هل اولاد المغتربين حناكيش؟؟؟؟؟ ادونا رأيكم...!!

[احلى دلع]

مساء الخير ياعسولة وبس انا بتكلم عن الناس اللي مثلي يعني مثلا انا ماما سورية وبابا سوداني انا مابعرف اشياء كتيرة عن السودان وحتى صحباتي اللي هنا في السعودية واهلهم سودانين اصليين نادرا مابعرفوا شئ عن السودان .

[احلى دلع]

بصراحة انا مع بنوتة رزينة الوحيدة اللي صح كلامها من جد انت رزينة

[احلى دلع]

وانا كمان مغتربة ومين اللي قال لمايجيبوا سيرة السودان بنقول يع بل بالعكس انا لوفي ايدي اسافر السودان وماارجع هنا تاني والمغتربين في دول الخليج وخصوصا في السعودية بتمنوا يرجعوا السودان مع ان الراحة هنا متوفرة بس في السعودية الانسان فيها مقفل مافي حرية وانا عن نفسي مابحس باي مشاعر اتجاه البلد اللي انا موجودة فيها بل بتمنى افتح واغمض والقى نفسي في السودان.

[بنت بلادها]

[a7la1=FF0000]|؛¤ّ,¸¸,ّ¤؛|

السلام عليكم ورحمة الله وبركاتة :
انا عضوة جديدة والموضوع عجبني
لكن زي ما حأقول ادوني لاايكم

|؛¤ّ,¸¸,ّ¤؛|[/a7la1]

لماذا لم نكن حناكيش وقد فرضت علينا ظروف الحياة ان نفراق
(([a7la1=6600FF]الرواكيب[/a7la1])) دون أردتنا
وان يضحي أباؤنا بأجمل أوقات حياتهم عشان ((الرواكيب))
ماتقع. وعشان يتطور وضع الموصلات وديوان الزكاة والضرائبخير شاهد فما زنبنا
((أولادد المغتربين)) نحن ضحيا أبناء ضحيا وان لفظ ((حناكيش)) بسسب فراق وطننا
الغالي حرمننا نحن((أولادد المغتربين)) أجمل وأنبل وأحلي لحضات حينتا سرقت منا

|؛¤ّ,¸¸,ّ¤؛|

وشكرا علي الموضوع الجميل

|؛¤ّ,¸¸,ّ¤؛|

[هدندوية مية المية]

لا تعليق






الحنكوش حنكوش والدلوووعة دلووووع والمافاهم معنى الحنكشة ما فاهم معنى الحنكشة





لا تعلييق

[بنت بلادها]

لكن انا عايزة
أسال ؟؟
الرواكيب دي شنو ؟؟؟

[بنت سدن دن]

احنا ما حناكيش انتو مفهمومكم غلط.
يا بيئة.

[batota]

انا هسي عايشه في لندن لا عمري اتحنكشت ولا شي...
بعدين قدرنا هو اللي فرض علينا ان نحنا نعيش الحياه دي
والسودان و لندن بالنسبه لي نفس الشي.......
والموضوع حلو شديد.

[ود حائل]

مافي شي اسمو حنكشة بي راي انا بس بيكون الواحد عاوز يبين انو ود مرطب وود ناس حلوين بس غايتو كلنا اتربينا برة السودان بس المبدة دا من الاسرة ممكن تصنع فيهو دا الشي

[هامس]

تسلمى بت ابوظبى لقد وضعت يدك على الجرح, الاباء الاباء الاباء هم سبب حنكشة الاولاد.

البنت تكون حنكوشة ما مشكلة لان طبع البنات هو الدلع والرقه والغنج والعذوبه, لكن حنكشة

الولد لزومه شنو؟ واذا شفت ولد حنكوش طوالى تعرف انها تربية الماما , يعنى الاب ليس له

اى رأى فى تربية الولد , تاكل تربية الولد للماما وتربية الولد تفرق كتييير عن تربية البنت

وكتير من الاباء غافلين او متغافلين عن النقطه دى او مجبورين من ست الحسن والجمال

مايسترو البيت , وزى الاباء ديل , عندنا كتيييييير منهم هنا فى ابوظبى .

(همسة) تشكر حضرة المشرف العام على فتح هذا الموضوع المهم

[هامس]

بنتى العزيزة
دلوعة عمان
(شايفين ناس السودان ديل ناس بيئة خالص)

يا بتى اذا انتى مغتربه مع امك وابوك ناس السودان ديل فيهم عمك وعمتك وخالك

وخالتك واولادهم كمان يعنى اخوانك , وبعدين يا بتى عمان دى ما بلدك انتى

راجعة السودان راجعة كان الليلة ولا بكرة

كدى نسألك انتى حنكوشة ولا دلوعه ساااكت؟

[عسولة وبس]

على فكرة ناس السودان هم الحنكوشين ما نحن المغتربين هم بس بقولو نحن حنكوشين على أساس طريقة لبسنا وكلامنا ودا ما اسمه حنكشة دا اسمه رقي واتوكيت يعني بصراحة ناس السودان فيهم المتألقين وفيهم المقززين ونحن بصراحة دي بلدنا مهما كان ومهما صار يعني راجعين ليها في النهاية لكن على الاقل يتحضرو شوية ويتألقو شوية واي زول يقول المغتربين حنكوشين هم الحنكوشين ما نحن ولا كلامي غلط يا المغتربين ؟؟؟؟؟؟؟؟؟؟؟؟؟؟

[sunni]

في الآخر،،، من يسميهم المجتمع (بالحناكيش) هم أكثر المعانيين،،، فهم ضحية ظروف والديهم،،، وإضطهاد المجتمع،،

وتعالو شوفو

http://www.youtube.com/watch?v=VqGzicYQ ... ed&search=
http://www.youtube.com/watch?v=IofY3MiH ... ed&search=

[sunni]

أخ أبو مقداد،، أغلب من كتب هنا هم المغتربين،، وهم لو تعلم في أغلبهم آباء لأطفال أو شباب تربو في الغربة،، فالفئة المعنية هنا هم أبناؤهم،، والموضوع موضوع نقاش، وليس سباب، فأرجو ان تنتبه لذلك.
ياريت لو تقرأ المشاركات وتدينا رأيك بدل ما تسب من كتب. وكلنا يعلم انه لو كان أبناء المغتربين يعانون من هذه النظرة، فإن الأباء يعانون الأمرين منها،، فشارك معانا في تصحيح الوضع بدل ما نسب بعض.

قد لا تكون تعلم ان منشئ الموضوع بالذات والد لأطفال تربو في الغربة !!!!!!!!!

[أبـــــوالمقداد]

أنا عمري كله عشته في السعودية
وما اعرف أي حاجه من اللي بتقولوها دي حنكشه
لفيت السعودية منطقة منطقة لمن أكلتني الشمس
وأي أحد عارفني في المنطقة بتاعتنا
وجلست سنتين في السودان

[أبـــــوالمقداد]

حاجه معرفه البنات في كل مكان من طبعهم اللين
والرسول صلى الله عليه وسلم قال رفقاً بالقوارير
يعني إنهم ناعمات
أما الأولاد من طبعهم الخشونه
ما أقول ليك هنالك اولاد ذي ما تقولوا محنكشين في كل مكان حتي في السودان يعني ما المغتربين هم الحناكيش
وشكرأً

[sunni]

الأخ أبوالمقداد،، يظهر إنك فهمت الموضوع برمته بشكل خاطئ،، فمن قال أنه كلمة (حناكيش) تعني ان من ينعت بالحنكشة يوصف بأنه لين أو مايع؟؟؟ ده مفهوم غلط، ومع رفضي لهذا اللفظ وهذا النعت، لكن الحنكشة لا تعني الليونة حمانا الله، ولكن، أغلب من ينعتون بالحنكشة هم لينين، فلا يجب أن نعمم صفة للجزء على الكل. ثانيا، حتى لو إتفق الناس على ان أبناء المغتربين حناكيش، فهل معنى كدة ان كلللهم حناكيش؟

عزيزي الأمر هو موضوع للنقاش، فياريت تدينا رأيك،، وليه الناس عندهم النظرة دي؟ وما هي الحلول، فنحن هنا لا لنتهم، ولا لندافع،، ولكن لنبحث عن الحلول لكل ما هو خاطئ.

تقبل تحيتي

[بت الشماليه^ MisS_GreeN]

انا مولوده وعايشه فالامارات ... وماحصل عشتا فالسودان غير شهر واحد تقريبا....
لكن دا ما سبب يخلي الناس تقول عني حنكوشه .. لانوالغربه ما سبب للحنكشه
بس في بعد اولاد المغتربين حابين يظهروا انهم كووول واستايل واواواواوا
غايتو دي افكار في راسم .. فاكرنها حاجه كويسه......... لكن فالنهايه دي نقص
الله يهديهم..


جمعا






ت:::

دلوعه عمان
"""عاشقة الجلكسي جواهر بتقو ليكم تشاااااااااااااااااااااااااااا اااو نتلاقا على خير و ده ايميلي"""""


دي يااااها الحنكشه بي زاااااااااااااااااااااتا................""تشااااو""

[eidbin]

عزيزى المشرف العام
لم تحدد من هو الحنكوش من ابناء المغتربين
المولود فى السودان و أغترب و هو صغير
المولود فى السودان و أغترب وهو كبير
المولود فى الغربة و يأتى السودان اجازات
المولود فى الغربة و لم يرى السودان الى الان
المولودين لأبوين سودانيين و تجنسوا بجنسيات اخرى هل هم فى عداد الحناكيش
المعيار مهم

ولا ده حسد من الشماشه
سلمت

[احساس الكون]

استاذى الكريم والله نحن مغتربين بس شوفن الويل بندرس ونعمل وبرضو لم نكون فى السودان بيقول علينا حناكيش ليش اى مغترب حنكوش فى نظر اهلى فى السودان