عشان انا ما كنت مواكب معاكم من اول بوست
برجع ل ارشيف البوست دي
واعرف الشواكيش المكتوبة علشان لا تتكرر
واعمليكم صداااااااااااااااااااااااااااااااع شواكيش
عشان انا ما كنت مواكب معاكم من اول بوست
برجع ل ارشيف البوست دي
واعرف الشواكيش المكتوبة علشان لا تتكرر
واعمليكم صداااااااااااااااااااااااااااااااع شواكيش
اللييييييييييييييييييييييلا الحق ياعمر بعدو
لسا ياولدى بدرى عليك
شوف ياعمر الشاكوش دا كيف وادينى رايك
شاكوش زيدانى :D
قلبك ليه تبدل
صدّ وليه تحول
وأنا طول عمري مخلص
يا آخر حب و أول
أيه الشفتو مني
غير حبي وحنيني
أيامي القضيتها
من عمري و سنيني
أعبد في جمالك
يا ملهم فنوني
إن جرت خلاص نسيت
البينك وبيني
ما بنساك وحاتك
يا آخر حب و أول
يا بهجة شبابي
وأملي العشت ليهو
سقيتو بطيف حناني
سكبت حياتي فيهو
روحي حولو هايمة
تطوف تسهر عليهو
فكري بحبو سارح
مشغول ديمه بيهو
قول وحيات شبابك
قلبك ليه تبدل
قول وحيات عيونك
قول وريني مالك
خجلانه جوة قلبك
وعايش في خيالك
وهل أنا لسه عندك
حبيبك وكل آمالك
ولاّ خلاص نسيتني
و شاغل غيري بالك
ما بنساك وحاتك
يا آخر حب و أول
ياعمر شوف الشاكوش دا كيف
أعذريني ..
كنتي بالجد انت غايه ..
وكنتي في عيني آيه ..
وكنتي لى قلبي المكان الفيهو بتناسى الرزايا
وكنتي شاطئ للاماني وكنتي احلامي ومنايا
وفجـأة مـا لقيتك مـعايا ..
وبى وراك ضاعت خطايا ..
وتهت اعصر في مواجعي وفوق خشوم الناس حكايه
أعذريني ..
خـلي صورتـك تـبقى فـي عـيني مـكانا
وخلي قلبي يعيش عفافو اصلو بعدك تاه وعانى
وبى الفضل لى من كرامه تاني ما بحمل اهانه
ويبقى باقي العمر ماشي ويحكي للعشاق هـوانا
قصة من اجمل حـكاوي الريده كانت في زمانا
والله العظيم دا شاكوش شايقى خطييييييييييييييييييييييييييير :D
تاني كاتب لي خبارك؟
انت فاكر انو لسه قلبي تايه في مدارك؟
دي الديار خليتا ذاتا لما ضاقت بيّ ديارك
والبعاد الشايفو قاسي ما زمااااان كان بي اختيارك
لما رحت تجور عليّا ورحت ابعد من مسارك
كنت فاكر بنسي جرحك جيت تنمق في اعتذارك؟...
دة الجواب الجاني منك عندي صار ما ليهو قيمة
والهوي الكان بيني بينك عدّي بالشوق والهزيمة
وهسي لما طريت هوايا وقصة الذكري الاليمة
جاي تاني عشان تعاود للحكايات القديمة؟...
إلا هسة إنت انسى .. وحاول انسى
وحقو تنسى .. انو كان بيناتنا قصة
وأصلو ما يفكر قليبك اني بهواك انت لسه
دة الزمن استاذ بِقرّي واهو قدم لينا حصة
السهاد والغدر اساسا وما عليك ابداً بدسا
والكلام القلتو ليا كان بيمشي علي زمان
قبل ما تغدر عيونك وقبل ما يخوني الزمان
كم جرعت معاك مذلة واكتويت منك هوان
ودي الكرامة العندي أغلى من عيونك والحنان...
اصلو كان خادعني لونك والبريق الفي عيونك
والبسيمة الضاوية شمعة وباقة من اطراف سنونك
كلو كان تغليف مشاعر عكس ما بتحمل ظنونك.
.
انت لو فاكرني بحزن عشان فراقك او جفاك
تبقي موهوم في عواطفك اصلو قلبي زمااان نساك
ابتديت انساهو ليلك والسنين الراحو ديلك
وانسي جور كل الاماسي الفيها كم قاسيتو ويلك...
ويبقي ردي علي جوابك ..
يا جميل الرجعة لا لا
كوني ارجع ليك تاني الف مليون استحالة
ما البعاد انت البديتو يوم حرمت الروح وصالا
وانت عارف البادي اظلم ايه لزوم يعني الرسالة ؟
وانت لو فاكرني بحزن
عشان فراقك !!..يا حليلك يا حيليك .. ياااااااااا حليلك !
طووووووووووووولنا من الشواكيش عشان كدا جبنا ليكم شاكوش تااااااااااااانى وكمان شايقى
أنا تعبتا خلاص من جورك انـت علـى
تزعل بدون اسباب ومن تانى ترجع لـى
خليك معاى واضح لا يبقـى قولـك نـى
يا انت ابقى معاى يا انتـى ماليـك بـى
****
رغم الحصل والكان ياما صبرتـا عليـك
كان العشم جواى تصدق معـاى عينيـك
لكن غرورك فاض كتل البـراءة الفيـك
خلاك تقول مجبور أنا بكره برجـع ليـك
***
اوعك تظن فى يوم أنا قلبى برض الـذل
او يستكين هيمان ويرجـاك عنـد الضـل
انت الفتحت الباب وقت للخصـام ادخـل
وانت الزرعتا الشوك وقلعت شجر الفـل
***
أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فـوق الكرامـه وداس
مجبور اقول القـول القالـوا (بوفـراس)
***
فى شعروا قالوا كلام مدهش جميل يسبى
لا تملـك الحسنـاء مهمـا تكـون قلبـى
أنا برضى زيو كمان أعلنت لـى حربـى
وعايش قليبى بقول يا اخوانا آيـه ذنبـى
***
والله يا المريـود خليتنـى فيـك محتـار
مرات بشوفك نور مـرات بحسـك نـار
مرسالى وكتين جـاك قابلتـو باستهتـار
وما تنسي أى حديث دائماً بدايتـو شـرار
***
يا قلبى اصبر اصلو الظـروف قاصـداك
معليش إذا جاء الليل وخيم علـى دنيـاك
عـذراً إذا الأحـلام اكبـر مـن الإدراك
وعفواً اذا حبيت زول ماعـرف معنـاك
حضر كليمات الحنان زادو الغنى وشوقو الرحل
وأول محاوله للوصول داير مع النسمات يصـل
لكنو يركب فى البساط يلقى البساط مـنو اتمصل
فكر وقال عند المساء يرجاها فوق راس الجبل
وفى حلكة الليل الطويل يابانه لم الليل دخــــــل
شاف النجيمه معلقه وشاف روحو فى توب الجهل
براحه لملم أنتو فى ليلو واندرج نــــــزل
الشى العــجيب رغــم الفـــــــــشــــــــــل
لامله يوم لاحتى مـــــات فيهو الأمــــــل
الشى العــجيب رغــم الفـــــــــشــــــــــل
لامله يوم لاحتى مـــــات فيهو الأمــــــل
مون شاكوشك جا في الوقت المناسب
لانو في واحد صاحبنا قالو ماخد شاكوش طازه
وبالمناسبة دي دا شاكوش مستورد من حقيبة الفن
زيدني في هجراني في هواك ياجميل العذاب سراني
علي عفافك دوم سيبني في نيراني
لامتين تطراني انظرك في النوم جوز نواعسك راني
طرفي قصدو يراك وما قصدت تراني
ومابسيب حبك والله لو ضراني
يانعيم ازماني وياحياة روحي ويابهجة امدرمان
في الحياة غيرك مافي زول هماني
وفي بعادك ازايا وفي وصالك اماني
بلبل الاغصان غني بي ذكراك وبالنويح اوصاني
الجمال خصاك والعذاب خصاني
والدلال اوصاك علي دوام تعصاني
قادر الله ...شاكوش الحقيبة دا ما بدو لي اي زول..
دا كلو نيران
مادام هى ما راعت شعورك ولا ضميرا هى استحى
أنساها والبكا مابيفيد قشقش دموعك وأمسحا
كلمنى شن وداك قبيل تظهر مشاعرك تفضحا
خليت حى السوق رياض يانعة وزهورا مفتحة
طولت إيدك لى قطوف زهرة وغميسة مسارحا
زى ما هى عاشقة الإغتراب برضو أنت عاشق ملمحا
ما كنت يا مظلوم دوام دايماً تشكرا تمدحا
وما ترضى لو كان بالغلط بى كلمة انسان يجرحا
ما كت فوق كل البنات تسرد محاسنا تشرحا
كانت عواطف إنسان ضعيف ساكت جناحى مجنحا
انشاء الله منها تتعظ تكون عظات تتوشحا
كانت حساباتك غلط فى القسمة والضرب اتمحا
اتأنى فى جبر الكسور براحة أجمعا وأطرحا
وآخر شى كان تعلرف براك حتى الغرام بقى مصلحة
بت حوة يا مظلوم بقت بالمال عقولا ملقحة
يا ريت قلوبنا الناس بعد ما تحب تخش المشرحة
يبدو المكامن فى القلوب كيف الشرايين تنضحا
يتراجع الأخدو اللسان صح والله زى ضل الضحى
مغرورة ما دارت سكون بلدن شقاوة ودردحة
لا تمشى تنزل بى تحت لا حتى أرضك تنقحا
لا بوغة لا موية شراب لا واطة ماها مصلحة
لا شلت للمحرات فطور لا شتلة ماها مصفحة
كانت قبيل طمعانة فيك فارسن جيوبو متمسحة
دايراكا يوم جيت للعرس نار الله فى الناس تقدحا
الشيلة بالشنط الكبار مقفولة راقدة مبطحة
فى الحلى والناس دار تشوف راجين متين تجى تفتحا
وكان بالا فى شهر العسل طول الزمن ما يبرحا
ترحل معاك لى بيت كبير موكيت وحيطو مسلحة
عربيتك الملك الحلال ..جلد النمر والملفحة
بوتوجاز مولع وديب فريزر وأب رموت والمروحة
تسرق مناها قبل يتم وكل المشاعر تضبحا
ويا جعفر الحياه مدرسة ودايما مقررا فى الصحى
ممكن نعينك فى الدروس لو إنت غلبك تشرحا
وأعرف بأنو أول درس الزول بياكل الملحا ...
*******************************************
مادام هى ما راعت شعورك ولا ضميرا هى استحى
أنساها والبكا مابيفيد قشقش دموعك وأمسحا
كلمنى شن وداك قبيل تظهر مشاعرك تفضحا
مون دا درس من نوع تاني ....النوع دا بعجبني شديد
وكمان بي حليفتو
حلفتك يا قلبي حلفتك بربي خليهو الغرام
إتنكر لحبك وريهو الخصــــام
ليه تتهان يا غالي ليه والذل حرام
تتعذب لوحدك ليل والناس نيام
إن جاك يوم يصالحك قول ليهو الكلام
أوع يعـود حنينك و ترد السلام
أوع يا قلبي تنسى في لحظة الوصية
أنا عرفك حنين بتشمت عليــا
أوع يا قلبي تنسى أوع يا قلبي الحته دي جميلة شديد تريح ...
حلفتك يا قلبي الخانك تخونو
والفايت غرامك أوعك يوم تصونو
وزي ما بكى عيني سهر لي عيونو
أوع تقولي تاني ما بنعيش بدونو
أيه في الحب لقيناغير همّو وشجونو
أوع يا قلبي تنسى أوع يا قلبي
بعد الحليفه دي ما في كلام....واوعا يا قلبي تنسا
فعلا ما معقول اصلو ما معقول
طيب دا شاكوش نظام فات الاوان
فات الأوان وما قادر أصدق انو نحن أوانا فات
كيفن سنين الحب تفوت يا داب ظلال أفراحها جات
وكيف نفترق نقطع صلاتنا يوم ما بدت بينا الصلات
فات الأوان شيع غرامنا الاتولد ساعتو اللي مات
وبعدين تجي الحسره والبكا الشديد
الله لحبي الاندثر يوم ما ظهر ما ذاق شباب
الله لقلبي الاحترق يوم انفتح للجنة باب
الله لشمعاتي الطفن يوم الظلام بالفرحة داب
الله لعمري الانتهي يوم ابتديت أحسب حساب
وقول الوداع فات الأوان يا ريتو فات قبل الأوان
وفاااااااااااات تررارررم ترارررم
فعلا ما معقول اصلو ما معقول
طيب دا شاكوش نظام فات الاوان
فات الأوان وما قادر أصدق انو نحن أوانا فات
كيفن
الله لحبي الاندثر يوم ما ظهر ما ذاق شباب
الله لقلبي الاحترق يوم انفتح للجنة باب
الله لشمعاتي الطفن يوم الظلام بالفرحة داب
الله لعمري الانتهي يوم ابتديت أحسب حساب
وقول الوداع فات الأوان يا ريتو فات قبل الأوان
وفاااااااااااات تررارررم ترارررم
فات الاوان .........وياريتو فات قبل الاون
روعه ياعمر
رد: الشواكيش في الاغاني السودانيه
رد: الشواكيش في الاغاني السودانيه
رد: الشواكيش في الاغاني السودانيه
رد: الشواكيش في الاغاني السودانيه
