همس القوافى

[بت كردفان]

[align=center]ياحبيب الروح وحاتك

حبي ليك جد حب خرافي

مابتعبر عنو نظرة

ولا همة حتي لو انظم قوافي

يافرحنا وكت نشوفك

وياشقانا وانت مافي[/align][/size]

[مها]

ما بقول دايرك حبيبه
تمحى من خاطرى الكأبه
او اقول دايرك قريبه
فى سنين زايد عذابا
انتى اكبر من تكونى
جنة مفتوح لى بابا
يكفى انك فى ضميرى
وفى ضمير كل الغلابه

[بت كردفان]

[align=center]مابين عينيك والاندهاش


سكة مني ومشوار فرح


اطياف غرام تمشي وتمر


وتداوي قلبا انجرح


********


مابين عيونك وبسمتك


طلت صباح فرحا جميل


نسمة دعاش شايلة الامل


جايانا في وقت الاصيل


ضحكة حزين صرخة انين


راجيك ضلا للمقيل


راجيك فرح يملا الدروب


راجيك بالوعد القبيل


كوني المراسي والضفاف


يا زادنا للدرب الطويل[/align][/size]

[بت كردفان]

مهما جارت بـي ظروفى أو على ضاقت رحابك
وعـشتا فـى هامش حياتك لا حـسابك لا عتابك
يانى فـارش دربك اخضر فى إنتظار هيبة جنابك
تـلقى فـوق صـفحة جبينى الف مرحب بيك حبابك
يا عـشق فـينا اكـبر من مـشـيك ومـن إيابك
يا عشم فى سماى ازهر واصلوا مـزروع فى ترابك
يا وجع قـلبى المودر ذاتـى كلما فكرى سابك
ويـن ادس حزنى البتاوق فـينى فـى همسة ربابك

ورينى وين القى الكلام

واوصف محاسنك وروعتك

ماانت اصلك زول جميل

الكون فرح بطلتك.....

انسى الالم قرب تعال

خلينى اسكن دنيتك....
اسعد كتير فى دنييتى....

وتزهو الزهور فى حضرتك

[بت كردفان]

ما بقول دايرك حبيبه
تمحى من خاطرى الكأبه
او اقول دايرك قريبه
فى سنين زايد عذابا
انتى اكبر من تكونى
جنة مفتوح لى بابا
يكفى انك فى ضميرى
وفى ضمير كل الغلابه

[align=center]حنينة اصيلة ذي اهلي


جميلة رقية ذي انسام


بعيدة وعالية ذي نجمة


معشعشة فينا ذي احلام


شايلك جوة في الخاطر


وآه من ثقرك البسام


بريدك يافرح عمري


ربيع دنياي والايام[/align][/size]

[لبيب]

بين الشوق واللهفة هويتك
بحلم بيك دوام ياروحي
انت دوام في قلبي ودادك
وبالحب والأمل استنيتك

[مها]

احبك...حتى نساقط زهر الربيع على وجنتيك
وزغب الفراش وسيل العسل
احبك...حتى انتهاء الكلام الجميل
وحتى نهاية شعر الغزل
احبك....حتى تصيرالقصيده فحما
ويصبح جسمى بقايا طلل

[اركمانيه]

بحبك حب هد كياني
وصار في الدنياكل مكاني
شال الحزن الساكن مده
بيه ربيعي ونعيم زماني.

[ام صبا]

كنت امانى ملانه محنه
وكنت بحبك ديمه احنه
ودنيا بقربك نعيم في جنه
وحبنا ليك مافيه مظنه
وكنت الحب البحلم بيك

[اركمانيه]

كنت امانى ملانه محنه
وكنت بحبك ديمه احنه
ودنيا بقربك نعيم في جنه
وحبنا ليك مافيه مظنه
وكنت الحب البحلم بيك

وكنت الحب البحلم بيك
اجيك ولهان وارحل ليك
اشوف الدنيا من عينيك
عشقت دوام رحيق خديك
وكل دنياي ملك يديك.....

[نهر المحبه]

فى خاطرى لحظاتنا الندية
وإنتى ساعة المغربية
قعدتك جنبى وعيونك .. سارحة فى الدنيا البهية
وخوفنا من سفراً بودى
للمسافات القصية
وسكة الزول البسافر
وقلبو عشرة .. على البنية

*******

كنت جد .. ناوى الرحيل
إلاّ شايل ذكرى منِّك
خفت فى الغربة البعيدة
المسافات يبعدنك
العيون الشايلة سيرتك
بكرة يبكن .. ويفقدنك
والأماسى الحالمة .. ترحل
والمشاوير يتعبنك

********

شفتى كيف
لما الشمس لمت نوافير الشعاع
والضفاف بعدت كتير
والريح ملت .. جوف الشراع
كيف هناك بدت الضفاف
تتلاشى فى زمن الضياع
وإنتى ساعة المغربية ..
وخايفة من كلمة وداع

[مها]

ويرحل رمشك النديان
تدوى الرنه فينى كمان
وتبكى عيونك الماضى
تحن وتبلل الاحزان
واغنيلك
تشيل غيمة عيونى حنان

[بت كردفان]

[align=center]آه يا ليل.....

بناديهو...

بناديهو...

وأساهر الليل بعد فيهو...

النجوم ...

أحسب متين تصبح ألاقيهو...

أبل الشوق ...

أصافيهو ...

وآه يا ليل...

في آخر الليل...

دوام الذكرى تتجدد...

دوام حزن القوافي يزيد..

ودمع العين علي يشهد...

دوام صبر السنين المر..

يزيد آلامي تتولد....

دوام ألم الفراق ينزف...

جروح الحسرة تتجدد...

آه ياليل....

آه ياليل....

في آخر الليل ..

وكت كل الانام نايمة...

كأني سمعت همسة حب..

كأن عيوني شافت طيف ..

خيال انسان بحبو بجد...

يمد ايده بالفرحة ...

وشوقنا بحر و ماليو حد......

فرحت وقمت من نومي ...

لقيت أحلامي وهم كبييير ...

خيال أطياف تزورني كتيييييير...

بنتحسر على الايام...

ونستحمل..

لأنو أكيد...

ح يصبح يوم علينا جديد...

مليان بالأمل ...

والفرحة والتغريد...

بعد ساعاتي واستنى ...

متين تصبح ألاقيهو...

بناديهو...

بناديهو...[/align][/size]

[بت كردفان]

[align=center]بحب عينيك....

منابع فرحة

من جواك بتتدفق...

بحب عينيك...

مساكن ريدة

للأحساس بتتألق...

بحب عينيك...

مواطن شوق

ووعد أصدق..

بحب عينيك..

مراسي سعادة

دنيا جديدة تتنمق..

بحب عينيك...

صفات طيبة

أماني كتيرة تتحقق..

بحب عينيك...[/align][/size]

[بت كردفان]

[align=center]بشتاق ليك.....

وما بنساك...

وكيف ينسى القلب يطراك؟؟؟

بشتاق ليك....

وما بنساك...

لأنك جوة في الأعماق...

بشتاق ليك ...

وما بنساك....

وكيف أقدر أعيش بي وراك؟؟؟

بشتاق ليك ...

وما بنساك....

أموت انا قبل ما أنساك....

بشتاق ليك ...

وما بنساك...

وحبي كتير يفوق لهواك...

بشتاق ليك...

وما بنساك....

مناي أكون فرح دنياك....

وبشتاق ليك...

وما بنساك...

أعيد من تاني ولا كفاك؟؟؟؟[/align][/size]

[بت كردفان]

[align=center]من عرفتك...

خفق القلب ...

طبل المواعيد...

انتظار...

لقيا العيون...

ولاني بت....

عليتا جدران القلق...

أمعنت ...

نظرات الهروب...

من سكتك...

ومن الشجون...

ماالكبرياء....

طبع البنات....

وأجمل صفات...

ربي الخلق...

خجل العواطف...

والأحاسيس...

مفترق...

أدمنت خوف...

اني الأجيك...

وأقول كلام ...

خاطر صدق...

مستنية ...

منك طرف خيط ...

أمسكو...

منتظرة...بس

لحظة خطاك نحوي ...

وأجيك...

بي كل ألق...

متمنية

أنسى الحزن..

أعزف ...

على وتر القلب...

لحن القصائد ....

والطرب...

فرحو وسعادتو...

وضحكتو...

مالحب شرق...

شمسو بتنور...

كل سماي...

والبسمة ...

ألوان الشفق...

ماتنسى أنو...

الحب صعب..

والبت عليها ...

اللوم....

لو انفعلت...

وقالت...

وهي البدت...[/align][/size]

[مها]

بجيكم فى زمن تانى
زمن لا وجعه لا حسره
زمن ما بعرف الاحزان
ولا معصور على جمره
زمن لاحانى للماضى
لا مصلوب على ذكره
لا خايف من الاقدار
ولا شايل هموم بكره

[حبوبة]

القلب قد أضناه عشق الجمال
والصدر قد ضاق بما لا يقال
يا رب هل يرضيك هذا الظمأ
والماء ينساب أمــــــامي زلال

المولى ما بيرضيه ميل الحال
وربك جميل يحب الجمال
علة السؤال ..
هل للقلب حق في هذا الجمال
أم هو عشق محال وجموح خيال
إن كان ذاك .. يا ناجي ..
فالنجوى حلال !!

[لبيب]

[align=center]مابين عيونك وروعتك
إحتارت الأوصاف تقول
مابين غرامك و الجمال
حيرتي فيك كل العقول[/align][/size]

[اركمانيه]

بوصف كتيراُ في الوصف
وأتحدى بيك حد الخيال
وأهمس ترانيمك نغم
أوصل كمان حد السجال
لو مره بتجود بكرم
وأقول خلاص كمل إكتمال.