة وانا شايف المنتدى مليان بمغتربين فى السعودية.



سقراط الكارورى

[نهـاد]

العنصرية ما زالت موجودة في كل دول العالم

حتى نحنا في داخل السودان وبما اننا بنحمل نفس الجنسية والهوية

بتلاقي فينا مجموعة عنصرية وممكن نلاقي العنصرية في أهلنا وفي اسرتنا

اما بالنسبة للسعودية فهي زي كل بلادنا التانية

فيها ناس بتحترم الانسان كأنسان بأخلاقو وروحو وتعاملو

وناس تانية بتحترم فقط اللون والجنسية واللهجة


تحياتي أخي سقراط وانا ما من السعودية

[عطر الورد]

مرحبا اخوى سقراط
انا والله كمان بسمع قصص كتيره زى دى بس كل الناس مش زى بعض يعنى اخوانه السعوديين مش كلهم كدى
واحيانا بستغرب انو دى بلد الرسول ليه الناس دى اخلاقهم كدى
المفروض اكونو غدوه لغيرهم من اخوانهم العرب والمسلمين
واالله المستعان
وفى الاخير الواحد ما بلقى حريتو وكرامتو الا فى وطنو
يعنى ما دام هو فى بلد ما بلدو عمرو ما بتقيم فى نظر اصحاب البلد هو انسان غريب ومش زيهم وهم احسن منو
يعنى اتحمل البجيهو

[بنت العمدة]

اى والله العنصرية هى لسه موجوده
بس انا لاحظت انها اكتر فى البلدان العريبة منها فى الغربية
مع اننا اخوان فى الدين بس الله يعيننا
حتى نحن هنا فى السودان زى ما قالت نهاد عندنا عنصرية فى القبائل
بالذات بتلقى الناس اكتر عنصرية على الجنوبين اللى بيسكنو جنوب السودان
بيعاملوهم معاملة ما حلوة
شوفة عينى واحد شمالى سايق عربية همر يصدم جنوبى ولا همو كانو حيوان "بدون مؤاخذة"
تقبل مرورى سلمت يداك.

[سقراط الكارورى]

العنصرية ما زالت موجودة في كل دول العالم

حتى نحنا في داخل السودان وبما اننا بنحمل نفس الجنسية والهوية

بتلاقي فينا مجموعة عنصرية وممكن نلاقي العنصرية في أهلنا وفي اسرتنا

اما بالنسبة للسعودية فهي زي كل بلادنا التانية

فيها ناس بتحترم الانسان كأنسان بأخلاقو وروحو وتعاملو

وناس تانية بتحترم فقط اللون والجنسية واللهجة


تحياتي أخي سقراط وانا ما من السعودية

الاخت نهاد

فى البداية اسمحى ليه ابارك ليكى مقدما على اقبالك اكمال نصف دينك او كما يحلو للبعض بدخولك للقفص الذهبى ...امنياتى لكى بحياة زوجية سعيدة وعقبالنا ان شاء الله.
كلامك صاح العنصرية موجودة فى كل مكان والاتهاض العنصرى موجود حتى فى الدول المتحضرة وكذلك الاتهاض الدينى ، ولكن ان يكون الاتهاض والعنصرية داخل ديانة واحدة دى المزعجة.واذا نظرنا لديننا الحنيف ومنذ بداية انتشاره ركز على المساواة بين البشر ...ولا فرق بين عربى وعجمى الا فى التقوى ...وبلال مؤذن الرسول خير مثال.الصحابة التزموا بذلك ..وعتقوا عبيدهم ....فماذا حدث حتى وصلنا الى ماهو نحن الان عليه؟؟؟؟؟؟؟

اشكرك على التعقيب والمرور.


سقراط الكارورى

[سقراط الكارورى]

مرحبا اخوى سقراط
انا والله كمان بسمع قصص كتيره زى دى بس كل الناس مش زى بعض يعنى اخوانه السعوديين مش كلهم كدى
واحيانا بستغرب انو دى بلد الرسول ليه الناس دى اخلاقهم كدى
المفروض اكونو غدوه لغيرهم من اخوانهم العرب والمسلمين
واالله المستعان

الاخت عطر الورد

كما ذكرت فى موضوعى ليس كل السعودين ولا كل ناس مكه كده ...وانا بالجد آسف جدا لذكر السعودية كان ممكن اقول فى بلد اسلامية فقط ولكن حادث سائق التكسى فى مكه المكرمة اجبرنى على ذكر البلد.

مرة اخرى اتقدم باعتزارى لكل الاخوان والاخوات السعودين..واشكرك على تعليقك.


سقراط الكارورى

[سقراط الكارورى]

اى والله العنصرية هى لسه موجوده
بس انا لاحظت انها اكتر فى البلدان العريبة منها فى الغربية
مع اننا اخوان فى الدين بس الله يعيننا
.

الاخت ما وراء بسمتى

دى فعلا النقطة المحزنة .....( مع اننا اخوان فى الدين) ومن المفروض ان يكون التعامل بيننا كما علمنا ديننا الاسلام وان نقتدى برسولنا الكريم والصحابة الاولين .
شكرا على مرورك ومداخلتك وجزاكى الله خيرا.

سقراط الكارورى

[سقراط الكارورى]

زميلنا الدكتور شاب من نيجيريا ينحدر من اسرة عريقة فى شمال نيجريا اهتمت منذ مئات السنين فى نشر الاسلام فى نيجيريا ووالده من الشخصيات الدينية التى تلعب دور كبير جدا فى حماية المسلمين ويسلم على يديه يوميا العديد من اهل النيجر ومالى ارسل ابنه للدراسة الى امريكا وطلب منه ان يركز على نشر الاسلام بين الزنوج الامريكان وتحقق له ذلك فهو مؤسس منظمة للدعوة فى ولاية نيو اورليانز وهو الان امام مسجد صغير فى مدينة اوتوا فى كندا.تناقشت معه قبل ان اكتب هذه المشاركة واستأذنته لكتابة الحادثة ولكنه رفض معللا ذلك وخوفا من الفتنة بين المسلمين ...ووافق اخيرا مؤملا فى تنبيه الشباب الى تعاليمنا الدينية فى المساواة ..جزاه الله ولوااديه خيرا.


سقراط الكارورى

[ذكرى الجراح]

مساء الخير أخي سقراط انا إتولدت وعشت في السعوديه مابقدر انكر إنوقابلتني حاجات زي ديه حتى لمن كنت في المدرسه الإبتدائي والمتوسط لكن الزول بيقدر يرد عليم رد يبرد قلبو وأحيانآ تلقى الزول أصلآ مابيستاهل إنو نرد عليو على العموم بس أنا حابه احكي ليك موضوع عشان تشوف التناقضات أنا والدي دكتور في جامعة الملك عبد العزيز لمن كنت بسافر السودان عشان الجامعه مره في المطار مسك جوازي ضابط عشان يديني تأشيرة الخروج لمن شاف إسم الولد قال لي إنت بنت الدكتور فرح جدآ لمن قلته ليو أيوا وأصره إني أنادي أبوي وإحترام مبالغه وكنت في درجه عاديه وداني درجه أولى وخجلني من إحترامو لي عشان أنا بنت دكتور العكس تمامآ مطار السودان نزل الوالد إجازه تعال شوف الاسلوب يخجل بيكوراك امشي بهناك تعال بيهنا إنت مابتفهم أصلو ده حال المغتربين مخم مقفل لا في إحترام ولا اسلوب والله المستعان أخوي مهندس طيران في سودانير لمن سألتو ده شنو ده قال لي عدم رضا وظيفي بيفشو فيكم عاد ده كلام

[غريب ديار]

حادثة مؤسفة...

واحد زميلنا ...امريكى من اصول افريقية..يتحدث القليل من اللغة العربية ..تخصص معمار ..طرق سريعة
رشحوهو ناس الشركة للعمل فى مشروع ضخم فى السعودية بعائد مغرى جدا ..وافق فورا وسافرالسعودية. بعد حوالى اسبوعين رجع الى كندا مقر الشركة ورفض العرض.

الراجل حكى اسباب رفضه للعمل فى السعودية لسببين

السبب الاول ...كما حكى لينا ....قال فى مطار جده ...بوليس الجوازات شال الجواز بتاعو وقعد يتصفح فيهو ولما شاف مكتوب ( دكتور) ضحك البوليس وقال لزميلو ....شوف اخر الزمن ...العبيد كما بقوا دكاترة....الراجل طبعا انصدم جدا ...وخاطب البوليس بلغة عربية ركيكة وذكر لهم انه مسلم والحمد لله.
راجل البوليس قال ليهو ...من شلاليفك دى ظاهر عليك سودانى....!!!! عامل فيها كمان امريكى...!!

السبب التانى ....قال مرة كان مع زميل مغربى راكبين تكسى مشوار فى مدينة مكة ...سائق التكسى سعودى اتكلم كلام وسخ جدا عن الاجانب ...صاحبنا سأل سائق التكسى ....ليه انتو بتعاملوا اخوانكم فى الدين كده ؟؟ كلنا مسلمين؟؟؟؟...سائق التكسى سكت شوية ....ثم التفت اليهم ...وقال ليهمك بالحرف....احنا ناس مكة الرسول ما قدر علينا ...!!!!

الراجل انصدم جدا ..وقرر مغادرة السعودية ..رافضا للعرض المغرى.

حقيقة انا ما كتبت الموضوع ده كتهجم على اخوانا السعوديين ...وبالتاكيد ما كل السعوديين كده...بس صراحة عاوز اسمع رائكم فى الكلام ده ....خاصة وانا شايف المنتدى مليان بمغتربين فى السعودية.



سقراط الكارورى

اوافـــــقك الراي وهــــــذا قــــليل مـــن كــــثير وســــوف اعـــــود في الموضوع

تقــــبل مــــروري

[مرسال الشوق]

والله يااخوانا الكلام كتير وفي اي مكان وصراااحة كتير جدا هنا في المملكة لكن انا من ذوي
يخاطبني السفيه بكل قبح واكره ان اكون له مجيبا
يزداد قبحا وازداد طيبا كعود زاده الاحراق طيبا

وانا احكي ليكم قصة صغنونة كدا حصلت لواحد سوداني مع سعودي وهي ان السوداني كان جالس مع السعودي في منزله وامام ضيوفه وقال للسوداني ساخرا يازوووول قال ليه يانعم تاني قال ليه يااااازووووول قال ليه سم طال عمرك ... ماهو الشئ البينكم وبين البهايم طبعا المجلس كلو ضحك وماتو من الضحك الا السوداني وهنا طبعا السوداني قام ووقف علي حيلو وقال ليهم خلااااص كلكم انتهيتو من الضحك قالوا بصوت وااااحد ايوه وعايزين نعرف جواااابك شنو يازووووول
قام صاحبنا وبدون خجل قال البينا وبين البهائم حااااجة وااااحدة بس ... كلهم قالو بصوت واااحد ايوه شنو يازووول قال ليهم البحر ...

[سقراط الكارورى]

العكس تمامآ مطار السودان نزل الوالد إجازه تعال شوف الاسلوب يخجل بيكوراك امشي بهناك تعال بيهنا إنت مابتفهم أصلو ده حال المغتربين مخم مقفل لا في إحترام ولا اسلوب والله المستعان أخوي مهندس طيران في سودانير لمن سألتو ده شنو ده قال لي عدم رضا وظيفي بيفشو فيكم عاد ده كلام

الاخت ذكرى الجراح

المطارات فى كل البلاد تعتبر البوابة الاولى وواجهة تستقبل الزوار ومواطنى البلد ، تهتم الدول دائما فى
اختيار طاقم بمواصفات عالية للعمل فيها، وتركز الدول المتحضرة بجانب اجادة اللغات العالمية على
موظفين اكفاء يدربوا على اسلوب التعامل الراقى مبنى على احترام المسافرين اجانب او مواطنى البلد.
يستقبلونك والبسمة فى وجوههم ..يتحدثون معك بكل ادب واحترام ...هذا ما شاهدته فى معظم الدول التى
زرتها وانا حسب عملى كثير السفر.
ما لفت انتباهى حتى الان لم اجد هذه المواصفات فى ايه مطار دولة عربية.فى مطار القاهرة او دمشق
الموظفين عديل كده بشحدوك ..وشحده لحاجات تافهة جدا ..فى مطار القاهرة كمثال شحدنى موظف
الجوازات مبلغ 5 دولارات ولما احتجيت على هذا الاسلوب تدخل رئيس الوردية وقال ليه ( يا بيه ده راجل
غلبان عندو 5 عيال فيها ايه لو ساعتوا؟؟؟؟؟) فى مطار دمشق شحدنى واحد من الموظفين ( ثارمس الشاى)
الذى احمله معى فى كل سفرية لانو الثارمس عجبوا خالص.فى مطار عمان شحدنى الشاب المسؤل من
نظافة الحمام مبلغ من المال بالرغم من اننى وضعت بعض الفكة (ايرو) فى الصحن الموضوع عند خروجك من الحمام.كل هذا يحدث امام انظار المسؤلين فى ادارة هذه المطارات .تصرفات ذى دى لا يمكن
تمر عليك فى دولة اوروبية او حتى فى دول افريقية افقر.

السؤال الذى يطرح نفسه....لماذا كل هذه الفوضى؟؟؟؟؟؟

سقراط الكارورى

[سقراط الكارورى]

اوافـــــقك الراي وهــــــذا قــــليل مـــن كــــثير وســــوف اعـــــود في الموضوع

تقــــبل مــــروري

وانا فى انتظار عودتك ولو ما جيت حا ارسل ليك رسالة خاصة اذكرك


سقراط الكارورى

[سقراط الكارورى]

وانا احكي ليكم قصة صغنونة كدا حصلت لواحد سوداني مع سعودي وهي ان السوداني كان جالس مع السعودي في منزله وامام ضيوفه وقال للسوداني ساخرا يازوووول قال ليه يانعم تاني قال ليه يااااازووووول قال ليه سم طال عمرك ... ماهو الشئ البينكم وبين البهايم طبعا المجلس كلو ضحك وماتو من الضحك الا السوداني وهنا طبعا السوداني قام ووقف علي حيلو وقال ليهم خلااااص كلكم انتهيتو من الضحك قالوا بصوت وااااحد ايوه وعايزين نعرف جواااابك شنو يازووووول
قام صاحبنا وبدون خجل قال البينا وبين البهائم حااااجة وااااحدة بس ... كلهم قالو بصوت واااحد ايوه شنو يازووول قال ليهم البحر ...

اخ مرسال الشوق

قصتك دى ذكرتنى المصرى الرجع من السعودية فى الاجازة لمصر لزيارة اهله ...سالوهو كيف لقيت
السعودية ..قال ليهم ...والله نصهم بدوا ونصهم لسه ما بدوش.

مع اعتزارى الشديد لكل الاخوة السعوديين.


سقراط الكارورى

[سقراط الكارورى]

الاخوة الاعزاء

بالجد انا ما عاوز ادى انطباع انو عاوز اهاجم او اقلل من شأن اخوانا السعودين او استفزازهم او جرح
مشاعرهم ..لا اود ان اشتم مصرى او الاستهتار به وليس لى الحق فى ذلك . انا بتكلم عن حقائق واحداث
عشتها شخصيا ..غرضى فى كل الموضوع اننا نفكر فى افعالنا وتعاملاتنا مع بعضنا البعض تاركين
التعصب الوطنى ..غاضين البص عن عيوبنا ..لعل من خلال مناقشاتنا نراجع انفسنا فى تصرفاتنا مع
اخواننا ونبدأ فى تغير اسلوبنا فى التعامل مع بعضنا البعض ودى الخطوة الاولى والتى بالتاكيد سوف تأدى
الى خطوات اخرى نأمل ان تؤدى الى تغيرات فى مجتمعاتنا .


سقراط الكارورى

[النورس المهاجر]

أخي سقراط .. تحية ود وإحترام ..
أولا / الموضوع جيد من حيث الطرح الحذر والمعتذر ..
ثانيا / حين طرحت الموضوع ( عيوب شعب ) ما ذنب السوداني الذي عائش بين هذا الشعب ؟وماذا يقدم ليغيير من هذه الظاهر فهو المجني عليه بالغربة وسط هذا الشعب ما عليه الإ التعايش حتى العودة
ثالثا/ وكما أشار بعض الأعضاء أن المشكلة ليس في شعب بعينه بل موجودة في كل بلاد العالم .. واشكرك حين خصصتها بديننا الحنيف .. أخي ديننا كامل متكامل بس المشكلة في أهل الدين وأخص بذلك نحن العرب عموما سوى أهل الخليج أو غيرهم ( العنصرية متشربة في دواخلنا .. مثال .. أنت هل تتزوج من ....... ؟ بت القبيلة ضرورة والحسب والنسب ... صح ؟
رابعا / حين ما نتوقف عند سلبيا مجتمع ما ( ليس دفاعا أو تبرئه ) فلنتذكر عيوبنا ..كما أتمنى أن تتذكر محاااسن المكان التي تطغى على السلب ــ حرمين _ لو رضي الدكتور بالعقد وقبول السيء من أخلاق هؤلاء الجهلاء ( بعض الفئات في كل مكان ) بغرض زياارة الحرمين الشهرية أو السنوية ما كان أحسن له ؟ أم كان الهدف مادي ومعاملا أخلاقية فقط ؟ هل أناس كل الدول الأربية عظماء في الاُخلاق والمعاملات وهم الذين فضل هذا المهندس الرجوع إليهم بدلا من الحرمين ؟ والتاريخ يثبت أنهم هم الذين صنعوا وزرعوا هذه البذرة السئيه في العرب حين كان إستعمارهم ( أبيض وأسود ) لبلادهم بل هم في مصاف الحيوانات في أغلب المعاملات ؛ فإن كان من جهلاء الاسلام هذا التصرف [overline]القولي[/overline] فهم تصرفاتهم [overline]فعلية[/overline] ( عالم الجريمة ) ؛ فمن العيب والجهل تفضيلهم بالرجوع إليهم .
خامسا / الجهل سبب تلك الهناات من جميع البشر لكن المتعلم المتدين لا يمكن أن يبدر منه هذا التصرف ( إمام مسجد - دكتور - طالب علم - فقيه ... وغيرهم) في كل البلاد .. لا يمكن أن يصدر منهم هذا السلوك المشين ..
آخيرا / نفخر ونفاخر بسلوكياات وطننا وعاداتنا لذا تكون كل الأماني العودة العودة .......... تقبل مروري

[الزهرة البيضاء]

صباح الخيرتقبلو مداخلاتى في الموضوع الدكتور النيجيري لمن قررارجع اختار عين الصواب لانو اصلا هو لو جاي من امريكا او كندا اكيد هناك حايقيم اكتر السبب شنو انو امريكا وكنده ااصلا لو رجعنا لي التاريخ ما ملك لى احد كانت اصلا موطن لي قبائل الهنود الحمر وجاو عليها الوافدين وتزاوجو واصلا هي مكس بين البيض والسود وكلهم حاملين هويه واحده يعنى هو هناك امريكى غصبا عن عين اى واحد وله كل الحقوق وانا شفت في امريكا كل الاحترام من الشعب الامريكى لان الشعب الامريكي اوالكندي مابقيمك بي علمك لاااااا بقيمك بي انسانتك انت بشر فقط واضيف كمان انو في امريكا وكندا بنلقى كتير جدا بنات بيض متزوجين سود وكتير جدا جدا هل هزا بحصل في الدول العربيه البنت اكيد لو فكرت تتزوج من اسود اهله حايقيمو عليها الحد وارجع تانى واقول زي ما زكرت الاخت زكري الجراح انو ابوها الدكتور قابل في مطار السعوديه قمه الاحترام وفي مطار الخرطوم عكس زلك انا بقول ليها اكيد في السعوديه حايحترم بس بى كلمه دكتور ولكن في مطار الخرطوم الدكتور مابسو حاجة السبب انو السودان كله دكاتره كلو بروفسيرات في السودان اصلا كلمه دكتور انتهت من مئات السنين لان السودان اهله كلهم متعلمين يعنى في البيت الواحد بتلقي اربعه وخمسه دكاتره وزي مابقولو ترفع الحجر تلقى دكتور وفي مطار الخرطوم التقيم واحد

[اولاد كركوج]

فى السوان البقولو فى عنصريه ده ما عايش فى السودان ولا شي
معروفه العنصريه فى السعوديه بي الجد
انا ماعشتا فى السعوديه ولاحاجه بس اشتقلتا مع سعودين كتار
هم البقولو وبحكو لينا الحاصل فى السعوديه ممكن ده السبب
الخلاهم اطلعو من السعوديه
بقولو اوسخ شعب فى العالم فى اطهر ارض فى العالم
السعودين بلد الدين بلد الرسول
الكلام ده من سعودين اب عن جد اولاد قبايل وشيوخ

البقول السودان فيهو عنصريه
ابقا راجل وامشي السودان قول لى واحد عب بتروح فيها

اما فى السعوديه بتسمعا كتير
ياعب
ياعبود
ياخال

الجهل مصيبه

[اولاد كركوج]

فى السوان البقولو فى عنصريه ده ما عايش فى السودان ولا شي
معروفه العنصريه فى السعوديه بي الجد
انا ماعشتا فى السعوديه ولاحاجه بس اشتقلتا مع سعودين كتار
هم البقولو وبحكو لينا الحاصل فى السعوديه ممكن ده السبب
الخلاهم اطلعو من السعوديه
بقولو اوسخ شعب فى العالم فى اطهر ارض فى العالم
السعودين بلد الدين بلد الرسول
الكلام ده من سعودين اب عن جد اولاد قبايل وشيوخ

البقول السودان فيهو عنصريه
ابقا راجل وامشي السودان قول لى واحد عب بتروح فيها

اما فى السعوديه بتسمعا كتير
ياعب
ياعبود
ياخال

الجهل مصيبه

[بسمة الحياة]

العنصرية موجودة في كل مكان
ما نقول الا الله يسامحهم شايفين نفسهم فوق الناس عشان الله شرفهم واكرمهم بخدمة بيته الحرام