كلام والسلام

[اشرف.]

اقسي حاجة الظلم..
واظلم حاجة الظن..
واظن ناس البنات..
والبنات زى الزمن ..
والزمن غداااااااار..
والغدر خيانة..
والخيانة بقت مشروعة..
والمشروعية عذبتنا..
والعذاب الوان..
والالوان كتيرة..
والكترة غلبت الشجاعة..
والشجاعة حليلها..
وحليلى انا وحليلى معاك..
ومعاك الالم عندو طعم..
وطعم الفراق مر..
ومرارتى انفقعت..
والانفقاع ذاتو تنفيس..
والتنفيس بقي الحل الوحيد..
والوحدة امل البلد..
والبلد خربت..
والخراب خشم بيوت..
والبيوت ملاااااااااااااانة وجع..
والوجع بجيب المشاكل..
والمشاكل بداية النهاية..
والنهاية نهاية بطل..
والبطولة زمنها ولى..
والولاية الخرطوم..
والخرطوم كبيرة..
والكبير الله..
والله في .. عوجة مااااااااااااافي.

[الحلاوية]

[align=center]

هو صح كلام و السلام

لكن كلام جميل جدا[/align][/size]

[saare]

§¤~¤§¤~¤§تـــــــســــــــــــــلــــــــم §¤~¤§¤~¤§

[محسية]

تسلم على الكلام الجميل والسلام الاجمل
يعطيك العافية

[اشرف.]

شكرا يا المريتو على
والعلى انا كتييييييييييييير
وكتير الهم ولا غريق البحر؟
والبحر بشيل عوامو
والعوم رياضة صحية
والصحة بقت مامساعدة
والمساعدة عمل خير
والخير باقى في امة محمد لى يوم القيامة
وانا قيامتى قامت
والقومة للوطن
والوطن جريح
والجرح ببرا كعب الضبح
والضبح في السوق والسلخانة
والسلخانة معذبة الجزارين عذاب شديد
وشديدة العيون الشافتك
والشوفة بقت غاااااااااااااالية
والغلا قد جيوبنا
وجيوبنا اصلا تعبانة
والتعب والاكل الكعب
والكعوبية ماحبابها
وحباب النيل حباب الغابة
والغابة فيها الاسد
والاسد ذاااااااااتو الحكومة دخلتو القفص
والقفص يشيل منو ويخلى منو؟؟
ومنو القال ليك بنتحمل فراق عينيك
وعينيك لمهن عليك
والعليك بتعرفو براك
وبراك سويتها في روحك
وروحك في يد خالقها
وخالقها الله
والله في .. عوجة واااااااااااااااااااااااااااحدة مافي.

[mis.silent]

فعلا
الله في ...وعوجة مااافي

[اشرف.]

السلام عليكم
وعليكم الله اسمعونى
السمع مازى الشوف
وشوفوا كلام والسلام دى في منتدى الروايات والمسرح
والمسرح خشبة
والخشب بقي غالى
والغالي بي غلاتو يضوقك حلاتو
والحلا حلاة الروح
والروح حقتى البنات سلنها
وسل الحبيب زى اكل الزبيب
والزبيب بقوى الدم
والدم سائل حيوى
والحيوية نفسيات
والنفسيات تعبانة
والتعب تعب الضمير
والضمير نوعين
نوع حي ونوع ميت
والموت علينا حق
والحق عمرو مايضيع
والضياع بقي موضة
والموضة خليناها للبنات
والبنات يتجازن قصرن الطويل وضيقن الواسع
ووسعن صدركن عارف كلامى حار
وحارة النصيحة ولا غريب الشيطان
وشيطان وااااااااااااااااااحد غيركن مافي
ومافي حل غير نرجع لله
والله في .. عوجة واااااااااااااااحدة مافي .

[عم عبدالرحيم]

و الله موضوع جميل و جزاك الله خير

[معتبر]

الله في وعوجه مافي

[بعد الزمن]

لا كلام بعدك لا اضافة
كفيت ووفيت
وشكرا

[mis.silent]

كلماتك جميلة
والجمال شيء نسبي
ونسبية اينشتاين جننتنا
والجنون فنون
والفن الايام دي هابط
والهبوط علاجه درب ملح
الملح عندنا بالهبل نحمد الله
والله في ........عوجة مااااافي


"اها رأيك شنو يا أشرف بعرف اكتب؟"
تقبل مروري

[الفرح المهاجر]

عوجة مافى
وفايدة مافى
والحمد لله

[دمـ البحر ـوع]

والضمير نوعين
نوع حي ونوع ميت
والموت علينا حق
والحق عمرو مايضيع

[اشرف.]

بسم الله الرحمن الرحيم
والرحيم هو الله
والله هو السلام
والسلام عليكم ورحمة الله وبركاته
والبركة قلت في الزمن ده
وده الجنن بوبي
وبوبي ده اى كلب صغير في نظر الاطفال
والاطفال يعنى البراءة
والبراءة انعدمت
والعدم وصمة الخشم اخير منهن الكحة
والكحة معدية والعدوى فتاكة
والفتاك هو المرض الخطير
وخطير المرض ولا ضعيفة المناعة
والمناعة ياذاتية ويا مكتسبة
والمكسب معرفتكم ياناس الراكوبة والراكوبة دقتها المطرة بس ما وقعت
والوقعة بتعلم المشي
والمشي رياضة
ورياضتنا المفضلة الكورة
والكورة الحكام خربوها
والخراب خراب سوبا
وسوبا بعيدة
والبعد بعد المسافة
والمسافة البينا يعلم بيها الله
والله في .. عوجة واااااااااااااااااااااااحدة مافي .

[الفرح المهاجر]

بسم الله الرحمن الرحيم
والرحيم هو الله
والله هو السلام
والسلام عليكم ورحمة الله وبركاته
والبركة قلت في الزمن ده
وده الجنن بوبي
وبوبي ده اى كلب صغير في نظر الاطفال
والاطفال يعنى البراءة
والبراءة انعدمت
والعدم وصمة الخشم اخير منهن الكحة
والكحة معدية والعدوى فتاكة
والفتاك هو المرض الخطير
وخطير المرض ولا ضعيفة المناعة
والمناعة ياذاتية ويا مكتسبة
والمكسب معرفتكم ياناس الراكوبة والراكوبة دقتها المطرة بس ما وقعت
والوقعة بتعلم المشي
والمشي رياضة
ورياضتنا المفضلة الكورة
والكورة الحكام خربوها
والخراب خراب سوبا
وسوبا بعيدة
والبعد بعد المسافة
والمسافة البينا يعلم بيها الله
والله في .. عوجة واااااااااااااااااااااااحدة مافي .

عوووووووووووك
ياخوى شنو الليلة 3 و4 الحاصل
شنو شكلك كدا مخمر شى وجاى
كخغغغغغغكخخخخخخخخ

[الحلاوية]

[align=center]و الله كلام حلو

مشكور يا أشـــــــرف[/align][/size]

[امرأه نخلة]

كلام عجيب ..

[إبنة النيل]

اقسي حاجة الظلم..
واظلم حاجة الظن..
واظن ناس البنات..
والبنات زى الزمن ..
والزمن غداااااااار..
والغدر خيانة...

.

ليه كدة الظلم دة

[اشرف.]

انا بحب لى بت
والبت دى احلى بت في الدنيا
والدنيا مادوامة
ودوامة الحياة صعبة
وصعبة الامتحانات ولا حلو النجاح
والنجاح داير اجتهاد
والاجتهاد داير تعب
والتعب بجيب المرض
والمرض ابتلاء من ربنا
وربنا يخلي الفي بالى لى
واللى والعلى الفرق بينهم شنو
وشنو الخلانى احبها شديد كده
وكده حلو ولا ماحلو
وحلو الحب ولا مستحيل العرس
والعرس داير القروش
والقروش جننت البنات
والبنات غبيانات وشفقانات وبعضهن خاينات
والخيانة بقت موضة
والموضة في العرس راجل المرة
والمرة مسكينة ماجايبة خبر
والخبر بى قروش بكرة ببلاش
وبلاش مافي الزمن ده
وده الجنن بوبي
وبوبي ده منو
ومنو الغيرك سكن جوانا ياحلوة وملانا فرح
والفرح بتجيبو لى حبيبتى
وحبيبتى يحفظها الله
والله في .. عوجة وااااااااااااااااااحدة مافي

[الحلاوية]

[align=center]

الله الله

و الله كلامك ده يا أشرف بيكيفني شديد

مشكور[/align][/size]