مجادعات شعبيه

[ود الهادى]

مين قــدر الفايحه ريحة طيب ,, وإتــشَــرَّ شذاه
مين يا لبيبْ غير أنفاسك تتعدى سطوروا مداه
ياكَ صباحْ القولْ ونترة هبّابْ وكلماته دلاله
حِــنَّا نتجاور و ( نمّْك ) ونلقى ديمه فوقه رواقـــه

[جدوسعيد]

وين كل الصحاب الليلة وين فتونا
يوم خيرا كتير الليله يوم جيتونا
اكتبوا للجدع يا اخوانا ماتخلونا
شان تعلو المسادير وتزدهر في لحونا

[جدوسعيد]

الناس فرت وخلوني في راكوبه
للكتاحة والحر السموم لهلوبة
جنبي القرعة والبخسة والدحلوبة
والمرحاكه ذي قبرا في طرفه خاتين طوبه

الناس فرت وبراي اترقب المحبوبه
اليل انقسم وبوادر الصبح بهبوبه
الخلاني ذي راس دولة مقلوبه
لاخبار لاوصف لادف يدق لانوبة

[لبيب]

الناس فرت وخلوني في راكوبه
للكتاحة والحر السموم لهلوبة
جنبي القرعة والبخسة والدحلوبة
والمرحاكه ذي قبرا في طرفه خاتين طوبه

الناس فرت وبراي اترقب المحبوبه
اليل انقسم وبوادر الصبح بهبوبه
الخلاني ذي راس دولة مقلوبه
لاخبار لاوصف لادف يدق لانوبة

[align=center]الزولة الحنيييينة الراقية في أسلوبا
شالت نوم عيوني و شوقتني طروبا
السبب البخلي جسيمي فيهو رطوبة
في الليل الطويل وصلتني جاتني هبوبا[/align][/size]

[الضراع]

ما هِــــنْ فازّاتْ ,, خاملاتْ جلودِن
قاعدات يالضراع أخوى سارحات قِـدامِــنْ حُروفن
شوفِـنْ تحت الخياااااالْ تلقاهِـن حاضرات سطورن
إتوشَــحَــنْ يدك وخلى إنتَ بس طق طق وأمسِــكـــن
سَـــطِْــرِنْ .....

ابو الهادي يانورمنــــتدانا الساطــــع.....
في ادب الخواطر ابدعت احلي روائع.....
خليك مع لبيب اوعــــاك تعمل زائغ.....
قول في المسادير لهجا حلاتو بدائع.....

[abohijil]

ياناس سلام عليكم
وخلونا نخش انشاء الله خشتنا ما تبقي شمال

والله الكلام عسل ضواقو معاكم
ضاربين القصيد ساونو ربة براكم
روعة و احتراف لاقيتا في مغناكم
جبرتني علي الدخول كان ابقي من شركاكم

[لبيب]

ياناس سلام عليكم
وخلونا نخش انشاء الله خشتنا ما تبقي شمال

والله الكلام عسل ضواقو معاكم
ضاربين القصيد ساونو ربة براكم
روعة و احتراف لاقيتا في مغناكم
جبرتني علي الدخول كان ابقي من شركاكم

[align=center]ياوزل انت تأمر ونحن تب تحت امرك
يادوب في الشعر قاعدين نقول نتبرك
قولك تب سمح أسقينا يوت من درك
نستمتع معاك أوعى القصيد لايشرّك[/align][/size]

[الحمدى]

مشكووووووييين

[لبيب]

النسام نسم جاب لي هبوبو ندية
ذكرني الجدية الفي الخدور محمية
الخلَا القليب نيرانو توقد حية
لصفت عينا تلدغ زي لدغة الحية

[لبيب]

رمضان الكريم الخيرو عم وجانا
نور لى قلوبنا وضوى لينا دجانا
يارب العباد تدينا كل رجانا
كلنا والأهل من ام لهيب تحجانا

[mihrab]

اعزرونا لانو من النيل انسقينا لكن ما ارتوينا
الغربة ساقتنا
في البلد البعيد هناك بهدلتنا
في ليلة من رمضان
وبدون ونيس او انيس
غير منتدى شايل همنا خشينا ليهو
اشان قلنا نقرا شعبيات بكلام اهلنا
وفعلا قرينا ومنها روقنا بالنا
لكن واحنا طالعين غلبنا الرد
اشان زي ماقلت ليكم احنا ال من النيل انسقينا لكن ماارتوينا

مشكور يالضراع موضوع تسلم جدا عليهو

[لبيب]

اعزرونا لانو من النيل انسقينا لكن ما ارتوينا
الغربة ساقتنا
في البلد البعيد هناك بهدلتنا
في ليلة من رمضان
وبدون ونيس او انيس
غير منتدى شايل همنا خشينا ليهو
اشان قلنا نقرا شعبيات بكلام اهلنا
وفعلا قرينا ومنها روقنا بالنا
لكن واحنا طالعين غلبنا الرد
اشان زي ماقلت ليكم احنا ال من النيل انسقينا لكن ماارتوينا

مشكور يالضراع موضوع تسلم جدا عليهو

[align=center]حباب مهراب حباب الغالية ست الجيل
يابت العزاز تاج راسنا والإكليل
قولك ياالعزيز مقدارك اصلو جميل
يابت الرجال غالية و ومقامك اصيل[/align][/size]

[لبيب]

مربوع القوام الطرفو سهما جارح
شوقو على الدوام في قلبي جامع وطارح
الخلاني اهيم بى حبو دايما سارح
حالي كلامو يوم قيل معاي امبارح

[عاشق أمونة]

ودي هدية مني ليك يا سوداني وسوداني وبفخر بي بلدي وبأصلي
غزال الريل الما جابت تلاتا
جابت القرمصيص والباقي حلاتا
دي البنية القبيل تتاكا فوق خالاتا
يات من شافا صلى الرقيبة تلاتا

[عاشق أمونة]

يا قميرية فوق فرعاً تلولي رياح
ذكرتيني الاهل والعشيرة والصياح
خليتيني افكر واقوقي بلا ارتياح
على ام نهيداً بصيب وبعمل الف جراح

[لبيب]

عاشق امونة اخوي عاين جدية الوادي
شالت نومي ولت مني فاتت غادي
خلت قلبي يهتف بيها ديمة ينادي
مشتاق لى عيونا ولى خديدا النادي

[الضراع]

ااااااااااه ياالفراق ابعدت من اشعاري
بشوف المسادير في اخر الصفوف مداري
وينك يااللبيب يااب لهيجا حالي
ياعسل المنتدي يارونق الاشعاري


التحية لكل من كتب وقرأ سطرا من الرباعيات

[مها]

الليل والنهار واحد علي العميان

واللوم والشكر واحد علي السجمان

عز الرأس دهن وعز القرب قطران

عز الخيل لجم وعز الحريم وليان
اهلا بيك خال فاطمه واخو الاخوات نورت المنتدى

[بعد الزمن]

[align=center][quote="مها"][align=center] خال فاطمه [/align][/quote]

خال فاطنى
ب الشعبي ههههههه
فاطمة ب المركزي[/align][/size]

[مها]

[align=center]خال فاطنى
ب الشعبي ههههههه
فاطمة ب المركزي[/align][/size]

بعدو مشتاقين
مشتاق ليك كتير يالجوة قلبي سكونك
لقيـاك منيتي وقبلة سعادتي عيونك
شوقك شال منامي وشـن حياتي بدونك
برمه
فى داعى للفضايح ما تخليها .... فاطمه