أيامنا الجميلة.......... هام يجب على كل الأعضاء المشاركة

[محمد نعيم]

[align=center]وينكم يا ناس




معقولة كنتو هاديين للدرجة دي و انا ما عارفة ولا شنو[/align][/size]

نحن قصصنا بتشيِب الرأس لو حكيناها ليك

احسن نسكت ساي

[الحلاوية]

نحن قصصنا بتشيِب الرأس لو حكيناها ليك

احسن نسكت ساي

[align=center]ولا يهمك يا عمو

( أصلا دي القصص اللي انا جارية وراها )[/align][/size]

[الحلوين]

مشيناها خطنا كتبت علينا
ومن كتبت عليه خطنا مشاها
مشكوره الاخت الحلاويه ....
علي موضوعك الجميل وفعلا ان الزكريات هي جميله ورائعه وكلما الواحد تزكر تلك الايام الدراسيه بحلوه ومره ينتابه الحنين .فالكل منا ايام رائعه وهي تبقي في القلوب ولن تنمحي زكرها ابدا.
وبصراحه انا كنت بكره ماده واحده والي الان بكرهها لكين بجيب فيها المرور كيف انا لااعرف ماده الرياضيات.
وكنت في المتوسط لمن يكون في امحتان اسبوعي ولا هناك تمرين في فصل جديد اذهب ااخذ ك دفتر العياده واذهب الي الطبيب واقول عيان حتي يعطيني راحه حتي لا احضر الحصه
ومثلي طبعا كثيرون في ذلك اليوم وطبعا الدكتور لمن يعرفك انت مستهبل يقوم يعطيك حقنه لانك انت اصلا غير مريض تقوم تحكي ليه مرض من راسك هههههههههه
هذه من الاشياء التي كنا نقوم بها كشله ودفعه.وهي كثيره لكين فعلا انه جميله وسنحكيها للاجيال اذا الله امد في العمر.
مشكوره اختي وتقبلي مروري

[بعد الزمن]

اذكر انوا انا ومعاي تلاتة من زملائي فى سنة ثانية ثانوي, ما امتحنا , جو لوجيا (علم الارض)
والاستاذ , بى الله ويا مين , قبل عذرنا بعد الواسطات من هنا وهناك
المهم حددلينا الامتحان , قالينا يوم الاحد فى مكتب وكيل المدرسة ,
المهم جيناه , فى اليوم المحدد , جينا مكتب الوكيل , وليقنا استاذ
الجولوجيا قاعد فى المكتب ومعاه الوكيل , سلمنا وقالينا
يا الله بمليكم الاسئلة وانتوا اكتبوا , المهم بملينا
ونحن نكتب لما انتها , لقينا الاسئلة صعبة
وبقينا نعاين فى بعض , ومافى سؤال قبال كده
سمعنا بيه , ربع ساعة ونحنا نعاين فى وجوه
بعض , شوي الاستاذ والوكيل انتبهوا
وقالو لينا مالكم ما قاعدين تجاوبوا الامتحان
بس 45 دقيقة , ولما شاف مافى زول
جاوب , قلينا الاسئلة صعبة , خلاص
بغيره ليكم , المهم الاستاذ فتح الكتاب
داير يغير الاسئلة واحد من الشباب
قال ليه يا استاذ ده كتاب ناس
ثالثة ونحن ثانية ,
قام يضحك , وقلينا , انت طلاب
مهملين وماعارفين الدرسته شنوا
انا اديتكم اسئلة ناس ثالثة وانت
ليكم ربع ساعة مافى زول منكم
قال لي انوا ده ما مادتكم
ديل انكم مهملين وما بتحضروا
الحصص وما عارفين منهجكم زاتوا
الله امشوا مافى امتحان ولا حاجة
ما داير اتبع يدي وانا عارف
انكم ما حتجاوبوا , طردنا
من المكتب وشيلنا المادة ملحق
فى اعمال السنة , وكلم الاساتذه
بقى كل استاذ لما يشوفنا يضحك
وبقى الوكيل كل ما بشوفنا
بنادينا بقولينا انت ماطلبة
ولا حاجة , انت زيادة عدد فى المدرسة
وكل مشكلة تحصل فى المدرسة طوالى
الوكيل , بدخلنا فيها , بس السنة
ديك كانت لي زي الجحيم
كلها تهدات ومشاكل كتيرة
بس سنة تالت حولت من المدرسة ديك

بااااااااااااااااااااااااااااااي

[الحلاوية]

اذكر انوا انا ومعاي تلاتة من زملائي فى سنة ثانية ثانوي, ما امتحنا , جو لوجيا (علم الارض)
والاستاذ , بى الله ويا مين , قبل عذرنا بعد الواسطات من هنا وهناك
المهم حددلينا الامتحان , قالينا يوم الاحد فى مكتب وكيل المدرسة ,
المهم جيناه , فى اليوم المحدد , جينا مكتب الوكيل , وليقنا استاذ
الجولوجيا قاعد فى المكتب ومعاه الوكيل , سلمنا وقالينا
يا الله بمليكم الاسئلة وانتوا اكتبوا , المهم بملينا
ونحن نكتب لما انتها , لقينا الاسئلة صعبة
وبقينا نعاين فى بعض , ومافى سؤال قبال كده
سمعنا بيه , ربع ساعة ونحنا نعاين فى وجوه
بعض , شوي الاستاذ والوكيل انتبهوا
وقالو لينا مالكم ما قاعدين تجاوبوا الامتحان
بس 45 دقيقة , ولما شاف مافى زول
جاوب , قلينا الاسئلة صعبة , خلاص
بغيره ليكم , المهم الاستاذ فتح الكتاب
داير يغير الاسئلة واحد من الشباب
قال ليه يا استاذ ده كتاب ناس
ثالثة ونحن ثانية ,
قام يضحك , وقلينا , انت طلاب
مهملين وماعارفين الدرسته شنوا
انا اديتكم اسئلة ناس ثالثة وانت
ليكم ربع ساعة مافى زول منكم
قال لي انوا ده ما مادتكم
ديل انكم مهملين وما بتحضروا
الحصص وما عارفين منهجكم زاتوا
الله امشوا مافى امتحان ولا حاجة
ما داير اتبع يدي وانا عارف
انكم ما حتجاوبوا , طردنا
من المكتب وشيلنا المادة ملحق
فى اعمال السنة , وكلم الاساتذه
بقى كل استاذ لما يشوفنا يضحك
وبقى الوكيل كل ما بشوفنا
بنادينا بقولينا انت ماطلبة
ولا حاجة , انت زيادة عدد فى المدرسة
وكل مشكلة تحصل فى المدرسة طوالى
الوكيل , بدخلنا فيها , بس السنة
ديك كانت لي زي الجحيم
كلها تهدات ومشاكل كتيرة
بس سنة تالت حولت من المدرسة ديك

بااااااااااااااااااااااااااااااي

[align=center]ده انتو كنتو عاملين بلاوي

[/align][/size]

[بعد الزمن]

ده ما بلاوي ده اسمها نحاسه

[الحلاوية]

ده ما بلاوي ده اسمها نحاسه

[align=center]أوكي يا سيدي

نحاسة .. نحاسة .. [/align][/size]

[مسطوول بس كوول]

تسلمي على الموضوع العسل ده ياعسل ونبدا الحكاية...

طبعا القديمين في المنتدى عارفين انو انا كنت بدرس في السعودية لحد المتوسطة...

كان في المدرسة المتوسطة عندنا استاذ خيووووووبة كده(مانافع) (مجلط شعرو-النظاره فوق الشعر المجلط-

منزل قصة طويلة على وشو-وكان طبعا الاستاذ بتاع الرياضة...)المهم..

يوم من الايام اتاخرت في حصتو وما جيت طوالي وكان معاي تلاتة اصحابي سودانيين ومصري...

اول ما جيت شبكني ليك انتوا يازولة(بطريقة مسخرة) اتاخرتو ليه؟

وقام دقاني بمسطرة...

بعدها مع الدقة وكلمت زولة ده مالقيت نفسي الا وانا واقع مط في الاستاذ ومعاي التلاتة كلهم باالمصري

صاحبنا برضو...




ده كلو عادي الغريبة انو رفدوني لمدة اسبوع برااااااااااااي ولا زول من ديلاك سالوه...

رجعت البيت الحاج قالي مالك الليلة؟

قلت ليهو اللي حصل تاني يوم مشى المدرسة واتكلم مع المدير وخلى الاستاذ يعتذر ورجعت للدراسة تالت

يوم (مع انو انا كنت قافل على الاسبوع الاجازة ده لكن الحاج _الله يديهو العافية_ ماقصر...)

[الحلاوية]

[align=center]مسطوووووووووووووووووووووووووول

دايما كده مسطوووووووووووووووول

يسلمو يا زول

بس قلتا لي قافل على اسبوع اجازة ههههههههه[/align][/size]

[بنت العمدة]

بوست رائع بتذكر يوم فى سنة 2 ثانوى كنا بنلعب كرة يد(رياضتى المفضلة) وانا كنت القائدة بتاع الفريق بتاع الصف قمنا عملنا لعبة مع سنة1 ثانوى طبعا كانو كلهم عاملين زى النمل ضعاف وصغار وانا من ذكائى الخارق قلت نلعب من غير حكم و بدون اى قوانين يعنى خبت و كفت ساااااااااى
كنت قايله الليدر بتاعتهم زيهم (حاجة كده ضعيفة و قصيرة)بس الساعة الجاتنى واحدة سمينة شددددديد وطويلة اطول منى زاتو قلت ليهم دى منو؟ قالو دى القائد بتاعهم طبعا بلعت ريقى وهى من شدة الطول لمن مغتية الشمس زاتو وبدت اللعبة واللى رجعت و ما عندها شعر اصلا واللى رجعت ورجلها ملوية
اما انا رجعت باكبر كبعة ولبعة فى ظهرى وما قدرت انوم 3 يوم
و ندمت على اليوم الخلانى العب يد
(نصيحة من مجرب ما تسخروا من الاصغر منكم يمكن يكونوا سمان واطول منكم)