طرق نسيان المحبوب

[أم عسجد]

لايمكن نسيان الحبيب الاول من الصعب جدا ولكن مع مرور الوقت تتحسن الامور

موضوع جميل يا مون

شكرا كتير

كيف اهرب من الذكربات

كيف اهرب من الذكريات
مادى المشكله ذااااااااااااااااااااااااااااتا ياصلاح

اهرب منك القى خطاى تجمعنى معاك

[إبنة النيل]

mon موضوعك رائع لكن ماتسجني نفسك في الزكريات
ودع اساك وانسا النساك وبالغ كمان
بتنسي : لكن على قدر ارادتك انت لو عايزة تنسي بتنسي
ولو هو بستاهل حبك ما كان سابك لكن ما عنده في الطيب نصيب

[نهـاد]

ننساك انت انت بتتنسي
ما انت روحنا وحبنا
سافرنا في عينيك ولسه
قلوبنا بيك ... متجننه
يا اغلى من نور العيون
يا احلي من النور غنا
كون من رشاقة وامسيات
باقات انيقة ملونه
الحان طروبه ووشوشات
انهر .. موسيقى .. ودندنه
ذابت قلوبنا عليك حنان
وانت بعيون ذوبتنا
غار المساء و الكون صبح
عشاق جمال يتاملو
وكل الحروف الفي الخيال
في لحظة جادو وما غلو
حتى القمر حولو النجوم
اتلفو فيك اتغزلوا
وقالو الجمال يا غالي بيك
كانت نهايتو .. واولو
ونحن في هواك يا غالي
لا بنطيق فراق لا بنحملو
واصلو المحبين الحنان
لا بنسوا لا بتحولو
ننساك هو انت انت بتتنسي

[أم عسجد]

mon موضوعك رائع لكن ماتسجني نفسك في الزكريات
ودع اساك وانسا النساك وبالغ كمان
بتنسي : لكن على قدر ارادتك انت لو عايزة تنسي بتنسي
ولو هو بستاهل حبك ما كان سابك لكن ما عنده في الطيب نصيب

شكراً على مرورك ابنه النيل ..........
ماعندو فى الطيب نصيب ؟؟؟؟؟؟؟؟؟؟؟؟
هو الطيب ذاااااااااااااااااااااااااااااااااااااتو :d
لقيتى كيف ؟؟؟
هههههههههههههههههههه

[أم عسجد]

ننساك انت انت بتتنسي
ما انت روحنا وحبنا
سافرنا في عينيك ولسه
قلوبنا بيك ... متجننه
يا اغلى من نور العيون
يا احلي من النور غنا
كون من رشاقة وامسيات
باقات انيقة ملونه
الحان طروبه ووشوشات
انهر .. موسيقى .. ودندنه
ذابت قلوبنا عليك حنان
وانت بعيون ذوبتنا
غار المساء و الكون صبح
عشاق جمال يتاملو
وكل الحروف الفي الخيال
في لحظة جادو وما غلو
حتى القمر حولو النجوم
اتلفو فيك اتغزلوا
وقالو الجمال يا غالي بيك
كانت نهايتو .. واولو
ونحن في هواك يا غالي
لا بنطيق فراق لا بنحملو
واصلو المحبين الحنان
لا بنسوا لا بتحولو
ننساك هو انت انت بتتنسي

صاااااااااااااااااااااااااااااح
انســــــــــــــــــاك ؟؟

[أم عسجد]

لابنساك
ولابقدر
ولاعايز
بعد حبك احب تانى

[أم عسجد]

ياجماعه فيكم واحد اتبع خطوات عفاف دى ولا :D
النفعت معاهو يورينا لانها ما نفعت معاى ولاعمالت لى ايييييييييييييي حاجه

[أم عسجد]

باب الريده وانسدّ
نقول يا ربي أيه جدّ
تمر أيام وتتعدى
ونقعد نحسب في المده
ومهما أجرب النسيان
ألاقي الشوق بيمتدّ

أقول أصبر على الهجران
أقول أنساك لابد
أشوف بس طرفك النعسان
تخوني القوة والشدة
أصبّر قلبي على الهجران
يثور ماضينا ويتحدى

[omar babikir]

مون سيبك من نصائح عفاف حسن امين...الداير ينسى حا ينسى
اتوماتكلي...زي ما قال ليك انسى النساك وبالغ كمان...اما
الداير يتعلق بي قشة...فدا حا يبارى القشة لغاية ما تغرقو...

[أم عسجد]

مون سيبك من نصائح عفاف حسن امين...الداير ينسى حا ينسى
اتوماتكلي...زي ما قال ليك انسى النساك وبالغ كمان...اما
الداير يتعلق بي قشة...فدا حا يبارى القشة لغاية ما تغرقو...

اخ عمرشكراعلى النصيحه الغاليه
اصلى فى ريدك غرقتا وناوى اغرق للنهايه :D

[هجره]

صباح الخير عليكم
كلامكم عجبنى وحبيت اشاركم .
ليه ننسى ذكرياتنا ، ماجمل ان تعيش وتفتكر ذى مابقول اخوانا المصرين
حتى لوالتجربة المر بيها الذول صعبه بما فيها من حزن والم فهى لا تنسى تماماً ولكن بعض التفصيل تتلاشى بمرور الزمن عليها ولو كان هناك خطوات للنسيان عايزين خطوات نتبعها لننسى الم المرض... اناشخصيا فارقت من اعزهم للأبد لا اريد ان انساهم ...بل العكس اقلب فى دفاترى القديمة لاتذكر اطيب واسعد الاوقات التى عشتها معهم ..

[ناجي عثمان عبد الرازق]

على تلك الدروب تشتت امانينا بعضها قاس ... ومعظمها يضنينا كنا لا نفارق بعضنا ... حتى ملتنا الكلمات والثواني وعشقنا فينا ... وما بعد الشتات ... قد مللنا الانتظار فقد مضت سنين وما زلنا نأمل خيراً في قلوبهم .. !! أتراني بقينا ..!!؟
عزيزتي مون :
قاس هو الفراق وأقسى مافيه النسيان
شكرى ومودتي

[أم عسجد]

على تلك الدروب تشتت امانينا بعضها قاس ... ومعظمها يضنينا كنا لا نفارق بعضنا ... حتى ملتنا الكلمات والثواني وعشقنا فينا ... وما بعد الشتات ... قد مللنا الانتظار فقد مضت سنين وما زلنا نأمل خيراً في قلوبهم .. !! أتراني بقينا ..!!؟
عزيزتي مون :
قاس هو الفراق وأقسى مافيه النسيان
شكرى ومودتي

شكرا اخ ناجى على هذه الكلمات الرائعه
الفراق حار
لا الحار ببرد
لكن
الفراق مر

[الشمالي]

معقووول مون عائزها تنسي بعد البكاء
ده كلو نسأل الله السلامة

كااااااااااك

[رءوف]

اعمل راااااااااااااااااااااايح

رحنا وجينا......................... والحال يا هو زاتو الحال

[رءوف]

آآآآآآآآآآآآآآآآآآآآآآآآآآآآآآآآآآمين

وين تانى
حليلو نحنا قطرنا فات

[عماد الحسين]

بوست جميل والله
لكن ماسمعتو قول الشاعرللعلاج من الحب:
وقد زعموا ان المحب اذا دنا يمل وان الناي يشفي من الوجد
بكل تداوينا فلم يشف مابنا على ان قرب الدار خير من البعد
على ان قرب الدار ليس بنافع اذا كان من تهواه ليس بذي عهد[/size]

[أم عسجد]

بوست جميل والله
لكن ماسمعتو قول الشاعرللعلاج من الحب:
وقد زعموا ان المحب اذا دنا يمل وان الناي يشفي من الوجد
بكل تداوينا فلم يشف مابنا على ان قرب الدار خير من البعد
على ان قرب الدار ليس بنافع اذا كان من تهواه ليس بذي عهد[/size]

كلام جميل جدا
لاقربك بريحنى ولابعدك بفرحنى

[أم عسجد]

فاض حزنى ما بندس
فاض حزنى ما بندس من غير دموع ينحس
وكل البشوفينى يقــول يا حليلو صابو المس
ضاقت على ضيقا ما فيـــــــــها حتى نفس
والهم سمير قلبـــى والخوف رفيقى حرس
ادمنت سهر الليل والشــــــوق على اتمرس
غافر القلب والروح واغـــــــدارى تتجسس
يا حليلو صـــــبرى الكان قدامى خاتو ترس
قدام شجونى اتماص تانـــى ما تفيدنى جرس
وضيع نضارى الشــوق وغير ملامحى طمس
لامن بقيت خيال جــــــــــــــوه العضام تتمس
انا وكتين يجينى الليــــل وكل الخلوق تنعس
بلقى الهموم جــــــــــــواى داقه الف جرس
شايل الحنين زادى والشوق غوته وملبس
للكامل المضــــــــــــــمور وناعم الملمس
حظى التعيس لو لاى فى وشى القى عبس
ودائما مع الذكــــــرى راكب خيالى فرس
لامن اشوفى عيان واسمع شفايفو هــــــمس
فجاه القى نفسى براى بــــــى طيفو اتحدث
اه لو لقيتو معاى فد لحظـــــــــه ليه جلس
ونورو البشع ضــــواى اهدا لى منو غبس
وكان قلبى فره مرق ومن صبرى بره رقص
وبالفرحه انسى عذاب الفرقه واى هوس

[أم عسجد]

الغالى .............
معذور لو قلبي اشتهاك ما إنت عارف

فرقتك ما بيحملا القلب الهواك

ده مناه يوم ما نفترق يا ريتو كان يفضل معاك

لو بي مرادو يقوم يجيك تلقاه بين ايديك حداك

متمني يلحق بيك سريع نتلاقي والاشواق هناك

جاييك هارب من سنين جاييك واقع في حواك

غلبو النواح يوم فرقتك بالدهشة خانس إتعبر

ما بين نوازع الروح إليك هايم وبين حكم القدر

ما اتزعزع الإيمان جواه ولكنو في الآخر بشر

قايل عليك شدة وتزول ما قايلك إنت علي سفر

ما كان هو فاهم يومو داك ايه ضحكت البرق اللصف

ولا كان هو شايف للهموم الجايه واقفات ليهو صف

ولا كان هو حاسس بالغرام الباني في الغيم اتنسف

لقي نفسو فجأة بلا وجيع مفجوع ومفقوع بالأسف

يا ريتو كان وقف الزمان قبال تروح صدّ ورجع

ما كان غشانا الحزن يوم لا فرقه بيناتنا بتقع

كان لا رثيتك لا بكيت لا قلبي فيك يوم إتفجع

وما كان قدر ذكراك صبح يومها التزور مره ورجع