إدراج أسم عمر البشير في لائحة الاتهام

[mubark59]

فى الحقيقة كان من المفترض أن أسجل كل المسيرات الحاشده التى شاركنا فيها من الجالية السودانية فى المانيا بون مع الاخوان فى هولندا فى مسيرات الى محكمة الجنايات الدوليه حيث بلغت ثلاثة مسيرات وكانت الرابعة يوم السبت 15 مايو2010م أول أمس وكان من المفترض أن أشارك ولكن لم ترسل لنا اللجنه وسيله مواصلات لكى نتحرك مع وفد لندن على العموم كانت المسيرة ضخمة وشاركت فيها أربعة دول هولندا بلجيكا المانيا بريطانيا وقد شاهدت المسيرة مصورة بواسطة أحد أبناء البركل فى هولندا وهو الاخ خالد الحاج سوف أمدكم بالرابط لكى تتابعوا المسيرة من منتدى البركل الرايع وتكون فرصة لزيارة أهلنا الشوايقة فى منتدى البركل فالى هناك كما أننى سوف أضع لكم كل ما كتبته ضد أوكامبو دعماً للبشير .

[mubark59]

http://albrkal.com/vb/showthread.php?t=9884&page=2

هذا هو رابط مسيرة لاهاى أمام محكمة الجنايات الدولية منتدى البركل والاخ المصور البارع خالد الحاج له منا الشكر والتقدير .

[mubark59]

والآن الى القصيدة : القصيده بعنوان أوكامبو الغشيم كتبتها فى مارس 2009 وشاركت بها فى مسرتين فى لاهاى وفى مايو فى مؤتمر الاعلاميين العامليين بالخاج عند زيارتنا الى مصفاة الجيلى وفى مسيرة لندن فى مارس 2009م
أوكامبو الغشيم قول لى جدادك كر
وبى إذن الكريم مايصيب بلادنا الشر
رئيسنا حلف يمين توصل سفينتو البر
وراهو الصابرين والفى الصفوف كبّر
ورئيسنا مابجاف ورئيسنا دابى الكر
ومابسلّم سودانى يديهو لى ناس جر
*****************
شوف كيف البلاد بتروله إتفجّر
وكمان فيها المصانع والقصب سكّر
وفيها كتير مزارع السمسم البنّجر
خيرنا يمين كتير حارسنو بالعسكر
مانفرط فى شبرو لى أحفاد ملوك قيصر
السودان جموع الموية بالتنكر
*****************
كهربة من سدود فى الريف ذى البندر
وحرمنا الخمور وحرمنا للميسر
تانى بلدنا ترجع وشبابنا يتحسّر ؟؟؟؟؟
قدامنا العراق (وبريمر ) ..... إتحكّر
وأعلن إحتلال بى سلاحو كيف أبحر
فى السودان محال علينا يتكرّر
وأسال ناس (على والمهدى ) كم قرّر
نديك الدليل ودلينا ناس بربر
وفى دارفور هناك زار الرئيس عبّر
لو تحسب حشودو تحسب عديل تفترّ
شوف كل السودان دان القرار وانكرّ
شوف كل السودان دان القرار وأنكر
وحدنا القرار ... وحدنا القرار وخلانا نتفشّر
وحدنا القرار ... وحدنا القرار وخلانا نتفشّر

[mubark59]

عندما ذهبنا الى بروكسل للمشاركة فى المسيرة والمهرجان الخطابى أخذت معى مجموعة من القصائد لكى أقرأها للاخوان فى الطريق وعندما قرأت اكثر من قصيدة سألنى الباشمهندس محمد مكى رئيس الجالية هل كتبت عن سفر الرئيس للدوحة لحضور المؤتمر الاخير للقمة العربية ؟؟؟ فقلت له لا .....ولكن ناوى أن أكتب وقبل أن ندخل بروكسل قرأت لهم هذه القصيدة وأتمنى أن تنال أعجابكم البشير فى دوحة قطر

--------------------------------------------------------------------------------

عندما ذهبنا الى بروكسل للمشاركة فى المسيرة والمهرجان الخطابى أخذت معى مجموعة من القصائد لكى أقرأها للاخوان فى الطريق وعندما قرأت اكثر من قصيدة سألنى الباشمهندس محمد مكى رئيس الجالية هل كتبت عن سفر الرئيس للدوحة لحضور المؤتمر الاخير للقمة العربية ؟؟؟ فقلت له لا .....ولكن ناوى أن أكتب وقبل أن ندخل بروكسل قرأت لهم هذه القصيدة وأتمنى أن تنال أعجابكم البشير فى دوحة قطر

فى دوحة قطر... شرّف رئيسنا وزار
ويا أوكامبو صرّح وشبعت فيهو العار
بلّها وأشربة ......رئيسنا ياكل النار
الاعلام جد فرح ورتب عديل لى مسار
بى وجود البشير أفراحنا ليل ونهار
فى بروكسل حانرفع فى العلن وأسرار
وفى (لاهاى ) رفعنا وقط ما يصيبنا خوار
ويا أوكامبو أصبح كل يوم يجيك بوار
وما ظن ينخزل الشعبو بقو ثوار
وما ظن ينخزل الشعبو بقو ثوار

ى دوحة قطر... شرّف رئيسنا وزار
ويا أوكامبو صرّح وشبعت فيهو العار
بلّها وأشربة ......رئيسنا ياكل النار
الاعلام جد فرح ورتب عديل لى مسار
بى وجود البشير أفراحنا ليل ونهار
فى بروكسل حانرفع فى العلن وأسرار
وفى (لاهاى ) رفعنا وقط ما يصيبنا خوار
ويا أوكامبو أصبح كل يوم يجيك بوار
وما ظن ينخزل الشعبو بقو ثوار
وما ظن ينخزل الشعبو بقو ثوار

[mubark59]

مناسبة القصيدة : اتصل على الاخ بهاء الدين من مدينة (فوبرتال ) وكان ضمن من حضروا مهرجان بروكسل الاخير وعلى الرغم من أنه ليس عضواً معنا فى الجالية إلا أنه يشارك فى كل هذه المناسبات . من المتحمسين فى دعم الرئيس ضد قرار أوكامبو ومن نقاشى معه وجدته مطلع على تحركات وتأريخ وماضى وحاضر ومستقبل أوكامبو وذكر لى أن أوكامبو أسس مع يهودى شركة أمنية مهمتها فقط القبض على الرئيس البشير وقد جمع له اليهود 25 مليون دولار حافز له عند تنفيذ أمر القبض وكتبت هذه القصيدة :

أوكامبو الرخيص

أوكامبو الرخيص أدوك ملاييين كم ؟؟؟؟؟؟؟
ويارب ياكريم ......... تعيش حياتك هم
ويارب يا كريم ........ يجيك مرض الدم
وينزف دم لسانك وينزف معاهو .... الفم
وكل ما تشوف صباح ..... يزيد عليك الغم
وتحلف بى لسانك .... تحلف تقول حرّم
زوّرت الحقائق ... وجبت ناس عم شمّ
لى قبض البشير........ القالو فيهو النّم
وخابت كل جهودك ....... شبعت فيهو الذمّ
وكيف تبسط عدالتك .... وبوش هناك منّجمّ ؟؟؟؟؟؟؟؟؟
وينه إصول عدالتك ...... الاصلو مابتتلم
كشفوك الشعوب ...... وشمو عفنك شمّ
كشفوك الشعوب ..... وشمو عفنك شمّ

[mubark59]

القصيدة كتبتها بعد إفتتاح الرئيس عمر حسن أحمد البشبر لمصنع وقود (الايثانول الحيوى ) بشركة مصنع سكر كنانة فإلى القصيدة:
كل يوم مصنع جديد فى ريرة أو فى صفيّة
شوف كيف عمر البشير لى أوكامبو خلف الكيّة
وأصبح حالو شين ....شين زى لديغ الحيّة
وما طاق المطايب والشطوط والشيّة
وأصبح بطنو طامة .. عايز مرارة ونيّة
ويبكو جنبو ناس بوش يقولو ووب وأحيّة
وكم شفنا البشير فى قطر وظبيّة
****************************** *****
سفيرنا عبدالحليم أتحداهو قال كذّاب
بى إعلام معاهو لبد عديل فى الباب
حاول بعتدى لكن سفيرنا جناب
لاك المُرّة ضاقه وسفيرنا ضاقو كباب
وكيفن ينهزم شعباً جدودو ارباب
ونارو ديمه توقد قرآن مع التقاب
****************************** ***
يا أوكامبو قرّ الجوله شاله بشيرنا
لاسلّم سودانى لاسلّم معاهو وزيرنا
ولا أصغر هو عامل حتى ولو هو خفيرنا
لو سلينا سيفنا ما ظن يعود لى جفيرنا
نقطع رأس عدونا نرميهو فوق فى حفيرنا
وراجيّنك هناك ما شفتو ضربو سفيرنا؟؟؟

[سوداني من دون شروط]

اللهم احم رئيسنا من اعداء غاشمين يا رب العالمين
قال علي بن ابي طالب((والله ما غزي قوم في داره لا وقد ذلوا))