الكتابة على المركبات العامة

[دافنشى كود]

السلام عليكم

والله ياجماعة
الكتابة والتعليقات البتتكتب فى العربات دى مكيفانى شديد
ما حصل مريت بدون ما اقراء اى تعليق على عربة
طبعا فى كتابات مكررة
المغترب البكون مارجع بلده إلا بى حافلة ولا دفار بس
بيكتب طوالى حصاااااااااااد الغربة
والعربيته شينة بيكتب
كعب العدم
وطبعا نلس الشواكيش عنده كتابات مميزة
عارفنى منك
وحاجات زى دى
طبعا فى ناس الخيال الواسع وديل كمان مبالغة
فى واحد كاتب
يا6 هم
فهمتوها صح
واحد كاتب
فى الليلة ( وخاتى صورة ديك)
اها
انا داير كل واحد يدخل يتخيل نفسه انه عنده حافلة ولا هايس ولا حتى ركشة
ويورينا ح يكتب شنو؟

[دافنشى كود]

طبعا ح أكون أول مشارك
وح أكتب
شينة منك

[فارماس]

أنا بتكتب في الكارو بتاعتي
مويه بلدي ولا حليب السعودية

[بسمة الحياة]

انا بكتب

اتغَربنا و مافي زول بفهمنا

[فارماس]

ايذي يا حبيبي ايذي

الفهم قسمة

[saare]

[grade="00008B FF6347 008000 4B0082"]ياخاين عهود حبك[/grade]

[دافنشى كود]

تسلموا على التعليقات الحلوة

شنو يا سارة جابت ليها خيانة عديل



الدنيا ليل غربة وشجن

[زوزو الجامعي]

نسايم الليل

يسلموووووووووووووو

[قمر الليالي]

عربيه ماااركه
للناس الهاي

[الدلوعة شيراز]

هههههههههههه
مشكور..

انا بكتب امممم

كنت الامل في الفكرة .... فاصبحت الالم ومجرد ذكرى
(( عن المـــــــــــاضي ))

[احمد عادل]

حاكتب كلمتين بس:


واقف براااك

[فارماس]

اذا بدأت بتقييم الناس, فانك لن تجد الوقت لتحبهم

[الفرح المهاجر]

.

.
.

[align=center]غـــــــــــــدارة[/align][/size]

[دافنشى كود]

شكرا على المرور

وكلامك صح فارماس

ح أكتب فى الركشة التانية


سيب عنادك

[mis.silent]

انا ما حاكتب حاجة حأخليها نظيفة احسن

[أبو صديق]

بالفعل ظاهرة ملفتة للنظر ومرة شفت تريلا مكتوب عليها
( بس تشيل فوقي وتودي ) أكيد بكون مسطول وملطط كمان هههههه
طبعا مع الإعتذار للأغنية ده من عندي
وبرضو يا المصيرك تنجرح
وأحلي واحدة علي عربية كركعوبه
غدر الزمن

[لولو LoLo]

عشان احمي عربيتي من الحسد

ما شاء الله

[مسلمة وافتخر]

وانا حاكتب فى ابو رجيلة بتاعتى


الجمرة تحرق الواطيها

[( ود البورت )]

انا بكتب

الحب & الظروف