ســـــــــــــــــلام شبــــــــــــــابــــــــــــ
اليوم كان خميس ولااروع خميس ولااجمل خميس خميس خميس ابداع حبيت تشاركونا خميسنا ده
اخيرا اليوم تم وبحمد الله التعارف بالصوت والصورة على الاخ الحبيب الاخ الرائع ابوصديق بعد
طول انتظار ومواعيد مؤجلة بسبب ظروف العمل وضيق الوقت ومفروض كان تحصل من زمان
بس ربنا مااراد واليوم اتوفقنا والحمد لله وكان لنا عظيم الشرف بمقابلة هذه الشخصية الرائعة
ابوصديق كان لقاء جميل ولقاء ابداع ...
فاصل ونواصل ماذا دار اليوم وبجى احكى ليكم بالتفصيل الحصل
والمقالب المانجت والشمارات الحصلت اليوم شنو
وبالتفصيل وبالصور كمان
الأخ الحبيب بلبل2 حبيب الكل كما يحلو لك والكل حبيبك كما يحلو لي
والله بالجد سعدت جدا جدا لبادرنك الطيبة وإصطحابك الأستاذ الحبيب
هووومي وبالجد غمرني شعور لا يوصف وأنت من جسدت معاني الأخوة والترابط
والتعارف والتواصل وبرهنتها علي أرض الواقع وعلي الرغم من قصر فترة اللقاء
إلا أنه أكد لي حقائق عديدة وكما تقابلنا بالإبتسامة وإفترقنا عليها نسأل المولي عز وجل أن تكون معرفتنا
في الله .. ولك إحترامي وتقديري يارائع..
طبعا حبيبنا الغالى ابوصديق كل خميس بحضر لينا العشاء وبنتظرنا وفى الاخر
بحضن الماسورة وبتعشاء لوحدو والحكاية دى اتكررت كتير واخر خميس كان
الخميس الفات وكان السبب طبعا ادهـــــــــم ملك المواسير المصدية وكان وعد
ابو صديق انو حيقدم ليهو زيارة وحيجيهو مخصوص من ابوظبى وكده فى الاخر
شراهو وتسبب فى خسائر فادحة لابوصديق وخرب عليهو ميزانية الشهر وكده
وكان ابو صديق مجهز وليمة عشاء فاخرة جدا نظام عاوز ارد لادهم الجميل العملو
معاهو فى البلدية فى ابوظبى بس ادهم حضنو الماسورة ...
دى خلفية عن الماضى وبجيكم راجع احكى ليكم الحصل اليوم
اتصلت ب ابوصديق المرة الاولى مارده والتانية مارده والتالتة رده
تاريهو المسكين كان فى سابع نومة ازعجتو وكده لكن معليش تتعوض النومة..
ابوصديق كيفك مشتاقين رده على بصوت النوم المخيف داك لمن قلت ده ماهو
اهلين ابوحميد اخبارك ... انا اسف ازعجتك وصحيت من النوم.. لالا مافى ازعاج
ماكنت نايم بس التلفون كان بعيد منى .. طبعا هو انسان زوق وماعاوز احسسنى بالزنب
لكن انا عرفتو انو كان فى سابع نومة .. ابوصديق اليوم ان شاء الله حنصلك انا وهوومى
طبعا فى قلبو بكون قال دى ماسورة زى كل خميس .. اوكى انا منتظركم ..
لالا نحنا ما حنجيك فى البيت لازم نتقابل برة لانو مافى زمن وحنكون على السريع
اوكى خلاص وين نتقايل .. خلاص انا بشوف هومى وبرجع اخبرك.
لحدى هنا ابوصديق مفتكرها ماسورة واننا ماحنجى..
وبرجع اتم الباقى ..
hoomy كتب:بلبل أوعك من الصور عشان ناس الراكوبة مايهربوا
ياماسورة
اسمعوا دا مقلب عاملوا بلبل ونحن ما اتلاقينا مش كدا يابوصديق
دي الكاميرا الخفية
ههههههههه كميراء خفية حينا اموت واعرف السبب المخوفك من الصور شنو ياهومى
مالك ماشاء الله ماوجية اي نعم انك مبقلب وسمين وقصير لكن وجية فماتلاوز
خليك شجــــــــاع زى ابو صدق زول واثق من نفسو وقال لى نزل الصور
وايد الفكرة وقال كده مية مية ولا خايف الجكس اطفش منك ياهومى
؟؟؟؟؟؟؟؟؟؟؟؟؟؟
نتابــــــــع ماحـــــــــدث ليلة امســــــــــ.....
رجعت بتلفون لهومى وقام اتقاتت على والله ياجماعة الزول ده قتيت التقول فيهو عرق شوايقة
المهم قلت ليهو انا اتصلت وخبرت ابو صديق وقال اوكى وشكلى ازعجتو وصحيتو من النوم
هومى :: اى انت مزعج يابلبل اسه نحنا يادوب راجعين من الدوام خلينا نرتاح ونمشى ليهو
ياهومى لو ريحنا بنكسل ومابنمشى قدامك ساعة جهز نفسك وانا اسه وصلت البيت
باخد لى دش وبجهز وبجيك اوكى هومى خلاص اوكى...
المصيبة هومى برضو كان فاكرنى حمسكو الماسور ..
المهم بعد ساعة بالتحديد انا طلعت من البيت اتصلت على هومى قبل مااتحرك عارفو جنو
محركة زى الجكس اقيف فى المراية ساعة واتظبط واتجية ساعة حركات الجكسى دى
لحدى ما انزل ليك تكون روحك طلعت..
هومى انا طلعت انت ووصلت تحت انزل هومى خلاص ثوانى بس شفتو الثوانى دى
لحدى انا ماوصلت بالجد المكان المتفقين نتلاقة فيهو هو ماكان وصل اتصلت عليهو
انت وين ياهومى ثوانى بس وبكون معاك بس اقطع الشارع وبعد خمسة دقائق
شايفو جاى اتقدل واتصل على بلبل انت وين ؟؟ قت اضحك ضحكة خباثة كده
قلت ليهو انت وصلت قال لى اى وتانى قعت اضحك وهنا فقد المنطق
طبعا ياجماعة الزول ده اخلاقو ضيقة شديد وقلت ليهو انا فى بيتنا
ماجاى بس حبيت اعمل فيك مقلب وكده والله والله الزول ده كان عاوز ابكى
وماخلة شتيمة ماقالها لى وقاعد اجوط فى الشارع والناس تعاين فيهو وبرنامج كان
وانا اشيل واغيظ فيهو واضحك وهو اكورك .. فى الاخر حنيت عليهو
ونزلت من العربية وقلت ليهو تعال انا هنا لمن شافنى قرب اكسر لى سيارتى
المهم سلامات حارة جدا جدا لانو كان لينا حوالى 4 شهور مااتلاقينا واحضان
وتلويم فى بعض وفى انو نحنا قريبين من بعض بس ظروف العمل صعبة
ى البلد دى وبتمنعك من الطلوع بالساهل .
هنا بقيف شوية واجى احكى ليكم مقلب ابو صديق.......
اتصلنا على ابو صديق ولقيناهو قرب لينا فقمنا اتفقنا على مكان وسط واتلاقينا
فى مركز اسو الطوار سنتر يعنى مكان جميل وهادى ومافى جوطة وباع قعدات وونسة
طبعنا هنا كان اول مرة هومى اتكلم مع ابوصديق صديق ودار بيناتهم حوار وونسة بالجوال
لحدى ماوصلنا المكان المتفقين نتقابل فيهو.
بعد ماوصلنا هومى قال لى نعمل مقلب فى ابوصديق وطبعا مقلبنا ده عملناهو فى معتز وعمر
ونجح فيهم لكن فى ابوصديق فشل فشل زريع.. ومعلومة اعرفوها هومى بتاع مقالب وجنو مقالب
المهم قال لى انت تلبس شخصيتى وانا بلبس شخصتك واتفقنا على كده ودخلنا وتوانى وكان ابوصديق
معانا اها هومى سلام حار بالاحضان وكده نظام هو بلبل وفى سابق معرفة وانا سلام عادى نظام
اول يوم الاقيهو وكده وماحل اتلاقينا ولا اتكلمنا بالجوال لكن ابو صديق كانت عندو فارسية وعرف
المقلب من الاول وعمل رايح وهومى واشيل واعرف ليهو طبعا انا بلبل وده هومى فى الاخر ابوصديق
قال ليهو ياخى واضحة ياهومى انا عارف منو هومى ومنو بلبل وفكيناها ضحة وبدينا نتونس
وندردش مع بعض وكانو ده مااول لقاء وكانو بنعرف بعض من زمن طويل بالجد كانت لقاء روعة
وكان لى عظيم الشرف باكتشاف شخصية جديده من اعضاء هذا المنتدى العملاق وبالجد مهما قلت
مابقدر اوصف ليكم ابوصديق طبعا الناس بتكون فاكرة انو ابوصديق زول عجوز لكن ده عكس
هو انسان شاب وفى الثلاثينيات من العمر وزول خلوق جدا ومرح واخلاقو عالية ماشاء الله عليهو
وبالجد عشرة على عشرة وبالجد سعيد بالتعرف عليك..
وخلاص انا فترت من الكتابة ابوصديق وهومى تعالو تمو الباقى انتو انا من امس بكتب حرام عليكم
الأخ الحبيب بلبل2 بالجد كان وصف قمة في الدقة لللقاء الحُلم أضاف لنا حياة مفقودة وأن الناس لسه بخير
وبرغم ضيق الوقت وتسارع عجلاته في الغربة وتشريحه بين العمل والأسرة والإلتزامات الشخصية إلا ان الإنسان يجب أن يُخصص ولو ساعة كل إسبوع لكسب ود إنسان جديد في حياته وقائمة إتصاله لأن متعة التواصل عظيمة لمن تجرد من مصالح هذه الفانية،
لحظة صدق وشمار حااااار
طبعا قعدنا في كوفي شوب زي ماقال الحبيب بلبل2 ظريفوني وكل واحد كان بسأل التاني تشرب شنو؟ تشرب شنو؟ وأنا قلت ليهم خلوه لما إجي وبعدين نطلب، وما كان من بلبل إلا أن قام ونادي علي الويتر وجانا في هندامو الأنيق ( الويتر ) وشايل دفترو زي بتاع الضرائب.
yes sir حبيبنا هووومي قال أنا عايز البتاع داك بلبن إحتمال قاصد نسكافيه ولأ كابتشينو الله أعلم ها ها ها هاها إنفجرنا في الضحك والناس تتفرج علينا وبلبل2 طلب حاجة ما عرفتها لكن لمّا جابوها كان ليها رغوة كثيفة بيضاء ، أنا قلت ليهم ده ود رغوة ولأ شنو هههههه
وأنا طلبت قهوة تركية بدون سكر ( عامل السن ) والشئ الطبيعي أن كل المشروبات بجيبوها بدون سكر وبعد داك تحط السكر علي مزاجك،
بعد الونسه والمتعة الحسينا بيها ولقاءنا الذي تمّ بترتيب من الأخ الحبيب بلبل2 الواحد بحس أنو مشاركته وحروفه التي خطها في منتدي أنا سوداني العملاق بقيادة الدكتور صلاح يحي سليمان لم تضع هباءا وأننا بالجد نجني فوائد لا حصر لها من التعارف خصوصا ونحن نعيش في دولة واحدة والكثير مننا في مدينة واحدة وتفرقنا بعض الكيلومترات عن بعضنا البعض ، واسمحو لي عبركم أن أدعو للقاء رابطة الأمارت بمنتدي أنا سوداني ولكم فائق الود التنقدير،،،،
يابلبل بالله عليك الصورة الفيها الصلعة ماتنزلها
خلي بتاعت الشيب ما ممشكله
أبو صديق كتب: الأخ الحبيب بلبل2 بالجد كان وصف قمة في الدقة لللقاء الحُلم أضاف لنا حياة مفقودة وأن الناس لسه بخير
وبرغم ضيق الوقت وتسارع عجلاته في الغربة وتشريحه بين العمل والأسرة والإلتزامات الشخصية إلا ان الإنسان يجب أن يُخصص ولو ساعة كل إسبوع لكسب ود إنسان جديد في حياته وقائمة إتصاله لأن متعة التواصل عظيمة لمن تجرد من مصالح هذه الفانية،
لحظة صدق وشمار حااااار
طبعا قعدنا في كوفي شوب زي ماقال الحبيب بلبل2 ظريفوني وكل واحد كان بسأل التاني تشرب شنو؟ تشرب شنو؟ وأنا قلت ليهم خلوه لما إجي وبعدين نطلب، وما كان من بلبل إلا أن قام ونادي علي الويتر وجانا في هندامو الأنيق ( الويتر ) وشايل دفترو زي بتاع الضرائب.
yes sir حبيبنا هووومي قال أنا عايز البتاع داك بلبن إحتمال قاصد نسكافيه ولأ كابتشينو الله أعلم ها ها ها هاها إنفجرنا في الضحك والناس تتفرج علينا وبلبل2 طلب حاجة ما عرفتها لكن لمّا جابوها كان ليها رغوة كثيفة بيضاء ، أنا قلت ليهم ده ود رغوة ولأ شنو هههههه
وأنا طلبت قهوة تركية بدون سكر ( عامل السن ) والشئ الطبيعي أن كل المشروبات بجيبوها بدون سكر وبعد داك تحط السكر علي مزاجك،بعد الونسه والمتعة الحسينا بيها ولقاءنا الذي تمّ بترتيب من الأخ الحبيب بلبل2 الواحد بحس أنو مشاركته وحروفه التي خطها في منتدي أنا سوداني العملاق بقيادة الدكتور صلاح يحي سليمان لم تضع هباءا وأننا بالجد نجني فوائد لا حصر لها من التعارف خصوصا ونحن نعيش في دولة واحدة والكثير مننا في مدينة واحدة وتفرقنا بعض الكيلومترات عن بعضنا البعض ، واسمحو لي عبركم أن أدعو للقاء رابطة الأمارت بمنتدي أنا سوداني ولكم فائق الود التنقدير،،،،
يابلبل بالله عليك الصورة الفيها الصلعة ماتنزلها
خلي بتاعت الشيب ما ممشكله
هههههههههههه حلوة ابو رغوة دي هههههههههه وود خالي طلب شنو؟؟ ؟
بلبل ياود خالي نزل الصور نحنا في الانتظار . ..دايرين نشوف عمو الوجية. ..
..دايرة ارجع صورة وائل وحرجعها 
)
..