وطنا الهلال

[عم عبدالرحيم]

الله علي الوطن الهلال يا أزرق الـموج الهدير
يا قيمة العشق الحـلال في كل بيت حبك كبـير
الناس بتتـنفس هـلال تمشيك فى المشوار مسير
الله على الوطن الهلال
انت الهلال قمة ومقـام يا مارد افريقيا المـخيف
الكورة تـتــكلم كـلام عن اى لاعب فيك حريف
معزوفـة الفن يا سـلام بين المـرابط والـرديف
الله على الوطن الهلال
الكوتش فى التكتيك خبير نظم خطوط كـل الفريق
خط الدفاع صـنديد قـدير والمرمى بالحارس يضيق
خط الهجوم سرعة وخطـير خط الوسط للفوز طـريق
الله على الوطن الهلال
جمهورك المشتـاق شـديد طوالى فى الملعب معـاك
الهجمة قامـت مـن بعـيد مـلعـوبه فاتت اى بـاك
والقون بـكون اروع نشـيد بين الـمساطب والشـباك
الله على الوطن الهلال
فى دورة الابـطال قـديـم كل الأفـارقة بـيعرفوك
انت الهـلال انت الـزعـيم الفيفا والكـاف صـنفوك
يا عـزة الوطـن العـظـيم و الكاس عليك تاج الملوك
الله على الوطن الهلال

[الدغري]

بالرغم من أنو أن هلالابي .........

لكن ما شايف أي تكتيك الا ضد الموردة وجزيرة الفيل

بس الهلال والمريخ فالحي مع الفرق الصغيرة

[عم عبدالرحيم]

كلامك صاح والله

[نرجس]

نص جميل بس يارب يكون على أرض الواقع
هلالية حتى النخاع

[عم عبدالرحيم]

شكر لك اختى نرجس و الله يديك العافيه

[بعد الزمن]

هلالابي حتى الموت
كلامات روعة
وشكرا

[ود ريا]

الله على الوطن الهلال

[عم عبدالرحيم]

اشكرك اخى بعد الزمان و الله يديك العافيه

[عم عبدالرحيم]

اشكرك اخى ود ريا على هذه الكلامات التى دخلت قلبى

[سيد البيت]

اشكرك عم عبد الرحيم
على سيد لبلد الله يديك االعافيه

[عم عبدالرحيم]

الله يعافيك اخى سيد البيت

[مرسال الشوق]

ايوووه خليك كدا اشدو وغني وابدع في سيد البلد هلالنا العظيم
سيد البلد فاز وعرض
وفريق الحجارة اتقلب واتمرض

[عم عبدالرحيم]

اشكرك اخى مرسال الشوق وانشاء الله دايما سيد البلد فائز

[إبنة النيل]

بالرغم من اني هلالابية ومتعصبة كمان
كلمة حق اقولها بلدنا ما فيها كورة نهائي لا هلال ولا مريخ ولا.......
انا
بحب الهلال وبعشقه بتمني يلعب كورة زي البنشوفها في التلفزيون لكن انحن وين وهم وين

بالرغم من تاريخنا في الكورة اعرق من كتير من الدول لكن صراحة سبقونا بي كتير


شكرا عم عبد الرحيم ويارب دائما منتصرين

[الشمالي]

مبروك هلالنا سيد البلد
وهلا عم عبد الرحيم

[عم عبدالرحيم]

كلام صحيح اختى ابنة النيل بس الخطاء من المدرب
شكر ابنة النيل على الراى الصريح

[د.علاء]

أشكرك عم عبدالرحيم
أنا هلابي عالساطور مش عالسكين
وأقول
بالطول بالعرض هلالنا يهز الأرض

وهاردلك للمريخ

[رفعتي في ديني]

هووووووووووووووووووووووووووي هلال منو
هلال شنو

كلام ساي

كضابين كضابين
والحارس ادو احمررررررررررررررررررررررررررررر من الكضب
بعدين الخميس الفات دا احنا خليناكم تقوزو ساي عشان نفسياتكم التعبانة
ساطور شنو يا دكتور علاء
الله يعين

[عم عبدالرحيم]

اشكرك اخى الشمالى على المرور

[عم عبدالرحيم]

اشكرك د. علاء و المريخ اتعود على الخساره