قصيدة رووووعــة

[ودشنان]

شقا الأيام ..

وسهر الليل ..

بهون لو مرة حسيت بى ..

يزول كل الوجع وأرتاح ..

وأغرد زى كنار صداح ..

وتبقى الدنيا فى عينى ...

أزاهر وغيمة وردية ..

ولو سلمت مرة على ..

سلامك ليا عيديه...

**

شقا الأيام وسهر الليل ..

وآهاتى الحزاينية ..

ملازمنى من يوم شفت عيونك الحلوة ..

ويومها عرفت كيف العين

مكامن ريد..

وجرة نمة من دوبيت ..

ضراعة فاتحة يوم العيد

فرح أطفال

وأهازيج زار

ونقرة طار ..

وبحة ناى ...

حزين غناى ..

ترانيم غنوة دينية

**

براى ... والليل

وأهاتى الحزاينية ،

بيغشاني النعاس مرات ..

وطيفك يمر..

يغافلني..

يبدل حزني اشراقات

وأبداء معاك غناوى الليل

وأغالب الدمعة مابيه تسيل ..

أتارى الليل كمل كلو ؟!

عيونك مرة لو طلو ..

يزول كل الوجع وأرتاح...

وأغرد زى كنار صداح..

وتبقى الدنيا فى عينى ..

أزاهر وغيمة وردية ..

ولو سلمت مرة على ..

سلامك ليا عيدية ..

[د.عبير]

والله مباااااااااالغه قصيده رووووووعة




تسلللللللللللم

[ود الحاج]

حقيقة كلماتك روعة يا اخ ود شنان
ربنا ما يحرمنا من مشاركاتك
وتقبل المرور

[مهاجر في البلد]

شقا الأيام ..

وسهر الليل ..

بهون لو مرة حسيت بى ..

يزول كل الوجع وأرتاح ..

وأغرد زى كنار صداح ..

وتبقى الدنيا فى عينى ...

أزاهر وغيمة وردية ..

ولو سلمت مرة على ..

سلامك ليا عيديه...

**

شقا الأيام وسهر الليل ..

وآهاتى الحزاينية ..

ملازمنى من يوم شفت عيونك الحلوة ..

ويومها عرفت كيف العين

مكامن ريد..

وجرة نمة من دوبيت ..

ضراعة فاتحة يوم العيد

فرح أطفال

وأهازيج زار

ونقرة طار ..

وبحة ناى ...

حزين غناى ..

ترانيم غنوة دينية

**

براى ... والليل

وأهاتى الحزاينية ،

بيغشاني النعاس مرات ..

وطيفك يمر..

يغافلني..

يبدل حزني اشراقات

وأبداء معاك غناوى الليل

وأغالب الدمعة مابيه تسيل ..

أتارى الليل كمل كلو ؟!

عيونك مرة لو طلو ..

يزول كل الوجع وأرتاح...

وأغرد زى كنار صداح..

وتبقى الدنيا فى عينى ..

أزاهر وغيمة وردية ..

ولو سلمت مرة على ..

سلامك ليا عيدية ..

إبداع يا ود شنان
بالجد كلمات رنانة

[الضراع]

كلمات جميلة جدا
للرائع المبدع الاستاذ
التجاني الحاج موسي
اشكرك اخي ود شنان
علي حسن الاختيار والزوق العالي
واشكرك ايضا علي المجهود
فقد امتعتنا كثيرا
تقبل مروري
تحياتي