جيتك الليلة وشايل جراح ،،، شواكيش بنات حوا وغنى المغارز البيتغنو بيهو ، قال شنو نحنا ذئاب ، والله ديل فاتو إبليس زاتو في الخيانة .
القصة بتقول
مسكين : معقولة في جمال ز ي ده انا أموت ركن واندفن ناصية – وابتاسمة بريئة مع غمزة عين .
هناي : ممكن نتعرف .
هناية : جداً لي الشرف .
..........................................
ومن هنا بدت الحكاية ، حب وغرام – نظرة – إبتسامة – حب – لكين ............
..........................................
هناي لصحبو : والله انا يا صحبي اتعرفت لي على دامة كده تبكي وتبكي .
صاحبو : أخيارً وقعت في شرك الغرام يا صحبي ... لكين اعمل حسابك بنات حوا غدارات .
هناي : لالالا . دي انسانة مختلفة ، كلها رقة وذوق ، ياخي دي لو قلت ليها أرمي روحك في النيل عشاني ما حتتردد .
صحبو : خلاص ربنا يهنيكم ، يلا متين حتعرفني عليها .
هناي : بكره طوالي يا صحبي ، عشان تعرف ذوق صحبك .
..........................................
وجا يوم بكره –
يا يوم بكره ما تسرع تطفي لي نار وجدي .
..........................................
هناي وصحبو قاشرين الحتة الفي الحبل .
هناي : اعرفك يا صحبي دي حبيبتي فلانة .
صحبو : اتشرفنا والله ، صحبي حكى لي عنك كتير حمانا النوم زاتو .
هناية : اهلين بيك انا لي الشرف - وهي محمرة خجلا – وعيونها ما نزلت من صاحب هناي .
وتمت الليلة ديك على خير
..........................................
هناي : اها يا صحبي رايك شنو في اختيار صحبك .
صحبو : والله مية المية يا قليبو ، الحاجة ظااااابطة ، ربنا يهينكم ببعض .
................................................................
يوم هناية قابلت صاحب هناي داك صدفة .
هناية : وين يا انت – مالك ما ظاهر – كل مرة بشوف هناي بسأل منك .
صحبو : اهلا والله – كيفك – والله بسأل منك طوالي – إنشاء الله صحبي ده ما متلوم معاك .
هناية : بنبرة صوت دافي كده – والله الأيام دي ما عاجبني – بيسرح كتير وأخلاقو بقت ضيقة شديد .
صحبو : والله هو فعلا الايام دي ما عاجبني .
هناية : عارف ليهو كم كده ما كلمني ولا حاجة
صحبو : ما عندك مشكلة – انا حسألو واعرف ليك مالو .
................................................................
هناية لصحبتها الماسورة : عارفة هناي حبيبي عندو صحبو مباااااااااااالغة .
الماسورة : سمح ولا شنو .
هناية : حلبي كده وشعرو ناعم – مازي هناي داك عامل لي جادي وشاكي لي نصو كده زي هيثم مصطفى .
الماسورة : وااااااااااااي وتاني واااااااااااااي – اريتو خطيبي اضهب بيهو قدام الموهومات ديل .
هناية : عارفة بيشبه تامر حسني كده – وكمان صوتو – واااااي من صوتو – تقولي حسين الصادق .
الماسورة : يا بت انتي قفلتي على الولد ولا شنو ؟ - هيييييييييي خليك قنوعة – سيبي لي وعرفيني عليهو .
هناية : ده شنو الكلام ده – ده بدل ما تشوفي لي حل اخلص من الفاكيها في روح واحلو الفت نظر صحبو داك لي .
الماسورة : ووووووووووووب علي – دايهر تشختي على هناي شخيت .
هناية : آآآآآآآآآآآآي – لكين داك عذاب دبل لستق – بس وقلي لي كيف الفت نظرو
الماسورة : عندي ليك شرك ما حيجلي نهائي – ألصقي ليهو في حتة يكون بيقعد فيها .
هناية : والله فكرتك مبالغة – وكان ظبط الشرك حقك ده ليك الحلاوة .
الماسورة : لكين لقيتك خفيفة ريشة بس – بكاااااااااية جنك اولاد .
...................................................................................
ومرت الأيام
يوم لقت صاحب هناي في كفتريا الجامعة مستني هناي .
هناية : دي فرصتي الوحيدة – أمشي يا بت إتمكيجي وفكي شعرك وضبي الحزام خلي يعجب بيك .
هناية : وين يا حبو – مشتاقين والله – شنو يعني ما شايفنك ليك وحشة مووووووووووت .
صحبو : والله انتي اكتر ، سحبنا الله حسي كنت بفكر فيك ، قلت البت دي لي مدة ما شفتها .
هناية : في سرها – واااااااااااااي انت بتسال مني – انا من كتر سؤالي عنك لما ريقي نشف .
هناية : والله ما بتقصر – اها عندك تايم ولا شنو ؟
صحبو : لالا والله منتظر صحبي بس لي مدة ما لاقيتو .
هناية : هو كلمني قال الليلة عندو بحث مهم وما حيطلع بدري .
صحبو : غريبة مع انو متفقين نتقابل هنا بعد شوية .
هناية : البحث ما كان عارفو – وانت مالك يعني ما داير تتونس معاي ولا شنو .
صحبو : بالعكس والله – خلاص تشربي شنو انا الليلة عازمك .
هناية : معقولة بس انت ضيفي انا حعزمك .
صحبو : خلاص المرة دي حوافق لكين المره الجاية لازم تكون علي .
هناية : يعني توعدني حتكون في مرة جاية .
صحبو : اكيد معقولة بس انا لاقيك وين – نظام مجاملات وكده .
هناية : بتشرب في العصير وبتعاين ليهو بتلعب بشلاليفا – اها ما قلت لي انت مرتبط ؟
صحبو : والله لسه ما لقيت بت الحلال .
هناية : البنات ديل ما بيشوفو ولا شنو ؟
صحبو : تقولي شنو بس
هناية : في سرها – لازم يا بت تحركي الزول ده وإلا حيطير منك كان جات الماسورة ديك .
هناية : عارفة انا كنت مخدوعة في صحبك هناي – احتمال كان اعجاب بدون تفكير – وكل مرة بحاول افهمو لكين هو ما بيحس .
صحبو : ده كلام شنو يا انتي – والله هنا يده زول ملك وأخو اخوان .
هناية : في دي معاك حق – لكين انا معجبة بزول تاني بصراحة – من يوم شفتو شال عقلي وقلبي مشغول بيهو .
صحبو : طيب طالما كده كلمي هناي عشان ما يتصدم .
هناية : المشكلة ما حينفع – الزول الانا بفكر فيهو صحبو .
صحبو : صحبو ؟ معقولة – ده من وده انا بعرفو ؟
هناية : بصراحة أيوة – وازيدك كمان الزول ده هو انت .
امممممممممممممممممك هناية انداحت شديد
صحبو : لكين كيف ؟ ده صحبي وانا ما حخونو لو مهما حصل
هناية : انت كده حتقتلني بكلامك ده – انا حعترف ليك – انا بحبك بالجد ومستعدة اعمل حاجة عشان انول حبك لي .
صحبو : معلي شانا حستاذن – وياريت لو تشيلي الكلام ده من راسك – انا وصحبي مافي وحدة حتفرق بينا .
تمر الايام وصحبو ما جاب سيرة لهناي بالموضوع وعمل نايم
..............................................................................
وفي يوم كان في لقاء بين هناية وهناي
هناي : انتي ليك كم يوم كده ما عاجباني
هناية : صاره وشها – مافي حاجة بس بصراحة انت بقيت ممل .
هناي : ده شنو الكلام ده – انتي مالك الايام دي – ما طايقه لي كلمة كده .
هناية : بصراحة نحنا لازم نضع حد لعلاقتنا دي – يا تجي تتقدم لي الليلة وتعقد ولا تنسى البينا كلو .
هناي : انتي عارفة ظروفي يا هناية – انا لسه طالب – ونحنا اتفقنا انو لما اتم قرايتي واشتغل اجي اتقدم لي ونتزوج .
هناية : وانا حفضل مربوطة كده لحدي متين ؟ موت يا حمار – انا في في زول متقدم لي واهلي ضاغطين علي .
هناي : خلاص يازول – طالما انتي دايره كده على راحتك – شوفي الفي مصلحتك وسوي .
هناية : شفت كيف اتخليت عني بسرعة كيف – انا زاتي غلطانة – ضيعت زمني مع زول ما مسئول زيك – يا زول الله معاك .
هناي : انتي شكلك ما صدقتي ودايره ليك سبب عشان ترتاحي مني – كويس الله يوفقك .
......................................................................................................
تلفون بيرن ده تلفون منو
ديييييييييييييييييييييييييشك .
صحبو : ده شنو الرقم الغريب ده – كدي النرد .
صحبو : الو – مرحب
المتصل : اهلا وسهلا – انا هناية – عرفتني .
صحبو : آي عرفتك
هناية : انا خلاص البيني وبين هناي انتهى – حسي الطريق فاضي قدامك – ياريت لو ترحمني من العذاب العايشاهو ونتقابل .
صحبو : آي هو حكى لي بصراحة – وزعلت جدا على الحصل – واتأكدت انك بالجد بتحبيني يومها .
هناية : واااااااااااااااااااااااي اخيرا قدرت تحس بي – يلا انا راجياك تعال لي خليني اكحل عيوني بشوفتك .
صحبو : خلاص كلها ساعة اجيك في كفتريا الركن الهادي .
هناية : وانا منتظراك على أحر من الجمر .
صحبو : خلاص على موعدنا .
توت توت توت توت توت .
صحبو : شفت كيف يا صحبي – انا مش قلت ليك بنات حوا ديل ما مضمونات .
هناي : معقولة – انا ما مصدق السمعتو ده – فعلا كلامك صح ديل غدارات على قولك .
صحبو : خلاص انا حمشي ليها ونتا معاي عشان تعرف انو انو ما حتقدر تفرقنا .
.......................................................................................................
واتقابلو التلاتة تاني للمرة التانية .
لكين المرة دي لقاء وداع أخير .
هناي : طلعتي خاينة يا هناية – تخونيني مع صحبي الوحيد –
ما لقيتي غير صحبي الوحيد
كان تمشي انتي مع السراب
تبقى الخيانة بعيد بعيد
وسيبي لي صاحب العمر
احكيلو هم قلبي البيريد
انا شفت ريدكم في العيون
والريدة ما بتحتاج لبيب
لكني كذبت الظنون
واخترت لي روحي النحيب
والشكوة من قل الوفاء
والقسوة من حظي العنيد
اصلو اسباب قربو منك
كنت بحكي ليهو عنك
بي قليب مليان محبة
همو كلو رضاك وحنك
والبيخون في يوم صديقو
تاني عااد كيفن يريـد
وتبقي انتي ويبقى هو
والمقادير والنصيب
ابقى رضيان بيها قسمة
والجاية من الله بتصيب
الا انتي ابقي راضية
وكل يوم اسال واعيد
لكن يا هناي ( حبيب الناس )
جنس غرز والله يحفظنا
حبيب الناس ياااااااااااااا
بتاع الغرز والمغارز يا تري
انت هناااااااااي ولا صحبو
نياااااااااااهااااااااااااااااع
فقط مزحة
بوست اكثر من رائع
وكثر من الغرز دي يستفيدوا
الجنسين ,
كااااااااااااااك
الشمالي كتب:لكن يا هناي ( حبيب الناس )
جنس غرز والله يحفظنا
حبيب الناس ياااااااااااااا
بتاع الغرز والمغارز يا تري
انت هناااااااااي ولا صحبو
نياااااااااااهااااااااااااااااع
فقط مزحة
بوست اكثر من رائع
وكثر من الغرز دي يستفيدوا
الجنسين ,
كااااااااااااااك
الليلة عوووووك يااخوانا شوفو الغرز دي كيف دي مش غرز دي غدر الزمن عديييل
الله يكفينا شر ناس هناية وهناية ... وشر المحن ماظهر منها ومابطن
اناجاري اتلم علي اهلي قبال ماتجيني غرزة طايرة
الليلة عوووووك يااخوانا شوفو الغرز دي كيف دي مش غرز دي غدر الزمن عديييل
الله يكفينا شر ناس هناية وهناية ... وشر المحن ماظهر منها ومابطن
اناجاري اتلم علي اهلي قبال ماتجيني غرزة طايرة
غاايتو قصة حلوة بالجد هناية دى انا كان لقيتها والله اطلع دمها اهانت الجنس اللطيف بتصرفاتها الخبيثة دى لكن ما بقدر انكر صح فى بنات كده تقبل مرورى اخى حبيب الناس
