ماتتزوجو بنات المغتربين نصيحة للشباب

[الزهرة البيضاء]

اختى جاسمينا مساء الخير معليش ياحبيبة النقاش شد بيناتنا شوية بس انا ماقاصداكى ابدا واللة وكلامك الاخير ان دل بدل على انك انسانة عاقلة وواعية ويابخت زوجك بيك واكررانا فتحت الموضوع للنقاش وقلت في ناس حاتتفق معاي وفى ناس حاتحتلف معاي ولكن في ردود ماجميلة انا جريت معاها في التيار ولكن اختى اختلاف الراي لايفسد للود قضيةوتدوم الصداقة

[عطر الورد]

اختى الغالية عطر الورد


كلامك صح ما شرط انتى مغتربة وين المهم انى الواحد يتماسك بعاداته وتقاليده السمحة
والمشكلة بتشوفى بنات فى السودان متحنكشاات حنكشة غريبة


لكن بنرجع ونقول للمرة الثانية اى مكان فيه الفالح والطالح

تسلمى عطر مداخلتك رائعة بروعتك

الله يخليك يا اصيله
بس ده الواقع وانا بحكى بس عن الواقع
انشاء الله تسلمى يا محسيه وربنا ادوم المحبه

[عطر الورد]

بحكم سني وانى مراهق
الكلام دا ما بعرفوا
واهم حاجة انى قريت كل الكلام
اللى ف البوست
وجاي علشاااااااااان
اسلم عليكم وماشي
واصابع اليد الواحده ما زي بعض

وليكم كلكم اجمل سلام

المراهقه صعبه لكن

[الزهرة البيضاء]

انا اسفة اهلي ناس االمنتدي لو في ناس زعلو منى ولكن في ردود بتزعل شوية لان الردود بقت ماشاملة الوضوع دخلت في الشخص الكاتب الموضوع ومعليش بالدارجى على الانفعال ولكم العتب حتى ترضو

[منصوري77]

أختي الزهرة البيضاء
الزواج قسمة ونصيب ليس له توجيهات معينة متى ما شآت إرادة الله تحصل أين ومتى ومن غير معروف
مكتوب ومسطر.... أما بالنسبة لبنات المغتربين والله كل مجتمع فيه الصالح والطالح قد تجد من يخجل تواضعك وكذلك البنات بالسودان وفي أي مكان في العالم يوجد الصالح والطالح ولا نستيطع أن نحكم على مجتمع معين.... المهم التعامل والإخلاق هم السمة الإساسية في خلق جوء صالح من العلاقات الكريمة.
لك كل تقديري،،...

[نهـاد]

انا اسفة اهلي ناس االمنتدي لو في ناس زعلو منى ولكن في ردود بتزعل شوية لان الردود بقت ماشاملة الوضوع دخلت في الشخص الكاتب الموضوع ومعليش بالدارجى على الانفعال ولكم العتب حتى ترضو

أنتي زعلتي يا زهراء واعتبرتي انهم اساؤ ليك بس لو راجعتي كلامك وتعميمك حتلاقي انك اسئتي لفئة كاملة من المجتمع
راجعي وصفك لينا كبنات مغتربين وحتعرفي مين الفعلا اساء للتاني
ومين القلل من قيمة التاني وأعتبر التاني نكرة

على فكرة 80 % من البنات والنساء المشاركين في المنتدى دا بنات او نساء مغتربين
موري على مواضيعهم ومشاركاتهم واتعرفي من جديد على بنات المغتربين

تحياتي مرة تانية

[jasmina]

اختى جاسمينا مساء الخير معليش ياحبيبة النقاش شد بيناتنا شوية بس انا ماقاصداكى ابدا واللة وكلامك الاخير ان دل بدل على انك انسانة عاقلة وواعية ويابخت زوجك بيك واكررانا فتحت الموضوع للنقاش وقلت في ناس حاتتفق معاي وفى ناس حاتحتلف معاي ولكن في ردود ماجميلة انا جريت معاها في التيار ولكن اختى اختلاف الراي لايفسد للود قضيةوتدوم الصداقة

[grade="ff0000 ff1493 ffa500 4b0082 0000ff"]اختي زهرة بيضاء حصل خير ....... ومافي مشكله ابدا .... بس طرحك للموضوع كان فيهو نوع من الهجوم

واسلوب الكلام البنسمعو كتير لما نمشي السودان ....وده صراحه بيستفزني جداً جداً

وانا اسفه برضو ياستي شديد اني انفعلت شوية كمان ...بس اتهامك لامس وتر حساس وتر وطنيتنا

ووتر انتمائنا للوطن ......واتمنى الناس البتشوفنا من المنظور الاتكلمتي بيهو تغير نظرتها شوية وماتعمم

النظره الاوحو بيها فئة من ابناء المغتربين على الجميع وتسلمي[/grade]

[grade="ff0000 ff1493 ffa500 4b0082 0000ff"]
وبعدن انا في مشروع زواج لسة ماااتزوجت لما الامور تتم ونحدد المواعيد حعزمك انشاء الله

تحياتي [/grade]

[محسية]

اختى الزهراء البيضاء
انا ما بديت لكى بالاساءة ولا بالخطا

بالعكس انتى اللى بديتى بالهجوم اختى

وكنتى مصرة على كلامك وبصرااحة ردك على الموضوع مستفز شويه وانا قصدى كله انه اى مكان فيه الصالح والطالح


وانا زاتى ممكن اكون شدة شويه معك لانك كنتى مصرة على كلامك وردودك
وعلى العموم حصل خير واحنا هنا كلنا اخوات



تحيااااااااااااااااتى

[ملاك الورد]

باللة ياملاك الورد حاج الماحي حاج الماحي دة منو ا اااااااااااااااااااا قصدك التجانى الماحي اوووووووووووووو لقيت ثقافتك قوية جدا جداواللة انتى مثقفة

ههههههههههههههه
لا ما بعرفه, و ما سمعت بيه الا اول امبارح

الزول لمن يحج بسموه حاج صح ولا لأ , كمان قولي التجاني الماحي ما حج ....

# خربشة ... مش قلنا ليكي هدي و روقي يا الزهرة البيضاء

[صلاح يحيى سليمان]

الاعضاء الكرام

نقطة نظام....

ثقافة المنتديات مبنية على اساس مهم جدا وهو احترام الرائ الاخر
مهما كان ..واسلوب المخاطبة يخضع للوائح المنتدى ..ونحن فى
فريق المراقبة نحاول بقدر الامكان التركيز على عدم الاساءة الى
ايه عضو منتسب للمنتدى ...او التهجم عليه علنا امام جميع الاعضاء
وزوار المنتدى.
كاتب الموضوع هو المسؤل عن كل كلمة يكتبها وعليه تحمل تبعاتها
اما المطالبة بقفل الموضوع او حزفه فليس هذا من حق ايه شخص
الا كاتب الموضوع نفسه ...فالواجب مناقشته فى افكاره بكل احترام
ومحاولة اقناعه او عدم الرد اساسا على موضوعه.

بعد مراجعة الموضوع فى منتدى المراجعة تم حزف مداخلات غير
مقبولة وتم استرجاع الموضوع.


وشكرا

[الهايم]

الغاليه الزهراء البيضاء

شكرا لك ولموضوعك الرايع

بس انا معاك
لكن لو لقينا مغتربه واقعيه جاده على طول بنتزوجها


تقبلي تحياتي ومروري اخوك الهايم

[اريج محمد]

الغاليه الزهراء البيضاء

شكرا لك ولموضوعك الرايع

بس انا معاك
لكن لو لقينا مغتربه واقعيه جاده على طول بنتزوجها


تقبلي تحياتي ومروري اخوك الهايم

اى عليك الله بتعمل خير

[نهر المحبه]

الحمدلله البوست راق حبتين والنفوس اتصافت.....
طيب يالزهره ....عجبني اعتذارك على فكره وده بدل على انك انسانه فاهمه ومثقفه بس شديتي في الحوار حبتين....
نرجع للموضوع مره تانيه وانا حاكلمك بحكم اني مغتربه مولوده وعايشه في الغربه وما حاختلف معاك في انه في بنات بالصفات الذكرتيها دي وفي بنات بالجد لو بحثتي زيهم في السودان ما بتلقيه...
وفي كل مكان في الكويس وفي الكعب... وشكل البت النهائي والصفات البتكون عليها دي بتكون بتاثير عوامل عليها اهمها الاسره وكيف الاسره نفسها بتزرع في نفوس اولادها انهم لابد انهم في يوم حيرجعو البلد حقتهم وحالهم الهم عليه هنا ده ما حيلقوه بالزبط كما هو...يعني البت من البيت بتتشكل
رايك شنو انا الناس المعاي هنا أقسام.... قسم كان عندو الطموح انه يكمل دراسته بس مالقى فرصه هنا لانه هنا الفرصه ضيقه نوعا ما لاستكمال التعليم الجامعي فاضطر انه يمشي السودان مجرد اضطرار وخاتي في بالو انه راجع هنا...
وقسم تاني عايز يكمل دراسته ونفس المشكله الاولى لكن ديل خافو من السودان ( مصاريف - الاهل- كونك تخلي ابنك مع ناس دي في حد ذاتها مسؤوليه.......وتتعدد الاسباب) في النهايه قعدو هنا واكتفو بالتعليم الثانوي فقط...
قسم زي حا لتنا دي مستني متين يمشي السودان عشان يكمل مشروعه البداه ويمشي في حياته... في كل الحالات الذكرتها دي دور الاسره ليه اثر كبير بجانب الطموح من الشخص نفسه....
ما كل بنات المغتربين زي بعض وانتي لو قعدتي معاهم وعاشرتيهم حتعرفي الفرق...
اما على موضوع الزواج... ده في نظري على حسب البت زاتها وتقديرها لشريكها ده في نوع مستعد يمشي مع شريكه محل مامشى المهم يكون معاه ونوع بيكون عايز يكون على نفس المستوى اللي هو كان عايش فيه وسط اهله وده النوع الانتي قاصداه في البوست.....
ممكن لو سمحتي تعقيب بسيط مني على شي: موقفك من الشعب المصري ليك الحق انك يكون ليك فوقو وجهة نظر بس ياختي احنا هنا منتدى عام ومعانا اخوان عرب كتير ماممكن نسيء ليهم وهم في وسطنا على ما اعتقد انه دي واحده من شيمنا السودانيه.....
ومرحب بيك مره تانيه بيناتنا

[سقراط الكارورى]

الاعضاء الكرام

نقطة نظام....

ثقافة المنتديات مبنية على اساس مهم جدا وهو احترام الرائ الاخر
مهما كان ..واسلوب المخاطبة يخضع للوائح المنتدى ..ونحن فى
فريق المراقبة نحاول بقدر الامكان التركيز على عدم الاساءة الى
ايه عضو منتسب للمنتدى ...او التهجم عليه علنا امام جميع الاعضاء
وزوار المنتدى.
كاتب الموضوع هو المسؤل عن كل كلمة يكتبها وعليه تحمل تبعاتها
اما المطالبة بقفل الموضوع او حزفه فليس هذا من حق ايه شخص
الا كاتب الموضوع نفسه ...فالواجب مناقشته فى افكاره بكل احترام
ومحاولة اقناعه او عدم الرد اساسا على موضوعه.

بعد مراجعة الموضوع فى منتدى المراجعة تم حزف مداخلات غير
مقبولة وتم استرجاع الموضوع.


وشكرا

الزهرة البيضاء ، دعينى اولا ان اعلق على مداخلة الدكتور صلاح يحيى سليمان مؤسس وراعى هذا الصرح العظيم .لقد دخلت على الموضوع قبل يومين وكنت اود التعليق عليه ..وانصدمت جدا من مداخلات تطالب بقفل الموضوع وجهت فيه جمل استفزازية لا تليق بمستوى هذا المنتدى المحترم فخرجت من الموضوع وخرجت من المنتدى وعند رجوعى البارحة وجدت الموضوع اختفى فحزنت على عدم تعليقى عليه واليوم علمت من ملاحظة الدكتور سبب اختفاء الموضوع.
تصرف فريق المراقبة فى نقل الموضوع وتعديل وحزف المداخلات الاستفزازية يدل فعلا على مدى نزاهة
القائمين على امر المنتدى وعلى راسهم دكتور صلاح فلهم كل الشكر .

اختى العزيزة ..ذى ما ذكر بعض المشاركين موضوعك موضوع شيق جدا ومهم جدا مناقشته بس التعميم
افقدوا نوع من الحياد وردك عن مصر وان كنت اوافقك عليه ولى شخصيا تجارب مع مطار القاهرة حالف
والله اسافر للسودان عن طريق تشاد ولا مطار القاهرة تجنبا لمضايقات واسلوب تعامل طاقم المطار فى
معاملة الافارقة (السود) عموما يغضب حتى اخوانا المصرين ...فما كان فى داعى لذكر ذلك وكما ذكرت الاخت نهر المحبة هنالك اعضاء مصريين فى المنتدى وخاصة من النوبة وجدوا فى انا سودانى تنفيس لهم
لما يعانوه فى مصر ..فما جميلة التهجم على بلدهم .

طيب ندخل فى الموضوع....انا عاوز بالضبط افهم ليه انتى ضد الارتباط بالمغتربات؟؟؟وهل تقصدى المغتربات فى الدول العربية او كل المغتربات ؟؟؟ فى اوربا ...امريكا ....الهند او جزر القمر ؟؟؟؟؟
وهل اعتراضك ده اتى قبل او بعد وصولك للسعودية؟؟؟ وعلى ماذا جاء هذا الاعتراض ؟؟؟هل هو لفقدهم
الهوية السودانية او لتصرفات اخرى؟؟؟؟

اتمنى اسمع اجاباتك على الاسئلة دى ...وحسب اجابتك حا اديك رائ فى الموضوع.

ولى عودة بالتاكيد


سقراط الكارورى

[النورس المهاجر]

الحمدلله البوست راق حبتين والنفوس اتصافت.....
طيب يالزهره ....عجبني اعتذارك على فكره وده بدل على انك انسانه فاهمه ومثقفه بس شديتي في الحوار حبتين....
نرجع للموضوع مره تانيه وانا حاكلمك بحكم اني مغتربه مولوده وعايشه في الغربه وما حاختلف معاك في انه في بنات بالصفات الذكرتيها دي وفي بنات بالجد لو بحثتي زيهم في السودان ما بتلقيه...
وفي كل مكان في الكويس وفي الكعب... وشكل البت النهائي والصفات البتكون عليها دي بتكون بتاثير عوامل عليها اهمها الاسره وكيف الاسره نفسها بتزرع في نفوس اولادها انهم لابد انهم في يوم حيرجعو البلد حقتهم وحالهم الهم عليه هنا ده ما حيلقوه بالزبط كما هو...يعني البت من البيت بتتشكل
رايك شنو انا الناس المعاي هنا أقسام.... قسم كان عندو الطموح انه يكمل دراسته بس مالقى فرصه هنا لانه هنا الفرصه ضيقه نوعا ما لاستكمال التعليم الجامعي فاضطر انه يمشي السودان مجرد اضطرار وخاتي في بالو انه راجع هنا...
وقسم تاني عايز يكمل دراسته ونفس المشكله الاولى لكن ديل خافو من السودان ( مصاريف - الاهل- كونك تخلي ابنك مع ناس دي في حد ذاتها مسؤوليه.......وتتعدد الاسباب) في النهايه قعدو هنا واكتفو بالتعليم الثانوي فقط...
قسم زي حا لتنا دي مستني متين يمشي السودان عشان يكمل مشروعه البداه ويمشي في حياته... في كل الحالات الذكرتها دي دور الاسره ليه اثر كبير بجانب الطموح من الشخص نفسه....
ما كل بنات المغتربين زي بعض وانتي لو قعدتي معاهم وعاشرتيهم حتعرفي الفرق...
اما على موضوع الزواج... ده في نظري على حسب البت زاتها وتقديرها لشريكها ده في نوع مستعد يمشي مع شريكه محل مامشى المهم يكون معاه ونوع بيكون عايز يكون على نفس المستوى اللي هو كان عايش فيه وسط اهله وده النوع الانتي قاصداه في البوست.....
ممكن لو سمحتي تعقيب بسيط مني على شي: موقفك من الشعب المصري ليك الحق انك يكون ليك فوقو وجهة نظر بس ياختي احنا هنا منتدى عام ومعانا اخوان عرب كتير ماممكن نسيء ليهم وهم في وسطنا على ما اعتقد انه دي واحده من شيمنا السودانيه.....
ومرحب بيك مره تانيه بيناتنا

رد شافي وكافي الغالية ...
إضافة قليلة ...
- على بنات المغتربيين الذين يحلمن بالعودة التعايش والمعايشه مع وقعنا السوداني حين العودة للسودان او قبل العودة ليس بغرض الزواج فقط لكن بصدق الإنتماء للوطن .. نعم نحن شعب خلق من المعاااناة ونفخر بها التي تعزز وطنيتنا وحريتنا ( أنظروا للروابط الاجتمااعية المفقودة في بلاد الغربة أنظروا للحرياات الثقافية والتعليمية والفكرية في بلادنا دون غيرنا ) لذا السودان ووضعة يكون غاية وامنية وحلم هذا بيفرض علينا تحمل النقائص والمنقصاات الحاصلة فيه .
- على أرباب أسر المغتربيين تحديد أهدافهم والسعي لتحقيقها بجد ووضع العودة هدف حتمي يعملون له ( السفر في الإجاازات / ربط الابناء بالاهل عن طريق الاتصاالات / المشااركة والمداخلة فيما بينهم في الغربة ... وغيرها ) ؛؛؛؛؛؛؛؛؛؛؛؛ كوني بود..

[الزهرة البيضاء]

مساء الخير النورس المهاجر انا حااتكلم معاك بالهجة السودانية العامية لانى ماجديرة في كتابة اللغة العربية او احتمال اكون خريجة ابتدائ زي مازكرت اول حاجة انا بكرر انت اصلا لو عارف ان كلامي في البوست بتاع بنات المغتربين حقيقة اواونصفة حقيقة لى الانتقاد الما في محلة وثم ثانيا انا الاعتزار القدمتة عشان خاطر الدكتور المحترم صلاح ماعشان انا اخطات وثم ثانيا واسال اى انسان مثقف المشكلة شنو فى الاخطء الملائية فى المنتدى المهم تصل المعلومة وانت زى مازكرت حسب علمى انك بتشتغل سكرتير وانا بكررليك دة شغلك وانك لو اخطات خطا واحد ممكن تحاسب من مديرك لانك سكرتير وانا مجالي بختلف من مجالك تماما يعنى هوامش المور ما بتهمنا وبعدين انت بتقول انو انا حصالة قروش الحمدللة حصالة قروش ولكن القروش ماكل حاجة المهم انو الناس تستفيد من علمك والحمد للة وانت بتقول كلمة دكتورة ولا دكوة هل هزا اسلوب متحضر وكلام تانى مافي لية داعي لان مستواي ووظيفتى مابتسمح لى بقول زلك وبالرغم زلك انا بادرت بالاعتزار لان هزا من شيمنا انحنا السودانين وعشان حاطر الدكتور صلاح زلك الانسان الفاضل

[ريمو]

[grade="ff0000 ff1493 ffa500 800080 0000ff"]
اول حاجه مرحب بيكي اخت زهرة بيضاء بينا في منتدى انا سوداني...منووووووره

تاني حاجة الاسباب القلتيها دي كلها موجوده في بعض البنات وصحيحه بالنسبة ليهم بس ده مامعناهو

انك تعممي الحكم وتدي نصيحه كده بكل ثقه ؟؟؟؟!!!!!!!

انا من بنات المغتربين واعز صديقاتي كمان وعايشين 22 سنة في السعودية ...ولو حسبت المده

العشناها في السودان مااكتر من 8 شهور متفرقة ومع كده...بنحب بلدنا وبنفتخر بيها قدام اي زول

ومابنرضى في بلدنا الكلمة او التلميح حتى ...ونحتفل بمناسباتنا ومتابعين للقنوات السودانية وللبرامج

البتعيشنا جو السودان ...وننتظر الاجازة بفارغ الصبر عشان ننزل السودان حتى لو كان اهلنا هنا الاسره

بس غالبا ...اكيد ماحنرفض ننزل السودان نشوف حبوباتنا وجدودنا وخالاتنا وعماتنا واولادهم ؟؟؟!!!

ديل اهلنا ولحمنا ودمنا ؟؟؟ ولا شنو!!!

وحكاية الحر والسخانة دي بقت مامشكلة كبيرة اتوقع ؟؟؟ المكيفات في اي حته ؟؟؟؟ وبالنسة للكلمات

زي ايش والا وكده دي كلمات جاية ن المحيط الاتربينا فيهو يعني انا مثلا وبصرح بيها في سنوات عمري

الاولى كنت بتكلم سعودي بس ؟؟؟ليه صاحباتي كلهم بمختلف الجنسيات بيتكلمو سعودي ؟؟؟ كبرت شوية

وفي المتوسط والثانوي بقيت احن وافضل صحبه السودانيات برتاح معاهم اكتر من السعودية اللبنانية

والسورية وكلامي بقى بعد كده سوداني عادي رغم الفلتات في بعض الكلمات ودي ماحاجة بتعيب !!!

وحكاية الثقافه والتعليم والفهم دي بترجع للشخص وتربيتو ماليها علاقه ببت مغتربين ولا غيرو

ده رايي على حسب ماشايفة في اكتر من 80% من بنات المغتربين الحيقولو نفس كلامي اما الفئة القابلتيها

دي موجوده وانا معاكي الزواج من واحده فيهم بيكون مهلك للشاب وسبب لابتعادو عن اهلو بس الاغلبيه لا

بعدين ياخي حرام عليكي دايرة تبوري بنات المغتربين ههههههههه انا طريقي مرق خلاص الحمد لله بس

التانيات ذنبهم شنو ؟؟؟


تحياااااااااااااااااتي



[/grade]

كفييييتي و وفيييتي

[الزهرة البيضاء]

الاخت المحسية مساء الخير انا طبعا ماقدرت ارد ليك ولكن ماتتخيلى انة انا اعتزرت انو انا مامصرة على راي بالعكس تماما انا كلامى كلة في محلة وكلة صحيح ووجهةة نظري مصرة عليها ولكن الاعتزار الصدر منى كان بسب التعميم او انو ممكن تكون في كلمات جارحة شوية صدرت منى وثم ثانيا انا شايفة انك كنت متفقة تماما مع النورس المهاجر في كلامة وانا ماكان في شى بمنعنى ارد بمثل الردود الصادرة منكم انتو الاثنين ولكن اخلاقى ومستواى بمنعو من انو تنزل درجات ولكن اعلمك بنفسى شوية انا ما انسانة بنظر لى سفاسف الامور ولو عاوزة تعرفينى ادخلى في مواقع السمع بالمملكة حتحصلى اسمى هناك رافعة راس بدي

[الزهرة البيضاء]

الدكتور الفاضل صلاح مساء الخير وانا اسفة جدا لو سببت للمنتدي شوية ضيق ولكن ردودي كانت ردود فعل لى ردود معينة لا تعرف عنى شيئا واكون في غاية الشكر

[نورس سنجه]

ربنا يستركم ويجمع شملكم فى السودان لكن من
خلال النقاش يبدو انو مافى اختلاف كبير

لكن مشكلة السودان اهل السودان ما يحسوا
انو جميل الابعد الواحد ينعصر او يزل فى
بلد ما