تعالوا نشوف كلمة ((زول))ومعانيها...

[ar-hack]

موضوعك ممتاز
وأحي فيك هذه الروح التي تؤصل للمصطلحات العامية السودانية في انتظار مواضيعك

تقبل مروري

[ضو البيت محمد النور]

عصافير الخريف ....... بجد موضوع جميل ومميز

معاني مفيدة .. عشان نغير النظرة التي ينظرون بها الاخرين الي الزول ...

الناس اتغيروا .. الزول دا كان زولي .. وانا ريدي ما بدلوا
الزول دا كان زولي
تسلم يا زول يا رائع .......

[عصافير الخريف]

مشكورين ياحلوين علي الرد وخلي بالك يازول من زوالك

[مهاجر في البلد]

معلومات جديدة ورائعة

شكرا لافادتنا

[عصافير الخريف]

حياك اخي مهاجر علي الرد

[رغودة]

موضوع جميل أخ عصافير..






تخريمة.. ياعصافير أنا ح أنط ليك في كل بوست عشان أذكرك تحكي لي قصتك القلت الناس كلها عارفاها (إلا انا) ولا شنو؟؟

[ود النيل 2009]

مشكوووووووووووووووووووووووووووووووووووووورة عل الابداع

[محسية]

ماذا تعني كلمة زول؟

كثيرون يعتقدون جهلا أن كلمة زول كلمة اخترعها السودانيون
وليس لها أصل ولا فصل , وللعلم والمعرفة إليكم

الزول تلك اللفظة العربية التي أصبحت تعادل كلمة (سوداني) في كل مهجر ومغترب ، حتى أصبحت
شعاراً للسوداني ـ هي والعمامة ـ و (زول) من فصيح العربية ولها في لسان العرب لابن منظور
أكثر من سبعة عشر معنى ، فالزول تعني

(1) الكريم الجواد ، أنشد السكيت المزرد
“لقد أروح بالكرام الأزوال من بين عم وابن عم أو خال”

(2) والزول : الخفيف الحركات
قال أبو منصور الثعالبي في حديثه عن الممادح والمحاسن ، حين
ذكر أطوار الإنسان : فإذا كان حركاً ظريفا متوقدا فهو : زول .

(3) والزول الفتى
قال محمد بن عبيد الله الكاتب المشهور بالمفجع يمدح علياً رضي الله عنه :
“أشبه الأنبياء كهلاً وزولاً وفطيماً وراضعاً وغذياً”
(4) والزّول : العجب
ألا ترى السوداني إذا استغرب شيئا قال: يازول ؟؟
يعني ياعجبي من هذا الشيء .


قال الشاعر في وصف سير ناقة.
“مرفوعها زول وموضوعها كمر غيث لجب وسط ريح”
فمرفوعها زولٌ يعني سيرها إذا أسرعت عجب من العجائب.

(5) والزول : الخفيف الظريف الذي يعجب الناس من ظرفه
(6) والزول التظرف
(7) والزول : الداهية
(8) والزول : الشجاع الذي يتزايل الناس من شجاعته

(9) والزول : الصقر
(10) والزول : معالجة الأمر كالمزاولة
(11) والزول الغلام الظريف

(12) والزول : الحركة
(13) والزولة : المرأة الظريفة ، قال الأصمعي : أنشدتني عشرقة المحاربية ، وهي عجووز
حيزبون زولة … قال أبو علي : الحيزبون التي فيها بقية من الشباب . والزولة الظريفة
(14) والزولة : المرأة البرزة (الجميلة) الفطنة الذكية ، قال الطرماح بن حكيم :
وأدت إليّ القول منهن زولة تلاحن أو ترنة لقول الملاحن
والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .
(15) والزولة : الفتية من الإبل أو النساء

قال رؤبة بن العجاج :
قد عتق الأجدع بعد رق بقارح أو زولة معق
(16) ووصيفة زولة : إذا كانت نافذة في الرسائل
(17) ويقولون فلان رامي الزوائل : إذا كان خبيرا بالنساء

قال الشاعر :
“وكنت امرأً أرمي الزوائل مرة فأصبحت قد ودعت رمي الزوائل”
ففتى، زول وفتاة ،زولة ، وفتية أزوال ، وفتيات زولات ، ونسوة زوائل .
والزول كلمة آتية من الزوال اي أنك انسان زائل

فالزول والعمامة شعار السوداني ـ وأكرم به ـ ونحن نسعد ونفخر أن يكون شعارنا كلمة عربية
أصيلة هي (العمامة) والعمامة هي لباس النبي صلى الله عليه وسلم وأصحابه والتابعين والأئمة والفقهاء

[dhmee]

شكرا لكي اختي العزيزه محسيه معلومات قيمه ومفيده بصراحه واول مره تمر علي المعلومات دي وجزاك الله خير.........اخوكي دحمي

[محسية]

شكرا لكي اختي العزيزه محسيه معلومات قيمه ومفيده بصراحه واول مره تمر علي المعلومات دي وجزاك الله خير.........اخوكي دحمي

اخى الكريم

تسلم على المرور الجميل


يعطيك العافية

ودمت بكل ود

[mis.silent]

مشكووورة اختي العزيزة على المعلمات القيمة
اول مرة اعرف انه كلمة زول من العربية الفصحة
لكي الفضل انتي اختي المحسية
تحتي لكي

[إبنة النيل]

مشكورة على المعلومات الحلوة يا ( زولـــــــــــــــــة )

[الذيب الجريح]

تصدقي يا محسية

اكتر اصحابي البحرينين وغيرهم بنادوني يا زول
وعادي عندي ما بزعل

واول مرة اعرف معناها

وشكرا معلومات مهمة جدا
لك التحية

[الحلاوية]

[align=center]مشكورين على الموضوع الأكثلر من رائع

معلومات مهمة جدا

تسلمو[/align][/color]

[ملاك الورد]

شكرا كتيييير يا زول ما قصرت
و الزول كل يوم بزيد فخره بإنه سوداني
سودانيه و زولة و أفتخر
تشكراتي على الموضوع الراقي

[أبعاج]

[brain]

بسم الله الرحمن الرحيم

احلى سلام لاحلى اعضاء ان شاء الله الكل بخير

طبعا كلكم قريتوا العنوان والموضوع بيخص كل فرد سوداني طبعا كلمة زول كلمة خفيفة

وحلوة وللاسف كتير مننا ماعارفين معانيها اذا احنا ماعارفينها اكيد بقية الجنسيات ماعارفينها

اكبر مشكلة انو قايلينها شتيمة وخصوصا هنا في الخليج تعال يازول روح يازول غايتو الله يسامحم

انا شكلي طولت عليكم وحتركم مع الموضوع واتمنى انو يعجبكم0000


كلمة زول في العاميّة السودانية والتي أضحَت ترمزُ للسوداني – شأنها شأن العمامة - هي في الأصل مفردةٌ عربيّةٌ فصيحة، ولها في لسانِ العرب أكثر من سبعة عشر معني، فالزول تعني :

1- الكريم الجواد ، أنشد ابن السكيت لمزرد :
لقد أروح بالكرام الأزوال **** من بين عم وابن عم أو خال

2- والزول : الخفيف الحركات قال أبو منصور الثعالبي في حديثه عن الممادحِ والمحاسن، حين ذكر أطوار الإنسان : فإذا كان حركاً ظريفاً متوقداً فهو : زول.

3- والزول الفتى ، قال محمد بن عبيد الله الكاتب المشهور بالمفجع يمدح علياً رضي الله عنه :
أشبه الأنبياء كهلاً وزولا ً**** وفطيماً واضعاً وغذيا ً.

4- والزول : العجب ، ألا تري أن السوداني إذا استغرب شيئاً قال : يا زول؟! يعني ياعجبي من هذا الشي . قال الشاعر في وصف سير ناقته :
مرفوعها زول وموضوعها **** كمر غيث لجب وسط ريح
فمرفوعها زول يعني سيرها إذا أسرعت عجب من العجائب .

5- والزول : الشجاع الذي يتزايل الناس من شجاعته.

6- والزول : الخفيف الظريف الذي يعجب الناس من ظرفه .

7- والزول : الغلام الظريف .

8- الداهية .

9- معالجة الأمر كالمزاولة .

10- التظرف .

11 - الحركة .

12- الصقر .

13- والزولة : المرأة الظريفة.

14- المرأة البرزة ( الجميلة) الفَطِنَة الزكية قال الطرماح بن حكيم:
وأدت إلي القول منهن زولة****تلاحن أو ترنو لقول الملاحن
والملاحنة هي الفطنة.

15- والزولة : الفتية من الإبل أو النساء ، قال رؤبة بن العجاج:
قد عتق الأجدع بعد رق **** بقارح أو زولة معق

16- ووصيفة زولة : إذا كانت نافذة الرسائل.

17- ويقولون فلان رامي الزوائل : إذا كان خبيراً بالنساء ، قال الشاعر:
وكنت امرأً أرمي الزوائل مرةً****فأصبحت قد ودعت رمي الزوائل
فهذا رجل كان يجتذب النساء في شبيبته بحسنه فلما أسن أنصرف عن ذلك .

فالزول والعمامة شعار سوداني- وأكرم به- ونحن نسعد ونفخر أن يكون شعارنا كلمة عربية فصيحة في قمة الفصاحة هي ( الزول) ،
وسنة نبوية وعادة إسلامية عربية أصيلة هي ( العمامة) والعمامة لباس النبي صلي الله عليه وسلم وأصحابه والتابعين والأئمة والفقهاء . وقد كانت لباس العرب قبل الإسلام حتى قالوا: ( العمائمُ تيجانُ العربِ).
ومن الشائع في عاميتنا القحة أن نقول ( فلان زول الله أو فلان زول جنة) إذا كان طيب القلب سليم الصدر،

والسودانيون عموماً معروفون بطيبة القلب – وهذا مصدر فخرنا- ولكنهم أيضاً مشهورون بأنهم كالكبريت أو البنزين (سريعو الاشتعال)
وفي الحالتين لا يشتعلان إلا بمثير ، والطيب أيضاً يبقى طيباً إلي أن تثيره وتحرك فيه ما يخدشه فيغضب ويشتعل.
قيل لأحدهم ما تقول في السوداني و...؟
(وذكروا جنسية أخرى) ، فقال عن الجنسية الأخرى: ( هو كالسيجارة ندري أنها تضرنا ومع ذلك نتعاطاها)، أما السوداني فهو (حليو زي البيبسي ، بس لا ترجو).

يا زول !!!!!!!!!! والله ما كنت عارف
يا أخي جزاك الله خيراً

[انفلونزا الحب]

شكرا معلومات قيمة جدا

يسلموووووووووووووووووو

[ميشو العسل]

قصيدة الزول

--------------------------------------------------------------------------------


فجاء رد ذلك العربي عليه مستاءً :


((بتقول زول !!؟.. ليه شايفني لافي بتاعة على دماغي؟؟))



((يقصد عِمة))


أناالغلطان


تقول لي زول؟!


بقول ليك زول !!


مالو الزول؟


و انت بتعرف إيه للزول ؟


سخيف وجهول


كمان زعلان


خلاص يا سيدي أنا غلطان


شطحت وكنت فاكرك زول


زول الماهو عاجبك ده


الله الخلقو خلقو كده


سمرة لونو من لون طينو


يبقى الفرق بينك و بينو


إنو نضيف و ابيض قلبو


عارف قدرو شاكر ربو


ساتر عرضو ماسك دينو


مخلص أمين وديع و رزين


حشيم القول بديعو رصينو


لطيف وعفيف و كاتلو حنينو


أسد في الحاره


لابختاك و لابرجاك تجيو في عرينو


أكان بى حدره بادرتو


بيتلقاك بى عتره


وبستناك تقول الروب


قبل ما يشممك سكينو


يا بتوب يا بيوسدوك الطوب


والراجل يحمر عينو


كمان بى كلمه بتخاويهو


وبى بسمه بجيك خيرو


لا بتقدر تعيش من دونو


لا بتختاهو لى غيرو


زول الماهو عاجبك ده


بلا توجيه ولا تعليم


أديب و فهيم


هميم وكريم


و فطرة ربو من يوم خلقو


لا فتان و لا خوان


أخو أخوان


بكفي الألف و الألفين من الضيفان


و لو اضطر يرهن ولدو


و ان ما كفى


باع بيت أهلو و الجيران


زول الماهو عاجبك ده


يوم تحتاجلو بتلاقيهو


أكان ورطان وكان جيعان


و كان وجعان و كان سجمان


قبل تتأوه و تناديهو


يمين في أقل من برهه


و بين مد الألف و الها


قبل ناسك بجيك حفيان


بضمد جرحك و بداويهو


بكتل أبدرقه بى إيديهو


بطفي الواقده بى رجليهو


ما بتغباههو


لما تدورو بتلاقيو مكان حاريهو

اللافيبا راسو الزول

و متباهيبه إسمها عمه

سنة سيد الأسياد

المعصوم شفيع الأمه

و سيما الأوليا الزهاد

قلال الزاد كبار الهمه

و تاج العزة و الجبره

و رمز الطيبه و الحكمه

و الملفوف على المبروكه

إسمو التوب

لباس العفه و الحشمه

أزيدك من فضول القول

ولا خلاص عرفت الزول

ده جمل الشيل

دخري الحوبه

فارس العتمه ساري الليل

لبيب و زكي و نجيب بلحيل

فهيم فهماً يهد الحيل

تقول لي ما فهمت عليك عيد القتو لي تاني !

واجيب فهامه عاد من وين

كلامي القتو ألماني؟

أخير ليك تمشي تختاني

وتنسى الزول و تنساني

وفوت قبال تعاديني

و اقول اللوح ده عاداني

و يكفي الزول و يكفيني

إني وإنو سوداني

بالجد القصيده دي مبالغه ويستاهل الزول الكاتبه جائزه