همس القوافى

[مها]

ما بخاف انا يوم فراقك
من تموت جواى ريده
....خوفى تنهد الغناوى....
..وينكسر خاطر القصيده

[الضراع]

يالدافقة في الوجدان مطر
عبر المواسم للجفاف
يالسارة للروح والنظر
يالعشقتك يوم ليك شاف
يالمنك الوهج انحدر
فوق الاحاسيس الرهاف
سربتي في البال الخدر
خليتي ليك اسما مضاف
عودتي شنطو علي السفر
باتن من الترحال خفاف
دوزنتي ايقاع القطر
جواهو علمتي الطواف
كانن خلاهو علي البحر
والريق دقيق نشفان نشاف

[مها]

فى عيونك ريده واعده
وحن مسافر فى الاماسى
واشتياق من تب راحل
ولسه ما وصل المراسى
انت يا حبى وجنونى
وجنتى ومتعة حواسى
يا صميم عمق المشاعر
فى زمن فراق وقاسى

[الضراع]

حاولت أكتب فيك وأقول وأوصف ملامحك بالشعر
لكن حروفي تذوب عديل قدام عيونك تنصهر
يا عايشة في دمي وغناي يا ديدن الروح والفكر
خلدت إسمك بي حروف قطرات دماي كانت حِبر

[مها]

وانا غنيتك فى احلامى
وشلتك فى جواى من بدرى
وكل العمر الفات من غيرك
زى الفات من غير ما ادرى

[الضراع]

سافرت في عينيك سنين زادي المعاي أبيات غُنا
مكتوبة بي دمي الصِبح شلال من الهم والعنا
صورت إحساسي الدفين بي قافية ليكِ معنونة
بتقول بلا كلفة ورتوش يا إنتِ يا الموت والفنى

[اركمانيه]

عيون المها بين الرصافة والجسري
جلبن الهوى من حيث أدري ولا أدري
أعدن لي الشوق القديم ولم أكن سلوت
ولكن زدن جمراُ على جمر.

هناك يراع يبدع وهناك يراع يتميز
ولكن هناك من يمتلك يراع يحفرفي
حنايا القلب .
تحية اجلال وتقدير
اختى مها فقد أعجزتني عن البوح
حفظك الله ويراعك ينقش بي.

[مها]

احب صوت الجروح والناى
احب لمن يحاكى غناى
واشهد ليك شحوب عينيك
وكت يبقى الحنين وداى
دروب الرجعه تبدد
وليل التيه يفوت الحد
وتتورد ليالى المرهقين بالهم
وتتندم طيوف الذكريات
ترسم اغانى الوجعه
تتنسم عبير الدم

[افنان]

اقيف جواى ليك سؤال
بقولو الدنيا فراقه
مصيرا تقرر الحرمان
وكيف الحال بلا حسك
بلا صوتك
بلاك محال

[مها]

رغم الحزن الساكن فينا
واحباطات الذمن الجاير
عشنا نكافح فى احزانا
ونفرش درب الريده ازاهر
وطول ما الحلم دروبو بعيده
غيرنا منو البى حلمو يسافر
وطول مالعمر سنين معدوده
غيرنا منو البى عمرو يغامر

[لبيب]

رغم الحزن الساكن فينا
واحباطات الذمن الجاير
عشنا نكافح فى احزانا
ونفرش درب الريده ازاهر
وطول ما الحلم دروبو بعيده
غيرنا منو البى حلمو يسافر
وطول مالعمر سنين معدوده
غيرنا منو البى عمرو يغامر

[align=center]وانا كابدت عشان القاك
ويبقى غرامك لي سكينة
ونطرح كل همومنا ونفرح
وننسى الماضي وكل لحظاتو المرة حزينة
نغرد فوق اغصان الهوى و الريدة
ونبني لكل الناس العاشقة
نأسس ليهم أحلى مدينة[/align][/size]

[مها]

انا مقطوعه فى سكة حبك
بين الجنه وبين النار
لا سابقت الريح ووصلت
لا خليت للرجعه خيار

[لبيب]

انا مقطوعه فى سكة حبك
بين الجنه وبين النار
لا سابقت الريح ووصلت
لا خليت للرجعه خيار

[align=center]وانا بس داير اسكن قلبك
وقلبك انت يكون لي دار
لا داير أطلع للعالم
ولا في سكني يكون لي جار[/align][/size]

[مهاجر في البلد]

روعــــــــــــــــــــــة

[لبيب]

روعــــــــــــــــــــــة

[align=center]تسلم يا مهاجر [/align]

[مها]

[align=center]وانا بس داير اسكن قلبك
وقلبك انت يكون لي دار
لا داير أطلع للعالم
ولا في سكني يكون لي جار[/align][/size]

عشت سنين العمر مسافره
وجعه ..وريده..وخوف...وتمنى
كنت بحاول اقرب منك
ودائما كنت بتبعد عنى
العصفور من شوقو يشقشق
وانا من شوقك ببكى واغنى
اتعودت عليك وحياتك
من البقدر ياخدك منى

[مها]

روعــــــــــــــــــــــة

الروعه هى طلتك ووجودك داخل
نبض همساتنا...

[مها]

كانت عيناه تداعبنى
تسأل دنيا الفرحه عنى
والطيف الابيض يتهادى
بعضا منه وبعضا منى
كنا والشوق باعيننا
نحمل كل العمر تمنى
وليالى الصيف تنادينا
تتداعى عشقا.....
.....وتغنى

[لبيب]

عشت سنين العمر مسافره
وجعه ..وريده..وخوف...وتمنى
كنت بحاول اقرب منك
ودائما كنت بتبعد عنى
العصفور من شوقو يشقشق
وانا من شوقك ببكى واغنى
اتعودت عليك وحياتك
من البقدر ياخدك منى

[align=center]معقول كيف انا أبعد منك ؟
وانت الساكنة مكان في دمي
وكيف انساك وانا اصلا كنت
بعيش كل ساعة أمل وتمني
عشان القاك يابهجة عمري
وتنزاح كل آلامي و همي
اصلك انت ملاكي وروحي
ومين البقدر يداريك عني ؟[/align][/b][/size]

[لبيب]

كانت عيناه تداعبنى
تسأل دنيا الفرحه عنى
والطيف الابيض يتهادى
بعضا منه وبعضا منى
كنا والشوق باعيننا
نحمل كل العمر تمنى
وليالى الصيف تنادينا
تتداعى عشقا.....
.....وتغنى

[align=center]كانت بالحب تهدهدني
بفرح وغرام نغني
والكون الواسع يتهاوى
من فيض بالحب غمرني
كنا والحب يجالسنا
نتأمل آت في تمني
وصباح العشق ينادينا
ويغرد لحنا ويغني[/align][/size]