موسوعة الشعر الشايقى

[حزن السنين]

ود علبوب لك كل الحب و التقدير والتحية لشعار حسن الدابي

[شاربة توت ولابسة بوت]

[glow1=66CCFF]شكرا ود علبوب .. ويديك العافية

ودمتم سالمين ...[/glow1]

[ودعلبوب]

دمتم وشكرا غلى المرور وتوقعوا المزيد

[ودعلبوب]

سير ياقلبي فوق الفرحة سوقنى بعيد من الاحزان
وأيام العمر محدوده خلتني داير اعيش في أمان
ماشفت الصباح ياقلبي كيف يصبح حلو وفرحان
مع صوت المنادي ينادي بي حب الاله ريان
الطير بي نغم رباني يتراقص علي الاغصان

شكرا على المرور وتوقعوا المزيد

[ودعلبوب]

ودحمد أحمد يا رفاق
زول في وضوحو بلا الشمش
من شب قام درفون صغير
سوالو جوة الناس عرش
ياهو الركيزة الفي الفريق
زول حوبة شقيش ما يمش
تلقاهو قدام الرجال
حاشاهو كلمتو ما بتطش
من شب قام زولاً قنوع
ما زكة يوم درب القرش
و ما شالّو حق زول بالغلت
و ما بيرضى سمعتو تتهبش
في ليلة كان راقد حزين
و سارح مع الزمن الوحش
كيفن بعد كان حالو
زين و السوق مفرهد و منتعش
مرّت عليهو سنين عجاف
خلت ضماير الناس تطش
بس فجأة سمع الباب يدق
و ياالله قام من الفرش
بي سرو قال إنشاء الله خير
و أطرافو كلها ترتعش
فتح البوابة بلا نفس
و قدامو كان ود الفتح
قال ليهو أدخل قالو لأ
أنا حالي ما داير شرح
قاليهو جيتك و العشم
سايقني ياب راياً سمح
وقفت أماما بيتي الظروف
حلفت يمين تب ما تزح
البيت معاهو المدرسة
خلّني بي إيدي أزح
و النخلة هادي قدر تشيل
ياخدوها قبال يصطبح
قال ليهو بس نقع البنوك
سلفية و الحال ينصلح
قلبة و قلبتين يا رفيق
و بعدين نشيل من الربح
بس قوي قلبك يا رفيق
و قلبك يكون عجوة محس
من بعدو كان درتة النجوم
تلقاها في شهقة نفس
قبال كمان تصحى الشمس
مشى للخزين ود العوض
قال ليهو إلا تمش معاي
أولادي ديل أكلوا القرض
إتماسكو الإتنين سوا
ود حمد أحمد دار يطير
مرات يجك و مرات يخب
و مرات تحِسّبُو زي عزير
بس فجأة في لمحة بصر
لقى نفسو قدام المدير
نزّلهم كل الشروط
فيهم شرط قاسي و عسير
كان الشرط إيه الضمان
مالبنك منهجو برمجي
صاحبنا قام رهن الأرض
الشاربة من دمو الزكي
مدّاهو معنى الإنتماء
و الضحكة في الزمن البِكِي
ذرات ترابة تقولّو لأ
و الدنيا غرقت في البِكِي
وين تاني تلقالك حضن
يا زولنا وكتين تشتكي
مين السواي بيفهمك
يا حمد أحمد غير حكي
أنا ياني أمك يا جناي
من قمتة زي تمر الفكي
يوم اليشيل فوقك تعب
لابد فوقي أنا تنتكي
لابد ترجع لي صاد
لو حتى في آخر العمر
ربيت أعمامك و أبوك
ماحتاجو لاعند القبر
يا ابني لاترهني هوي
يا ابني هوي عض الصبر
ود حمد أحمد ضمة حار
خلط البيصلح باليضر
ما همو إيه باكر يكون
ماطال حقق للغرض
شال القريشات و إنطلق
و في جيبو شيك سمى السند
مبسوط و يضحك منتشي
و صاحبك يجقلب في البلد
أولادو دايرين يابة جيب
صاحبنا يدي بلا عدد
البت تجيهو المدرسة
صاحبنا يدي بلا عدد
الحاجة همها توب سمح
صاحبنا يدي بلا عدد
لامن شهور الجن مضت
لقى نفسو محمود بالمسد
الشيكة باقي وكيتة جا
أقصاهو لايوم الأحد
ود حمد أحمد إنضرب
بقى يجري زي القانقرض
مرات يفوتك في السلام
و مرات يسوي بكا و حرد
بس فجأة صاحبك إختفى
و همّل عقاباتو و شرد
ما راعى أحساس الورا
و ما راعى للبت و الولد
لي زوجتو الممكن تضيع
في زحمة الزمن النكد

[ودعلبوب]

انا العليت هواك براي لمن طال وطال معناي
وقادر تاني برضو براي اهد اركانو غادي وجاى
يا خي ما معقول تحبي سواي وتنسي وفاي وتغدري بي
تهدى بناى تقرري تانى ترجعى لى يا خي ما معقول
اكون لليلى مستنيك وراجى الرى
حليلو زمن بسوقنى الشوق على لقياك رضى ورضى
هسى بقيت يجينى نداك اطانش واقول مالى
خريفك كان شلع براقو برفع لى كريم ايدي
اقول حولينا ماها علينا تنزل في الهويد والصى
رفضتا هواك من طرفك عشان ربطك مرخرخ ونى
طويت ذكراك والاحلام ونجضتا الجرح بالكى
ودقيت صدرى للأيام مسارب للأمل والضى
بعد ماكنتى كل حياتى هسع ما بتمثلى شئ
فرصه سعيده كانت بيك عليك بتعرف احزانى
واعرف وين مقاس صبرى قوة عزمى وايمانى
وحات الله ما محزون على الراويهو شريانى
زمان اديتك المعدوم ووسدتك قليب حانى
ومنك مالقيت غير طعنه سكنت فى صميم اعضاى
وضرت ريدى ليك للريح وشدت للاماني قواى
وشقيت بين حروحى دروب ومن غدر الحبيب نجاى
وكت اظلم علي الكون وودع في النجم ضواى
رغم البي من احزان وكنتا علي الفرح هداى
والجرح البينتح جوه يطلع من صميمو غناى
ما القمريه رغم النبله وصوت الطلقه والحاحاى
مالى غناها عصرياتنا يوم ما خلت القوقاى .

[ودعلبوب]

معروف من قديم انو الجمال نسبي
وللموجب دوام لابد من سلبي
لكن نتفق رسمي وكمان شعبي
الطمبور علاج لكل مرض عصبي
سبحان الاله خالق العباد ربي
سوا قدح حراز دكا راصي العربي
مكسي جلد بقر ومطلي وتقول دهبي
وفوقو تلات عصي واقفات بلا شعبي
وخمسه سلوك حنان موزونه بالنسبي
لو رنة تزوب ترقص جبال كجبي
البركل يمر يتحول العقبي
لو ما كت بخاف والناس تشيل كضبي
كت بقول يرن وتتحل لوكربي
اندح الوئام بين الخلق يدبي
والبوسني الجريح يستئمن الصربي
بالطمبور دوام يتلاشي كل سلبي
وينشرا الفرح من كايا لا اوربي

[الأسطورة]

[glint]تسلم ياودعلوب علي هذهالسطور الرائعة ذات الكلمات الجميلة
مانتحرم منك ياغالي وفي إنتظار المزيد[/glint]

[الأسطورة]

[glint]تسلم ياودعلوب علي هذه السطور الرائعة ذات الكلمات الجميلة
مانتحرم منك ياغالي وفي إنتظار المزيد[/glint]

[الأسطورة]

اخي الرائع دوما ودعلبوب لك التحية ولقلمك الراقي دوما
وسلمت يمناك علي هذه الكلمات الجميلة ...لك خالص ودي
وفي إنتظار المزيد

[الأسطورة]

ياسلام عليك .... ابيات جميلة لكاتب معروف وغني عن التعريف
خالص الشكر

[ودعلبوب]

شكرا على مرورك وتوقع المزيد

[ودعلبوب]

شكرا على مرورك وباذن الله اعدكم بجديد

[ودعلبوب]

شكرا دوما على مروركم

[ودعلبوب]

تسلمى وتشكرى على مرورك الذى يمثل دافعا للمزيد

[ودعلبوب]

بالله إنت شايقي!!؟

سؤال يا بت غريبب

أنا أيِّ شايقي

و بالتحديد بقولك [جلاس بلدى

و كان دار تعرفي اصلي

في النيل و الجروف الخدرا في نوح السواقي

في نِغيم طمبور يبكي الليل و في لبس العراريق و الطواقي

و كان فتشتي في قلب الحسان من جُوة تلقي

أنا أيِّ شايقي

و جنسي شايقي و دمي شايقي

و جدي شايق

و كان دار تعرف اصلي أصبري لي دقايق

و خليني اللّدوِّر عجلة التاريخ و أسرد للحقايق

دنقل عيال منصور جعل و رباط و شايق

لا نهاية الدنيا أولاد عم شقايق

أنا أيِّ شايقي و كمان قاري العلم و عارف الكتابي

كلامي سمح و أكلي قمح و من النيل شرابي

و بملا العين و أزيد شبرين و أهز عضلات شبابي

و أشق أعداي عديل وكتين أشم ريحة ترابي

أنا أي شايقي و الشايقيي مازجي دماي في ذاتي و عروقي

كان مكضبي أقيفي أفصد ليكي إيدي و هاكي ضوقي

أنا أمي مهيرة بت عبود و شيخي الميرغني الختمي الطريقي

و جدي شايق شيّد الشايقيي جدد ليها شوقي

أنا أيِّ شايقي و شايقي أيِّ

بسوم الروح و أقدِّمة لي حياة العز ضحيي

و ما بهاب الموت مادام عيني حيي

في وقت السِلِم بدرع و ألِم فوق كتفي طوريي

و ساعة الحارة في وسط الصفوف تلقيني شايل البندقيي

أنا أيِّ شايقي و شايقي أيِّ

و ده ياهو كلامي مهما قريت واتعلمت و أصبح شاني سامي

و ده ياهو كلامي حتى ان كان بقيت سفير

و لّا كمان بقيت لجلاج أناطق الطير محامي

ده ياهو كلامي حتى ان كان بقيت عميد وقايد جيش نظامي

و ده ياهو كلامي حتى ان كان بقيت ريِّس وأصارع الموج ورا مِي

و ده ياهو كلامي حتى ان كان بقيت غوّاي و زي قيس في غرامي

ده ياهو كلامي أنا اصلي شايقي و ما بغير من كلامي

لما أقول أنا شايقي ما بقصد تِكِبِّر و إني أعلى من الثُريّي

لما أقول أنا شايقي ما بقصد أقسِّم و طني و أدعو العنصريي

لما أقول أنا شايقي بقصد إني سوداني و بسوق ستين سريي

و لما أقول إني شايقي بقصد إني بحمي حماي و احتضن الحريي

أنا أيِّ شايقي و شايقي أيِّ

و السودان عموم يا بت وطنّا ان كان نضمنا عديل

ولّا ان كان كسرنا الكِلمي حتى ان كان رطنّا

جُوارنا أمان و قلوبنا حُنان و أبيض من قطنا

و نحن المن زمان معروف نكِرم الضيف ولو نربط بطُنّا

أنا أيِّ شايقي و شققت العُقاب جيت من كريمي

زادي كسرة متمرة و حبّات جِريمي

لبسي جبي مبرقعة و غبشي و قديمي

و للبنادر جيت و كان أكبر جريمي أنا قلبي ما بدلتو بس بدّل هدومي

و ماني صايع ساكت آبت لا تلومي أنا أصلي أفندي في طرف الحكومة

عاد وحات اسم الله في شايقيتي فد يوم ما بزيِّف

و حبي للشايقيي من ما قُمتة درفوناً خِفيِّف

و لما أبقى شايقي و بين ضلوعي دوام يفر قلبي الرِهِّيف

و لهجة الشايقيي حلوي و في لساني يمين تكيِّف

[حزن السنين]

ود علبوب لك كل الحب و التقدير علي سودانيتك و كلمات الرائعة دي و الي الامام

[ودعلبوب]

شكرا على مرورك واسف لتاخير الرد عليك تسلم

[ودعلبوب]

أمى الله يسلمك / التجانى حاج موسى
ويديكى لى طول العمر
وفى الدنيا يوم ما يألمك
امى الله يسلمك
مى يا دار السلام
يا حصنى لو جار الزمان ،
ختيتى فى قلبى اليقين
يا مطمنانى .. بطمنك
أمى الله يسلمك
خيرك على بالحيل كتير
يا مرضعانى الطيبة بالصبر الجميل
سا سعد أيامى وهناى
لو درتى قلبى أسلمك
أمى الله يسلمك
أنا مهما أفصح عن مشاعرى
برضو بيخونى الكلام
وقولة بحبك
ما بتكفى وكل كلمات الغرام
يا منتهى الريد ومبتداه
يا الليا الله يسلمك
ويديكى لى طول العمر
وفى الدنيا يوم ما يألمك
أمى الله يسلمك

[شاربة توت ولابسة بوت]

لسوف اعود يا امي
اقبل راسك الزاكي

ابثك كل اشواقي
وارشف عطر يمناكي

امرغ في ثرى قدميك
خدي حين القاكي

شكرا ود علبوب