لما اول مرة شفتك
قلبي لى عينيكا شابا
ونفسى فى نشوة مناها
والمشاعر فى اضطرابا
برضى حسيت انك انتا
منقذ الروح من عذابا
ما العيون مرات بتقرا
قصة الريدة وكتابا
عايزة اكتب عن عيونك
الا غالبانى الكتابة
ما عيونك ليا واحة
وضحكة فى زمن الرتابة
عايزة اكتب عن عيونك
الا ما قادرة اسطر
ما عيونك ليا واحة
وضحكة فى الزمن اليعكر
يالوجودك جمبى راحة
وهدأة الرهق اليفتر
جوه طيفك مالى ساحة
فيها كان الهم معسكر
فى عيونك بلقى عبرة
لما اقراها وافكر
وفيها من جواكا نبره
صوت حنين فيهو ببحر
والامان حافيها سترة
تشتهيها النفس تزهر
والجمال الفيها فطرة
يا بديع الخلق اغفر
الاخ عبدالله عبدالرحمن عبدالله تحية طيبة وسلام عطر أرسله لك من بيرمنجهام وصراحة أرجو أن تقبل إعتذارى بعدم المرور على روايعك ونفسك الشعرى الرايع الذى لاتخطئة الاذن الشاعرية أو العادية!!!!!!!! والله العظيم مرات وأنا أكون فى السرير أتذكر أنى ما رديت على الاخ عبدالله وأقول إن شاء الله بكره أول حاجة أعمله الرد الى أن وجدت بكرة هو اليوم والذى تأخر حتى (لومنا معاك) فلك العتبى حتى ترضى وما تقول (الفرده الشاعر ده عامل فيها تقيل !!!) لا والله لا تقيل ولا يحزنون وما ممكن أتقل مع زول كلو مشاعر ورقة وكلمات مناسبة وجذابة ( وحاسب على العذابة ) لك ودى وواصل فى الكتابة والتوثيق وأحتفظ بشعرك فى دفترواحد كبير يا أخوى الزمن ده فى تهكير فى المنتديات وكمان سرقات والله قصيدتك (إلاّّ تشّهد عليها نفرين ) واصل أبداعك ولاتتوقف فنفسك الشعرى عالى ومتمكن .
الاخ عبدالله عبدالرحمن عبدالله تحية طيبة وسلام عطر أرسله لك من بيرمنجهام وصراحة أرجو أن تقبل إعتذارى بعدم المرور على روايعك ونفسك الشعرى الرايع الذى لاتخطئة الاذن الشاعرية أو العادية!!!!!!!! والله العظيم مرات وأنا أكون فى السرير أتذكر أنى ما رديت على الاخ عبدالله وأقول إن شاء الله بكره أول حاجة أعمله الرد الى أن وجدت بكرة هو اليوم والذى تأخر حتى (لومنا معاك) فلك العتبى حتى ترضى وما تقول (الفرده الشاعر ده عامل فيها تقيل !!!) لا والله لا تقيل ولا يحزنون وما ممكن أتقل مع زول كلو مشاعر ورقة وكلمات مناسبة وجذابة ( وحاسب على العذابة ) لك ودى وواصل فى الكتابة والتوثيق وأحتفظ بشعرك فى دفترواحد كبير يا أخوى الزمن ده فى تهكير فى المنتديات وكمان سرقات والله قصيدتك (إلاّّ تشّهد عليها نفرين ) واصل أبداعك ولاتتوقف فنفسك الشعرى عالى ومتمكن .
اخى مبارك
كم انا سعيد بما كتبته فى حقى وسعيداكثربالنصايح الغاليةالتى قدمتها لى وبحضورى فى خاطرك .. وتجدنى اجد لك العذر لاننى مثلك مشغول جدا وادخل على كذا منتدى لاقوم بالردود على تعليقات اصدقاء رائعين مثلك أتواصل معهم .... اما فيما يتعلق بالهكرز فان اغلب كتاباتى قدمتها للمصنفات الادبية والفنية فى السودان وتمت اجازتها وحفظت حقى
اعتبر شهادتك وسام اعتز به وتشجيع لى سيجد منى الاجتهاد اكثر واكثر والله يسترنا مع العذابة
لك شكرى وتقديرى ومحبتى
