مغترب وراجع فاضى لماذا ؟؟؟؟

[ظبياني وأفتخر]

[glow=ff0000][glow=ffff66]مجرد رأي ][/glow][/glow]
[glow=ff0066]أرى إنه المغترب ولديه أهل في السودان مثل ]

[المرسال]

أنا بصراحة ما أحس بالغربة كثير يمكن عشان كل الأهل معاي من الوالده الله يحفظها إلى أخواني جميعهم معاي وفي نفس البيت ... بس مع هذا كله نفسي اعيش احساس المواطنة في بلدي احس بالنقص مع
كل هذا عشان انا بعيد عن بلدي الله اتمنى في القادم القريب اني اكون عايش فيه

[بعد الزمن]

ممكن الراتب لا يمكن ادخاره وممكن ظروفوا ما بتسمحلوا انوا يحوش
قاعد يرسل لى ناس بيتهم اول بى اول , وممكن يكون زول مسرف
وجيبوا مشرط ويدنيوا ما بعرفا يدسا , الاحتمالا ت كثيرة
ويبقى شيء واحد ان الرزق مكتوب وكل زول ,
حيرجع بى المكتوبلوا

وشكرا

[محمد تناد]

الأخوة الأحباب البوست جميل جداَ وبناقش مشكلة حساسة وبنعاني منها نحن المغتربين بصفة عامة وأصحاب الأسر بصفة خاصة ،يعني تجد كثير من أبناء المغتربين مولودين فى بلاد الغربة ويشبوا ويتعلموا فى هذه البلدان ويتشبعوا بعاداتهم وطباعهم وعمرن ما نزلوا السودان ولا شافوة ديل بكون وضعهم شنو ؟؟؟؟؟؟؟؟؟ وهل يتحمل هذه المشكلة الوالدين أم الظروف ؟؟؟؟؟؟؟ وماهى طريقة المعالجة ؟؟؟؟؟

[الفرح المهاجر]

الاغتراب
الاغتراب فى حد زاتو مسؤلية الشخص بسال نفسو لية انا متغرب عن اهلى ؟
وماهى الفائدة التى اجنيها مقابل هذا الحرمان من الوطن والاهل والاحباب والاصدقاء
وهذا محور الاغتراب .
اما اذا لم تسال نفسك وانجريت وراء هواك انت الخسران
وخسائر الاغتراب ضعف خسائرك وانت موجود فى بلدك
عليك اشياء كتيرة والتزامات لازم تكون رجل قدر المسئولية عشان تقضى فترة الحرمان دى باحسن تعويض وتكون انت الرابح من الغربة مش ترجع خاسر كل شئ ولا تكون عندك حقك التذكر كما يحصل لبعض الاخوة المغترب ويالله استرنا فى الدارين

[سيكرت ليدي]

ياجماعه انا انجلطت من السؤال ده , بس انا كدي واحد من السودانيين المستقرين في السودان اسألني السؤال ده , كان ما لصقتا ليه كف !!!!( معليش ما اخلاقي , لكن استفذاني الموقف والسؤال )
نحنا قاعدين مغتربيين طول عمرنا عشان نأكل ونشرب ونعلم ونعالج الناس البهناك , ووقت ما إحنا
ساكتين وراضييين بالصرف ده , تجو وتسألونا مغترب وراجع فاضييي لييييييييه!

كلام والله !!!!

انا بحكي عن ظروفي , امكن غيري ما لم القروش لظروف تانيه , لكن انا زي ما قلتا ليكم كنت

وما زلت بأكل وبشرب وبعلم وبعالج , وما دايره الجزاء الا من رب العالمين



بس ماف زول يسألني السؤال المستفز ده تاني

[على على]

شوف فهم الربينناس الغلابة .. القالوا علينا مغت
شامين فينا العطــــــــور ..شايفين اللبس طقم طقمين
مساكين ياأهلنا الغبش .. انتو بي مظهرنا مغشوشين
تعالوا اقعدوا حدانا .. وكونوا معانا بس سامعين
انحنا صحيح والله مغتربين
الليل والنهار شايلنوا شغالين
لكن المرتب بس الف والفين
ناكل منو
ونشرب منو
نجامل منو
نرسل منو
واتصالنا عليكم يا الاهل .. في كل شهر يومبن
المطاعم والملاحم
والمغاسل والمشاكل
والعربية ديك خليها ساي في كل يوم تدور بنزين
الجوازات والاقامة
والضرايب لي السفارة
والزكاة يشولوها منك ..عشان يدوها محتاجين
والسفر ميعادو قرب ..واهلنا لي جيتنا منتظرين
متين بنقطع لي التذاكر
متين بنركب في البواخر
متين بنوصل للبلد ..متين نصلكم ياأهلنا ياطيبين
تعال ياولد جيب القروش
الريالات والدراهم
والكباسيل والمراهم
وكل ماخطر بالبال ..وكل مانشوف نقول دايرين
دا لي بويا ودا لي امي
دا لي خويا ودا لي أختي
دا لي عباس دا لي محمد .. ودا اكبر من مقاس يسين
أحمد بدور شالين وعراقي
والجلاليب والطواقي
والملايات التقيلة عشان جيرانا ديلك للخشوم فاتحين
دايرين يضوقو قروشك . . يا تسمعلك كلاماً شين
تدق سدرك تتفنجر تقضي الناس ..
كان بالكاش وكان بالدين
أم العيال دايرة الدهب
والراكوبة بتدور الحطب
والبيوت خربانة تب
دايرة الرملة ودايرة الجير ودايرة البوهية من سادولين
عبدالله داير الشيك عشان مايلحق العمرة
وعشوشة بتدور تمامة الخمرة والضفرة
وناس البيت من الويكة .. بدوروا يغبوا بس يوميـــــن
دايرين الكبدة والشية.. دايرين لحمة الضان السمين
عمي قال الكارو دايرة حصان
وخالي داير الكاش عشان مايفتح الدكان
وجدي قال طاحونة بس .. والله غيرها اصلو مادايريـــــــــــن
تدور من صباح الله ..تدقق لي عيوش الناس تمرقو طحين
الاهل ديل والمعارف
والنسابة الفي القضارف
والجداول والمصارف
دا كلو فوق راسك انت ..يامغترب ضيعت من عمرك سنين
عايش غريب هموم وغموم ..
تجي السودان توزع ساي شمال ويمين
مرضت كتير وجع مصران .. معاهو عمى وطرش اضنين
ضغط سكر فشل كلوي ..توحوح ساي وكل الليل تشيلو أنين
ارفع معاي يديك لي الله .. نقرا الفاتحة ونقول آميييييييييييين
تتصلح بلدنا الخير يعم
أفقر زول يخش السوق .. يكون في جيبو مليونين
يكون في جيبو مليونين
يكون في جيبو مليونين [/align][/I]

[GentleMan]

شوف فهم الربينناس الغلابة .. القالوا علينا مغت
شامين فينا العطــــــــور ..شايفين اللبس طقم طقمين
مساكين ياأهلنا الغبش .. انتو بي مظهرنا مغشوشين
تعالوا اقعدوا حدانا .. وكونوا معانا بس سامعين
انحنا صحيح والله مغتربين
الليل والنهار شايلنوا شغالين
لكن المرتب بس الف والفين
ناكل منو
ونشرب منو
نجامل منو
نرسل منو
واتصالنا عليكم يا الاهل .. في كل شهر يومبن
المطاعم والملاحم
والمغاسل والمشاكل
والعربية ديك خليها ساي في كل يوم تدور بنزين
الجوازات والاقامة
والضرايب لي السفارة
والزكاة يشولوها منك ..عشان يدوها محتاجين
والسفر ميعادو قرب ..واهلنا لي جيتنا منتظرين
متين بنقطع لي التذاكر
متين بنركب في البواخر
متين بنوصل للبلد ..متين نصلكم ياأهلنا ياطيبين
تعال ياولد جيب القروش
الريالات والدراهم
والكباسيل والمراهم
وكل ماخطر بالبال ..وكل مانشوف نقول دايرين
دا لي بويا ودا لي امي
دا لي خويا ودا لي أختي
دا لي عباس دا لي محمد .. ودا اكبر من مقاس يسين
أحمد بدور شالين وعراقي
والجلاليب والطواقي
والملايات التقيلة عشان جيرانا ديلك للخشوم فاتحين
دايرين يضوقو قروشك . . يا تسمعلك كلاماً شين
تدق سدرك تتفنجر تقضي الناس ..
كان بالكاش وكان بالدين
أم العيال دايرة الدهب
والراكوبة بتدور الحطب
والبيوت خربانة تب
دايرة الرملة ودايرة الجير ودايرة البوهية من سادولين
عبدالله داير الشيك عشان مايلحق العمرة
وعشوشة بتدور تمامة الخمرة والضفرة
وناس البيت من الويكة .. بدوروا يغبوا بس يوميـــــن
دايرين الكبدة والشية.. دايرين لحمة الضان السمين
عمي قال الكارو دايرة حصان
وخالي داير الكاش عشان مايفتح الدكان
وجدي قال طاحونة بس .. والله غيرها اصلو مادايريـــــــــــن
تدور من صباح الله ..تدقق لي عيوش الناس تمرقو طحين
الاهل ديل والمعارف
والنسابة الفي القضارف
والجداول والمصارف
دا كلو فوق راسك انت ..يامغترب ضيعت من عمرك سنين
عايش غريب هموم وغموم ..
تجي السودان توزع ساي شمال ويمين
مرضت كتير وجع مصران .. معاهو عمى وطرش اضنين
ضغط سكر فشل كلوي ..توحوح ساي وكل الليل تشيلو أنين
ارفع معاي يديك لي الله .. نقرا الفاتحة ونقول آميييييييييييين
تتصلح بلدنا الخير يعم
أفقر زول يخش السوق .. يكون في جيبو مليونين
يكون في جيبو مليونين
يكون في جيبو مليونين [/align][/I]

الاخ علي .. تحايا طيبة عطرة متبوعة بدعوة لك ولي ولكل مغترب احترق فكان شمعة
تضي الطريق للاخرين في اروع ضروب التضحية ان يرد غربته سالما غانما
بس غانما دي ياخوي صعبة شويه
عايزة لها شوية جكة كدي علي قول المصريين .

[سبحان الله]

[كثير من السودانيين لايعرفون شيء عن كثير من المغتربون فالجميع ينظر إليهم من زاية البقرة الحلوب أو الجنريتر الذي يدور ليعطي الضوء ولايعرف شيء عن الجوانب المظلمة في وضع المغترب تعرفون حياتنا الإجتماعية نحن السودانيين المغترب غالبا لايكون راغبا في البقاء في الغربة ومايدفعة لتحمل المعاناة والم البعاد عن والديه وإخوته وأهله وجيرانه وأصحابه كل ذلك التحمل من اجل شجرة العائلة التي قدر الله له أن يكون سببا في مد يد العون لها علاوة على أسرته الخاصة وإحتياجاتها وتعليم أبناءه ( رسوم التعليم وما أدراك ما التعليم ) والعلاج الممتد إلى كافة أفراد الشجره العائلية والطلبيات والهدايا وفوق كل ذلك كم هو يتقاضى راتبا وماذا عليه من إلتزامات خاصة معيشة - إيجار - علاج - وخلافه إسألوني عن راتبي على كل ذلك ثم بعد ذلك ماذا ترجون مني أن أعود به ولاتنسوا كيف تعامل بعض الكفلاء مع المغترب _ وإذا عدت في إجازة للسودان سوف تجد قائمة طويلة عريضة في إنتظارك ولايهمهم ماتحت الأستار من هموم لاتغرنكم المظاهر يا إخوتي فأحشاءنا مليئة بالمعاناة والهموم والمآسي ولكننا نتجمل حتى يتقبلنا الناس ولايزعلوا منا سبحان الله

[السودانى الاصيل]

الاخوه المتداخلين __ وجودكم تاج فوق راسى اعتز به

واسف لعدم الرد واحدا واحدا لان فاتنى الكثير مما صعب المهمه
ولكن لكم جزيل الشكر وخالص التحايا

انا لا اقصد من يصرف امواله على الخير بصفه عامه او اهله او اولاده

ركزوا معى واعطونى من ماذا يكون السبب

نقطه اولى : الراتب معقول
نقطه ثانيه: لم يصرف على اهله ولا اولاده
نقطه ثالثه : لديه سنين طويله مغترب

ونهاية اغترابه يرجع ويعمل فى شغل لا يسمن ولا يغنى من جوع
ويعانى من الفلس والبشتنه

لـــــــــــــــــــــــــــــيه؟؟؟؟؟؟؟

[الفرح المهاجر]

سوالك دا يالسودانى واضح
انو الواضح مابصرف اموالو بالطريقة الصح
يقضيها قهاوى مع....................... ويصرف القدامو
والوراو ويكون قاعد لى الله فى السهلة
اقتصد لتدوم

[ابومنصور]

سلام للجميع واشكركم على هذا الموضوع بالنسبة لتجربتي الشخصية لدي اكثر من 15 عام في الغربة الواحد وصل لي قناعة ان الموضوع مسالة ارزاق واقسام المثل بقول تجري جري الوحوش غير رزقك مابتحوش فكل الامور كانت من غير ارادة الشخص بداية الاغتراب هو البحث عن الافضل وتدني الدخل في الوطن لهذا السبب خرجنا لكن الافضل هذا اصبح سي والحمد لله ودخلنا في دوامة يصعب الخروج منها وانشل التفكير واصبح الواحد غير قادر علي ان يتحمل مصروف اكل العيال كأن الواحد شغال باليومية اذا حصل ظرف لاقدر الله او مرضت الله يكون في عونك يهرب منك اقرب الاقربين الامن رحم ربي ويا ويلك اذا قضب عنك الكفيل يزيد عندك الضغط ويزيد كمان عشان ماحققت اقل حلم خرجت من اجله وهو عمل بيت او غرفة علي الاقل تاويك وعيالك اذا رجعت لبلدك،بعض الاخوة ذكر المظاهر !! ده كان زمان انا ساكن 700 ريال في الشهر و كالعادة كريسيدا 82 وماعندي اي مسئولية غير اسرتي المكونة من 3 اطفال وتوفي والدي لهم الرحمة وبعض اهلي يحتاج الى مساعدة و لم يطلبوا ذلك لكن اشعر بالتقصير ناحيتهم وناوي ارسل الى اختي الحنونه اذا حصل ان تمكنت من ان اوفر شوية قريشات وما اظن!!! اوفر لان السيارة مؤجل تجديدها ومع هذا الهم عايز ادخل بنتي روضة تكلف 300 ريال في الشهر برضوا مؤجل دخولها الروضة بس الما مكن يتاجل قدر الله ان تحمل زوجتي والحمد لله ودعواتكم لنا ان يسهل الله امورنا وكذلك كل الشعب الطيب في الوطن وخارج الوطن ويحفظ الجميع

[kreediz]

العمر بنعيشو مرة واحدة بس

عشان كدا البس كوبس وأسكن كويس وأكل أكل كويس

خلونا زي اللبنانيين عشان أسكورنا عند الشعوب يرتفع

وبعدين المغترب زاتو البرجعو تاني السودان شنو

في زول بمشي جهنم

البزعلني زول شغال كويس وماساكن سكن زي الناس ولا بياكل أكل زي الناس ولا راكب عربية زي الناس ولا لابس لبس زي الناس .

زي توعية الناس الزي دي بحتقرها جداَ