الفرق بين المغتربة والقاعدة فى السودان

[سلمي200005]

كتير من الناس عندهم اعتقاد ان المغتربين مرطبين اخر حاجة ...............
لكن الحقيقة ان الاغلبية عينهم طالعة ............
اذا جينا شفنا اليوم بين المغتربة والقاعده فى السودان...........
المغتربة قامت من الصباح مع الاولاد تلبس فيهم عشان يمشوا المدرسةوعملت الشاى............وكمان القاعده فى السودان ..
بعدها كان عندها نظافة وغسيل ومكوة وطبيخ .....اما القاعدة فى السودان جات البت الشغالة عشان تنظف وتغسل وتكوى......
والواحده قامت من الصباح مشت سوق الخضاروجابت اخر الشمارات فلانه حصل ليها وفلانةقالت وفلانه سوت وبعدها كل واحده مشت بيتهم وتكون دى طلعه من الساعة 8 جات الساعة 10 عشان نص كيلو لحمه وحبة سلطة وخضار للطبيخ..........
وياحليلها المغتربة تكون بتقوم وتقع غسلت وكوت ونظفت وطبخت وبعديها نامت ............
والفى السودان تكون يادوبها جات من السوق وبتعمل فى الفطور وطوالى بقت تعمل فى الغداء بعد شوى جاها تلفون فلانه ماتت <انا لله وانا اليه راجعون>وطوالى لبست واتلموا شلة نسوان واجروا امجاد ومشوا .....
المغتربة جاها تلفون فلانة ماتت ....اها العزاء فى الجمعية ولا فارشين ......العندوا قدرة بيفرش والماعندوا بيعملوا فى الجمعية لانو الشقة ضيقة .....خلاص بنجى عليكم المساء لما ابو العيال يجى من الشغل ...يجوا الاولاد من المدرسة يتغدوا وينموا ........والفى السودان يجوا يلقوا الشغالة ..وين امى تقول ليهم فى بيت البكاء ويتغدوا وينموا .........
تجى الساعة 4 ويجى المغترب ويلقى زوجتة اخر حلاوة والبيت مبخر والغداء جاهز يتغدى وينوم....والفى السودان يجى من الشغل يلقى المرة فى بيت البكاء يتغدى ويجرى البكاء ويتلاقو فى بيت البكاء.
وتجى الساعة 5 وتقوم المغتربة وتدرس وتراجع مع الاولاد الفى الابتدائى والفى المتوسط والفى الثانوى كلهم بتراجع معاهم شغالة استاذة فى كل المواد......الفى السودان الساعة 5 در س العصر او فى استاذ جاى يدرس رياضيات او انجليزى............
بعد المغترب ما يصحا من النوم يمشوا هو وزوجتة بيت البكاء يعزوا مده ساعة ويجوا راجعين عشان بكرة مدارس مافى سهرة ولا طلعة للمغتربين الا نهاية الاسبوع ومع ابو العيال ........اما فى السودان عادى الطلعة نسوان مع بعض او براها مافى مشكلة ........
فى الغربة كل المسئولية على المرأة وكل شغل البيت اما فى السودان فالمسئولية مقسمة.......المغتربة بتتبور بس ايام الاجازة فى السودان تلبس احس الثياب والدهب عشان محرومه السنة كلها لابسه العباية ......لكن الفى السودان السنة كلها فى حاله بوبار
وبعد ده يقولوا مرتاحات لكن هم محبوسات لكن صابرات...............
ولى كل التقدير للمغتربة وللفى السودان...............
ولى عوده انشاء الله

[هذار]

اكيد المرأة في كل مكان هي مسئوله سواء كانت

مغتربه او في السودان . ولكني اندهشت للمقارنه

تسلمي سلمي علي أثارة الموضوع والتحيه لك اينما كنت

[عاشقة النيل]

ليه كدة؟؟؟؟

[حبوبة]

[بسمة الحياة]

دي الحقيقة
مشكوورة سلمى

[همسة حنين]

دا شنو دا شنو
الكلام دا كيف الكلام دا كيف
‏ ماصح ماص
اعترض اعترض
كفاية كدا
مشكورة اختي بس صدقيني فكرتك غلط

[ست الودع]

عزيزتي الغالية سلمي

اولا : ــ النظافة من الايمان والمرة البتعقد للخدامة عشان نتظف ليها بيتها دي مرة خملة وخمجانة بعدين عليك الله بكل امانة في منو الفي السودان عندو خدامة غير فيئة معينة ودي تمثل اقلية في الشعب السوداني

بعدين المغتربة البتنظف دي ما بتشيل ليها مقشة لان الشغل كلو هنا يتم بالاجهزة الاكهربائية يعني ما عليها الا ان توصل الفيشة فقد وعليك الله وبكل امانة في كم بيت في السودان يمتلك مثل هذه الاجهزة والتي تقدر الان في الاسواق السودانية بالشي الفلاني...

ثانياً : ــ من الافضل لنا واسلم لنا دينيا كمغترابات ان نقعد طول حياتنا داخل منازلنا او ننوم نومت اهل الكهف ولا نطلع عشان نجيب الشمارات ونقطع في دي وننم في ديك ونغتب فلانة وعلانة يعني نقضيها قطيعة ونميمة ونجمع الذنوب بالكوم

بعدين : ــ مافي دين او عرف يلزم المراة بان تجري علي بيت العزاء دون الاطمئنان علي اولادها واخذ الاذن من زوجها لان الحي ابقي من الميت اما بخصوص قضاء ساعة مع اهل الميت يااختي بارك الله فيمن زار وخفّ مش الناس تقعد فطور وغداء وعشاء في بيت البكاء ويثقلو كاهل اهل الميت بالمصاريف وتكون ميتة وخراب ديار

اما بخصوص التبرج : ــ ولبس التياب وما ادراك ما التياب بالذات في ظل وجود توب الحرير والبيور والسلك والتي غالبا ما تكون شفافة لدرجة ان المراة تكاد تكون مكشوفة تماما وما احلي لبس مثل هذه التياب مع بلاوز الطُب والكارينا والتي تكون ملتصقة جدا بجسد المراة يعني بكل بساطة التوب الذي اراه الان في الشارع الشوداني هو ذي غير شرعي وافضل لنا الف مرة هذه العباءة والتي هي باجماع اهل الدين انها الذي الشرعي والذي امر به المولي تعالي ، وبالعربي المغتربات اللائي ياتين الي السودان ليلبسن التوب تكون بترتكب في معاصي ياما وذنوب الله وحده اعلم بها

واخيراً : ــ افضل عندي مليون مرة ان انحبس في سجن تحت الارض من ان البس هذا التوب واتبرج واتسور بالذهب لاغضب ربي

يعني يا غاليتي بالعربي بالافرنجي بهذا بذاك المغتربة الملتزمة هي الكسبان الاول والاخير


ولك كل التقرير ولكل نساء السوان هنا وهناك وارجو ان تتقبلي مروري


$ ست الودع $

[سلمي200005]

تسلمو كلككم علي مشاركتكتكم

[عاشقة الفردوس]

والله صدقــــــــــــتي يااخت سلمي
ومشكوره علي الموضوع الجميل ده

[سلمي200005]

[quote="عاشقة الفردوس"]والله صدقــــــــــــتي يااخت سلمي
ومشكوره علي الموضوع الجميل ده[
عاشقة الفردوس لك الشكر والتقدير

[مهاجر في البلد]

انا معاك يا سلمى عارفة ليه

لانو زمان البنات كان جنهم في المغتربين ويقول ليك المغترب وتاجر الغرب
يعني المحليين مافي طريقة
والزوج المغترب كان اول ثم تاجر الغرب ثم المحلي ( دا في الموافقة بالزواج )
أها بعد كلامك دا ما اظن تاني البنات يفكرن في المغتربين

واللا شنو يا بنوت

مع خالص الشكر

[سلمي200005]

انا معاك يا سلمى عارفة ليه

لانو زمان البنات كان جنهم في المغتربين ويقول ليك المغترب وتاجر الغرب
يعني المحليين مافي طريقة
والزوج المغترب كان اول ثم تاجر الغرب ثم المحلي ( دا في الموافقة بالزواج )
أها بعد كلامك دا ما اظن تاني البنات يفكرن في المغتربين

واللا شنو يا بنوت

مع خالص الشكر

المغترب بقي خيار اخير

[سامى عادل]

اختي انتي اتكلمتي في المتزوجات اما بالنسبة لي البايرات اقصد الانسات بتنصحي الواحد اتزوج المغرتبة ولا القاعده في السودان

[عطر الورد]

اختي انتي اتكلمتي في المتزوجات اما بالنسبة لي البايرات اقصد الانسات بتنصحي الواحد اتزوج المغرتبة ولا القاعده في السودان

[عطر الورد]

تسلم ايدك يا سلمى والله كلامك كلو صح


ونفس الكلام بالنسبه للبنات المغتربات 24 ساعه فى البيت مش زى بنات السودان حوامات

[geno]

مفهومك خاطئ لانو والسبب انو انتي في السودان عادي اما هنا لا وبالعكس المغتربات بقو افسد من الفي السودان وذلك لانهن منافقات وذلك ينطبق على الاقليه لانها مثلا لو هي في السعوديه مجبوره تلبس العبايه وبمجرد ما تكون في المطار تعالوا شوفوا القشره ودا كلو عشان هي لازم تنزل بمنظر حلو ما مبشتن ويللا يا الحنا والنقش والريحه وغيروا وغيروا اما الفي السودان ما بكون كده الا في مناسبات وفي اوقات معينه ولذلك ارجو منك ان تغيري مفهومك الخاطئ عن ما يسئ الى نساء بلدك
كدا ولا لا.....

[سمارا]

كلامك صح 1000000% والله فعلا ده الحاصل



نسوان حلتنا بتحاموا فى الشارع الساعه10 ص الساعه 8 دى كان على زمنك


البلد اتغير ياختى والناس اتطورت وكده

تحياتى

[king cairo]

والله يا سلمى كلامك صااااااااااااااااح واضافة لكدا
جو الغربة والحرمان من الاهل الحرمااااااااااااااااااااااااااااااااااااان
يعنى الواحد قلبو جاهو جفااااااااااااااااااف عديل كدا

[احساس الكون]

كلام صح يا اختى سلمي انا مغترب وشايف دا فى اقرب الناس لي

تحياتي

[سودانية صريحة]

لا أعلم ولكني لم أرى الموضوع من ناحيتي أهانة لنا نحن المغتربات وما الخطأ في أن ننظف بيوتنا بأنفسنا ،أفضل من أن نأتي بخدم يسرقون منا حب واهتمام أولادنا وأزواجنا ، وماالعيب في أن تدرس المغتربة أولادها بنفسها بل على العكس تماما هذا دليل على ثقافتها وذكائها و يزيد من تواصلها وقربها لأولادها وتقوية الروابط معهم ، ولا بئس ان لم تعرف في غربتها سوى صديقة أو صديقتان ، بعض الصداقات "أخير عدمها" لا ننال منها سوى السيئات وأكل لحم أخيك ميتا، أما بالنسبة للعزاء ثلاث أيام بكون كفيت ووفيت..
في رأيي شخصي أرى أن الأخت العزيزة سلمي لم تخطأ أبدا في حديثها عن المغتربة ،