الفرق بين المغتربة والقاعدة فى السودان

[سلمي200005]

لا أعلم ولكني لم أرى الموضوع من ناحيتي أهانة لنا نحن المغتربات وما الخطأ في أن ننظف بيوتنا بأنفسنا ،أفضل من أن نأتي بخدم يسرقون منا حب واهتمام أولادنا وأزواجنا ، وماالعيب في أن تدرس المغتربة أولادها بنفسها بل على العكس تماما هذا دليل على ثقافتها وذكائها و يزيد من تواصلها وقربها لأولادها وتقوية الروابط معهم ، ولا بئس ان لم تعرف في غربتها سوى صديقة أو صديقتان ، بعض الصداقات "أخير عدمها" لا ننال منها سوى السيئات وأكل لحم أخيك ميتا، أما بالنسبة للعزاء ثلاث أيام بكون كفيت ووفيت..
في رأيي شخصي أرى أن الأخت العزيزة سلمي لم تخطأ أبدا في حديثها عن المغتربة ،

الله يكون ف عون المغتربة ياسودانية والله كل الهم عليها

[منصوري77]

شكراً ليك على الموضوع الجميل وبكل تأكيد من حيث وجه الشبه الأثنين واحد ويمكن القاعدة في السودان تكون أحسن لسبب مهم وهي أصلاً في بلدها وسط أهلها وكمان خدامة وأخر راحات أم المغتربة فهي تعبانة وتعاني من الغربة وما أسوأ أن تعاني من الغربة فلك التحية

[بت كردفان]

عزيزتي الغالية سلمي

اولا : ــ النظافة من الايمان والمرة البتعقد للخدامة عشان نتظف ليها بيتها دي مرة خملة وخمجانة بعدين عليك الله بكل امانة في منو الفي السودان عندو خدامة غير فيئة معينة ودي تمثل اقلية في الشعب السوداني

بعدين المغتربة البتنظف دي ما بتشيل ليها مقشة لان الشغل كلو هنا يتم بالاجهزة الاكهربائية يعني ما عليها الا ان توصل الفيشة فقد وعليك الله وبكل امانة في كم بيت في السودان يمتلك مثل هذه الاجهزة والتي تقدر الان في الاسواق السودانية بالشي الفلاني...

ثانياً : ــ من الافضل لنا واسلم لنا دينيا كمغترابات ان نقعد طول حياتنا داخل منازلنا او ننوم نومت اهل الكهف ولا نطلع عشان نجيب الشمارات ونقطع في دي وننم في ديك ونغتب فلانة وعلانة يعني نقضيها قطيعة ونميمة ونجمع الذنوب بالكوم

بعدين : ــ مافي دين او عرف يلزم المراة بان تجري علي بيت العزاء دون الاطمئنان علي اولادها واخذ الاذن من زوجها لان الحي ابقي من الميت اما بخصوص قضاء ساعة مع اهل الميت يااختي بارك الله فيمن زار وخفّ مش الناس تقعد فطور وغداء وعشاء في بيت البكاء ويثقلو كاهل اهل الميت بالمصاريف وتكون ميتة وخراب ديار

اما بخصوص التبرج : ــ ولبس التياب وما ادراك ما التياب بالذات في ظل وجود توب الحرير والبيور والسلك والتي غالبا ما تكون شفافة لدرجة ان المراة تكاد تكون مكشوفة تماما وما احلي لبس مثل هذه التياب مع بلاوز الطُب والكارينا والتي تكون ملتصقة جدا بجسد المراة يعني بكل بساطة التوب الذي اراه الان في الشارع الشوداني هو ذي غير شرعي وافضل لنا الف مرة هذه العباءة والتي هي باجماع اهل الدين انها الذي الشرعي والذي امر به المولي تعالي ، وبالعربي المغتربات اللائي ياتين الي السودان ليلبسن التوب تكون بترتكب في معاصي ياما وذنوب الله وحده اعلم بها

واخيراً : ــ افضل عندي مليون مرة ان انحبس في سجن تحت الارض من ان البس هذا التوب واتبرج واتسور بالذهب لاغضب ربي

يعني يا غاليتي بالعربي بالافرنجي بهذا بذاك المغتربة الملتزمة هي الكسبان الاول والاخير


ولك كل التقرير ولكل نساء السوان هنا وهناك وارجو ان تتقبلي مروري


$ ست الودع $

ست الودع تسلمى ماقصرتى وربنا يخلى لينا امهاتنا
ومشكوره سلمى على الموضوع

[امرأه نخلة]

[foq]

والله عن الفي السودان ما قلتي إلا الصدق
كثيرات هم من على تلك الشاكله
ربنا يصلح حال الكل
ولك التحيه

[/foq]