همس القوافى

[لبيب]

أنا كوني انساك ياملاك في الدنيا والكون دا المحال
شيدت بيك عشم الفرح في عالم الحب والجمال

[مها]

لا الجرح بيناتنا نازف
لا الحلم بيناتنا زايف
وانت دائما فى عيونى
نسمه فى عز المصايف

[ام صبا]

يا قلبى ما تبكى الفات وخلاك لليل والدموع
اوع من تانى تحن ليه ولا يوم تفكر في الرجوع
خلاك وحدك في العذاب وهواه كامن في الضلوع
وهو عارف انت اسير غرامه وبيه ضويت الشموع

[الضراع]

ما امتحنتو وشفت صبرو ماخلاص جرّب كفاكا
أوعى شيشك بى بشيشك ماكا عارفو جريح تراكا
لا تعذّبو .. ماهو مذنب أرحمو وخفف عساكا
ولو قسيت أو كان نسيت هوّ لا زال فى رجاكا

[مها]

جريت خيوط الليل
لما الشمس فقعت
وقت العرق صب
وباقى النجوم رجعت
كوركت للافلاك
فاتنى ما سمعت
دنقرت للواطه
الكان ذمان طمعت
تلقانى زول مهزوم
فينى الهموم وقعت
دنقرت شان احكى
قصة غرام مكتول
فى زول قواموا الريد
ساسق دروب الشوق
سواها عنده قصيد
واتجرع الحرمان
من زول بريدو شديد
رفعت عيونا على
ردت وصوتا بعيد
دنقرت شان اسمع
قالت لى ما سامعاك
يلاك قولى جديد
نزلت دموعى بكيت
ومشيت من الواطه
ماشى وهمومى كتار
لكنى داير اشكى
لى زول بحس البى
واقعد حداو واحكى
قلت البحر احسن
فى موجو بلقى الحل
وانا ماشى فى دربى
شايف النخيل منشر
حاضن البحر يبكى
كان خاصم الصحراء
وكان برضو كايس حل
صبرت روحى قليل
قلت الوضع يهدا
ولا البحر يكبر
شان القى حته براى
واشكيلو ما يزعل
فك النخل منو
عاين على مده
قال لى مرحب بيك
يازول اقيف اهدا
قال لى لا تحزن
ردد كلامو صدى
والاصلو لامى العيش
بلقاهو فى الشده
قال لى قرب جاى
واحكى الهموم البيك
ياولدى لا تقسى
لى زول يكون حابيك
بانى الامل جواك
تاكل حياتو عليك
قلت ليه يابا انا
دايما معاك غلطان
بمشى وبكوس غيرك
لامن اكون زعلان
ضحك البحر مده
قال لى تانى كمان
قلت ليه يابا بحب
زول من بنى الانسان
كان عمرو ما برحم
شبعنى فى الحرمان
اوفيتلو يابا الريد
بادلنى نفس الريد
لكنو قبل خان
قتل الفرح جواى
فتح على احزان
سكنتو فى قلبى
واصبحت بيه ولهان
نزل الدموع وبكى
عاين لى كان شفقان
وقف البحر حيلو
سالمنى بالاحضان
كل الهموم نزلت
واصبحت مات غرقان
والاصلوا بارا الريد
احسن يموت غرقان
احسن يموت غرقان

[الضراع]

أخاف ما بقــــــدر أعاتب .. أقول تزعــل من عتابى
أموت أحسن من هى تزعل .. أو تزرف دمعة كابى
عشانا أنا كم ضُقْتَّ مُـــــــرَّة .. عشانا مهمِّل عقابى
عرفت الله فى عـــــذابك .. إنتَّ خاف الله فى شبابى

[الضراع]

طاريك وإنتَّ ماك طارينى .. يا الشوفتك بقت لى محال
حبيب أيه اللى شاغلك عنِّى .. وإيـه الغيَّـر الأحـوال
أنساك ؟ قول لى كيف أنساك وذكراك ديمة شاغلى البال
ومهما طال غيابك عنِّى .. حُبَّك فـى القليـب مـا زال
بقيت بعدك وحيد فى الدنيا .. تايه فوق دريبـك ضـال
أسأل فى النجم وين إنـتَّ.. وأرسِّـل للقمـر مرسـال
وديمة مع القمر تلقانى .. أساهر ليلى حـد مـا طـال
أحنِّس فيهو .. أقولو أمشيلو .. جيب لىَّ الوصية تعـال

[مها]

انا غيرك انت محال اريد
لو حتى ادمنت السهاد
كان عشت متشرد ذمن
كل الشعور الفينى مات
لو برضو قاسمت الجثث
فى اللهفه والخوف والسكات
انا غيرك انت محال اريد
يازول مقاسم روحى ذات
والله غيرك ما بريد
يا زول سكن جوه الفؤاد

[بعد الزمن]

قلب نازف
من جرح
الأمانى
فى دنيا
بلا أمانى

[لبيب]

ومحال افرط فيك يوم
من بعد لقياك ياملاك
كيفن أفارقك وانت بس
من دونك انت الكون هلاك
ياروعة الحسن الرزين
صدقني مابحمل جقاك
مهما بعد بينا الزمن
عايش على املي قي لقاك

[الضراع]

مهما جارت بـي ظروفى أو على ضاقت رحابك
وعـشتا فـى هامش حياتك لا حـسابك لا عتابك
يانى فـارش دربك اخضر فى إنتظار هيبة جنابك
تـلقى فـوق صـفحة جبينى الف مرحب بيك حبابك
يا عـشق فـينا اكـبر من مـشـيك ومـن إيابك
يا عشم فى سماى ازهر واصلوا مـزروع فى ترابك
يا وجع قـلبى المودر ذاتـى كلما فكرى سابك
ويـن ادس حزنى البتاوق فـينى فـى همسة ربابك

[مها]

ياما وياما كتبتك خاطره
خاطره فى خاطر الريد العزرى
اتعذبت معاى فى الريده
مين البقبل غيرك عذرى

[لبيب]

ياما وياما كتبتك خاطره
خاطره فى خاطر الريد العزرى
اتعذبت معاى فى الريده
مين البقبل غيرك عذرى

[align=center]
ياما وياما عشتك فكرة
فكرة جميلة وأجمل ذكرى
بستمتع بى ريدك وحبك
ونصبح لى كل عاشق جنة
وأجمل خاطر وأحلى العبرة[/align][/size]

[ناجي عثمان عبد الرازق]

القلب قد أضناه عشق الجمال
والصدر قد ضاق بما لا يقال
يا رب هل يرضيك هذا الظمأ
والماء ينساب أمــــــامي زلال

[ام صبا]

[align=center]
ياما وياما عشتك فكرة
فكرة جميلة وأجمل ذكرى
بستمتع بى ريدك وحبك
ونصبح لى كل عاشق جنة
وأجمل خاطر وأحلى العبرة[/align][/size]

بتعرف عشتك فكره
وشلت غرامك ذكرى
وكنت الامل الضائع
ليوم بكره
وكنت الحب البحلم بيه

[اركمانيه]

بتعرف عشتك فكره
وشلت غرامك ذكرى
وكنت الامل الضائع
ليوم بكره
وكنت الحب البحلم بيه

كنت الحب البحلم بيه
عشت سنين محتاج لعينيه
لمحه وحيده تعيد البيه
أرجع اغرف وابقى شهيده.

[بت كردفان]

[align=center]بكرة السنين يمكن تحن

ويتبدل الهم والعذاب

نفرح نعيش زي الطيور

نفرد جناح فوق السحاب

ونغني للفرح الجميل

في لمة تجتمع الصحاب

ويمسح صباح فرحتنا ليل

ولا عتمة تبقي ولا ضباب[/align][/size]

[بت كردفان]

[align=center]واحشني اكتر يالعيوني ملكتها

يالشلت من روحي العذاب

وملكت روحي سكنتها

انا في انتظارك يوم تعود

وتحكي ايام عشتها

وانا غير عيونك كم شقيت

وكل الدروب جربتها

وتعبت في الدرب الطويل

ياريتو لو كان انتهي

انا لسي ماشي وجاي ليك

كايس عيون بنحبها

يمكن الاقي خطاك يوم

في سكتي واضمها

يمكن عيونك يون تحن

وانا كم عينيك ادمنتها

يمكن يحن قلبك يعود

لعيون حنينة وحشتها

يمكن تجيك رعشة غرام

زي رعشة ياما بحسها

يمكن ويمكن لي تعود

ويعود معاك ريد وانتهي

وتهديني ياغالي الحروف

البي ايديك دونتها

واكتب واقول فيك احلي قول

ياسيد عيوني وحبها

ارجع تعال انا منتظر

وعيوني ياما وحشتها

ارجع تعال انا منتظر[/align][/size]

[مها]

معشوقتى يا شمس الشموس
يا ومضه فى الذمن الظلوم
ورينى اخرة شوقى ليك
ونهاية الريد الكتوم

[بت كردفان]

[align=center]ولما اسال مرة عنك

النجوم الفي سماي

مابتعرفي عيون حبيبي

الزمان الكان معاية !!؟؟

لما كنا بنحكي ليك

في الغرام اجمل حكاية

ونسهر الليل حتي اخرو

من بدايتو وللنهاية

يانجوم بس قولي ليه

اني بعشقو من صبايا

وانو حبو جوة قلبي

وبسقي من طاهر دماي

قولي ليه كم وحشني

واوع تحكي عن بكاي

اصلي عارف قلبو طيب

مابحب المي وشقاي[/align][/size]